ଜହନ୍‌ 20:24 - New Testament in Pengo Parja Language

²⁴ ଥୋମା ଇନେରିଙ୍ଗ୍ କି ଦିଦୁମ ଇଞ୍ଜିମାଚାର୍ ଯୀଶୁ ୱାତିହିଙ୍ଗ୍ ଚେଲାହିର୍ ହୁଦାଙ୍ଗ୍ ହିଲ୍‌ୱାତାନ୍। ହେୱାନ୍ ବାରଜାଣ୍ ଚେଲାହିର୍ ବିତ୍ରେତାଙ୍ଗ୍ ରକାନ୍ ମାଚାନ୍।

ସତ୍‌ ବଚନ୍‌ ପୁନି ନିୟମ୍‌

²⁴ ମାତର୍‌ ଜିସୁ ଏଚେକାଡ଼୍‌ଦ ୱାଜ଼ି ମାଚାନ୍‌, ହେପାଦ୍‌ନା ବାରଜାଣ୍‌ ବିତ୍ରେ ତମା ତର୍‌ଦାକାନ୍‌ ରକାନ୍‌, ଇମ୍‌ଣାକାନିଂ “ଦିଦୁମ୍‌” ଇନାର୍‌ ହେୱାନ୍‌ ହେୱାର୍‌ ଲାହାଙ୍ଗ୍‌ ହିଲ୍‌ୱାତାନ୍‌ ।

ଜହନ୍‌ 20:24 ပူးပေါင်းရင်းမြစ်များ

ମାତିଉ 10:3

ପିଲିପ ଆରେ ବାର୍ଥଲମି, ଥୋମା ଆରେ ସିସ୍ତୁଏନ୍‌ନି ମାଥିଉ, ଆଲ୍‌ପି ମେହି ଯାକୁବ ଆରେ ଥଦ୍ଦୀୟ,

ମାତିଉ 18:20

ଇନେସ୍‌କି ନାଙ୍ଗେଙ୍ଗ୍ ପାର୍ତି କିନାପା ଇଞ୍ଜି ର ବାହାତାକେ ରିକାର୍ କି ତିନ୍‌ଜାଣ୍ ରୁଣ୍ଡା ଆନାର୍, ହେ ବାହାତାକେ ହେୱାର୍ କାଜିଙ୍ଗ୍ ଆନେଙ୍ଗ୍ ମାନ୍‌ଗାନାଙ୍ଗ୍।”

ଜହନ୍‌ 11:16

ତାପାଚେ ଥୋମା ଇନେରିଙ୍ଗ୍ କି ଦିଦୁମ ଇଞ୍ଜିମାଚାର୍, ହେୱାନ୍ ଜେକନି ଚେଲାହିଙ୍ଗ୍ ୱେଚ୍‌ଚାନ୍, “ଜାଡ ଆସେଙ୍ଗ୍ ପା ଯୀଶୁ ହୁଦାଙ୍ଗ୍ ଯିହୁଦା ଜିଲ୍ଲାତାକେ ହାଃଦେଙ୍ଗ୍ ହାନାସ୍।”

ଜହନ୍‌ 14:5

ଥୋମା ୱେଚ୍‌ଚାନ୍, “ମାପୃ, ଏନେଙ୍ଗ୍ ଇମେନିପଣ୍ ହାନାୟା, ଆପେଙ୍ଗ୍ ପୁନୁପ୍। ଲାଗିଙ୍ଗ୍ ହେବେ ହାନି ହାଜି ଆପେଙ୍ଗ୍ ଇନେସ୍‌କିଜି ପୁନାପ୍?”

ଜହନ୍‌ 21:2

କେତ୍‌ଜାଣ୍ ଚେଲାହିର୍ ରବେଆଜି ମାଚାର୍, ହେୱାର୍ ଆତାର୍ ଶିମୋନ ପିତର, ଥୋମା, କୁକ୍‌ନି ତର୍‌ ଦିଦୁମ। ଗାଲିଲୀ ଜିଲ୍ଲାନି କାନ୍ନା ସହର୍‌ନି ନିତନିୟେଲ, ଜେବଦି ମେହିର୍, ଆରେ ରିକାର୍ ଜେକନି ଚେଲାହିର୍।

ଜହନ୍‌ 6:70

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ବାରଜାଣ୍‌ତିଙ୍ଗ୍ ଇଚାକିଜି ବାଚି କିତ୍‌ତାଙ୍ଗ୍‌ନା। ମାତର୍ ମି ବିତ୍ରେତାଙ୍ଗ୍ ରକାନ୍ ଶୟତାନ୍ ମାନାନ୍।”

ଜହନ୍‌ 6:71

ଯୀଶୁ ଶିମୋନ ମେହି ଇଷ୍କାରିତିୟ ଯିହୁଦାଙ୍ଗ୍ ହୁଡ଼୍‌ଜି ଇ କାତା ୱେଚ୍‌ଚି ମାନ୍‌ଞ୍ଚାନ୍। ଇନେସ୍‌କି ବାରଜାଣ୍ ଚେଲାହିର୍ ବିତ୍ରେତାଙ୍ଗ୍ ରକାନ୍ ମାଚାନ୍। ହେୱାନ୍ ଯୀଶୁଙ୍ଗ୍ ଶତ୍ରୁ କେଇଦ ଆହିକିଦେଙ୍ଗ୍ ଉପାୟ୍ କିଜି ମାଚାନ୍।

ଏବ୍ରି 10:25

ଜେକନିକାର୍ ଲେକେ ଆସେଙ୍ଗ୍ ମାପୃଙ୍ଗ୍ ରବେ ହେବା କିନାକା ବନ୍ଦ୍ କିଉସ୍। ମାତର୍ ଆସେଙ୍ଗ୍ ଜାର୍-ଜାର୍‌ତିଙ୍ଗ୍ ସାହାସ୍ କିଜି ଜାଗ୍ରତ୍ ଆନାସ୍, ଇନେସ୍‌କି ମାପୃ ଆରେରଗ ୱାନିଦିନ୍ ଲାଗେ ୱାନାତା।