ଜହନ୍‌ 16:33 - New Testament in Pengo Parja Language

³³ ନାବେ ଏପେଙ୍ଗ୍ ଇନେସ୍ ଶାନ୍ତି ପାୟାଆନାଦେର୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱିଜୁ କାତା ୱେଚ୍‌ଚାତାଙ୍ଗ୍‌ନା। ଇ ପୁର୍ତିତାକେ ଏପେଙ୍ଗ୍ କଷ୍ଟ ପାୟାଆନାଦେର୍। ଲାଗିଙ୍ଗ୍ ଶାସ୍ ଆଡୁ, ଆନେଙ୍ଗ୍ ପୁର୍ତିତିଙ୍ଗ୍ ଜିତା ଆତାଙ୍ଗ୍‌ନା।”

ସତ୍‌ ବଚନ୍‌ ପୁନି ନିୟମ୍‌

³³ ଏପେଙ୍ଗ୍‌ ଇନେସ୍‌ ନା ତାକେ ମାନ୍‌ଞ୍ଜି ସୁସ୍ତା ପାୟା ଆଡୁ, ଇଦାଂ କାଜିଂ ଆନ୍‌ ମିଙ୍ଗେଙ୍ଗ୍‌ ଇ ସବୁ ବିସ୍ରେ ଇନ୍‌ଞ୍ଚାଙ୍ଗ୍‌ନ୍ନା । ପୁର୍ତିତ ମି କାଜିଂ ଦୁକ୍‌ ମାନାତ୍‌, ମାତର୍‌ ସାସ୍‌ ଆହାଟ୍‌; ଆନ୍‌ ପୁର୍ତିତିଂ ଜିଣା ଆତାଙ୍ଗ୍‌ନା ।”

ଜହନ୍‌ 16:33 ပူးပေါင်းရင်းမြစ်များ

ମାତିଉ 9:2

ଆରେ ହୁଡ଼ାଟ୍, ହିର୍କଲ୍ ରଗ୍‌କାଟାକାନିଙ୍ଗ୍‌ ଟାଟିଲାହାଙ୍ଗ୍ ପିଣ୍‌ଜି ଯୀଶୁ ଲାଗାୟ୍ ତାହିୱାତାର୍, ଯୀଶୁ ହେୱାର୍ ପାର୍ତି ହୁଡ଼୍‌ଜି ହେ ହିର୍କଲ୍ ରଗ୍‌କାଟାକାନିଙ୍ଗ୍‌ ୱାଚ୍‍ଚାନ୍, କାଡ଼୍‍ଦେ, ଶାସ୍ ଆହା, ନି ପାପ୍ ୱିଜୁ କେମା ଆତାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 19:38

“ଇମ୍‌ଣି ରାଜା ମାପୃ ତର୍‍ଦାଙ୍ଗ୍ ୱାନାନା, ହେୱାନିଙ୍ଗ୍ ଈଶ୍ୱର ଆଶ୍ରିବାଦ୍ କିୟେନ୍, ସରଗ୍‌ତାକେ ଶାନ୍ତି ଆରେ ୱିଜୁ ଈଶ୍ୱରତାଙ୍ଗ୍ ଗାଜା ଈଶ୍ୱରତିଙ୍ଗ୍ ଜୟ୍-ଜୟ୍ ଆୟେତ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:14

“ସରଗ୍‌ତାକେ ମାନି ଈଶ୍ୱରତିଙ୍ଗ୍ ଜୟ୍-ଜୟ୍‌ ଆୟେତ୍, ଆରେ ଇ ପୁର୍ତିତାକେ ଇମ୍‌ଣି ମାନାୟାରିଙ୍ଗ୍ ଈଶ୍ୱର ଦୟା କିନାନ୍ ହେୱାରିଙ୍ଗ୍ ଶାନ୍ତି ଆୟେତ୍।”

ଜହନ୍‌ 12:31

ନଙ୍ଗୟ୍ ଇ ପୁର୍ତିତିଙ୍ଗ୍ ବିଚାର୍‌କିନି ଦିନ୍ ଏକିୱାତାତ୍, ଇ ପୁର୍ତିତିଙ୍ଗ୍ ସାସନ୍ କିନି ଶୟତାନ୍‌ତିଙ୍ଗ୍ ବାର୍ତ ତୁସିହିନି ଦିନ୍ ୱାତାତ୍।

ଜହନ୍‌ 14:1

ଆରେରଗ ଯୀଶୁ ୱେଚ୍‌ଚାନ୍, “ମି ଗରବ୍ ଚିନ୍ତା ଆମେତ୍। ଈଶ୍ୱରତାକେ ପାର୍ତି କିଜି ମାନାଟ୍। ନାବେ ପା ପାର୍ତିକିୟାଟ୍।

ଜହନ୍‌ 14:27

ଆନେଙ୍ଗ୍ ମିଙ୍ଗେଙ୍ଗ୍ ଶାନ୍ତି ହିଜି ହାନାଙ୍ଗା। ଇ ଶାନ୍ତି ନାଦି, ଇନାକା ମିଙ୍ଗେଙ୍ଗ୍ ହିଦ୍‌ନାଙ୍ଗା। ପୁର୍ତିନି ଇଲେକେ ଶାନ୍ତି ଆନେଙ୍ଗ୍ ମିଙ୍ଗେଙ୍ଗ୍ ହିଦୁଙ୍ଗା। ଲାଗିଙ୍ଗ୍ ଏପେଙ୍ଗ୍ ମି ମାନ୍ତ ଦୁକ୍ କିଜି ପାଣ୍ଡ୍ରା ଆମାଟ୍।

ଜହନ୍‌ 16:11

ନ୍ୟାୟ୍ ବିଚାର୍ ବିଷୟରେ ପୁର୍ତିତିଙ୍ଗ୍ ଚଚ୍‍ନାନ୍, ଇନେସ୍‌କି ପୁର୍ତିନି ସାସନ୍ କିନି ଶୟତାନ୍ ବିଚାର୍ ଆତାନେ।

ପକ୍ୟାତାକା 14:22

ଆରେ ହେୱାର୍ ୱିଜୁ ସହର୍‌ତାକେ ମାନି ପାର୍ତିକିନି ଚେଲାହିର୍ ମେହାଆଜି ହେୱାରିଙ୍ଗ୍ ଶାନ୍ତି କିଜି ମାଚାର୍। ଆରେ ହେୱାର୍ ହେୱାରିଙ୍ଗ୍ ପାର୍ତି କିଜି ମାଞ୍ଜେଙ୍ଗ୍ ସାହାସ୍‌ନି କାତା ୱେଚ୍‌ଚାର୍। ଆରେ ହେୱାର୍ ୱେଚ୍‌ଚାର୍, “ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ମାଙ୍ଗେଙ୍ଗ୍ ବେସି ଦୁକ୍‌କଷ୍ଟ ପାୟାଆନାକା ଆନାତ୍।”

ପକ୍ୟାତାକା 23:11

ହେ ଦିନ୍ ମିକାଲିଙ୍ଗ୍ ମାପୃ ପାଉଲ ଲାଗାୟ୍ ନିଲ୍‌ଚି ୱେଚ୍‌ଚାନ୍, “ପାଣ୍ଡ୍ରାଆମା! ଇନେସ୍‌କି ଏନେଙ୍ଗ୍ ଯିରୁଶାଲାମ ସହର୍‌ତାକେ ନା ବିଷୟରେ ମାନାୟାରିଙ୍ଗ୍ ୱେଚ୍‌ଚାଇନା, ହେଲେକେ ରୋମ ଦେସ୍‌ତାକେ ପା ନା ବିଷୟରେ ୱେଚ୍‌ନାକା ଆନାତ୍।”

ପକ୍ୟାତାକା 27:22

ମାତର୍ ନଙ୍ଗୟ୍ ଏପେଙ୍ଗ୍ ଶାସ୍ ଆହାଟ୍, ଇନେସ୍‌କି ମା ବିତ୍ରେତାଙ୍ଗ୍ ଇନେର୍ ହାଃଉର୍। ମାତର୍ ଜାଜ୍ ନେ ବୁଡାଆନାତ୍।

ପକ୍ୟାତାକା 27:25

ଲାଗିଙ୍ଗ୍ ଆଜ୍ଞା କାଦେର୍, ଶାସ୍ ଆହାଟ୍, ଈଶ୍ୱର ଇନେସ୍ ନାଙ୍ଗେଙ୍ଗ୍ ୱେଚ୍‌ଚାତାନ୍‌ନା ହେଲେକେ ନେ ଗଟାଆନାତ୍ ଇଞ୍ଜି ଆନେଙ୍ଗ୍ ଈଶ୍ୱରତାକେ ପାର୍ତି କିନାଙ୍ଗା।

ପକ୍ୟାତାକା 9:31

ଲାଗିଙ୍ଗ୍ ଯିହୁଦା ଜିଲ୍ଲା, ଗାଲିଲୀ ଜିଲ୍ଲା ଆରେ ଶମିରଣିୟ ଜିଲ୍ଲାତାକେ ମାନି ମଣ୍ଡ୍‌ଲିନି ମାନାୟାର୍ ଶାନ୍ତିଆଜି ବାହାକିତାର୍। ଇନେସ୍‌କି ହେୱାରିଙ୍ଗ୍ ଇନେର୍ ପା ଦୁକ୍‌କଷ୍ଟ ହିୱାଦାଙ୍ଗ୍ ମାଚାର୍। ଆରେ ପବିତ୍ର ଆତ୍ମା ହେୱାରିଙ୍ଗ୍ ସାଇଜ ଆରେ ଶାସ୍ ହିଜିମାଚାତ୍‌, ଆରେ ବେସି ମାନାୟାର୍ ଯୀଶୁତାକେ ପାର୍ତି କିଦେଙ୍ଗ୍ ଲାଗାତାର୍।

୨ କରନ୍ତିୟ 1:3

ଆପେଙ୍ଗ୍ ୱିଜାକାପ୍ ମା ମାପୃ ଯୀଶୁ ଖ୍ରୀଷ୍ଟନି ଆବା ଆରେ ଈଶ୍ୱରତିଙ୍ଗ୍ ଦନ୍ଯବାଦ୍ ହିନି ଦର୍‌କାର୍। ହେୱାନ୍ ୱିଜୁଦିନ୍ ମାଙ୍ଗେଙ୍ଗ୍ ଦୟା ଆରେ ସାଇଜ କିଦ୍‌ନାନା। ଆରେ ଈଶ୍ୱର ନେ ମାଙ୍ଗେଙ୍ଗ୍ ସାହାସ୍ ହିଦ୍‌ନାନା।

୨ କରନ୍ତିୟ 13:11

ଏ ଲାଡ୍‌ନି ଟଣ୍ଡାର୍‌କାଦେର୍, ଆନେଙ୍ଗ୍ ମିଙ୍ଗେଙ୍ଗ୍ ସେସ୍ କାତା ୱେଚ୍‌ଚି ଇ ଚିଟି ଲେକିକିନାକା ବନ୍ଦ୍ କିନାଙ୍ଗା, ଏପେଙ୍ଗ୍ ୱିଜୁଦିନ୍ ୱାରି କିୟାଟ୍। ଏପେଙ୍ଗ୍ ଗାଜାକାର୍ ଲେକ ବୁଦି କାଟାକାଦେର୍ ଆଡ। ଏପେଙ୍ଗ୍ ଜାର୍-ଜାର୍‌ବିତ୍ରେ ସାସ୍ ହିବାଆଡ। ଏପେଙ୍ଗ୍ ର ମାନ୍‌ଆଜି ଶାନ୍ତିତାଙ୍ଗ୍ ମାନାଟ୍। ଲାଗିଙ୍ଗ୍ ଲାଡ୍ ଆରେ ଶାନ୍ତିନି ଈଶ୍ୱର ମିହୁଦାଙ୍ଗ୍ ମାନ୍‌ଗାନାନ୍।

୨ କରନ୍ତିୟ 2:14

ମାତର୍ ଆନେଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନାଙ୍ଗା, ଇନେସ୍‌କି ଆସେଙ୍ଗ୍ ଖ୍ରୀଷ୍ଟ ହୁଦାଙ୍ଗ୍ ମାହାଆତାସ୍‌ନା, ହେୱାନ୍ ମାଙ୍ଗେଙ୍ଗ୍ ହାଜି ଚଚ୍‌ଚାନାନା ଆରେ ମାଙ୍ଗେଙ୍ଗ୍ ଜିତାୟ୍ କିଦ୍‌ନାନ୍। ନଙ୍ଗୟ୍ ହେ ଖ୍ରୀଷ୍ଟ ବିଷୟନି ଜ୍ଞାନ୍, ର ସେଣ୍ଟ୍‌ଲେକେ ୱିଜୁ ନିପଣ୍ ମା କାଜିଙ୍ଗ୍ ବାସ୍ନା ଆନାତା।

୨ କରନ୍ତିୟ 4:7

ଆସେଙ୍ଗ୍ ବେଗି ନଷ୍ଟ ଆନି ର ଚିକ୍‍ଲା ଟାଣ୍ଡିଲେକେ ମାନାସ୍। ଆରେ ମା ବିତ୍ରେ ଦାମ୍‌ଦି ଦନ୍ ଅଜଡ଼୍‌ଲେକେ ଖ୍ରୀଷ୍ଟତି ହାର୍ଦିକାବୁର୍ ମାନାତା, ଲାଗିଙ୍ଗ୍ ହେଦାଙ୍ଗ୍ ମାଙ୍ଗେଙ୍ଗ୍ ପୁନି କିଦ୍‌ନାତା ଯେ, ମା ବିତ୍ରେ ମାନି ଶାକ୍ତି ମାଦାଙ୍ଗ୍ ଆକାୟ୍ ମାତର୍ ହେଦାଙ୍ଗ୍ ଈଶ୍ୱରତି ଗାଜା ଶାକ୍ତି।

୨ କରନ୍ତିୟ 6:4

ମାତର୍ ୱିଜୁ ପର୍‌କାର୍ ଦୁଃକ୍ କଷ୍ଟ ୱାତିସ୍ ପା ଆପେଙ୍ଗ୍ ସାସ୍ ଆଜି ସମ୍ବାଲି କିନାପା, ଲାଗିଙ୍ଗ୍ ଆସେଙ୍ଗ୍ ଇନାକା କିତିସ୍ ପା ଆସେଙ୍ଗ୍ ହାତ୍‌ପା ଈଶ୍ୱରତିଙ୍ଗ୍ ହେବା କିନାପା ଇଞ୍ଜି ଚଚ୍‌ଚେଙ୍ଗ୍ ଉପାୟ୍ କିନାପା।

୨ କରନ୍ତିୟ 7:4

ଆନେଙ୍ଗ୍ ମି କାଜିଙ୍ଗ୍ ବେସି ପାର୍ତି କିନାଙ୍ଗା, ଆରେ ମି କାଜିଙ୍ଗ୍ ଆନେଙ୍ଗ୍ ବେସି ବାଟ୍‌ପାଣ୍ ଆନାଙ୍ଗା। ଏପେଙ୍ଗ୍ ନାଙ୍ଗେଙ୍ଗ୍ ବେସି ସାସ୍ ହିତ୍‌ତାଦେର୍, ଆରେ ଆସେଙ୍ଗ୍ ବେସି ଦୁଃକ୍ କଷ୍ଟ ପାୟାଆତି ବାଦୁଲ୍‌ରେ ନାଙ୍ଗେଙ୍ଗ୍ ବେସି ୱାରି କିତ୍‌ତାଦେର୍।

ଗାଲାତିୟ 1:4

ମା ପାପ୍ କାଜିଙ୍ଗ୍ ଆରେ ଆପେଙ୍ଗ୍ ଇନେସ୍ ଇ କରାପ୍ ଜଗତ୍‌ତାଙ୍ଗ୍ ଉଦାର୍ ପାୟାଆଦେଙ୍ଗ୍ ଆଡ୍‌ନାସ୍, ଇଦାଙ୍ଗ୍ କାଜିଙ୍ଗ୍ ମା ଆବା ଈଶ୍ୱର ଇଚାତାଙ୍ଗ୍ ଯୀଶୁ ଖ୍ରୀଷ୍ଟ ତା ଜାର୍ ଜିବୁନ୍‌ତିଙ୍ଗ୍ ବଲିପୁଜା କିୟାଆତାନ୍‌ନା।

ଗାଲାତିୟ 6:14

ମା ମାପୃ ଯୀଶୁ ଖ୍ରୀଷ୍ଟନି କୃଶକାଟ୍‌ତିଙ୍ଗ୍ ପିସ୍ତି, ଆନେଙ୍ଗ୍ ଆରେ ଇନାକାତାକେ ପା ଗର୍ବ କିଉଙ୍ଗ୍। ଇନେସ୍‌କି ଖ୍ରୀଷ୍ଟ କାଜିଙ୍ଗ୍, ଇ ଜଗତ୍‌ତାକେ ମାନି ନା ଇଚା କୃଶକାଟ୍‌ତାକେ ହାଃତାତ୍‌ନା, ଆରେ ନାବେ ମାନି ପୁର୍ତିନି ଇଚା ପା ହାଃତାତ୍‌ନା।

ପିଲିପିୟ 4:7

ଲାଗିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ଶାନ୍ତି ହିଦ୍‌ନାନ୍। ମାନାୟ୍ ବୁଜାଆନି ଶାନ୍ତିତାଙ୍ଗ୍ ଇ ଶାନ୍ତି ଗାଜା। ଇ ଶାନ୍ତି ମି ଗରବ୍‌ତିଙ୍ଗ୍ ଆରେ ମି ବାବ୍‌ନାତିଙ୍ଗ୍ ଯୀଶୁ ଖ୍ରୀଷ୍ଟତାକେ ଜିଜି ମାଞ୍ଜେଙ୍ଗ୍ ସାଇଜ କିଦ୍‌ନାନ୍।

କଲସିୟ 1:20

ଆରେ ଖ୍ରୀଷ୍ଟତାଙ୍ଗ୍ ଈଶ୍ୱର ଜାର୍‌ତାକେ ୱିଜୁ ବିଷୟତିଙ୍ଗ୍ ମାହାୟ୍ କିତାନ୍‌ନା। ଖ୍ରୀଷ୍ଟ କୃଶକାଟ୍‌ତାକେ ନେତେର୍ ବଡ଼ାଆତି କାଜିଙ୍ଗ୍ ଈଶ୍ୱର ସରଗ୍ ଆରେ ପୁର୍ତିତାକେ ମାନି ୱିଜୁ ବିଷୟତିଙ୍ଗ୍ ତା ହୁଦାଙ୍ଗ୍ ଶାନ୍ତି କିତାନ୍‌ନା।

୧ ଥେସଲନୀକିୟ 3:4

ଏଚେକାଡ଼୍‌ଦ ଆପେଙ୍ଗ୍ ମିହୁଦାଙ୍ଗ୍ ମାଚାପ୍, ହେପାଦ୍ନା ଆପେଙ୍ଗ୍ ମିଙ୍ଗେଙ୍ଗ୍ ଜାଗ୍ରତ୍ ଆଦେଙ୍ଗ୍ ୱେଚ୍‌ଚି ମାନ୍‌ଞ୍ଚାପ୍। ଆସେଙ୍ଗ୍ ଦୁଃକ୍ କଷ୍ଟ ପାୟା ଆଦେଙ୍ଗ୍ ଆନାତ୍, ଆରେ ଏପେଙ୍ଗ୍ ପୁଚାଦେର୍‌ନା ଯେ, ହେଲେକେ ହେଦାଙ୍ଗ୍ ଗଟାଆନାତା।

୧ ଥେସଲନୀକିୟ 3:7

ହେଦାଙ୍ଗ୍ କାଜିଙ୍ଗ୍ ଏ ଟଣ୍ଡାର୍‌କାଦେର୍, ମାନାୟାର୍ ମାଙ୍ଗେଙ୍ଗ୍ ଦୁଃକ୍ କଷ୍ଟ ହିତ୍‌ତିସ୍‌ ପା, ଏପେଙ୍ଗ୍ ଖ୍ରୀଷ୍ଟଙ୍ଗ୍ ନଙ୍ଗୟ୍ ପାତେକ୍ ବେସି ପାର୍ତି କିନାଦେରା ଇଞ୍ଜି ତିମତି ମାଙ୍ଗେଙ୍ଗ୍ ୱେଚ୍‌ଚିତିଲେ। ଆପେଙ୍ଗ୍ ହେଦାଙ୍ଗ୍ ୱେନ୍‌ଞ୍ଜି ବେସି ୱାରିୟା ଆତାପ୍।

୨ ଥେସଲନୀକିୟ 3:16

ଆନେଙ୍ଗ୍ ମି କାଜିଙ୍ଗ୍ ପାର୍ତାନା କିନାଙ୍ଗା, ମାଙ୍ଗେଙ୍ଗ୍ ଶାନ୍ତି ହିଦ୍‌ନି ମାପୃ ନିଜେ ମିଙ୍ଗେଙ୍ଗ୍ ୱିଜୁଦିନ୍ ଆରେ ୱିଜୁ ପର୍‌କାର୍ ଶାନ୍ତି ହିଦେନ୍। ଆରେ ମାପୃ ୱିଜୁଦିନ୍ ମି ଲାହାଙ୍ଗ୍ ମେନେନ୍।

୨ ତିମଥି 3:12

ସତ୍‌ରେ ଇମ୍‌ଣାକାନ୍ ଯୀଶୁ ଖ୍ରୀଷ୍ଟତାକେ ପାର୍ତିକିନାର୍ ଆରେ ଇନାକା ଈଶ୍ୱରତିଙ୍ଗ୍ ୱାରି କିୟିକିନାର୍ କି ହାର୍ ଲାଗ୍‌ଦାନାତ୍ ହେଦାଙ୍ଗ୍ କିଦେଙ୍ଗ୍ ଇଚାକିନାର୍, ହେୱାର୍ ଦୁକ୍‌କଷ୍ଟ ପାୟାଆନାର୍‌।

ଏବ୍ରି 11:25

ଆରେ ମୋଶା ଅଲପ୍ ସମୟ୍ କାଜିଙ୍ଗ୍ ସୁକ୍ ପାୟାଆଜି ପାପ୍‍କିନି ବାଦୁଲ୍ ଈଶ୍ୱର ମାନାୟାର୍ ହୁଦାଙ୍ଗ୍ ଦୁକ୍‌କଷ୍ଟ ପାୟା ଆଦେଙ୍ଗ୍ ଇଚା କିତାନ୍।

୧ ପିତର 5:9

ଏପେଙ୍ଗ୍ ଖ୍ରୀଷ୍ଟଙ୍ଗ୍ ଆଦିକ୍ ପାର୍ତି କିଜି ହେ ଶୟତାନତିଙ୍ଗ୍ ବିରଦ୍ କିୟାଟ୍। ଏପେଙ୍ଗ୍ ମାନ୍ତ ଇଟାଟ୍ ଯେ, ଏପେଙ୍ଗ୍ ଦୁଃକ୍ କଷ୍ଟ ପାୟା ଆତିଲେକେ ଇ ପୁର୍ତିନି ଖ୍ରୀଷ୍ଟଙ୍ଗ୍ ୱିଜାର୍ ମାନାୟାର୍ ହେଲେକେ ଦୁଃକ୍ କଷ୍ଟ ପାୟାଆନାରା।

୧ ଯୋହନ 2:13

ଏ ଆବାର୍‌କାଦେର୍, ଆନେଙ୍ଗ୍ ମି କାଜିଙ୍ଗ୍ ଲେକିକିନାଙ୍ଗା ଯେ, ଖ୍ରୀଷ୍ଟ ଆଗେତାଙ୍ଗ୍ ମାନାନ୍, ଆରେ ଏପେଙ୍ଗ୍ ହେୱାନିଙ୍ଗ୍ ପୁଚାଦେର୍‌ନା। ଏ ଦାଙ୍ଗ୍‌ଣା ହିମ୍‌ଣା କାଦେର୍ ଆନେଙ୍ଗ୍ ମି କାଜିଙ୍ଗ୍ ଲେକିକିନାଙ୍ଗା ଯେ, ଆବା ଈଶ୍ୱର ଶୟତାନ୍‌ତିଙ୍ଗ୍ ଆରାୟ୍ କିଦେଙ୍ଗ୍ ମିଙ୍ଗେଙ୍ଗ୍ ଶାକ୍ତି ହିତ୍‌ତାନ୍‌ନା।

୧ ଯୋହନ 4:4

ଏ କାଡ଼୍‌ଦେର୍, ଏପେଙ୍ଗ୍ ଈଶ୍ୱର ମାନାୟ୍ କାଦେର୍, ଆରେ ଏପେଙ୍ଗ୍ ହେୱାର୍ ଈଶ୍ୱରତାଙ୍ଗ୍ ୱେନ୍‌ୱାଦାଙ୍ଗ୍ ମିଚ୍ ୱେଚ୍‌ନି ମାନାୟାର୍ କାତାତିଙ୍ଗ୍ ପାର୍ତି କିୱାତାଦେର୍‍ନା। ଇନେସ୍‌କି ମି ବିତ୍ରେ ପବିତ୍ର ଆତ୍ମା ମାନାତ୍, ଆରେ ହେ ପବିତ୍ର ଆତ୍ମା ନେ ପୁର୍ତିନି ଶୟତାନନି ଆତ୍ମାତାଙ୍ଗ୍ ପା ଗାଜା।

୧ ଯୋହନ 5:4

ଏଚେଜାଣ୍ ଈଶ୍ୱର ମେହିର୍ ଆତାର୍‌ନା। ହେୱାର୍ ଇ ପୁର୍ତିନି କରାପ୍ କାମାୟ୍‌ତାଙ୍ଗ୍ ଜିତାଆନାର୍‌, ଇନେସ୍‌କି ହେୱାରିଙ୍ଗ୍ ଖ୍ରୀଷ୍ଟ ଜିତାୟ୍ କିନାକାନ୍ ଇଞ୍ଜି ପାର୍ତିକିନାରା।

ହତ୍‌ତି 12:11

ମା ପାର୍ତିକିନି ଟଣ୍ଡାର୍ ମେଣ୍ଢା ଇନେର୍‌କି ଯୀଶୁ ନେତେର୍ ଶାକ୍ତି ହୁଦାଙ୍ଗ୍, ଇନେର୍ ହେୱାର୍ ପାପ୍ କାଜିଙ୍ଗ୍ ହାଃଜି ମାଚାନ୍, ହେ ଶୟତାନ୍‌ତିଙ୍ଗ୍ ଆରାୟ୍ କିତାର୍। ହେୱାର୍ ତାଙ୍ଗେଙ୍ଗ୍ ଆରାୟ୍ କିତାର୍ ଇନେସ୍‌କି ହେୱାର୍ ଦୁଃକ୍ କଷ୍ଟ ପାୟାଆଜି ହାଃତିସ୍ ପା ହେ ମେଣ୍ଢା ଇନେର୍‌କି ଯୀଶୁଙ୍ଗ୍ ନେ ମା ମାପୃ ଇଞ୍ଜି ୱେଚ୍‌ଚି ମାଚାର୍।

ହତ୍‌ତି 3:21

ଇମ୍‌ଣି ମାନାୟାର୍ ଶୟତାନ ଶାକ୍ତିତିଙ୍ଗ୍ ଆରାୟ୍ କିଜି ଜିତାଆନାର୍‌। ଇନେସ୍ ଆନେଙ୍ଗ୍ ଶୟତାନ ଶାକ୍ତିତିଙ୍ଗ୍ ଆରାୟ୍ କିଜି ଜିତା ଆତାଙ୍ଗ୍ ଆରେ ନା ଆବା ହୁଦାଙ୍ଗ୍ ତା ସିଙ୍ଗାସନ୍‌ତାକେ କୁଚ୍‌ଚାଙ୍ଗ୍‌ନା ହେଲେକେ ଆନେଙ୍ଗ୍ ହେୱାରିଙ୍ଗ୍ ନା ସିଙ୍ଗାସନ୍‌ତାକେ କୁଚ୍‌ଚେଙ୍ଗ୍ ହିନାଙ୍ଗ୍।

ହତ୍‌ତି 7:14

ଆନେଙ୍ଗ୍ ତାଙ୍ଗେଙ୍ଗ୍ ୱେଚ୍‌ଚାଙ୍ଗ୍, “ମାପୃ ଆନେଙ୍ଗ୍ ପୁନ୍‌ୱାତାଙ୍ଗ୍‌ନା ମାତର୍ ଏନେଙ୍ଗ୍ ପୁଚାୟ୍‌ନା।” ଲାଗିଙ୍ଗ୍ ହେୱାନ୍ ନାଙ୍ଗେଙ୍ଗ୍ ୱେଚ୍‌ଚାତାନ୍, “ଇୱାର୍‍ନେ ହେ ମାନାୟ୍ ଇମ୍‌ଣି ମାନାୟାର୍ ହେ ଗାଜା ଦୁଃକ୍ କଷ୍ଟ ୱେଡ଼ାଙ୍ଗ୍ ଦୁଃକ୍ କଷ୍ଟ ପାୟାଆଜି ହାଃଜି ମାଚାନ୍। ହେୱାର୍ ନଙ୍ଗୟ୍ ତା ହେନ୍ଦ୍ରାତିଙ୍ଗ୍ ମେଣ୍ଢା ଇନେର୍‌କି ଯୀଶୁ ନେତେର୍‌ତାଙ୍ଗ୍ ନୁସ୍‌ଦି ଡ଼ିଚ୍‌ଚାର୍‌ନା। ତା ସତ୍ ହେୱାର୍ ୱିଜୁ ପାପ୍‌ତିଙ୍ଗ୍ ନୁସ୍ତାତ୍‌ନା।”