ଜହନ୍‌ 16:22 - New Testament in Pengo Parja Language

²² ହେଲେକେ ଏପେଙ୍ଗ୍ ନଙ୍ଗୟ୍ ଦୁକ୍ ପାୟା ଆତାଦେର୍‌ନା। ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ଆରେ ଗିଟା ଆଦ୍‌ନାଙ୍ଗ୍‌, ଆରେ ଏପେଙ୍ଗ୍ ୱାରିଆ ଆନାଦେର୍। ଆରେ ମି ୱାରି ଆନାକାଦିଙ୍ଗ୍ ଇନେର୍ କିସ୍ତି ଅଦେଙ୍ଗ୍ ଆଡୁର୍।

ସତ୍‌ ବଚନ୍‌ ପୁନି ନିୟମ୍‌

²² ହେ ଲାକେ ଏପେଙ୍ଗ୍‌ ନଙ୍ଗ୍‌ ଦୁକ୍‌ ପାୟାଆନାଦେରା, ମାତର୍‌ ଆନ୍‌ ଆରେ ରଗ ମିଙ୍ଗେଙ୍ଗ୍‌ ଚଞ୍ଜିୟାଆଦ୍‌ନାଂ, ଆରେ ମିଦାଙ୍ଗ୍‌ ୱାସ୍କିତାଂ ୱାର୍‌ୟା ଆନାତ୍‌ ଆରି ଇନେର୍‌ ମିତାଙ୍ଗ୍ ମିଙ୍ଗେଙ୍ଗ୍‌ ୱାରି ଜେଲ୍‌ଜି ଅଦୁର୍ ।”

ଜହନ୍‌ 16:22 ပူးပေါင်းရင်းမြစ်များ

ମାତିଉ 28:8

ଲାଗିଙ୍ଗ୍ ହେ କଗ୍‌ଲେ ହିମ୍‌ଣାଙ୍ଗ୍ ଦୁଗେର୍ ପିସ୍ତି ହାଚିକ୍। ହେୱେକ୍ ପାଣ୍ଡ୍ରାଆଜି ମାଚିକ୍, ମାତର୍ ବେସି ୱାରି ପା ଆଜି ମାଚିକ୍। ଇନାକା ୱିଜୁ ହୁଡ଼୍‌ତିକ୍ ଆରେ ୱେନ୍‌ଞ୍ଜି ମାଚିକ୍, ହେ ୱିଜୁ ଯୀଶୁ ଚେଲାହିରିଙ୍ଗ୍ ୱେଚ୍‌ଚେଙ୍ଗ୍ ହନ୍‍ଚି-ହନ୍‍ଚି ହାଚିକ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 10:42

ମାତର୍ ର ଜିନିଷ୍ ୱିଜୁତାଙ୍ଗ୍ ଗାଜା। ମରିୟମ ଜାର୍ କାଜିଙ୍ଗ୍ ହାର୍ଦି ବିଷୟ ମାନ୍ କିତାତ୍‌ନା, ଆରେ ଇଦାଙ୍ଗ୍ ଇନେର୍ ପା ତାବେତାଙ୍ଗ୍ କିସ୍ତି ଅଦେଙ୍ଗ୍ ଆଡୁର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:25

ମାତର୍ ଅବ୍ରାହାମ୍‌ ୱେଚ୍‌ଚାନ୍, ‘ଏ ହିମ୍‌ଣା, ଏନେଙ୍ଗ୍ ଏଚେପାଦ୍ନା ଜିଜି ମାଚାଇ ହେପାଦ୍ନାନି କାତା ଅଲପ୍ ମାନ୍ତ ଏତ୍‌କିୟା। ନି ଜିବୁନ୍‌ତ ୱିଜୁ ବିଷୟ ପାୟାଆତାଇନା। ମାତର୍ ଲାଜର୍‌ କାଜିଙ୍ଗ୍ ୱିଜୁ କରାପ୍ ଜିନିଷ୍ ଗଟାଆତାତ୍‌ନା। ନଙ୍ଗୟ୍ ହେୱାନ୍ ଆରାମ୍‌ସେ ମାନାନା ଆରେ ଏନେଙ୍ଗ୍ କଷ୍ଟ ପାୟାଆନାୟା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 19:26

ରାଜା ହେୱାରିଙ୍ଗ୍ ୱେଚ୍‌ଚାନ୍, ‘ଯଦି ଇମ୍‌ଣାକାର୍ ନା ହିକ୍ଷାତିଙ୍ଗ୍ ବୁଜା ଆଦେଙ୍ଗ୍ ଇଚାକିନାର୍, ଈଶ୍ୱର ହେୱାନିଙ୍ଗ୍ ଆଦିକ୍ ବୁଜା ଆଦେଙ୍ଗ୍ ହିନାନ୍। ମାତର୍ ଇମ୍‌ଣାକାର୍ ନା ହିକ୍ଷାତିଙ୍ଗ୍ ପୁଞ୍ଜେଙ୍ଗ୍ ମାନ୍‍କିଉର୍। ହେୱାନ୍‌ତାଙ୍ଗ୍ ହେ ପୁଚାକା ପା ଈଶ୍ୱର କିସ୍ତି ଅନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:41

ଚେଲାହିର୍ ଚାନିଆଆତାର୍। ହେୱାର୍ ଯୀଶୁଙ୍ଗ୍ ଜିବୁନ୍ ଆତାକା ହୁଡ଼୍‌ଜି ବେସି ୱାରିୟା ଆତାର୍। ମାତର୍ ହେୱାର୍ ପାର୍ତି କିଦେଙ୍ଗ୍ ଆଡ୍‌ୱାତାର୍। ହେଦାଙ୍ଗ୍ ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ମିବେ ଇନାକା ତିନାକା ମାନାତ୍ କି?”

ଜହନ୍‌ 14:1

ଆରେରଗ ଯୀଶୁ ୱେଚ୍‌ଚାନ୍, “ମି ଗରବ୍ ଚିନ୍ତା ଆମେତ୍। ଈଶ୍ୱରତାକେ ପାର୍ତି କିଜି ମାନାଟ୍। ନାବେ ପା ପାର୍ତିକିୟାଟ୍।

ଜହନ୍‌ 14:19

କେତ୍‌ଦିନ୍ ପାଚେ ଇ ପୁର୍ତିନି ମାନାୟାର୍ ନାଙ୍ଗେଙ୍ଗ୍ ଆରେ ହୁଡ଼୍‌ଦେଦେଙ୍ଗ୍ ଆଡ଼୍‌ଦୁର୍। ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ହୁଡ଼୍‌ଦାନାଦେର୍। ଇନେସ୍‌କି ଆନେଙ୍ଗ୍ ଜିବୁନ୍ ମାନାଙ୍ଗ୍, ଏପେଙ୍ଗ୍ ପା ଜିବୁନ୍ ମାନ୍‌ଗାନାଦେର୍।

ଜହନ୍‌ 14:27

ଆନେଙ୍ଗ୍ ମିଙ୍ଗେଙ୍ଗ୍ ଶାନ୍ତି ହିଜି ହାନାଙ୍ଗା। ଇ ଶାନ୍ତି ନାଦି, ଇନାକା ମିଙ୍ଗେଙ୍ଗ୍ ହିଦ୍‌ନାଙ୍ଗା। ପୁର୍ତିନି ଇଲେକେ ଶାନ୍ତି ଆନେଙ୍ଗ୍ ମିଙ୍ଗେଙ୍ଗ୍ ହିଦୁଙ୍ଗା। ଲାଗିଙ୍ଗ୍ ଏପେଙ୍ଗ୍ ମି ମାନ୍ତ ଦୁକ୍ କିଜି ପାଣ୍ଡ୍ରା ଆମାଟ୍।

ଜହନ୍‌ 16:16

ଆରେରଗ ଯୀଶୁ ୱେଚ୍‌ଚାନ୍, “ଏପେଙ୍ଗ୍ ନାଙ୍ଗେଙ୍ଗ୍ ଅଲପ୍ ସମୟ୍ ହାଚି ପାଚେ ହୁଡ଼୍‌ଦୁଦେର୍। ତାପାଚେ ଆରେ ଅଲପ୍ ସମୟ୍ ହାଚି ପାଚେ ଏପେଙ୍ଗ୍ ନାଙ୍ଗେଙ୍ଗ୍ ଆରେ ହୁଡ଼୍‌ଦାନାଦେର୍।”

ଜହନ୍‌ 16:20

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, “ଏପେଙ୍ଗ୍ ଆଡ଼୍‌ବାନାଦେର୍, ଆରେ ଦୁକ୍‌ଆନାଦେର୍, ମାତର୍ ପୁର୍ତିନି ମାନାୟାର୍ ୱାରି ଆନାର୍। ଏପେଙ୍ଗ୍ ଦୁକ୍‌ଆନାଦେର୍, ମାତର୍ ମି ଦୁକ୍ ସୁକ୍‌ତାକେ ବାଦ୍‌ଲା ଆନାତ୍‌।

ଜହନ୍‌ 16:6

ମି ଗରବ୍‌ନି ଦୁକ୍‌ତାକେ ବାର୍ତି ଇନେସ୍‌କି ଆନେଙ୍ଗ୍ ମିଙ୍ଗେଙ୍ଗ୍ ଇୱିଜୁ ୱେଚ୍‌ଚାତାଙ୍ଗ୍।

ଜହନ୍‌ 21:7

ଯୀଶୁ ଇମ୍‌ଣି ଚେଲାହିଙ୍ଗ୍ ଲାଡ୍‌କିଜି ମାଚାନ୍, ହେୱାନ୍ ଶିମୋନ ପିତରତିଙ୍ଗ୍ ୱେଚ୍‌ଚାନ୍, “ଇୱାନ୍‌ତ ମାପୃ।” ଇଞ୍ଜି ପିତର ତା ଜପ୍‌ଣି କଟ୍ ରିକ୍‍ଚି ଇଡ଼୍‌ଜି ମାଚାନ୍, ହେ କଟ୍‌ତିଙ୍ଗ୍ ଉସ୍‌ପିସ୍ କାଣ୍ଡିତାକେ ଉମ୍‌ଜି ହାଞ୍ଜେଙ୍ଗ୍ ଏଜୁକାଙ୍ଗ୍ ଗୁମ୍‌ତାନ୍।

ଜହନ୍‌ 4:14

ମାତର୍ ଆନେଙ୍ଗ୍ ଇମ୍‌ଣି ଏଜୁଙ୍ଗ୍ ଉଣ୍ଡେଙ୍ଗ୍ ହିଦ୍‌ନାଙ୍ଗ୍, ହେଦାଙ୍ଗ୍ ଇମ୍‌ଣାକାନ୍ ଉଣାନ୍, ହେୱାନ୍ ଇନାୱେଡ଼ାଙ୍ଗ୍ ପା ଏସ୍‌କି ଆଉନ୍। ଆନେଙ୍ଗ୍ ହିଦ୍‌ନି ଏଜୁଙ୍ଗ୍ ୱିଜ୍‌ୱି ଜିବୁନ୍ ପାତେକ୍ ଜାରିଆ ଲେକେ ୱିଜୁଦିନ୍ ହତ୍‌ନାତ୍।”

ପକ୍ୟାତାକା 13:52

ମାତର୍ ଆନ୍ତିୟକିଆ ସହର୍‌ତାକେ ମାନି ପାର୍ତିକିନି ଚେଲାହିର୍ ୱାରିତାଙ୍ଗ୍ ଆରେ ପବିତ୍ର ଆତ୍ମାତାଙ୍ଗ୍ ପୁରା ଆଦେଙ୍ଗ୍ ଲାଗାତାର୍।

ପକ୍ୟାତାକା 16:25

ପାକାପାକି ମାଦିମାଦାନାଣା, ପାଉଲ ଆରେ ଶିଲା ଈଶ୍ୱର ଲାଗାୟ୍ ପାର୍ତାନା କିଜି କେର୍‌କଣ୍ କେର୍‌ଜି ମାଚାର୍। ଆରେ ହେବେ ବନ୍ଦି ଆତାକାର୍ ୱେନ୍‌ଞ୍ଜି ମାଚାର୍।

ପକ୍ୟାତାକା 2:46

ଆରେ ହେୱାର୍ ର ମାନ୍‌ଆଜି ୱିଜୁଦିନ୍ ଈଶ୍ୱର ମାନି ମନ୍ଦିର୍‌ତାକେ ମେହାଆଜି ମାଚାର୍। ଆରେ ଇଞ୍ଜ-ଇଞ୍ଜ ରୁଟି ଡିକ୍‌ଚି ୱାରିତାଙ୍ଗ୍ ଆରେ ଶାନ୍ତିତାଙ୍ଗ୍ ତିନ୍‌ଞ୍ଜି ଈଶ୍ୱରତିଙ୍ଗ୍ ଜୟ୍-ଜୟ୍ କିଜି ମାଚାର୍।

ପକ୍ୟାତାକା 5:41

ବାଚିକିତି ଚେଲାହିର୍ ହେ ବିଚାର୍‌କିନି ମିଟିଙ୍ଗ୍ ଇଞ୍ଜାଙ୍ଗ୍ ୱାରିଆଜି ହାଚାର୍। ଇନେସ୍‌କି ଯୀଶୁ ତର୍‌ କାଜିଙ୍ଗ୍ ଦୁକ୍‌କଷ୍ଟ ପାୟାଆନି ଜଗ୍ଯ ଇଞ୍ଜି ହେୱାର୍ ପୁନ୍‌ଞ୍ଜି ମାଚାର୍।

୨ କରନ୍ତିୟ 6:10

ଆପେଙ୍ଗ୍ ବେସି ଦୁଃକ୍‌ତ ମାନାପ୍, ମାତର୍ ଆପେଙ୍ଗ୍ ୱିଜୁଦିନ୍ ୱାରି କିନାପା। ଆପେଙ୍ଗ୍ ଗରିବ୍, ମାତର୍ ଆପେଙ୍ଗ୍ ପବିତ୍ର ଆତ୍ମାନି ଦନ୍ ଜେକନିକାରିଙ୍ଗ୍ ହିନାପା। ଆପେଙ୍ଗ୍ ଆର୍ଜା ଆୱାତାପ୍‌ନା ମାତର୍ ମା ତାକେ ୱିଜୁ ଜିନିଷ୍ ମାନାତ୍।

୨ ଥେସଲନୀକିୟ 2:16

ଆସେଙ୍ଗ୍ ପାର୍ତାନା କିନାସା ଯେ, ମା ମାପୃ ଯୀଶୁ ଖ୍ରୀଷ୍ଟ, ଆରେ ମା ଆବା ଈଶ୍ୱର ମାଙ୍ଗେଙ୍ଗ୍ ଲାଡ୍ କିଦ୍‌ନାର୍, ଆରେ ହେୱାର୍ ମାଙ୍ଗେଙ୍ଗ୍ ଦୟାକିଜି ୱିଜ୍‌ୱିଦିନ୍‌ନି ସାସ୍, ଆରେ ହାର୍ ଆହା ହିଦେନ୍।

ଏବ୍ରି 10:34

ଜଇଲ୍ ଇଞ୍ଜ ମାନି ମାନାୟାର୍ କଷ୍ଟ ହୁଦାଙ୍ଗ୍ ଏପେଙ୍ଗ୍ ମାହାଆଜି କଷ୍ଟ ପାୟାଆତାଦେର୍। ମି ଦନ୍‌ସମ୍ଫତି ମାନାୟାର୍ ଚର୍‌କିଜି ଅନିହିଙ୍ଗ୍, ଏପେଙ୍ଗ୍ ଇଦାଙ୍ଗ୍‌ତିଙ୍ଗ୍ ୱାରିତାଙ୍ଗ୍ ଆସ୍ତାଦେର୍। ଇନେସ୍‌କି ଈଶ୍ୱର ପାର୍ମାଣ୍‌କିତି ସମ୍ଫତି ବେସି ହାର୍ ଆରେ ୱିଜୁଦିନ୍ ମାନ୍‌ଗାନାତ୍ ଇଞ୍ଜି ଏପେଙ୍ଗ୍ ପୁଚାଦେର୍‌ନା।

ଏବ୍ରି 6:18

ଲାଗିଙ୍ଗ୍ ଈଶ୍ୱର ରଞ୍ଜାଙ୍ଗ୍ ପାର୍ମାଣ୍ ହିତ୍‌ତାନ୍‌ନା ଆରେ ହେୱାନ୍ ରଞ୍ଜାଙ୍ଗ୍ ଶପତ୍ କିତାନ୍‌ନା। ଇ ରିଣ୍ଡାଙ୍ଗ୍ ବିଷୟ ଚେଞ୍ଚ୍ ଆଉତ୍, ଇନେସ୍‌କି ଈଶ୍ୱର ଇନାୱେଡ଼ାଙ୍ଗ୍ ପା ମିଚ୍ କାତା ୱେଚୁନ୍। ଆସେଙ୍ଗ୍ ତା ଲାଗାୟ୍ ରକ୍ଷା ପାୟାଆନି କାଜିଙ୍ଗ୍ ୱାତାସ୍‌ନା, ଲାଗିଙ୍ଗ୍ ମା ମୁମ୍‌ଦ ମାନି ଆହାତିଙ୍ଗ୍ ଆହ୍‌ନି କାଜିଙ୍ଗ୍ ସାହାସ୍ ଆଡ।

୧ ପିତର 1:8

ଏପେଙ୍ଗ୍ ଯୀଶୁଙ୍ଗ୍ ଇନାୱେଡ଼ାଙ୍ଗ୍ ପା ହୁଡ଼୍‌ୱାତାଦେର୍‌ନା, ମାତର୍ ନଙ୍ଗୟ୍ ପାତେକ୍ ହେୱାନିଙ୍ଗ୍ ଲାଡ୍ କିନାଦେରା। ଏପେଙ୍ଗ୍ ନଙ୍ଗୟ୍ ଯୀଶୁଙ୍ଗ୍ ହୁଡ଼୍‌ୱାତାଦେର୍‌ନା ମାତର୍ ଏପେଙ୍ଗ୍ ଯୀଶୁଙ୍ଗ୍ ପାର୍ତି କିନାଦେରା। ଲାଗିଙ୍ଗ୍ ଏପେଙ୍ଗ୍ ବେସି ୱାରିୟା ଆନାଦେରା ହେଦାଙ୍ଗ୍ କାତା ୱେଚ୍‌ଚି ବୁଜାୟ୍ କିୟି ଆଉତ୍।