ଜହନ୍‌ 20:20 - New Testament in Pengo Parja Language

²⁰ ଯୀଶୁ ଇ କାତା ୱେଚ୍‌ଚି ପାଚେ ଚେଲାହିରିଙ୍ଗ୍ କେଇ ଆରେ କାଲ୍‌ନି ଚିନାଙ୍ଗ୍ ଚଚ୍‌ଚାନ୍। ଚେଲାହିର୍ ମାପୃଙ୍ଗ୍ ହୁଡ଼୍‌ଜି ବେସି ୱାରିୟା ଆତାର୍।

ସତ୍‌ ବଚନ୍‌ ପୁନି ନିୟମ୍‌

²⁰ ଆରେ, ଇଦାଂ ଇଞ୍ଜି ହେୱାନ୍‌ ହେୱେରିଂ ଜାର୍‌ କଚଣ୍‌ ଆରି ପାନା ଚଚ୍‌ଚାନ୍‌ । ହେବେତାଂ ଚେଲାର୍‌ ମାପ୍ରୁଙ୍ଗ୍‌ ହୁଡ଼୍‌ଜି ୱାର୍‌ୟା ଆତାର୍‌ ।

ଜହନ୍‌ 20:20 ပူးပေါင်းရင်းမြစ်များ

ମାତିଉ 28:8

ଲାଗିଙ୍ଗ୍ ହେ କଗ୍‌ଲେ ହିମ୍‌ଣାଙ୍ଗ୍ ଦୁଗେର୍ ପିସ୍ତି ହାଚିକ୍। ହେୱେକ୍ ପାଣ୍ଡ୍ରାଆଜି ମାଚିକ୍, ମାତର୍ ବେସି ୱାରି ପା ଆଜି ମାଚିକ୍। ଇନାକା ୱିଜୁ ହୁଡ଼୍‌ତିକ୍ ଆରେ ୱେନ୍‌ଞ୍ଜି ମାଚିକ୍, ହେ ୱିଜୁ ଯୀଶୁ ଚେଲାହିରିଙ୍ଗ୍ ୱେଚ୍‌ଚେଙ୍ଗ୍ ହନ୍‍ଚି-ହନ୍‍ଚି ହାଚିକ୍।

ଜହନ୍‌ 16:20

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, “ଏପେଙ୍ଗ୍ ଆଡ଼୍‌ବାନାଦେର୍, ଆରେ ଦୁକ୍‌ଆନାଦେର୍, ମାତର୍ ପୁର୍ତିନି ମାନାୟାର୍ ୱାରି ଆନାର୍। ଏପେଙ୍ଗ୍ ଦୁକ୍‌ଆନାଦେର୍, ମାତର୍ ମି ଦୁକ୍ ସୁକ୍‌ତାକେ ବାଦ୍‌ଲା ଆନାତ୍‌।

ଜହନ୍‌ 16:22

ହେଲେକେ ଏପେଙ୍ଗ୍ ନଙ୍ଗୟ୍ ଦୁକ୍ ପାୟା ଆତାଦେର୍‌ନା। ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ଆରେ ଗିଟା ଆଦ୍‌ନାଙ୍ଗ୍‌, ଆରେ ଏପେଙ୍ଗ୍ ୱାରିଆ ଆନାଦେର୍। ଆରେ ମି ୱାରି ଆନାକାଦିଙ୍ଗ୍ ଇନେର୍ କିସ୍ତି ଅଦେଙ୍ଗ୍ ଆଡୁର୍।

ଜହନ୍‌ 19:34

ମାତର୍ ରକାନ୍ ସେନା ବାଲା ହୁଦାଙ୍ଗ୍ ତା ନେଞ୍ଜାଡାକିତାକେ କୁନ୍ଦ୍‌ତାନ୍। ସାଙ୍ଗେ-ସାଙ୍ଗେ ତା ନେଞ୍ଜାଡାକିତାଙ୍ଗ୍ ନେତେର୍ ଆରେ ଏଜୁଙ୍ଗ୍ ହତ୍‌ତିକ୍।

ଜହନ୍‌ 20:25

ଜେକନି ଚେଲାହିର୍ ଥୋମାଙ୍ଗ୍ ୱେଚ୍‌ଚାର୍, “ଆପେଙ୍ଗ୍ ମାପୃଙ୍ଗ୍ ହୁଡ଼୍‌ତାପ୍।” ଥୋମା ୱେଚ୍‌ଚାନ୍, “ଆନେଙ୍ଗ୍ ତା କେଇଦ କୁଟିଙ୍ଗ୍ ହୁଦାଙ୍ଗ୍ ଇଡ଼୍‌ତି ଚିନା ହୁଡ଼୍‌ୱାଦାଙ୍ଗ୍ ପାର୍ତି କିଉଙ୍ଗ୍। ଆନେଙ୍ଗ୍ ନା ୱାଚ୍‌କା ହେ କୁଟିଙ୍ଗ୍ ଇଡ଼୍‌ତି କାଣାତାକେ ଇଟ୍‌ୱାଦାଙ୍ଗ୍, ଆରେ ତା ନେଞ୍ଜାଡାକିତାକେ ନା କେଇ ଇଟ୍‌ୱାଦାଙ୍ଗ୍ ଆନେଙ୍ଗ୍ ପାର୍ତି କିଦେଙ୍ଗ୍ ଆଡୁଙ୍ଗ୍।”

ଜହନ୍‌ 20:27

ତାପାଚେ ଯୀଶୁ ଥୋମାଙ୍ଗ୍ ୱେଚ୍‌ଚାନ୍, “ଇବେ ନି ୱାଚ୍‌କା ଇଟା। ନା କେଇଦିଙ୍ଗ୍ ହୁଡ଼ା। ନା ନେଞ୍ଜାଡାକିତାକେ ନି କେଇ ଇଟା। ପାର୍ତି କିୱାଦାଙ୍ଗ୍ ପାର୍ତି କିୟା।”

୧ ଯୋହନ 1:1

ଆଗେତାଙ୍ଗ୍ ଇନେର୍ ମାଚାନ୍, ତା ବିଷୟରେ ଆପେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାପା। ହେୱାନିଙ୍ଗ୍ ଆପେଙ୍ଗ୍ ହୁଡ଼୍‌ତାପ୍‌ନା, ଆରେ ତା କାତା ୱେଚାପ୍‌ନା। ଆପେଙ୍ଗ୍ ତାଙ୍ଗେଙ୍ଗ୍ ଜାର୍ କାଣ୍‌କୁତାଙ୍ଗ୍ ହୁଡ଼୍‌ତାପ୍‌ନା ଆରେ ଜାର୍ କେଇଦାଙ୍ଗ୍ ଆସ୍‌ପାତାପ୍‌ନା, ହେୱାନ୍ ଯୀଶୁ ଖ୍ରୀଷ୍ଟ ଆରେ ଜିବୁନ୍ ହିଦ୍‌ନି କାତା।