ଜହନ୍‌ 16:28 - New Testament in Pengo Parja Language

²⁸ ଆନେଙ୍ଗ୍ ଇ ପୁର୍ତିତିଙ୍ଗ୍ ଆବା ଈଶ୍ୱରତାଙ୍ଗ୍ ୱାତାଙ୍ଗ୍‌ନା। ନଙ୍ଗୟ୍ ଆନେଙ୍ଗ୍ ଇ ପୁର୍ତି ପିସ୍ତି ଆବା ଈଶ୍ୱରତାକେ ହାନାଙ୍ଗ୍।”

ସତ୍‌ ବଚନ୍‌ ପୁନି ନିୟମ୍‌

²⁸ ଆନ୍‌ ଆବାତାଂ ଜଗତ୍‍ତାକେ ୱାତାଙ୍ଗ୍‍ନା; ଆରେ ରଗ ଆନ୍‌ ପୁର୍ତି ପିସ୍ତି ଆବା ତାକେ ହାନାଙ୍ଗା ।”

ଜହନ୍‌ 16:28 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:51

ଯୀଶୁ ତା ଚେଲାରିଙ୍ଗ୍ ଆଶ୍ରିବାଦ୍ କିନିହିଙ୍ଗ୍ ଈଶ୍ୱର ହେୱାନିଙ୍ଗ୍ ସରଗ୍‌ତାକେ ଅତାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:51

ଯୀଶୁ ପୁର୍ତି ପିସ୍ତି ସରଗ୍‌ଜପି ହାନି ସମୟ୍ ଲାଗେ ୱାତିଲେ। ହେଦାଙ୍ଗ୍ କାଜିଙ୍ଗ୍ ଯୀଶୁ ଯିରୁଶାଲାମ ସହର୍‌ତାକେ ହାଞ୍ଜେଙ୍ଗ୍ ମାନ୍‌କିତାନ୍।

ଜହନ୍‌ 13:1

ହେପାଦ୍ନା ଯିହୁଦିର୍ ନିସ୍ତାର୍ ପାର୍ବୁ ରଦିନ୍ ଆଗେ ଯୀଶୁ ପୁଚାନ୍, ହେୱାନିଙ୍ଗ୍ ପୁର୍ତିତିଙ୍ଗ୍ ପିସ୍ତି ହାନି ସମୟ୍ ଆତାତେ। ନଙ୍ଗୟ୍ ହେୱାନ୍ ଆବା ଈଶ୍ୱରତାକେ ହାନାନ୍। ହେୱାନ୍ ୱିଜୁଦିନ୍ ଇ ପୁର୍ତିତାକେ ମାନି ତା ଜାର୍ ଆଜିମାଚି ଲକ୍‌ବାକ୍‌ତିଙ୍ଗ୍ ଲାଡ୍‌କିଜି ମାଚାନ୍। ହେୱାନ୍ ହେୱାର୍ କାଜିଙ୍ଗ୍ ବେସି ଲାଡ଼୍ କିଜି ମାଚାନ୍।

ଜହନ୍‌ 13:3

ଆବା ଈଶ୍ୱର ଯୀଶୁଙ୍ଗ୍ ୱିଜୁ ବଷୟରେ ଆଦିକାର୍ ହିଜିମାଚାନ୍। ହେୱାନ୍ ଈଶ୍ୱରତାଙ୍ଗ୍ ୱାତାନ୍‌ନା ଆରେ ଈଶ୍ୱରତାକେ ହାନାଙ୍ଗ୍ ଇଞ୍ଜି ଯୀଶୁ ଇଦାଙ୍ଗ୍ ପୁନ୍‌ଞ୍ଜି ମାଚାନ୍।

ଜହନ୍‌ 14:28

ଏପେଙ୍ଗ୍ ନା କାତା ୱେଚାଦେର୍‌ନା, ‘ଆନେଙ୍ଗ୍ ହାନାଙ୍ଗା, ମାତର୍ ଆରେ ମି ଲାଗାୟ୍ ୱାନାଙ୍ଗ୍।’ ଏପେଙ୍ଗ୍ ଯଦି ନାଙ୍ଗେଙ୍ଗ୍ ହାତ୍‌ପା ଲାଡ୍‌କିଜି ମାନ୍‌ଗାନାଦେର୍, ଲାଗିଙ୍ଗ୍ ଏପେଙ୍ଗ୍ ୱାରି ଆନାଦେର୍, ଆନେଙ୍ଗ୍ ଆବା ଈଶ୍ୱରତାକେ ହାନାଙ୍ଗା ଇଞ୍ଜି। ଇନେସ୍‌କି ନା ଆବା ଈଶ୍ୱର ନାବେତାଙ୍ଗ୍ ଗାଜାକାନ୍‌।

ଜହନ୍‌ 16:10

ଦରମ୍ ବିଷୟ କାଜିଙ୍ଗ୍ ଆନେଙ୍ଗ୍ ଆବା ଈଶ୍ୱରତାକେ ହାନାଙ୍ଗା, ଏପେଙ୍ଗ୍ ନାଙ୍ଗେଙ୍ଗ୍ ହୁଡ଼୍‌ଦେଙ୍ଗ୍ ଆଡ଼୍‌ଦୁଦେର୍।

ଜହନ୍‌ 16:16

ଆରେରଗ ଯୀଶୁ ୱେଚ୍‌ଚାନ୍, “ଏପେଙ୍ଗ୍ ନାଙ୍ଗେଙ୍ଗ୍ ଅଲପ୍ ସମୟ୍ ହାଚି ପାଚେ ହୁଡ଼୍‌ଦୁଦେର୍। ତାପାଚେ ଆରେ ଅଲପ୍ ସମୟ୍ ହାଚି ପାଚେ ଏପେଙ୍ଗ୍ ନାଙ୍ଗେଙ୍ଗ୍ ଆରେ ହୁଡ଼୍‌ଦାନାଦେର୍।”

ଜହନ୍‌ 16:30

ଆପେଙ୍ଗ୍ ନଙ୍ଗୟ୍ ବୁଜା ଆଦେଙ୍ଗ୍ ଆଡ୍‌ନାପା, ଆରେ ଏନେଙ୍ଗ୍ ମା ପ୍ରଶ୍ନ କାଜିଙ୍ଗ୍ ଇନେରିଙ୍ଗ୍ ୱେନ୍‌ବିନି ଦର୍‌କାର୍ ଆକାଇ, ଇନେସ୍‌କି ଆପେଙ୍ଗ୍ ପାର୍ତି କିନାପା, ଏନେଙ୍ଗ୍ ଆବା ଈଶ୍ୱରତାଙ୍ଗ୍ ୱାତାଇନା।”

ଜହନ୍‌ 16:5

ନଙ୍ଗୟ୍ ଆନେଙ୍ଗ୍ ନାଙ୍ଗେଙ୍ଗ୍ ପକ୍ତିତି ଆବା ଈଶ୍ୱର ଲାଗାୟ୍ ହାନାଙ୍ଗା। ଲାଗିଙ୍ଗ୍ ଏପେଙ୍ଗ୍ ୱେନ୍‌ବାଆଦୁଦେରା ଏନେଙ୍ଗ୍ ଇମେ ହାନାୟା।

ଜହନ୍‌ 17:11

ଆନେଙ୍ଗ୍ ନଙ୍ଗୟ୍‌ନି ଲାଗାୟ୍ ୱାନାଙ୍ଗା। ଆନେଙ୍ଗ୍ ନଙ୍ଗୟ୍ ପୁର୍ତିତାକେ ଆରେ ମାନୁଙ୍ଗ୍। ମାତର୍ ଇ ମାନାୟାର୍ ପୁର୍ତିତାକେ ମାନାର୍। ହେ ପବିତ୍ର ଆବା ଈଶ୍ୱର, ଏନେଙ୍ଗ୍ ହେୱାରିଙ୍ଗ୍ ହାର୍‌ଦାଙ୍ଗ୍ ଇଟା। ଇନେସ୍‌କି ଏନେଙ୍ଗ୍ ଆରେ ଆନେଙ୍ଗ୍ ଏକ୍ ମାନାସ୍, ହେଲେକେ ହେୱାର୍ ରବେଆଜି ଏକ୍ ଆଦେଙ୍ଗ୍ ଆଡ୍‌ନାର୍।

ଜହନ୍‌ 17:13

ଆନେଙ୍ଗ୍ ନି ଲାଗାୟ୍ ନଙ୍ଗୟ୍ ୱାନାଙ୍ଗା। ମାତର୍ ଆନେଙ୍ଗ୍ ପୁର୍ତିତାକେ ମାନୁ-ମାନୁ ଇ ୱିଜୁ କାଜିଙ୍ଗ୍ ପାର୍ତାନା କିନାଙ୍ଗା। ଆନେଙ୍ଗ୍ ଇୱିଜୁ ୱେଚ୍‌ନାଙ୍ଗା, ଇନେସ୍‌କି ଇ ମାନାୟାର୍ ନାବେ ମାନି ୱାରି ପାୟାଆନାର୍‌। ଆନେଙ୍ଗ୍ ଇଚା କିନାଙ୍ଗା, ନା ୱାରି ହେୱାର୍ କାଜିଙ୍ଗ୍ ପୁରା ଆୟେତ୍।

ଜହନ୍‌ 17:5

ଆବା ଈଶ୍ୱର, ପୁର୍ତି ରହ୍‌ୱିତି ଆଗେ ନି ହୁଦାଙ୍ଗ୍, ନା ଇମ୍‌ଣି ଜୟ୍-ଜୟ୍ ମାଚାତ୍, ହେଦାଙ୍ଗ୍ କାଜିଙ୍ଗ୍ ଏନେଙ୍ଗ୍ ନାଙ୍ଗେଙ୍ଗ୍ ପା ନି ହୁଦାଙ୍ଗ୍ ଜୟ୍-ଜୟ୍ କିଦା।

ଜହନ୍‌ 8:14

ଯୀଶୁ ୱେଚ୍‌ଚାନ୍, “ଆନେଙ୍ଗ୍ ଯଦି ନା ବିଷୟରେ ୱେଚ୍‌ଚିତିସ୍ ପା ହେ କାତା ସତ୍। ଇନେସ୍‌କି ଆନେଙ୍ଗ୍ ଇମେତାଙ୍ଗ୍ ୱାତାଙ୍ଗ୍‌ନା ଆରେ ଆନେଙ୍ଗ୍ ଇମେତାକେ ହାନାଙ୍ଗ୍ ହେଦାଙ୍ଗ୍ ଆନେଙ୍ଗ୍ ପୁଚାଙ୍ଗ୍‌ନା। ମାତର୍ ଏପେଙ୍ଗ୍ ପୁନ୍‌ୱାତାଦେର୍‌ନା ଆନେଙ୍ଗ୍ ଇମେତାଙ୍ଗ୍ ୱାତାଙ୍ଗ୍‌ନା ଆରେ ଇମେତାକେ ହାନାଙ୍ଗା।

ଜହନ୍‌ 8:42

ଯୀଶୁ ହେ ଯିହୁଦି ନେତାରିଙ୍ଗ୍ ୱେଚ୍‌ଚାନ୍, “ଈଶ୍ୱର ଯଦି ମିଞ୍ଜ୍‌ବା ଆତାନ୍‌ମା, ଲାଗିଙ୍ଗ୍ ଏପେଙ୍ଗ୍ ନାଙ୍ଗେଙ୍ଗ୍ ଲାଡ୍ କିତ୍‌ତାଦେର୍‌ମା। ଆନେଙ୍ଗ୍ ନିଜେ ୱାୱାତାଙ୍ଗ୍, ମାତର୍ ନାଙ୍ଗେଙ୍ଗ୍ ଈଶ୍ୱର ଇବେ ପକ୍ତାତାନ୍‌ନା।