ଜହନ୍‌ 16:7 - New Testament in Pengo Parja Language

⁷ ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, “ଆନେଙ୍ଗ୍ ଇବେତାଙ୍ଗ୍ ହାନାକା ମି କାଜିଙ୍ଗ୍ ହାର୍। ଇନେସ୍‌କି ଆନେଙ୍ଗ୍ ହାଚି ପାଚେ ଆନେଙ୍ଗ୍ ହେ ସାଇଜ କିଦ୍‌ନାକାନିଙ୍ଗ୍ ପକ୍ତାନାଙ୍ଗ୍। ମାତର୍ ଆନେଙ୍ଗ୍ ଯଦି ହାଲୁଙ୍ଗ୍, ଲାଗିଙ୍ଗ୍ ସାଇଜ କିଦ୍‌ନାକାନ୍ ୱାଉନ୍।

ସତ୍‌ ବଚନ୍‌ ପୁନି ନିୟମ୍‌

⁷ ମାତର୍‌ ଆନ୍‌ ମିଙ୍ଗେଙ୍ଗ୍‌ ହାତ୍‌ପା ଇଞ୍ଜ୍‌ନାଙ୍ଗା, ନା ହାନାକା ମି କାଜିଂ ହାର୍‌, ଇନାକିଦେଂକି ଆନ୍‌ ହାଲ୍‍ୱିତିସ୍ ହେ ଉପ୍‌କାର୍‌ କିନାକାନ୍‌ ମି ତାକେ ୱାଉନ୍, ମତର୍‌ ଆନ୍‌ ହାଚିସ୍ ହେୱାନିଂ ମି ତାକେ ପକ୍ତାନାଂ ।

ଜହନ୍‌ 16:7 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:49

ୱେନାଟ୍! ନା ଆବା ମିଙ୍ଗେଙ୍ଗ୍ ଇମ୍‌ଣି କାତା ହିଜିମାନ୍‌ଞ୍ଚାନ୍ ହେ ପବିତ୍ର ଆତ୍ମାତିଙ୍ଗ୍ ଆନେଙ୍ଗ୍ ମି ଲାଗାୟ୍ ପକ୍ତାନାଙ୍ଗ୍। ମାତର୍ ସରଗ୍‌ତାଙ୍ଗ୍ ହେ ଶାକ୍ତି ଏପେଙ୍ଗ୍ ପାୟାଆୱି ପାତେକ୍ ଯିରୁଶାଲାମ ସହର୍‌ତାକେ ମାନାଦେର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 4:25

ଏପେଙ୍ଗ୍ ଇ ବିଷୟରେ ବାବିକିଜି ହୁଡ଼ାଟ୍, “ଭବିଷ୍ଯତବକ୍ତା ଏଲିୟ ୱେଡ଼ାଲିଙ୍ଗ୍ ତିନ୍ ବାର୍ହୁ ଚଅ ମାସ୍ ପାତେକ୍ ସରଗ୍‌ତାଙ୍ଗ୍ ବାର୍ହା ଆୱାଦାଙ୍ଗ୍ ବେସି ଗାଜା ମାର୍‌ଡି ଆତାତ୍। ହେପାଦ୍ନା ଇସ୍ରାଏଲ ଦେସ୍‌ତ ବେସିହେନି ରାଣ୍ଡିକ୍ ମାଚିକ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:27

ଯୀଶୁ ତା ଚେଲାରିଙ୍ଗ୍ ଆରେ ହେବେ ମାଚି ମାନାୟାରିଙ୍ଗ୍ ଇଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଈଶ୍ୱର ସାସନ୍ କିନି ରାଜି ଶାକ୍ତିତାଙ୍ଗ୍ ୱାୱି ପାତେକ୍ ଇବେ ମାନି କେତେକ୍ ମାନାୟ୍ ହାଃଉର୍।”

ଜହନ୍‌ 14:26

ମାତର୍ ମିଙ୍ଗେଙ୍ଗ୍ ସାଇଜ କିଦ୍‌ନାକାର୍, ପବିତ୍ର ଆତ୍ମାତିଙ୍ଗ୍ ଆବା ଈଶ୍ୱର ନା ତର୍‍ଦାଙ୍ଗ୍ ପକ୍ତାନାନ୍, ହେୱାନ୍ ମିଙ୍ଗେଙ୍ଗ୍ ୱିଜୁ ହିକ୍ଷା ହିଦ୍‌ନାନ୍। ଆରେ ଆନେଙ୍ଗ୍ ଇମ୍‌ଣି-ଇମ୍‌ଣି କାତା ୱେଚ୍‌ଚାତାଙ୍ଗ୍‌ନା, ହେୱାନ୍ ହେ ୱିଜୁ କାତା ମିଙ୍ଗେଙ୍ଗ୍ ମାନ୍ତ ଏତୁ କି କିଦ୍‌ନାନ୍।

ଜହନ୍‌ 14:28

ଏପେଙ୍ଗ୍ ନା କାତା ୱେଚାଦେର୍‌ନା, ‘ଆନେଙ୍ଗ୍ ହାନାଙ୍ଗା, ମାତର୍ ଆରେ ମି ଲାଗାୟ୍ ୱାନାଙ୍ଗ୍।’ ଏପେଙ୍ଗ୍ ଯଦି ନାଙ୍ଗେଙ୍ଗ୍ ହାତ୍‌ପା ଲାଡ୍‌କିଜି ମାନ୍‌ଗାନାଦେର୍, ଲାଗିଙ୍ଗ୍ ଏପେଙ୍ଗ୍ ୱାରି ଆନାଦେର୍, ଆନେଙ୍ଗ୍ ଆବା ଈଶ୍ୱରତାକେ ହାନାଙ୍ଗା ଇଞ୍ଜି। ଇନେସ୍‌କି ନା ଆବା ଈଶ୍ୱର ନାବେତାଙ୍ଗ୍ ଗାଜାକାନ୍‌।

ଜହନ୍‌ 14:3

ଆନେଙ୍ଗ୍ ହାଲ୍‌ଜି ମି କାଜିଙ୍ଗ୍ ବାହା ରସ୍ତି ପାଚେ ଆରେ ୱାନାଙ୍ଗ୍। ତାପାଚେ ମିଙ୍ଗେଙ୍ଗ୍ ନା ହୁଦାଙ୍ଗ୍ ଅସାହାଞ୍ଜ୍‌ନାଙ୍ଗ୍। ଆନେଙ୍ଗ୍ ଇମେତାକେ ମାନ୍‌ଗାନାଙ୍ଗ୍ ଏପେଙ୍ଗ୍ ପା ହେବେ ନା ହୁଦାଙ୍ଗ୍ ମାଞ୍ଜେଙ୍ଗ୍ ଆଡ୍‌ନାଦେର୍।

ଜହନ୍‌ 15:26

ଆନେଙ୍ଗ୍ ନା ଆବା ଈଶ୍ୱରତାକେଣ୍ଡାଙ୍ଗ୍ ମି ଲାଗାୟ୍ ହେ ସାଇଜ କିଦ୍‌ନାକାନିଙ୍ଗ୍ ପକ୍ତାନାଙ୍ଗ୍। ହେ ସାଇଜ କିଦ୍‌ନାକାନ୍ ଈଶ୍ୱରଆତ୍ମା ମାନ୍‌ଗାନାନ୍। ହେୱାନ୍ ଆବା ଈଶ୍ୱରତାଙ୍ଗ୍ ୱାନାନ୍। ହେପାଦ୍ନା ହେୱାନ୍ ନା ବିଷୟରେ ୱିଜୁ ସତ୍ କାତା ୱେଚ୍‌ଚାନାନ୍।

ଜହନ୍‌ 16:8

ଏଚେପାଦ୍ନା ହେୱାନ୍ ୱାନାନ୍, ହେୱାନ୍ ପାପ୍, ଦରମ୍ ଆରେ ବିଚାର୍‌କିନି ବିଷୟରେ ପୁର୍ତିନି ମାନାୟାରିଙ୍ଗ୍ ଚଚ୍‍ନାନ୍।

ଜହନ୍‌ 7:39

ଇମ୍‌ଣାକାର୍ ଯୀଶୁତାକେ ପାର୍ତି କିଜି ମାଚାର୍, ଆରେ ହେୱାର୍ ଈଶ୍ୱରଆତ୍ମା ପାୟାଆନାକା ମାଚାତ୍। ହେୱାରିଙ୍ଗ୍ ଚଚ୍‌ଚି ଯୀଶୁ ଇ କାତା ୱେଚ୍‌ଚାନ୍। ଇନେସ୍‌କି ଈଶ୍ୱର ଯୀଶୁଙ୍ଗ୍ ଅଜଡ଼୍ କିୱାଦାଙ୍ଗ୍ ମାଚିଲେ, ହେୱାର୍ ଈଶ୍ୱରଆତ୍ମା ପାୟାଆୱାଦାଙ୍ଗ୍ ମାଚାର୍।

ପକ୍ୟାତାକା 10:34

ପିତର ହେୱାନିଙ୍ଗ୍ ୱେଚ୍‌ଚାନ୍, “ନଙ୍ଗୟ୍ ଆନେଙ୍ଗ୍ ବୁଜାଆତାଙ୍ଗ୍ ଈଶ୍ୱର ୱିଜାକାରିଙ୍ଗ୍ ହାମାନ୍ ହୁଡ଼୍‌ଦାନାନ୍।

ପକ୍ୟାତାକା 2:33

ଈଶ୍ୱର ଯୀଶୁଙ୍ଗ୍ ଗାଜାୟ୍ କିଜି ତା ତିନାବାଗାୟ୍ କୁଚିକିଜି ତା ହୁଦାଙ୍ଗ୍ ସାସନ୍ କିଦେଙ୍ଗ୍ ଆଦିକାର୍ ହିତାନ୍। ଆରେ ହେୱାନ୍ ମାଙ୍ଗେଙ୍ଗ୍ ଆବା ପବିତ୍ର ଆତ୍ମା ହିତ୍‌ତାନ୍, ଇନେରିଙ୍ଗ୍ ଏପେଙ୍ଗ୍ ହୁଡ଼୍‌ନାଦେରା ଆରେ ୱେନାଦେରା।

ରୋମିୟ 8:28

ଆସେଙ୍ଗ୍ ପୁଚାସ୍‌ନା ଯେ, ଈଶ୍ୱର ୱିଜୁ ଜିନିଷ୍‌ତିଙ୍ଗ୍ ହାର୍ କିଜି ସେସ୍ କିୟିକିନାତ୍, ଏଚେଜାଣ୍ ହେୱାନିଙ୍ଗ୍ ଲାଡ୍ କିନାରା ଆରେ ହେୱାନ୍ ତା କାମାୟ୍ କାଜିଙ୍ଗ୍ ହେୱାରିଙ୍ଗ୍ ବାଚି କିତାନ୍‌ନା।

୨ କରନ୍ତିୟ 4:17

ଇନେସ୍‌କି ଆସେଙ୍ଗ୍ ନଙ୍ଗୟ୍ ପାୟାଆନି ଦୁଃକ୍ କଷ୍ଟ ୱିଜୁ ହିରୁ ଆରେ ବେସିଦିନ୍ ମାନ୍‌ଗୁତ୍। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ୱିଜ୍‌ୱି ଜିବୁନ୍ ପାୟାଆନାସ୍, ଇମ୍‌ଣାକା କି ୱିଜୁ ଜିନିଷ୍‌ତାଙ୍ଗ୍ ଗାଜା ଆରେ ୱିଜୁଦିନ୍ ମାନ୍‌ଗାନାତ୍।