ଜହନ୍‌ 17:26 - New Testament in Pengo Parja Language

²⁶ ଏନେଙ୍ଗ୍ ଇନେସ୍ ହେଦାଙ୍ଗ୍ ଆନେଙ୍ଗ୍ ହେୱାର୍‌ତାକେ ୱେଚ୍‌ଚାଙ୍ଗ୍‌ନା, ଆରେରଗ ହେୱାର୍‌ତାକେ ଚଚ୍‌ନାଙ୍ଗ୍। ତାପାଚେ ନା କାଜିଙ୍ଗ୍ ନିଦାଙ୍ଗ୍‌ ଇନେସ୍ ଲାଡ୍ ମାନାତ୍, ହେଲେକେ ଲାଡ୍ ହେୱାର୍‌ତାକେ ମାନ୍‌ଗାନାତ୍ ଆରେ ଆନେଙ୍ଗ୍ ହେୱାର୍‌ତାକେ ବାହା କିନାଙ୍ଗ୍।”

ସତ୍‌ ବଚନ୍‌ ପୁନି ନିୟମ୍‌

²⁶ ଆରେ ଏନ୍‌ ନାଙ୍ଗେଙ୍ଗ୍‌ ଇମ୍‌ଣି ଜିଉତ୍‌ ଜିଉନତାୟ୍‍ନା, ହେଦାଂ ଇନେସ୍‌ ହେୱାର୍‌ ତାକେ ମାନାତ୍‌ ଆରି ଆନ୍‌ ହେୱାର୍‌ ତାକେ ମାନ୍‌ଗାନାଙ୍ଗ୍‌, ଇ କାଜିଂ ଆନ୍‌ ହେୱାରିଂ ନି ତର୍‌ ୱେଚ୍‌ଚାତାଂନା ଆରି ୱେଚ୍‌ନାଙ୍ଗ୍‌ ।”

ଜହନ୍‌ 17:26 ပူးပေါင်းရင်းမြစ်များ

ଜହନ୍‌ 14:20

ଏପେଙ୍ଗ୍ ହେ ଦିନ୍ ପୁନାଦେର୍ ଯେ, ଆନେଙ୍ଗ୍ ଆବା ଈଶ୍ୱରତାକେ ମାନାଙ୍ଗା। ଆରେ ଏପେଙ୍ଗ୍ ନାବେ ଆରେ ଆନେଙ୍ଗ୍ ମିବେ ମାନାଙ୍ଗ୍।

ଜହନ୍‌ 14:23

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଇନେର୍ ଯଦି ନାଙ୍ଗେଙ୍ଗ୍ ଲାଡ୍ କିଦ୍‌ନାନ୍, ଲାଗିଙ୍ଗ୍ ହେୱାନ୍ ନା ଆଦେସ୍‌ତିଙ୍ଗ୍ ମାନି କିନାନ୍। ଆରେ ନା ଆବା ଈଶ୍ୱର ହେୱାନିଙ୍ଗ୍ ଲାଡ୍ କିନାନ୍। ନା ଆବା ଈଶ୍ୱର ଆରେ ଆନେଙ୍ଗ୍ ହେ ମାନାୟ୍‌ତାକେ ୱାନାପ୍ ଆରେ ତା ହୁଦାଙ୍ଗ୍ ମାନ୍‌ଗାନାପ୍।

ଜହନ୍‌ 15:15

ଆନେଙ୍ଗ୍ ମିଙ୍ଗେଙ୍ଗ୍ ହଲିଆର୍ ଇଞ୍ଜି ୱେଚ୍‌ଚୁଙ୍ଗା। ରକାନ୍ ହଲିଆ, ତା ମାଲିକ୍ ଇନାକା କିନାନ୍, ହେୱାନ୍ ପୁନୁନ୍। ମାତର୍ ନଙ୍ଗୟ୍ ଆନେଙ୍ଗ୍ ମିଙ୍ଗେଙ୍ଗ୍ ସାଙ୍ଗ ଇଞ୍ଜି ୱେଚ୍‌ଚାନାଙ୍ଗା, ଇନେସ୍‌କି ଆନେଙ୍ଗ୍ ନା ଆବା ଈଶ୍ୱରତାଙ୍ଗ୍ ଇନାକା ୱିଜୁ ୱେଚାଙ୍ଗ୍‌ନା, ହେଦାଙ୍ଗ୍ ମିଙ୍ଗେଙ୍ଗ୍ ଶୁଣାୟ୍ କିଦ୍‌ନାଙ୍ଗା।

ଜହନ୍‌ 15:4

ନାବେ ମାନାଟ୍, ଲାଗିଙ୍ଗ୍ ଆନେଙ୍ଗ୍ ମିବେ ମାନ୍‌ଗାନାଙ୍ଗ୍। ର କେନ୍ଦା ମାର୍‌ତାକେ ମେହାଆୱାଦାଙ୍ଗ୍ ମାଚିସ୍। ହେଲେକେ ଏପେଙ୍ଗ୍ ପା ନାବେ ମାନ୍‌ୱିତିସ୍ ପାଡ଼୍‌ ଆସ୍ତେଙ୍ଗ୍ ଆଡୁଦେର୍।

ଜହନ୍‌ 15:9

ନା ଆବା ଈଶ୍ୱର ଇନେସ୍ ଲେକେ ନାଙ୍ଗେଙ୍ଗ୍ ଲାଡ୍‌କିଜି ମାନ୍‌ଞ୍ଚାନ୍, ଆନେଙ୍ଗ୍ ମିଙ୍ଗେଙ୍ଗ୍ ହେଲେକେ ଲାଡ୍ କିତ୍‌ତାଙ୍ଗ୍‌ନା। ନଙ୍ଗୟ୍ ନା ଲାଡ୍ କିଦ୍‌ନିତାକେ ତିର୍‌ଆଜି ମାନାଟ୍।

ଜହନ୍‌ 17:23

ଆନେଙ୍ଗ୍ ହେୱାର୍‌ତାକେ ମାନ୍‌ଗାନାଙ୍ଗ୍, ଆରେ ଏନେଙ୍ଗ୍ ନାବେ ମାନ୍‌ଗାନାଇ। ଲାଗିଙ୍ଗ୍ ହେୱାର୍ ପୁରା ଏକ୍ ଆଦେଙ୍ଗ୍ ଆଡ୍‌ନାର୍। ହେଦାଙ୍ଗ୍ ଆତିସ୍ ଇ ପୁର୍ତିନି ମାନାୟାର୍ ପୁଞ୍ଜେଙ୍ଗ୍ ଆଡ୍‌ନାର୍, ଏନେଙ୍ଗ୍ ନାଙ୍ଗେଙ୍ଗ୍ ପକ୍ତାତାଇନା। ଇ ପୁର୍ତିନି ମାନାୟାର୍ ପୁନାର୍, ଏନେଙ୍ଗ୍ ନାଙ୍ଗେଙ୍ଗ୍ ଇନେସ୍ ଲାଡ୍‌କିଜି ମାନ୍‌ଞ୍ଚାଇ, ହେଲେକେ ଇ ମାନାୟାରିଙ୍ଗ୍ ପା ଲାଡ୍ କିୟା।

ଜହନ୍‌ 17:6

ଏଲେଙ୍ଗ୍ ପୁର୍ତିନି କେତ୍‌ଜାଣ୍ ମାନାୟାର୍ ନିଙ୍ଗେଙ୍ଗ୍ ପୁନ୍‌ଞ୍ଚାର୍‌ନା, ହେୱାର୍ ନି ଲକ୍ ମାଚାର୍, ଆରେ ଏନେଙ୍ଗ୍ ହେୱାରିଙ୍ଗ୍ ନାଙ୍ଗେଙ୍ଗ୍ ହିତ୍‌ତାଇନା। ହେୱାର୍ ନି ହିକ୍ଷାତିଙ୍ଗ୍ ମାନିକିତାର୍‌ନା।

ଜହନ୍‌ 17:8

ଇନେସ୍‌କି ନାଙ୍ଗେଙ୍ଗ୍ ଏନେଙ୍ଗ୍ ଇମ୍‌ଣି ହିକ୍ଷାହିଜି ମାନ୍‌ଞ୍ଚାଇ, ଆନେଙ୍ଗ୍ ହେ ହିକ୍ଷାତିଙ୍ଗ୍ ମାନାୟାରିଙ୍ଗ୍ ହିତାଙ୍ଗ୍‌ନା। ହେୱାର୍ ହେଦାଙ୍ଗ୍‌ତିଙ୍ଗ୍ ଆସ୍ତାର୍‌ନା। ହେୱାର୍ ପୁଞ୍ଜେଙ୍ଗ୍ ଆଡ଼୍‌ତାର୍ ଯେ, ଆନେଙ୍ଗ୍ ହାତ୍‌ପା ମିବେତାଙ୍ଗ୍ ୱାତାଙ୍ଗ୍‌ନା, ଆରେ ଏନେଙ୍ଗ୍ ନାଙ୍ଗେଙ୍ଗ୍ ପକ୍ତାତାଇନା ଇଞ୍ଜି ହେୱାର୍ ପାର୍ତି କିଦ୍‌ନାରା।

ଜହନ୍‌ 6:56

ଇମ୍‌ଣାକାନ୍ ଯଦି ନା ଗାଗାଡ଼୍‌ନି ଜେଇ ତିନାନ୍ ଆରେ ନା ନେତେର୍ ଉଣାନ୍, ଲାଗିଙ୍ଗ୍ ହେୱାନ୍ ନା ବିତ୍ରେ ମାନ୍‌ଗାନାନ୍ ଆରେ ଆନେଙ୍ଗ୍ ତା ବିତ୍ରେ ମାନ୍‌ଗାନାଙ୍ଗ୍।

ଜହନ୍‌ 8:50

ଆନେଙ୍ଗ୍ ନିଜେ ସନ୍‌ମାନ୍ ପାୟା ଆଦେଙ୍ଗ୍ ଉପାୟ୍ କିଉଙ୍ଗା। ମାତର୍ ରକାନ୍ ମାନାୟ୍ ମାନାନ୍ ହେୱାନ୍ ସନ୍‌ମାନ୍ ଆରେ ବିଚାର୍‌ କିଦେଙ୍ଗ୍ ଇଚାକିନାନ୍।”

ରୋମିୟ 8:10

ଯଦି ମା ବିତ୍ରେ ଖ୍ରୀଷ୍ଟ ମାନାନା, ଲାଗିଙ୍ଗ୍ ଆସେଙ୍ଗ୍ ପାପ୍ କିତି କାଜିଙ୍ଗ୍ ମା ଗାଗାଡ଼୍ ହାଃତିସ୍ ପା ମା ଆତ୍ମା ଜିବୁନ୍ ମାନ୍‌ଗାନାତ୍, ଇନେସ୍‌କି ଆସେଙ୍ଗ୍ ଈଶ୍ୱର ଆଗେ ଦରମ୍ ମାନାୟ୍ ଆତାସ୍‌ନା।

୧ କରନ୍ତିୟ 1:30

ମାତର୍ ଈଶ୍ୱର ମିଙ୍ଗେଙ୍ଗ୍ ଖ୍ରୀଷ୍ଟ ଯୀଶୁ ହୁଦାଙ୍ଗ୍ ଏକ୍ କିତ୍‌ତାନ୍‌ନା, ଆରେ ଖ୍ରୀଷ୍ଟ କାଜିଙ୍ଗ୍ ହେୱାନ୍ ମିଙ୍ଗେଙ୍ଗ୍ ବୁଦି ହିଦ୍‌ନାନ୍। ଈଶ୍ୱର ମା ୱିଜୁ ପାପ୍‌ତାଙ୍ଗ୍ ମୁକ୍ତି କିତ୍‌ତାନ୍ ଆରେ ହେୱାନ୍ ମାଙ୍ଗେଙ୍ଗ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ପବିତ୍ର ଆରେ ତା ମୁମ୍‌ଦ ଦରମ୍ ମାନାୟ୍ କିଦ୍‌ନାନ୍।

୧ କରନ୍ତିୟ 12:12

ମାନାୟ୍‌ତିଙ୍ଗ୍ ର ଗାଗାଡ଼୍ ଆରେ ବେସି ଜିନିଷ୍ ମାନାତ୍, ମାତର୍ ଗାଗାଡ଼୍‌ନି ୱିଜୁ ଜିନିଷ୍ କାଜିଙ୍ଗ୍ ନେ ର ଗାଗାଡ଼୍ ଆନାତ୍‌। ଲାଗିଙ୍ଗ୍ ଇଦାଙ୍ଗ୍ ନେ ହେଲେକେ ଖ୍ରୀଷ୍ଟ ଆରେ ତାଙ୍ଗେଙ୍ଗ୍ ପାର୍ତିକିନି ମାନାୟାର୍ ହୁଦାଙ୍ଗ୍ ହାମାନ୍ ଆନାତ୍‌।

ଗାଲାତିୟ 2:20

ନା ପାନି ଚାଲିଚଲନ୍ ଖ୍ରୀଷ୍ଟ ହୁଦାଙ୍ଗ୍ କୃଶକାଟ୍‌ତାକେ ହାଃତାତ୍‌ନା। ଲାଗିଙ୍ଗ୍ ଆନେଙ୍ଗ୍ ଆରେ ଜିବୁନ୍ ଆକାୟ୍, ମାତର୍ ଖ୍ରୀଷ୍ଟ ନାବେ ଜିବୁନ୍ ମାନାନ୍। ଯୀଶୁ ଈଶ୍ୱର ମେହି, ହେୱାନ୍ ନାଙ୍ଗେଙ୍ଗ୍ ଲାଡ୍ କିତ୍‌ତାନ୍ ଆରେ ନା କାଜିଙ୍ଗ୍ ଜାର୍ ଜିବୁନ୍‌ତିଙ୍ଗ୍ ହିତାନ୍, ଲାଗିଙ୍ଗ୍ ଆନେଙ୍ଗ୍ ଇ ଗାଗାଡ଼୍‌ତ ହେୱାନ୍‌ତାକେ ପାର୍ତି କିଜି ଜିନାଙ୍ଗ୍।

ଏପିସିୟ 1:6

ଲାଗିଙ୍ଗ୍ ତା ଇ ବେସି ଦୟା କାଜିଙ୍ଗ୍ ଆସେଙ୍ଗ୍ ହେୱାନିଙ୍ଗ୍ ଜୟ୍-ଜୟ୍ କିନାସ୍। ତା ଲାଡ୍‌ନି ମାଜି କିଜିମାଚି କାମାୟ୍ କାଜିଙ୍ଗ୍ ହେୱାନ୍ ଇ ବେସି ଦୟା ହିତ୍‌ତାନ୍‌ନା।

ଏପିସିୟ 3:17

ଆରେ ଏପେଙ୍ଗ୍ ହେୱାନ୍‌ତାକେ ପାର୍ତିକିନି କାଜିଙ୍ଗ୍ ଖ୍ରୀଷ୍ଟ ମି ଗରବ୍ ବିତ୍ରେ ବାହା କିଦେନ୍।

ଏପିସିୟ 5:30

ଇନେସ୍‌କି ଆସେଙ୍ଗ୍ ତା ଗାଗାଡ଼୍‌ନି ଜିନିଷ୍।

ଏପିସିୟ 5:32

ଇଦାଙ୍ଗ୍‌ ନେ ବେସି କଷ୍ଟନି ଅର୍ତ ମାନାତ୍, ମାତର୍ ଆନେଙ୍ଗ୍ ଖ୍ରୀଷ୍ଟ ଆରେ ମଣ୍ଡ୍‌ଲି ବିଷୟରେ ହାମାନ୍ କିଜି ୱେଚ୍‌ଚାନାଙ୍ଗା।

କଲସିୟ 1:27

ଖ୍ରୀଷ୍ଟତି ଗୌରବନି ଦନ୍ ବିନ୍‌ଜାତିନି ମାନାୟାରିଙ୍ଗ୍ ପା ମାନାତ୍ ଇଞ୍ଜି ଈଶ୍ୱର ତା ମାନାୟାରିଙ୍ଗ୍ ପୁନିକିଦେଙ୍ଗ୍ ଇଚା କିତାନ୍। ଖ୍ରୀଷ୍ଟ ମି ବିତ୍ରେ ବାହା କିନାନ୍ ହେଦାଙ୍ଗ୍ ଆନାତା ଡ଼ୁଗ୍‌ତି ବିଷୟ। ତା ଗୌରବ ପାୟାଆନି କାଜିଙ୍ଗ୍ ଇଦାଙ୍ଗ୍ ମାଙ୍ଗେଙ୍ଗ୍ ଆହା ହିଦ୍‌ନାତ୍।

କଲସିୟ 2:10

ହେୱାନ୍ ୱିଜୁ ଶାକ୍ତି ଆରେ ଆଦିକାରିର୍ ମାନାୟ୍‌ତାଙ୍ଗ୍ ବେସି ଗାଜାକାନ୍। ଲାଗିଙ୍ଗ୍ ଏପେଙ୍ଗ୍ ଖ୍ରୀଷ୍ଟ ହୁଦାଙ୍ଗ୍ ରବେ ଆତି କାଜିଙ୍ଗ୍ ମିଙ୍ଗେଙ୍ଗ୍ ଇନାକା ଅବାବ୍ ଆକାୟ୍।

କଲସିୟ 3:11

ଇଦାଙ୍ଗ୍ କାଜିଙ୍ଗ୍ ବିନ୍‌ଜାତି କି ଯିହୁଦି ଜାତିର୍ ବିତ୍ରେ, ସୁନତ ବିଦି ମାନିକିନାକାର୍ କି ମାନିକିୱାକାର୍, ବାର୍ ଦେସ୍‌ତାକାର୍‌ କି ଆଦିବାସିନି ମାନାୟାର୍, ଦାସ୍ କି ଦାସ୍ ଆୱି ମାନାୟାର୍ ବିତ୍ରେ ଇନା ବେଦ୍‌ବାବ୍ ଆକାୟ୍। ମାତର୍ ଖ୍ରୀଷ୍ଟ ନେ ୱିଜୁତାଙ୍ଗ୍ ମୁକ୍ଯା ଆରେ ହେୱାନ୍ ତାଙ୍ଗେଙ୍ଗ୍ ପାର୍ତିକିନି ମାନାୟାର୍‌ତାକେ ବାହା କିନାନ୍।

୨ ଥେସଲନୀକିୟ 2:16

ଆସେଙ୍ଗ୍ ପାର୍ତାନା କିନାସା ଯେ, ମା ମାପୃ ଯୀଶୁ ଖ୍ରୀଷ୍ଟ, ଆରେ ମା ଆବା ଈଶ୍ୱର ମାଙ୍ଗେଙ୍ଗ୍ ଲାଡ୍ କିଦ୍‌ନାର୍, ଆରେ ହେୱାର୍ ମାଙ୍ଗେଙ୍ଗ୍ ଦୟାକିଜି ୱିଜ୍‌ୱିଦିନ୍‌ନି ସାସ୍, ଆରେ ହାର୍ ଆହା ହିଦେନ୍।

ଏବ୍ରି 2:12

ଲାଗିଙ୍ଗ୍ ଖ୍ରୀଷ୍ଟ ଈଶ୍ୱରତିଙ୍ଗ୍ ୱେଚ୍‌ନାନ୍, “ଆନେଙ୍ଗ୍ ନା ଟଣ୍ଡାର୍ ଲାଗାୟ୍‌ନି ତର୍‌ ୱେଚ୍‌ନାଙ୍ଗ୍, ହେୱାର୍ ସବାତାକେ ନିଙ୍ଗେଙ୍ଗ୍ ଜୟ୍-ଜୟ୍ କିଜି କେର୍‌ନାର୍।”

୧ ଯୋହନ 3:24

ଇମ୍‌ଣି ମାନାୟ୍ ଈଶ୍ୱର ଆଦେସ୍‌ତିଙ୍ଗ୍ ମାନି କିନାନ୍। ହେୱାନ୍ ଈଶ୍ୱର ହୁଦାଙ୍ଗ୍ ମାହାଆଜି ମାନାନ୍, ଆରେ ଈଶ୍ୱର ତା ହୁଦାଙ୍ଗ୍ ମାହାଆଜି ମାନାନ୍। ଇନେସ୍‌କି ପବିତ୍ର ଆତ୍ମା ମା ବିତ୍ରେ ମାନାତ୍।