ଜହନ୍‌ 17:17 - New Testament in Pengo Parja Language

¹⁷ ଲାଗିଙ୍ଗ୍ ଏନେଙ୍ଗ୍ ନି ସତ୍ କାଜିଙ୍ଗ୍ ହେୱାରିଙ୍ଗ୍ ପବିତ୍ର କିୟା। ନି ହିକ୍ଷା ଆନାତା ସତ୍।

ସତ୍‌ ବଚନ୍‌ ପୁନି ନିୟମ୍‌

¹⁷ ହାତ୍‌ପା କାଜିଂ ହେୱାରିଂ ପୁଇପୁୟା କିୟାଟ୍‌, ମିଦାଙ୍ଗ୍‌ ବଚନ୍‌ ନେ ସତ୍‌ ।

ଜହନ୍‌ 17:17 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:11

ଯୀଶୁ ବିୟାନ୍ ୱିତ୍‌ନି କାତାନି ଅର୍ତ ବୁଜାଇକିଜି ୱେଚ୍‌ଚାନ୍, “ବିୟାନ୍ ଆନାତା ଈଶ୍ୱର କାତା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:15

ଇନେର୍ ଈଶ୍ୱର କାତାତିଙ୍ଗ୍ ୱେନ୍‌ଞ୍ଜି ହାର୍‌ଦାଙ୍ଗ୍ ମାନ୍ତ ଆହ୍ନାର୍, ହେୱାର୍ ହାଦ୍‌ଦାରୁମ୍ ଆଜି ଜିବୁନ୍ କାଟିକିନାର୍, ଆରେ ହେୱାର୍ ଈଶ୍ୱର କାତାତିଙ୍ଗ୍ ମାନିକିଜି ମାନାର୍। ହେୱାର୍ ହାର୍ଦି ମେଦ୍‌ନିତ ଆର୍ତି ବିୟାନ୍ ଲେକେ।”

ଜହନ୍‌ 15:3

ଆନେଙ୍ଗ୍ ମିଙ୍ଗେଙ୍ଗ୍ ଇମ୍‌ଣି ହିକ୍ଷା ହିତ୍‌ତାଙ୍ଗ୍‌ନା, ହେ ହିକ୍ଷାତାଙ୍ଗ୍ ଏପେଙ୍ଗ୍ ସପା ଆତାଦେର୍‌ନା।

ଜହନ୍‌ 17:19

ଆରେ ହେୱାର୍ ପା ସତ୍‌ତାଙ୍ଗ୍ ପବିତ୍ର ଆନି ଦର୍‌କାର୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ନିଜେ ପବିତ୍ର ମାନାଙ୍ଗ୍।”

ଜହନ୍‌ 8:32

ଏପେଙ୍ଗ୍ ସତ୍‌ତିଙ୍ଗ୍ ପୁନାଦେର୍ ଆରେ ହେ ସତ୍ ମିଙ୍ଗେଙ୍ଗ୍ ରକ୍ଷା କିଦ୍‌ନାତ୍।”

ଜହନ୍‌ 8:40

ଆନେଙ୍ଗ୍ ମିଙ୍ଗେଙ୍ଗ୍ ଈଶ୍ୱରତାଙ୍ଗ୍ ୱେଚି ସତ୍ କାତା ୱେଚ୍‌ଚାନାଙ୍ଗା। ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ମାର୍ନେ ଅସ୍ତେଦେଙ୍ଗ୍ ଉପାୟ୍ କିନାଦେରା। ମାତର୍ ଅବ୍ରାହାମ୍‌ ହେଲେକେ କିୱାଦାଙ୍ଗ୍ ମାଚାନ୍।

ପକ୍ୟାତାକା 15:9

ହେୱାନ୍ ମାଙ୍ଗେଙ୍ଗ୍ କି ହେୱାରିଙ୍ଗ୍ ଜେକ-ଜେକ ଇଞ୍ଜି ବାବି କିୱାତାନ୍‌ନା। ହେୱାର୍ ପାର୍ତିକିତି କାଜିଙ୍ଗ୍ ହେୱାନ୍ ହେୱାରିଙ୍ଗ୍ ପାପ୍ କେମା କିତାନ୍‌ନା।

୨ କରନ୍ତିୟ 3:18

ଆପେଙ୍ଗ୍ ୱିଜାକାପ୍ ଦାର୍‌ପାଣ୍ ଲେକେ ମାପୃ ମୁମ୍‌ଦ ପାର୍‌ଦା ହିଲ୍‌ୱି ଗୌରବ ଲେକେ ଚଞ୍ଜ୍‌ନାଦେର୍। ଈଶ୍ୱର ମାଙ୍ଗେଙ୍ଗ୍ ତା ଲେକେ ଆନି କାଜିଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ଗୌରବ ବାଡାୟ୍‌ କିନାନା, ହେଦାଙ୍ଗ୍ ମାପୃ ପବିତ୍ର ଆତ୍ମା କିନାନା।

ଏପିସିୟ 4:21

ଲାଗିଙ୍ଗ୍ ଆନେଙ୍ଗ୍ ପାର୍ତି କିନାଙ୍ଗା ଯେ ଏପେଙ୍ଗ୍ ଯୀଶୁ ଖ୍ରୀଷ୍ଟ ବିଷୟରେ ହିକାଆନିହିଙ୍ଗ୍, ଏପେଙ୍ଗ୍ ହେୱାନ୍‌ତାଙ୍ଗ୍ ସତ୍ ହିକ୍ଷା ହିକା ଆତାଦେର୍‌ନା।

ଏପିସିୟ 5:26

ଇନେସ୍ ହେୱାନ୍ ମଣ୍ଡ୍‌ଲିତିଙ୍ଗ୍ ପବିତ୍ର କିଦେଙ୍ଗ୍ ଆଡ୍‌ନାନ୍। ହେୱାନ୍ ଈଶ୍ୱର କାତା ଆରେ ଏଜୁଙ୍ଗ୍‌ତାଙ୍ଗ୍ ଇଦାଙ୍ଗ୍ ସପା କିତାନ୍‌ନା।

୨ ଥେସଲନୀକିୟ 2:13

ଏ ପାର୍ତିକିନି ଟଣ୍ଡାର୍‌କାଦେର୍, ଆସେଙ୍ଗ୍ ୱିଜୁଦିନ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନି ଦର୍‌କାର୍, ଇନେସ୍‌କି ମାପୃ ମାଙ୍ଗେଙ୍ଗ୍ ଲାଡ୍ କିଦ୍‌ନାନା। ଈଶ୍ୱର ପୁର୍ତି ଉବ୍‌ଜାୟ୍ କିତି ଆଗେ ମାଙ୍ଗେଙ୍ଗ୍ ଉଦାର୍ କିଦ୍‌ଦେଙ୍ଗ୍ ବାଚି କିତ୍‌ତାନ୍‌ନା, ଈଶ୍ୱର ଆତ୍ମା ସାଇଜତାଙ୍ଗ୍ ଆସେଙ୍ଗ୍ ପବିତ୍ର ଆୟା ଆନାତ୍, ଇନେସ୍‌କି ଆସେଙ୍ଗ୍ ମାପୃ ଯୀଶୁ ସତ୍ ବିଷୟତିଙ୍ଗ୍ ପାର୍ତି କିନାସା।

ଜାକ୍‌ବ 1:21

ହେଦାଙ୍ଗ୍ କାଜିଙ୍ଗ୍ ୱିଜୁ ପର୍‌କାର୍ କରାପ୍ କାମାୟ୍ କିନାକା ପିହାଟ୍, ଆରେ ୱିଜୁଦିନ୍ କିନି ଦୁଷ୍ଟ କାମାୟ୍ ବନ୍ଦ୍ କିୟାଟ୍। ଆରେ ମିବେ ମାନି ଈଶ୍ୱର କାତାତିଙ୍ଗ୍ ସଦ୍‌ଦରମ୍ ଆଜି ଆହାଟ୍ ହେଦାଙ୍ଗ୍ ମି ଜିବୁନ୍‌ତିଙ୍ଗ୍ ଉଦାର୍ କିଦ୍‌ଦେଙ୍ଗ୍ ଶାକ୍ତି ହିଦ୍‌ନାତ୍‌।