ଜହନ୍‌ 16:27 - New Testament in Pengo Parja Language

²⁷ ଆବା ଈଶ୍ୱର ମିଙ୍ଗେଙ୍ଗ୍ ଲାଡ୍ କିଦ୍‌ନାନ୍। ହେୱାନ୍ ମିଙ୍ଗେଙ୍ଗ୍ ଲାଡ୍ କିଦ୍‌ନାନ୍, ଇନେସ୍‌କି ଏପେଙ୍ଗ୍ ନାଙ୍ଗେଙ୍ଗ୍ ଲାଡ୍ କିତ୍‌ତାଦେର୍‌ନା। ହେୱାନ୍ ମିଙ୍ଗେଙ୍ଗ୍ ଲାଡ୍ କିଦ୍‌ନାନ୍, ଇନେସ୍‌କି ଆନେଙ୍ଗ୍ ଆବା ଈଶ୍ୱରତାଙ୍ଗ୍ ୱାତାଙ୍ଗ୍‌ନା ଇଞ୍ଜି ଏପେଙ୍ଗ୍ ପାର୍ତି କିତ୍‌ତାଦେର୍‌ନା।

ସତ୍‌ ବଚନ୍‌ ପୁନି ନିୟମ୍‌

²⁷ ଇନାକିଦେଂକି ଆବା ନିଜେ ମିଙ୍ଗେଙ୍ଗ୍‌ ଜିଉନଦ୍‍ନାନ୍, ଲାଗିଂ ଏପେଙ୍ଗ୍‌ ନାଙ୍ଗେଙ୍ଗ୍‌ ଜିଉନଦ୍‍ନାଦେରା ଆରି ଆନ୍‌ ଜେ ଇସ୍ୱର୍‌ ତାକେଣ୍ଡାଂ ୱାତାଙ୍ଗ୍‍ନା, ହେଦାଂ ଏପେଙ୍ଗ୍‌ ପାର୍ତି କିତାଦେର୍ଣ୍ଣା ।

ଜହନ୍‌ 16:27 ပူးပေါင်းရင်းမြစ်များ

ମାତିଉ 10:37

ଇନେର୍ ପା ଆବା କି ଆୟା ନା ତାକେତାଙ୍ଗ୍ ଆଦିକ୍ ଲାଡ୍ କିନାନ୍, ହେୱାନ୍ ନା ଚେଲା ଆଦେଙ୍ଗ୍ ଆଡୁନ୍। ମାତର୍ ଇନେର୍ ମେହିଙ୍ଗ୍ କି କଇଙ୍ଗ୍ ନା ତାକେତାଙ୍ଗ୍ ଆଦିକ୍ ଲାଡ୍ କିନାନ୍, ହେୱାନ୍ ନା ଚେଲା ଆଦେଙ୍ଗ୍ ଆଡୁନ୍।

ଜହନ୍‌ 14:21

ଇମ୍‌ଣାକାନ୍ ନା ଆଦେସ୍‌ତିଙ୍ଗ୍ ପୁନାନ୍ ଆରେ ମାନି କିନାନ୍, ହେୱାନ୍ ହାତ୍‌ପା ନାଙ୍ଗେଙ୍ଗ୍ ଲାଡ୍ କିଦ୍‌ନାନା। ଆରେ ନାଙ୍ଗେଙ୍ଗ୍ ଲାଡ୍ କିଦ୍‌ନାକାର୍ ନା ଆବା ଈଶ୍ୱରତିଙ୍ଗ୍ ଲାଡ୍ କିନାନ୍। ଆନେଙ୍ଗ୍ ହେୱାନିଙ୍ଗ୍ ଲାଡ୍ କିନାଙ୍ଗ୍ ଆରେ ଜାର୍‌ତିଙ୍ଗ୍ ହେୱାନ୍‌ତାକେ ଚଚ୍‌ନାଙ୍ଗ୍।”

ଜହନ୍‌ 14:23

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଇନେର୍ ଯଦି ନାଙ୍ଗେଙ୍ଗ୍ ଲାଡ୍ କିଦ୍‌ନାନ୍, ଲାଗିଙ୍ଗ୍ ହେୱାନ୍ ନା ଆଦେସ୍‌ତିଙ୍ଗ୍ ମାନି କିନାନ୍। ଆରେ ନା ଆବା ଈଶ୍ୱର ହେୱାନିଙ୍ଗ୍ ଲାଡ୍ କିନାନ୍। ନା ଆବା ଈଶ୍ୱର ଆରେ ଆନେଙ୍ଗ୍ ହେ ମାନାୟ୍‌ତାକେ ୱାନାପ୍ ଆରେ ତା ହୁଦାଙ୍ଗ୍ ମାନ୍‌ଗାନାପ୍।

ଜହନ୍‌ 16:30

ଆପେଙ୍ଗ୍ ନଙ୍ଗୟ୍ ବୁଜା ଆଦେଙ୍ଗ୍ ଆଡ୍‌ନାପା, ଆରେ ଏନେଙ୍ଗ୍ ମା ପ୍ରଶ୍ନ କାଜିଙ୍ଗ୍ ଇନେରିଙ୍ଗ୍ ୱେନ୍‌ବିନି ଦର୍‌କାର୍ ଆକାଇ, ଇନେସ୍‌କି ଆପେଙ୍ଗ୍ ପାର୍ତି କିନାପା, ଏନେଙ୍ଗ୍ ଆବା ଈଶ୍ୱରତାଙ୍ଗ୍ ୱାତାଇନା।”

ଜହନ୍‌ 17:23

ଆନେଙ୍ଗ୍ ହେୱାର୍‌ତାକେ ମାନ୍‌ଗାନାଙ୍ଗ୍, ଆରେ ଏନେଙ୍ଗ୍ ନାବେ ମାନ୍‌ଗାନାଇ। ଲାଗିଙ୍ଗ୍ ହେୱାର୍ ପୁରା ଏକ୍ ଆଦେଙ୍ଗ୍ ଆଡ୍‌ନାର୍। ହେଦାଙ୍ଗ୍ ଆତିସ୍ ଇ ପୁର୍ତିନି ମାନାୟାର୍ ପୁଞ୍ଜେଙ୍ଗ୍ ଆଡ୍‌ନାର୍, ଏନେଙ୍ଗ୍ ନାଙ୍ଗେଙ୍ଗ୍ ପକ୍ତାତାଇନା। ଇ ପୁର୍ତିନି ମାନାୟାର୍ ପୁନାର୍, ଏନେଙ୍ଗ୍ ନାଙ୍ଗେଙ୍ଗ୍ ଇନେସ୍ ଲାଡ୍‌କିଜି ମାନ୍‌ଞ୍ଚାଇ, ହେଲେକେ ଇ ମାନାୟାରିଙ୍ଗ୍ ପା ଲାଡ୍ କିୟା।

ଜହନ୍‌ 2:11

ଯୀଶୁ ଇଲେକେ ଗାଲିଲୀ ଜିଲ୍ଲାନି କାନ୍ନା ସହର୍‌ତାକେ ଚାନିଆଆନି କାମାୟ୍ ଆରମ୍ କିଜି ଜାର୍ ଗୌରବ ଚଚ୍‌ଚାନ୍। ଆରେ ତା ଚେଲାହିର୍ ତାବେ ପାର୍ତି କିତାର୍।

ଜହନ୍‌ 3:13

ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ହେୱାନ୍ ରକାନ୍ ସରଗ୍‌ତାଙ୍ଗ୍ ୱାତାନ୍‌ନା, ଆରେ ହେୱାନିଙ୍ଗ୍ ପିସ୍ତି ଇନେର୍ ପା ସରଗ୍‌ଜପି ହାଲ୍‌ୱାତାର୍‌ନା।

ଜହନ୍‌ 7:29

ମାତର୍ ଆନେଙ୍ଗ୍ ହେୱାନିଙ୍ଗ୍ ପୁଚାଙ୍ଗ୍‌ନା। ଇନେସ୍‌କି ଆନେଙ୍ଗ୍ ହେୱାନ୍‌ତାଙ୍ଗ୍ ୱାତାଙ୍ଗ୍‌ନା, ଆରେ ହେୱାନ୍ ନାଙ୍ଗେଙ୍ଗ୍ ପକ୍ତାତାନ୍‌ନା।”

ଜହନ୍‌ 8:42

ଯୀଶୁ ହେ ଯିହୁଦି ନେତାରିଙ୍ଗ୍ ୱେଚ୍‌ଚାନ୍, “ଈଶ୍ୱର ଯଦି ମିଞ୍ଜ୍‌ବା ଆତାନ୍‌ମା, ଲାଗିଙ୍ଗ୍ ଏପେଙ୍ଗ୍ ନାଙ୍ଗେଙ୍ଗ୍ ଲାଡ୍ କିତ୍‌ତାଦେର୍‌ମା। ଆନେଙ୍ଗ୍ ନିଜେ ୱାୱାତାଙ୍ଗ୍, ମାତର୍ ନାଙ୍ଗେଙ୍ଗ୍ ଈଶ୍ୱର ଇବେ ପକ୍ତାତାନ୍‌ନା।

ରୋମିୟ 8:3

ମଶା ଲେକିକିତି ଦରମ୍ ସାସ୍ତର୍‌ନି ନିୟମ୍ ଉଦାର୍ କିଦେଙ୍ଗ୍ ଆଡ୍‌ୱାତାତ୍, ଇନେସ୍‌କି ମା ବିତ୍ରେ ପାପ୍‍କିନି ଇଚା ମାଚାତ୍। ମାତର୍ ଈଶ୍ୱର ତା ଜାର୍ ମାଜିଙ୍ଗ୍ ମାନାୟ୍ ରୁପ୍ ଆଜି ପକ୍ତାତାନ୍, ଆରେ ହେୱାନ୍ ପାପ୍‌ତିଙ୍ଗ୍ ତା ମେହି ଜପି ଲେଦି କିତାନ୍ ଆରେ ହେୱାନ୍ ମା ପାପ୍ କାଜିଙ୍ଗ୍ ହାଃତାନ୍, ଆରେ ଇଲେକେ କିଜି ଈଶ୍ୱର ମାଙ୍ଗେଙ୍ଗ୍ ଉଦାର୍ କିତ୍‌ତାନ୍।

୧ କରନ୍ତିୟ 15:47

ଈଶ୍ୱର ପାର୍ତୁମ୍ ମାନାୟ୍ ଆଦମତିଙ୍ଗ୍ ଇ ପୁର୍ତିନି ଚିକ୍‌ଲାତାଙ୍ଗ୍ ରସ୍ତାନ୍, ମାତର୍ ଦୁଇ ନମ୍ବର୍ ଆଦମ ଯୀଶୁ ଖ୍ରୀଷ୍ଟ ସରଗ୍‌ତାଙ୍ଗ୍ ୱାଜିମାଚାନ୍।

୧ କରନ୍ତିୟ 16:22

ମି ବିତ୍ରେତାଙ୍ଗ୍ ଇନେର୍ ଯଦି ମାପୃଙ୍ଗ୍ ଲାଡ୍ କିଉନ୍, ମା ମାପୃ ଯୀଶୁ ଖ୍ରୀଷ୍ଟ ଆରେରଗ ପୁର୍ତିତାକେ ୱାତିସ୍ ହେୱାନ୍ ମିଙ୍ଗେଙ୍ଗ୍ ୱିଜୁ ଦିନ୍‌ତି ଦଣ୍ଡ୍ ହିଦ୍‌ନାନ୍।

୨ କରନ୍ତିୟ 5:14

ଇନେସ୍‌କି ଖ୍ରୀଷ୍ଟ ଲାଡ୍ ମାଙ୍ଗେଙ୍ଗ୍ କଣ୍ଟ୍ରୁଲ୍ କିଦ୍‌ନାତା, ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ପାର୍ତି କିନାସା ଯେ, ଖ୍ରୀଷ୍ଟ ୱିଜାର୍ କାଜିଙ୍ଗ୍ ହାଃତାନ୍, ଆରେ ଆସେଙ୍ଗ୍ ଇଦାଙ୍ଗ୍ ପାର୍ତି କିନାସା ଯେ, ଆସେଙ୍ଗ୍ ପା ତା ହୁଦାଙ୍ଗ୍ ହାଃତାସ୍‌ନା।

ଗାଲାତିୟ 4:4

ମାତର୍ ଈଶ୍ୱର ଟିକ୍ କିଜିମାଚି ଦିନ୍ ୱାତିଲେ, ଈଶ୍ୱର ତା ଜାର୍ ହିମ୍‌ଣାତିଙ୍ଗ୍ ଇ ଜଗତ୍‌ତାକେ ପକ୍ତାନ୍, ଆରେ ହେୱାନ୍ ମାନାୟ୍ ଜନମ୍ ଆତି ଲେକେ କଗ୍‌ଲେତାଙ୍ଗ୍ ଜନମ୍ ଆତାନ୍। ଆରେ ହେୱାନ୍ ମୋଶା ଲେକିକିତି ନିୟମ୍ ସାସ୍ତର୍‌ତିଙ୍ଗ୍ ମାନି କିତାନ୍।

ଏପିସିୟ 6:24

ଇମ୍‌ଣାକାର୍ ମା ମାପୃ ଯୀଶୁ ଖ୍ରୀଷ୍ଟଙ୍ଗ୍ ୱିଜ୍‌ୱି ଲାଡ୍‌ତାକେ ଲାଡ୍ କିନାର୍, ହେୱାରିଙ୍ଗ୍ ଈଶ୍ୱର ଦୟା କିନାନ୍।

୧ ତିମତି 1:15

ପାପି ମାନାୟାରିଙ୍ଗ୍ ଉଦାର୍ କିଦେଙ୍ଗ୍ ଯୀଶୁ ଖ୍ରୀଷ୍ଟ ପୁର୍ତିତାକେ ୱାଜିମାଚାନ୍, ଇ କାତା ପୁରାପୁରି ସତ୍ ଆରେ ପାର୍ତିକିନି ଦର୍‌କାର୍, ହେ ପାପି ମାନାୟାର୍ ବିତ୍ରେତାଙ୍ଗ୍ ଆନେଙ୍ଗ୍ ରକାଙ୍ଗ୍ ଗାଜା ପାପି।

ଏବ୍ରି 12:6

ଇନେସ୍‌କି ମାପୃ ଇନେରିଙ୍ଗ୍ ଲାଡ୍ କିନାନ୍। ହେୱାନିଙ୍ଗ୍ ସାସନ୍ କିନାନ୍, ଆରେ ହେୱାନ୍ ଇନେରିଙ୍ଗ୍ ହିମ୍‍ଣାଇଞ୍ଜି ଆହ୍‌ନାନ୍, ହେୱାନିଙ୍ଗ୍ ହେୱାନ୍ ସାସ୍ତି ହିନାନ୍।”

୧ ପିତର 1:8

ଏପେଙ୍ଗ୍ ଯୀଶୁଙ୍ଗ୍ ଇନାୱେଡ଼ାଙ୍ଗ୍ ପା ହୁଡ଼୍‌ୱାତାଦେର୍‌ନା, ମାତର୍ ନଙ୍ଗୟ୍ ପାତେକ୍ ହେୱାନିଙ୍ଗ୍ ଲାଡ୍ କିନାଦେରା। ଏପେଙ୍ଗ୍ ନଙ୍ଗୟ୍ ଯୀଶୁଙ୍ଗ୍ ହୁଡ଼୍‌ୱାତାଦେର୍‌ନା ମାତର୍ ଏପେଙ୍ଗ୍ ଯୀଶୁଙ୍ଗ୍ ପାର୍ତି କିନାଦେରା। ଲାଗିଙ୍ଗ୍ ଏପେଙ୍ଗ୍ ବେସି ୱାରିୟା ଆନାଦେରା ହେଦାଙ୍ଗ୍ କାତା ୱେଚ୍‌ଚି ବୁଜାୟ୍ କିୟି ଆଉତ୍।

୧ ଯୋହନ 4:19

ଈଶ୍ୱର ପାର୍ତୁମ୍ ମାଙ୍ଗେଙ୍ଗ୍ ଲାଡ୍ କିତ୍‌ତାନ୍, ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ଜାର୍-ଜାର୍‌ବିତ୍ରେ ଲାଡ୍ କିନାପା।

ହତ୍‌ତି 3:19

ଆନେଙ୍ଗ୍ ଇନେରିଙ୍ଗ୍ ଲାଡ୍ କିନାଙ୍ଗା ତାଙ୍ଗେଙ୍ଗ୍ ହିକାୟ୍ କିନାଙ୍ଗ୍ ଆରେ ଦନ୍ ହିନାଙ୍ଗ୍, ଲାଗିଙ୍ଗ୍ ହେୱାର୍ ହାର୍ଦି ମାନାୟାର୍ ଆନାର୍। ଲାଗିଙ୍ଗ୍ ଏପେଙ୍ଗ୍ ହାର୍ କାମାୟ୍ କିୟାଟ୍ ଆରେ ପାପ୍ କାମାୟ୍ କିନାକା ବନ୍ଦ୍ କିୟାଟ୍।”

ହତ୍‌ତି 3:9

ଲାଗିଙ୍ଗ୍ ହୁଡ଼ାଟ୍, ଇମ୍‌ଣି ମାନାୟାର୍ ଶୟତାନ ଦଳ୍‌ନି ମାନାୟାର୍ ହେୱାର୍ ଈଶ୍ୱର ବାଚି କିତ୍‌ତି ସତ୍ ଯିହୁଦି ମାନାୟାର୍ ଇଞ୍ଜି ଚଞ୍ଜିଆ ଆନାରା, ମାତର୍ ହେୱାର୍ ସତ୍ ଯିହୁଦି ମାନାୟାର୍ ଆକାୟ୍। ହେୱାର୍ ୱାଜି ମି କାଲ୍‌ପାନାତାକେ ମୁଣ୍ଡିଆ ଇଡ଼୍‌ଦାନାର୍ ଆରେ ଆନେଙ୍ଗ୍ ମିଙ୍ଗେଙ୍ଗ୍ ଲାଡ୍ କିନାଙ୍ଗା ଇଞ୍ଜି ହେୱାର୍ ପୁଞ୍ଜ୍‌ନାର୍।”