ଜହନ୍‌ 17:13 - New Testament in Pengo Parja Language

¹³ ଆନେଙ୍ଗ୍ ନି ଲାଗାୟ୍ ନଙ୍ଗୟ୍ ୱାନାଙ୍ଗା। ମାତର୍ ଆନେଙ୍ଗ୍ ପୁର୍ତିତାକେ ମାନୁ-ମାନୁ ଇ ୱିଜୁ କାଜିଙ୍ଗ୍ ପାର୍ତାନା କିନାଙ୍ଗା। ଆନେଙ୍ଗ୍ ଇୱିଜୁ ୱେଚ୍‌ନାଙ୍ଗା, ଇନେସ୍‌କି ଇ ମାନାୟାର୍ ନାବେ ମାନି ୱାରି ପାୟାଆନାର୍‌। ଆନେଙ୍ଗ୍ ଇଚା କିନାଙ୍ଗା, ନା ୱାରି ହେୱାର୍ କାଜିଙ୍ଗ୍ ପୁରା ଆୟେତ୍।

ସତ୍‌ ବଚନ୍‌ ପୁନି ନିୟମ୍‌

¹³ ମାତର୍‌ ଅଙ୍ଗୟ୍‌ ଆନ୍‌ ମି ଲାଗେ ହାନାଙ୍ଗା, ଆରେ ହେୱାର୍‌ ୱାସ୍କିତ ନା ୱାରି ଇନେସ୍‌ ବାର୍ତି ଆନାତ୍‌, ହେଦାଂ କାଜିଂ ପୁର୍ତିତ ମାନୁ ମାନୁ ଆନ୍‌ ଇ ସବୁ ଇଞ୍ଜ୍‌ନାଙ୍ଗା ।

ଜହନ୍‌ 17:13 ပူးပေါင်းရင်းမြစ်များ

ଜହନ୍‌ 13:3

ଆବା ଈଶ୍ୱର ଯୀଶୁଙ୍ଗ୍ ୱିଜୁ ବଷୟରେ ଆଦିକାର୍ ହିଜିମାଚାନ୍। ହେୱାନ୍ ଈଶ୍ୱରତାଙ୍ଗ୍ ୱାତାନ୍‌ନା ଆରେ ଈଶ୍ୱରତାକେ ହାନାଙ୍ଗ୍ ଇଞ୍ଜି ଯୀଶୁ ଇଦାଙ୍ଗ୍ ପୁନ୍‌ଞ୍ଜି ମାଚାନ୍।

ଜହନ୍‌ 15:11

ଆନେଙ୍ଗ୍ ମିଙ୍ଗେଙ୍ଗ୍ ଇୱିଜୁ କାତା ୱେଚ୍‌ଚାତାଙ୍ଗ୍‌ନା, ଆନେଙ୍ଗ୍ ଇନେସ୍ ଇଲେକେ ୱାରିତାକେ ମାନାଙ୍ଗା, ଏପେଙ୍ଗ୍ ପା ନା ଲେକେ ୱାରି ପାୟାଆନାଦେର୍। ଆନେଙ୍ଗ୍ ଇଚା କିନାଙ୍ଗା ମି ୱାରି ପୁରା ଆୟେତ୍।

ଜହନ୍‌ 16:33

ନାବେ ଏପେଙ୍ଗ୍ ଇନେସ୍ ଶାନ୍ତି ପାୟାଆନାଦେର୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱିଜୁ କାତା ୱେଚ୍‌ଚାତାଙ୍ଗ୍‌ନା। ଇ ପୁର୍ତିତାକେ ଏପେଙ୍ଗ୍ କଷ୍ଟ ପାୟାଆନାଦେର୍। ଲାଗିଙ୍ଗ୍ ଶାସ୍ ଆଡୁ, ଆନେଙ୍ଗ୍ ପୁର୍ତିତିଙ୍ଗ୍ ଜିତା ଆତାଙ୍ଗ୍‌ନା।”

ଜହନ୍‌ 17:11

ଆନେଙ୍ଗ୍ ନଙ୍ଗୟ୍‌ନି ଲାଗାୟ୍ ୱାନାଙ୍ଗା। ଆନେଙ୍ଗ୍ ନଙ୍ଗୟ୍ ପୁର୍ତିତାକେ ଆରେ ମାନୁଙ୍ଗ୍। ମାତର୍ ଇ ମାନାୟାର୍ ପୁର୍ତିତାକେ ମାନାର୍। ହେ ପବିତ୍ର ଆବା ଈଶ୍ୱର, ଏନେଙ୍ଗ୍ ହେୱାରିଙ୍ଗ୍ ହାର୍‌ଦାଙ୍ଗ୍ ଇଟା। ଇନେସ୍‌କି ଏନେଙ୍ଗ୍ ଆରେ ଆନେଙ୍ଗ୍ ଏକ୍ ମାନାସ୍, ହେଲେକେ ହେୱାର୍ ରବେଆଜି ଏକ୍ ଆଦେଙ୍ଗ୍ ଆଡ୍‌ନାର୍।

ଜହନ୍‌ 3:29

ଇନେର୍ ଯଦି ଡକ୍ରିଙ୍ଗ୍ ଆହ୍‌ନାନ୍ ହେୱାନ୍ ବର। ମାତର୍ ବର ପାର୍ଟି ନିକାର୍ ନିଲ୍‌ଚି ତା କାତା ୱେନାର୍। ଆରେ ହେୱାର୍ ବର ବେଣ୍ ୱେନ୍‌ଞ୍ଜି ବେସି ୱାରିଆ ଆନାର୍। ହେଲେକେ ଆନେଙ୍ଗ୍ ପା ୱାରି ଆନାଙ୍ଗ୍।

ଜହନ୍‌ 7:33

ତାପାଚେ ଯୀଶୁ ୱେଚ୍‌ଚାନ୍, “ଆନେଙ୍ଗ୍ ମିହୁଦାଙ୍ଗ୍ ଅଲପ୍ ସମୟ୍ ମାନ୍‌ଗାନାଙ୍ଗ୍। ନାଙ୍ଗେଙ୍ଗ୍ ଇନେର୍ ପକ୍ତାତାର୍‌ନା ଆନେଙ୍ଗ୍ ହେୱାନ୍ ଲାଗାୟ୍ ହାନାଙ୍ଗ୍।

ପକ୍ୟାତାକା 13:52

ମାତର୍ ଆନ୍ତିୟକିଆ ସହର୍‌ତାକେ ମାନି ପାର୍ତିକିନି ଚେଲାହିର୍ ୱାରିତାଙ୍ଗ୍ ଆରେ ପବିତ୍ର ଆତ୍ମାତାଙ୍ଗ୍ ପୁରା ଆଦେଙ୍ଗ୍ ଲାଗାତାର୍।

ରୋମିୟ 14:17

ଇନେସ୍‌କି ଈଶ୍ୱର ସାସନ୍ କିନି ରାଜି ତିନି ଉଣି ବିଷୟରେ ଆକାୟ୍, ମାତର୍ ଦରମ୍ ଲକ୍ ଆନି ବିଷୟ, ଶାନ୍ତିରେ ମାନି ବିଷୟ ଆରେ ପବିତ୍ର ଆତ୍ମା ହୁଦାଙ୍ଗ୍ ୱାରିୟାଆନି ବିଷୟ ନେ ମୁକ୍ୟ।

ଗାଲାତିୟ 5:22

ମାତର୍ ପବିତ୍ର ଆତ୍ମା ମାଙ୍ଗେଙ୍ଗ୍ ସାଇଜ କିତ୍‌ତିସ୍, ଇଲେକେ ଗୁଣ୍: ଲାଡ୍ କିନାକା, ୱାରି କିନାକା, ଶାନ୍ତିତାଙ୍ଗ୍ ମାନାକା, ବେସି କଷ୍ଟତିଙ୍ଗ୍ ସମ୍ୱାଲି କିନାକା, ଦୟା କିନାକା।

ଏବ୍ରି 12:2

ଯୀଶୁତାକେ ମା ଟାର୍ଗେଟ୍‌ ଇଡ଼୍‌ଜି ଇଦାଙ୍ଗ୍ କିନି ଦର୍‌କାର୍, ଇନେସ୍‌କି ହେୱାନ୍ ମା ପାର୍ତିନି ପୁରାପୁରି ଟିକ୍ ନେତା। କୃଶକାଟ୍ ଜପି ଲାଜା ପାୟାଆଜି ହାଃଦେଙ୍ଗ୍ ଯୀଶୁ ଇଚା କିତାନ୍, ଇନେସ୍‌କି ହେୱାନ୍ ପୁନ୍‌ଞ୍ଜି ମାଚାନ୍ ଯେ ଇଦାଙ୍ଗ୍ ପାଚେ ୱାରି ମାନାତ୍। ଲାଗିଙ୍ଗ୍ ନଙ୍ଗୟ୍ ହେୱାନ୍ ଈଶ୍ୱର ତିନାକେଇନି ବେସି ଗୌରବ ପାୟାଆନି ବାହାତାକେ କୁଚ୍‌ଚାନ୍‌ନା।

୧ ଯୋହନ 1:4

ଆପେଙ୍ଗ୍ ଇ ବିଷୟରେ ଲେକିକିନାପା ଯେ, ଏପେଙ୍ଗ୍ ମା ହୁଦାଙ୍ଗ୍ ପୁରା ୱାରି କିୟାଟ୍।

୨ ଯୋହନ 1:12

ମି କାଜିଙ୍ଗ୍ କେତେକ୍ ବିଷୟ ଲେକିକିନାକା ମାନାତ୍, ମାତର୍ ଆନେଙ୍ଗ୍ କାଗଜ୍ ଆରେ ପେନ୍ ହୁଦାଙ୍ଗ୍ ଲେକିକିଦେଙ୍ଗ୍ ଆହା କିଉଙ୍ଗା। ଆନେଙ୍ଗ୍ ଇଚା କିନାଙ୍ଗା ଯେ, ମିତାକେ ୱାଜି ମୁଖାମୁଖି କାତାବାର୍ତା କିଦ୍‌ନାଙ୍ଗ୍। ଲାଗିଙ୍ଗ୍ ମା ୱାରି ପୁରାଆନାତ୍।