ଜହନ୍‌ 20:19 - New Testament in Pengo Parja Language

¹⁹ ହେ ଦିନ୍ ରଇବାର୍ ମାଚାତ୍। ମିକାହାରେସ୍ ଚେଲାହିର୍ ରବେ ଆତାର୍। ଯିହୁଦି ନେତାର୍ ପାଣ୍ଡ୍ରୁତିଙ୍ଗ୍ ଚେଲାହିର୍ ଇଲ୍‌ନି ୱିଜୁ କାପାଟିଙ୍ଗ୍ ଗେସ୍ତାର୍। ତାପାଚେ ଯୀଶୁ ୱାଜି ହେୱାର୍‌ତାକେ ନିଲ୍‌ତାନ୍ ଆରେ ହେୱାରିଙ୍ଗ୍ ୱେଚ୍‌ଚାନ୍, “ମିଙ୍ଗେଙ୍ଗ୍ ଶାନ୍ତି ଆୟେତ୍।”

ସତ୍‌ ବଚନ୍‌ ପୁନି ନିୟମ୍‌

¹⁹ ହେ ନାଜିଂ, ଇଚିସ୍‌ ସାତ୍‌ ଦିନ୍‌ନି ପର୍ତୁମ୍‌ ରଇବାର୍‌ ନାଜିଂ ମ୍ଡିକା ସମୁତ ଏଚେକାଡ଼୍‌ଦ ଚେଲାର୍‌ ଇମ୍‌ଣି ଇଞ୍ଜ ମାଚାର୍‌, ହେବେ ଦୁୱେର୍‌ଙ୍ଗ୍‌ ଜିହୁଦିର୍‌ ପାଣ୍ଡ୍ରୁତିଂ ବନ୍ଦ୍‌ ମାଚାତ୍‌, ହେ ପାଦ୍‌ନା ଜିସୁ ୱାଜ଼ି ମାଦି ନିଲ୍‌ଚି ହେୱେରିଂ ଇଚାର୍‌, “ମିଦାଙ୍ଗ୍‌ ସୁସ୍ତା ଆଏତ୍‌ ।”

ଜହନ୍‌ 20:19 ပူးပေါင်းရင်းမြစ်များ

ମାତିଉ 10:13

ଯଦି ହେ ପରିବାର୍‌ନି ମାନାୟାର୍ ମିଙ୍ଗେଙ୍ଗ୍ ହେବା କିଦ୍‌ନାର୍, ଲାଗିଙ୍ଗ୍ ମି ପରିବାର୍ ଆଶ୍ରିବାଦ୍ ଗାଟାଆନାତ୍‌। ଯଦି ହେ ପରିବାର୍ ମିଙ୍ଗେଙ୍ଗ୍ ହେବା କିଦ୍‌ୱିତିସ୍‌ ମି ଆଶ୍ରିବାଦ୍ ହେୱାର୍ ପାୟା ଆଉର୍।

ମାତିଉ 18:20

ଇନେସ୍‌କି ନାଙ୍ଗେଙ୍ଗ୍ ପାର୍ତି କିନାପା ଇଞ୍ଜି ର ବାହାତାକେ ରିକାର୍ କି ତିନ୍‌ଜାଣ୍ ରୁଣ୍ଡା ଆନାର୍, ହେ ବାହାତାକେ ହେୱାର୍ କାଜିଙ୍ଗ୍ ଆନେଙ୍ଗ୍ ମାନ୍‌ଗାନାଙ୍ଗ୍।”

ମାର୍କ 16:14

ତାପାଚେ ଏଗାର୍‌ଜାଣ୍ ବାଚିକିତି ଚେଲାହିର୍ ଚିଞ୍ଜେଙ୍ଗ୍ କୁଚ୍‌ଚିହିଙ୍ଗ୍ ଯୀଶୁ ହେୱାରିଙ୍ଗ୍ ଚଞ୍ଜିଆତାନ୍। ଆରେ ହେୱାନ୍ ହେୱାର୍ ପାର୍ତି କିୱାକା ଆରେ ମାନ୍ତି ଆଟ୍‌ୱା କାଜିଙ୍ଗ୍ ହେୱାରିଙ୍ଗ୍ କେତ୍‌ତାନ୍। ଇନେସ୍‌କି ଇମ୍‌ଣାକାର୍ ହେୱାନ୍ ହାଃଜି ଆରେରଗ ନିଙ୍ଗ୍‍ତାକା ହୁଡ଼୍‌ଜି ମାଚାର୍, ହେୱାର୍ ବେଣ୍‌ତିଙ୍ଗ୍ ହେୱାର୍ ପାର୍ତି କିୱାଦାଙ୍ଗ୍ ମାଚାର୍।

ଜହନ୍‌ 14:27

ଆନେଙ୍ଗ୍ ମିଙ୍ଗେଙ୍ଗ୍ ଶାନ୍ତି ହିଜି ହାନାଙ୍ଗା। ଇ ଶାନ୍ତି ନାଦି, ଇନାକା ମିଙ୍ଗେଙ୍ଗ୍ ହିଦ୍‌ନାଙ୍ଗା। ପୁର୍ତିନି ଇଲେକେ ଶାନ୍ତି ଆନେଙ୍ଗ୍ ମିଙ୍ଗେଙ୍ଗ୍ ହିଦୁଙ୍ଗା। ଲାଗିଙ୍ଗ୍ ଏପେଙ୍ଗ୍ ମି ମାନ୍ତ ଦୁକ୍ କିଜି ପାଣ୍ଡ୍ରା ଆମାଟ୍।

ଜହନ୍‌ 16:22

ହେଲେକେ ଏପେଙ୍ଗ୍ ନଙ୍ଗୟ୍ ଦୁକ୍ ପାୟା ଆତାଦେର୍‌ନା। ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ଆରେ ଗିଟା ଆଦ୍‌ନାଙ୍ଗ୍‌, ଆରେ ଏପେଙ୍ଗ୍ ୱାରିଆ ଆନାଦେର୍। ଆରେ ମି ୱାରି ଆନାକାଦିଙ୍ଗ୍ ଇନେର୍ କିସ୍ତି ଅଦେଙ୍ଗ୍ ଆଡୁର୍।

ଜହନ୍‌ 16:33

ନାବେ ଏପେଙ୍ଗ୍ ଇନେସ୍ ଶାନ୍ତି ପାୟାଆନାଦେର୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱିଜୁ କାତା ୱେଚ୍‌ଚାତାଙ୍ଗ୍‌ନା। ଇ ପୁର୍ତିତାକେ ଏପେଙ୍ଗ୍ କଷ୍ଟ ପାୟାଆନାଦେର୍। ଲାଗିଙ୍ଗ୍ ଶାସ୍ ଆଡୁ, ଆନେଙ୍ଗ୍ ପୁର୍ତିତିଙ୍ଗ୍ ଜିତା ଆତାଙ୍ଗ୍‌ନା।”

ଜହନ୍‌ 20:21

ଯୀଶୁ ଆରେରଗ ୱେଚ୍‌ଚାନ୍, “ଈଶ୍ୱର ମିଙ୍ଗେଙ୍ଗ୍ ଶାନ୍ତି ହିଦେନ୍। ନାଙ୍ଗେଙ୍ଗ୍ ସରଗ୍‌ନି ଆବା ଇନେସ୍ ଲେକେ ପକ୍‌ଚି ମାନ୍‌ଞ୍ଚାନ୍, ଆନେଙ୍ଗ୍ ହେଲେକେ ମିଙ୍ଗେଙ୍ଗ୍ ନଙ୍ଗୟ୍ ପକ୍ତାନାଙ୍ଗା।”

ଜହନ୍‌ 20:26

ଆଡ଼୍‌ଦିନ୍ ପାଚେ ତା ଚେଲାହିର୍ ଆରେରଗ ଇଲ୍ ବିତ୍ରେ ମାଚାର୍। ଥୋମା ହେୱାର୍ ହୁଦାଙ୍ଗ୍ ମାଚାନ୍। କାପାଟ୍‌ତାକେ କୁଚି ଆହିଆଜି ମାଚାତ୍। ମାତର୍ ଯୀଶୁ ୱାଜି ହେୱାର୍‌ତାକେ ନିଲ୍‌ତାନ୍। ହେୱାନ୍ ୱେଚ୍‌ଚାନ୍, “ଈଶ୍ୱର ମିଙ୍ଗେଙ୍ଗ୍ ଶାନ୍ତି ହିଦେନ୍।”

ଜହନ୍‌ 21:1

ଗାଲିଲୀ ଜିଲ୍ଲାନି ତିବିରିଆ ହାମ୍‌ଦୁର୍ କାଣ୍ଡିତାକେ ଯୀଶୁ ଚେଲାହିର୍ ମୁମ୍‌ଦ ଚଞ୍ଜିଆତାନ୍। ହେୱାନ୍ ହେଲେକେ ଚଞ୍ଜିଆତାନ୍।

ଜହନ୍‌ 21:14

ଯୀଶୁ ହାଃତିତାଙ୍ଗ୍ ଜିବୁନ୍‌ଆଜି ନିଙ୍ଗ୍‌ତି ପାଚେ ଚେଲାହିରିଙ୍ଗ୍ ଇ ତିନ୍‌ହଟ୍ ଚଞ୍ଜିଆତାନ୍।

ଜହନ୍‌ 7:13

ମାତର୍ ମାନାୟାର୍ ଯିହୁଦି ନେତାରିଙ୍ଗ୍ ପାଣ୍ଡ୍ରାଆଜି କୁଲାକୁଲି ତା ବିଷୟରେ ବେଣ୍ କିୱାଦାଙ୍ଗ୍ ମାଚାର୍।

ପକ୍ୟାତାକା 1:3

ଯୀଶୁ ନିଜେ ଦୁକ୍‌କଷ୍ଟ ପାୟାଆଜି କୃଶକାଟ୍‌ତାକେ ହାଃତି ପାଚେ, ହେୱାନ୍ ଆରେରଗ ଜିବୁନ୍ ପାୟାଆତାନ୍‌। ଆରେ ତା ବାଚିକିତି ଚେଲାହିରିଙ୍ଗ୍ ଜାର୍‌ତିଙ୍ଗ୍ ଜିବୁନ୍ ଆତାଙ୍ଗ୍‌ନା ଇଞ୍ଜି ଚଚିୟାଆତାନ୍। ହେୱାନ୍ ଚାଲିଶ୍ ଦିନ୍ ପାତେକ୍ ବାରମ୍-ବାରମ୍ ହେୱାରିଙ୍ଗ୍ ଚଚିୟାଆତାନ୍। ଆରେ ହେୱାନ୍ ଈଶ୍ୱର ସାସନ୍ ରାଜିନି ବିଷୟରେ ହେୱାରିଙ୍ଗ୍ ୱେଚ୍‌ଚି ମାଚାନ୍।

ରୋମିୟ 15:33

ଆରେ ନଙ୍ଗୟ୍ ଇମ୍‌ଣି ଈଶ୍ୱର ମାଙ୍ଗେଙ୍ଗ୍ ଶାନ୍ତି ହିଦ୍‌ନାନା, ହେୱାନ୍ ମି ୱିଜାର୍ ହୁଦାଙ୍ଗ୍ ମାନେନ୍। ଆମେନ୍।

୧ କରନ୍ତିୟ 15:5

ତାପାଚେ ଯୀଶୁ କେପା ଆରେ ତା ବାଚିକିତି ବାରଜାଣ୍ ଚେଲାହିରିଙ୍ଗ୍ ଚଞ୍ଜିଆତାନ୍।

ଏପିସିୟ 2:14

ଇନେସ୍‌କି ଖ୍ରୀଷ୍ଟ ନିଜେ ମା ବିତ୍ରେ ଶାନ୍ତି ତାତାନ୍‌ନା। ହେୱାନ୍ ଯିହୁଦି ଆରେ ବିନ୍‌ଜାତିନି ମାନାୟାର୍ ବିତ୍ରେ ମାନି ଶତ୍ରୁତିଙ୍ଗ୍ ବାଙ୍ଗାଇ କିତାନ୍‌ନା ଆରେ ରି ଜାତିତିଙ୍ଗ୍ ଏକ୍ କିତାନ୍‌ନା।

ଏପିସିୟ 6:23

ଆବା ଈଶ୍ୱର ଆରେ ମା ମାପୃ ଯୀଶୁ ଖ୍ରୀଷ୍ଟ ପାର୍ତିକିନି ଟଣ୍ଡାରିଙ୍ଗ୍ ଶାନ୍ତି ଆୟେତ୍‌, ଖ୍ରୀଷ୍ଟତାକେ ପାର୍ତିତାଙ୍ଗ୍ ଆରେ ଜାର୍-ଜାର୍ ଲାଡ୍‌ତାକେ ମାଞ୍ଜେଙ୍ଗ୍ ସାଇଜ କିୟାଟ୍।

ପିଲିପିୟ 1:2

ମା ଆବା ଈଶ୍ୱର ଆରେ ମାପୃ ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ ଆଶ୍ରିବାଦ୍ କିଦେନ୍ ଆରେ ଶାନ୍ତି ହିଦେନ୍।

୨ ଥେସଲନୀକିୟ 3:16

ଆନେଙ୍ଗ୍ ମି କାଜିଙ୍ଗ୍ ପାର୍ତାନା କିନାଙ୍ଗା, ମାଙ୍ଗେଙ୍ଗ୍ ଶାନ୍ତି ହିଦ୍‌ନି ମାପୃ ନିଜେ ମିଙ୍ଗେଙ୍ଗ୍ ୱିଜୁଦିନ୍ ଆରେ ୱିଜୁ ପର୍‌କାର୍ ଶାନ୍ତି ହିଦେନ୍। ଆରେ ମାପୃ ୱିଜୁଦିନ୍ ମି ଲାହାଙ୍ଗ୍ ମେନେନ୍।

୩ ଯୋହନ 1:14

ଆନେଙ୍ଗ୍ ଆହା କିନାଙ୍ଗା ଯେ, ଜଲ୍‌ଦି ମିଙ୍ଗେଙ୍ଗ୍ ହୁଡ଼୍‌ଗା ୱାନାଙ୍ଗ୍, ଆରେ ଆସେଙ୍ଗ୍ ୱିଜାକାସ୍ ମାହାଆଜି କାତାବାର୍ତା ଆନାସ୍।

ହତ୍‌ତି 1:4

ଆନେଙ୍ଗ୍ ଯୋହନ ଏସିଆ ଦେସ୍‌ତାକେ ମାନି ସାତ୍‌ଗଟା ମଣ୍ଡ୍‌ଲିନି ମାନାୟାର୍ କାଜିଙ୍ଗ୍ ଆନେଙ୍ଗ୍ ଇ ଚିଟି ଲେକିକିନାଙ୍ଗା। ଆନେଙ୍ଗ୍ ପାର୍ତାନା କିନାଙ୍ଗା ଯେ, ଈଶ୍ୱର ମିଙ୍ଗେଙ୍ଗ୍ ଦୟା ଆରେ ଶାନ୍ତି ହିଦେନ୍। ଇନେର୍ ଆଗେ ମାଚାନ୍, ଇନେର୍ ନଙ୍ଗୟ୍ ମାନାନ୍ ଆରେ ଇନେର୍ ପାଚେ ସାତ୍‌ଗଟା ଆତ୍ମାଙ୍ଗ୍ ହୁଦାଙ୍ଗ୍ ଈଶ୍ୱରନି ସିଙ୍ଗାସନ୍‌ତାକେ ୱାନାନ୍।