ଜହନ୍‌ 17:9 - New Testament in Pengo Parja Language

⁹ ଆନେଙ୍ଗ୍ ହେୱାର୍ କାଜିଙ୍ଗ୍ ନଙ୍ଗୟ୍ ପାର୍ତାନା କିନାଙ୍ଗା। ଆନେଙ୍ଗ୍ ପୁର୍ତିନି ମାନାୟାର୍ କାଜିଙ୍ଗ୍ ପାର୍ତାନା କିଉଙ୍ଗା। ଆନେଙ୍ଗ୍ ହେୱାରିଙ୍ଗ୍ ପାର୍ତାନା କିନାଙ୍ଗା, ଇମ୍‌ଣାକାରିଙ୍ଗ୍ ଏନେଙ୍ଗ୍ ହିଜିମାନ୍‌ଞ୍ଚାଇ। ଇନେସ୍‌କି ହେୱାର୍ ମିୱାର୍।

ସତ୍‌ ବଚନ୍‌ ପୁନି ନିୟମ୍‌

⁹ “ଆନ୍‌ ହେୱାର୍‌ କାଜିଂ ଗୱାରି କିନାଙ୍ଗା; ପୁର୍ତିତିଂ ଇଞ୍ଜି ପାର୍ତାନା କିଉଙ୍ଗା, ମାତର୍‌ ଏପେଙ୍ଗ୍‌ ନାଙ୍ଗେଙ୍ଗ୍‌ ଇମ୍‌ଣାକାରିଂ ହିତାଦେର୍‌ନା, ହେୱାର୍‌ କାଜିଂ ପାର୍ତାନା କିନାଙ୍ଗା, ଇନାକିଦେଂକି ହେୱାର୍‌ ମିୱାର୍‌;

ଜହନ୍‌ 17:9 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:32

ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ପାର୍ତି କିଜି ମାଞ୍ଜାଟ୍, ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମି କାଜିଙ୍ଗ୍ ପାର୍ତାନା କିନାଙ୍ଗା, ଏପେଙ୍ଗ୍ ୱିଜୁ ପାପ୍ କାମାୟ୍ ପିସ୍ତି ମାପୃତାକେ ୱାତି ପାଚେ ମି ଟଣ୍ଡାରିଙ୍ଗ୍ ନା ଜପି ପାର୍ତି କିଦେଙ୍ଗ୍ ୱେଚାଟ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 23:34

ହେପାଦ୍ନା ଯୀଶୁ ୱେଚ୍‌ଚାନ୍, “ଆବା, ଇୱାରିଙ୍ଗ୍ କେମା କିୟା, ଇନେସ୍‌କି ଇୱାର୍ ଇନାକା କିନାର୍ ହେଦାଙ୍ଗ୍ ପୁନୁରା। ଆରେ ହେୱାର୍ ଯୀଶୁ ଉସ୍‌ପିତି ହେନ୍ଦ୍ରାତିଙ୍ଗ୍ ହେୱାର୍ ବାଗ୍‌କିଦେଙ୍ଗ୍ ଅତାର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:34

ପାଞ୍ଜିଙ୍ଗ୍ ହାରାୟ୍ କିନି ମାନାୟ୍ ହନ୍‍ଚି ହାଲ୍‌ଜି ସହର୍ ଆରେ କଚଣ୍‌ନି ନାସ୍‌କୁକାଙ୍ଗ୍ ଇବେଣ୍ ୱେଚ୍‌ଚାର୍।

ଜହନ୍‌ 14:16

ଆନେଙ୍ଗ୍ ଆବା ଈଶ୍ୱରତିଙ୍ଗ୍ ପାର୍ତାନା କିଜି ଏନ୍‍ନାଙ୍ଗ୍, ଆରେ ହେୱାନ୍ ମିଙ୍ଗେଙ୍ଗ୍ ଆରେ ରକାନ୍ କାମାୟ୍‌ତିଙ୍ଗ୍ ସାଇଜ କିଦ୍‌ଦେଙ୍ଗ୍ ପକ୍ତାନାନ୍। ଆରେ ହେୱାନ୍ କାମାୟ୍ କିନାକାନିଙ୍ଗ୍ ମି ଲାଗାୟ୍ ୱିଜୁଦିନ୍ ମାନ୍‌ଗେଦେଙ୍ଗ୍ ୱେଚ୍‌ନାନ୍।

ଜହନ୍‌ 17:2

ଏନେଙ୍ଗ୍ ହେୱାନିଙ୍ଗ୍ ୱିଜୁ ମାନାୟ୍ ଜାତିତିଙ୍ଗ୍ ଆଦିକାର୍ ହିତାଇନା। ଇନେସ୍‌କି ଏନେଙ୍ଗ୍ ହେୱାନିଙ୍ଗ୍ ଇମ୍‌ଣାକାରିଙ୍ଗ୍ ହିତାଇନା, ହେୱାରିଙ୍ଗ୍ ହେ ହିମ୍‌ଣା ୱିଜ୍‌ୱି ଜିବୁନ୍ ହିନାନ୍।

ଜହନ୍‌ 17:20

ଆରେରଗ ଯୀଶୁ ୱେଚ୍‌ଚାନ୍, “ଇ ମାନାୟାର୍ କାଜିଙ୍ଗ୍ ନେ ଆନେଙ୍ଗ୍ ପାର୍ତାନା କିଉଙ୍ଗା, ମାତର୍ ଇନେର୍ ନାଙ୍ଗେଙ୍ଗ୍ ପାର୍ତିକିନି ୱିଜାକାର୍ କାଜିଙ୍ଗ୍ ପା ପାର୍ତାନା କିନାଙ୍ଗା।

ଜହନ୍‌ 17:6

ଏଲେଙ୍ଗ୍ ପୁର୍ତିନି କେତ୍‌ଜାଣ୍ ମାନାୟାର୍ ନିଙ୍ଗେଙ୍ଗ୍ ପୁନ୍‌ଞ୍ଚାର୍‌ନା, ହେୱାର୍ ନି ଲକ୍ ମାଚାର୍, ଆରେ ଏନେଙ୍ଗ୍ ହେୱାରିଙ୍ଗ୍ ନାଙ୍ଗେଙ୍ଗ୍ ହିତ୍‌ତାଇନା। ହେୱାର୍ ନି ହିକ୍ଷାତିଙ୍ଗ୍ ମାନିକିତାର୍‌ନା।

ଜହନ୍‌ 6:37

ନା ଆବା ଈଶ୍ୱର ନାଙ୍ଗେଙ୍ଗ୍ ଇମ୍‌ଣାକା ହିତ୍‌ତାନ୍‌ନା, ହେୱାର୍ ନା ଲାଗାୟ୍ ୱାନାର୍। ଆରେ ଆନେଙ୍ଗ୍ ହେୱାରିଙ୍ଗ୍ ଇନାୱେଡ଼ାଙ୍ଗ୍ ପା ହପୁଙ୍ଗ୍‌।

ଜହନ୍‌ 6:39

ଈଶ୍ୱର ଇମ୍‌ଣାକାରିଙ୍ଗ୍ ନାଙ୍ଗେଙ୍ଗ୍ ହିତ୍‌ତାନ୍‌ନା, ଆନେଙ୍ଗ୍ ହେୱାର୍ ବିତ୍ରେତାଙ୍ଗ୍ ରକାନିଙ୍ଗ୍ ପା ଆରାଇ କିଉଙ୍ଗ୍। ଆନେଙ୍ଗ୍ ହେୱାରିଙ୍ଗ୍ ସେସ୍‌ଦିନ୍‌ତ ଆରେରଗ ଜିବୁନ୍ କିନାଙ୍ଗ୍। ଇଦାଙ୍ଗ୍ ନେ ନାଙ୍ଗେଙ୍ଗ୍ ପକ୍ତିତି ଆବା ଈଶ୍ୱରତି ଇଚା।

ଏବ୍ରି 7:25

ଲାଗିଙ୍ଗ୍ ଯୀଶୁତାଙ୍ଗ୍ ଇମ୍‌ଣାକାର୍ ଈଶ୍ୱର ଲାଗାୟ୍ ୱାନାର୍, ହେୱାନ୍ ହେୱାରିଙ୍ଗ୍ ୱିଜୁଦିନ୍ କାଜିଙ୍ଗ୍ ଉଦାର୍ କିଦେଙ୍ଗ୍ ଆଡ୍‌ନାନ୍। ଇନେସ୍‌କି ଈଶ୍ୱର ଲାଗାୟ୍ ହେୱାର୍ ନିପଣ୍ ଆଜି ଗୁୱାରି କିନି କାଜିଙ୍ଗ୍ ହେୱାନ୍ ୱିଜୁଦିନ୍ କାଜିଙ୍ଗ୍ ଜିବୁନ୍ ମାନାନ୍।

ଏବ୍ରି 9:24

ଇଦାଙ୍ଗ୍ କାଜିଙ୍ଗ୍ ମାନାୟାର୍ ରସ୍ତି ର ପୁଟ୍ କୁଡ଼ିଆନି ପବିତ୍ର ବାହାତାକେ ଖ୍ରୀଷ୍ଟ ହାଲ୍‌ୱାତାନ୍, ଇନେସ୍‌କି ଇଦାଙ୍ଗ୍ ସତ୍ ବିଷୟନି ରଞ୍ଜାଙ୍ଗ୍ ନକ୍‌ଲି କପି ମାଚାତ୍। ମାତର୍ ମା ନିପଣ୍ ଆଜି ଈଶ୍ୱର ମୁମ୍‌ଦ ନିଲ୍‌ନି କାଜିଙ୍ଗ୍ ଖ୍ରୀଷ୍ଟ ସରଗ୍‌ଜପି ହାଚାନ୍।

୧ ଯୋହନ 5:19

ଆପେଙ୍ଗ୍ ପୁଚାପ୍‌ନା ଯେ, ଆପେଙ୍ଗ୍ ଈଶ୍ୱର ମେହିକାପ୍, ମାତର୍ ଶୟତାନ୍ ଇ ପୁର୍ତିନି ମାନାୟାରିଙ୍ଗ୍ ତା ଅଦିନ୍‌ରେ ଇଡ଼୍‌ତାତ୍‌ନା।

ହତ୍‌ତି 12:9

ଲାଗିଙ୍ଗ୍ ହେ ରାଚ୍ ଆରେ ତା ଦୁତ୍‌କୁକାଙ୍ଗ୍ ପୁର୍ତିତାକେ ତୁସିହିତାର୍, ହେ ରାଚ୍‌ତିଙ୍ଗ୍ ଆଗେ ପୁର୍‌ବେନି ଶୟତାନ୍ ଇନେର୍ ପୁର୍ତିନି ୱିଜୁ ମାନାୟାରିଙ୍ଗ୍ ଟକାୟ୍ କିନାତା। ହେୱାନ୍ ନେ ଗାଜା ରାଚ୍ ଲେକେ ଚଞ୍ଜ୍‌ନାତା।

ହତ୍‌ତି 13:8

ଆରେ ପୁର୍ତିନି ୱିଜାର୍ ମାନାୟାର୍ ହେ ପଶୁତିଙ୍ଗ୍ ପୁଜା କିତାର୍, ମାତର୍ ମେଣ୍ଢା ଇନେର୍‌କି ଯୀଶୁ ଜିବୁନ୍ ପାୟାଆନି ମାନାୟାର୍ ତର୍‌ ଲେକାଆତି ବହିତାକେ ଇମ୍‌ଣାକାର୍ ତର୍‌ ଲେକାଆଜି ମାଚାତ୍ ହେୱାର୍ ନେ ହେ ପଶୁତିଙ୍ଗ୍ ପୁଜା କିୱାତାର୍‌ନା। ହେ ମେଣ୍ଢା ଇନେର୍‌କି ଯୀଶୁ ନେ ପୁର୍ତି ଉବ୍‌ଜା ଆନିତାଙ୍ଗ୍ ହେୱାର୍ କାଜିଙ୍ଗ୍ ହାଃଜି ମାଚାନ୍।