ଜହନ୍‌ 16:19 - New Testament in Pengo Parja Language

¹⁹ ଯୀଶୁ ପୁଚାନ୍ ଯେ, ଚେଲାହିର୍ ହେୱାନିଙ୍ଗ୍ ଇ ବିଷୟରେ ୱେନ୍‌ବେଦେଙ୍ଗ୍ ଇଚା କିନାରା। ଲାଗିଙ୍ଗ୍ ହେୱାନ୍ ଚେଲାହିରିଙ୍ଗ୍ ୱେଚ୍‌ଚାନ୍, “ଅଲପ୍ ସମୟ୍ ହାଚି ପାଚେ ନାଙ୍ଗେଙ୍ଗ୍ ହୁଡ଼୍‌ଦେଦେଙ୍ଗ୍ ଆଡ଼୍‌ଦୁଦେର୍, ଆରେ ଅଲପ୍ ସମୟ୍ ହାଚି ପାଚେ ଏପେଙ୍ଗ୍ ନାଙ୍ଗେଙ୍ଗ୍ ହୁଡ଼୍‌ଦାନାଦେର୍।” ଇ ବେଣ୍‌ତିଙ୍ଗ୍ ଏପେଙ୍ଗ୍ ୱେନ୍‌ବାଆନାଦେରା କି?

ସତ୍‌ ବଚନ୍‌ ପୁନି ନିୟମ୍‌

¹⁹ ହେୱାର୍‌ ତାଙ୍ଗ୍‌ ୱେନ୍‌ବେଦେଂ ଇଚା କିନାରା ଇଞ୍ଜି ପୁଞ୍ଜି ଜିସୁ ହେୱାରିଂ ଇଚାନ୍‌, “ଅଲପ୍‍ ମତର୍‌ ସମୁ ମାନାତ୍‌, ଏପେଙ୍ଗ୍‌ ନାଙ୍ଗ୍‌ ହୁଡ଼୍‍ଦୁଦେର୍, ଆରେ ରଗ ଅଲପ୍‍ ସମୁ ପାଚେ ଏପେଙ୍ଗ୍‌ ନାଙ୍ଗ୍‌ ହୁଡ଼୍‍ଦାନାଦେର୍, ଆନ୍‌ ଇ ଇମ୍‌ଣି କାତା ଇନ୍‍ଞ୍ଚାଙ୍ଗ୍, ହେ ବିସ୍ରେ ଅଜ଼ି ଏପେଙ୍ଗ୍‌ ଇନାକା ରକାନ୍‌ ରିକାର୍‌ ବେଣ୍‌ବାଟ୍‌ କିନାଦେରା ?

ଜହନ୍‌ 16:19 ပူးပေါင်းရင်းမြစ်များ

ମାତିଉ 6:8

ମାତର୍ ହେୱାର୍ ଲେକେ ଆମାଟ୍, ଲାଗିଙ୍ଗ୍ ମିଙ୍ଗେଙ୍ଗ୍ ଇନାକା ଦର୍‌କାର୍, ଏପେଙ୍ଗ୍ ଏନ୍‌ୱି ଆଗେ ମି ସରଗ୍‌ନି ଆବା ହେଦାଙ୍ଗ୍ ପୁନାନ୍।

ମାତିଉ 9:4

ଯୀଶୁ ହେୱାର୍ ମାନ୍ତି ବାବ୍‌ନା ପୁନ୍‌ଞ୍ଜି ୱେଚ୍‌ଚାନ୍, “ଏପେଙ୍ଗ୍ ଇନା କିଦେଙ୍ଗ୍ ଜାର୍-ଜାର୍ ମାନ୍ତ ଇଲେକେ ବାବିକିନାଦେରା?

ମାର୍କ 9:32

ମାତର୍ ତା ଚେଲାହିର୍ ଇ ବେଣ୍‌ତିଙ୍ଗ୍ ଅଲପ୍‌ପା ବୁଜାଆୱାତାର୍। ଆରେ ହେ ବିଷୟତିଙ୍ଗ୍ ଯୀଶୁଙ୍ଗ୍ ୱେନ୍‌ବେଦେଙ୍ଗ୍ ପାଣ୍ଡ୍ରାଆଜି ମାଚାର୍।

ଜହନ୍‌ 13:33

ଯୀଶୁ ୱେଚ୍‌ଚାନ୍, “ନା ହିମ୍‌ଣାୱାକ୍‌ଡ଼ା କାଦେର୍, ଆନେଙ୍ଗ୍ ମିହୁଦାଙ୍ଗ୍ ଅଲପ୍‌ଦିନ୍ ମାନ୍‌ଗାନାଙ୍ଗ୍। ଏପେଙ୍ଗ୍ ନାଙ୍ଗେଙ୍ଗ୍ ଦାସ୍ତାନାଦେର୍। ଆନେଙ୍ଗ୍ ଯିହୁଦିରିଙ୍ଗ୍ ଇନାକା ୱେଚ୍‌ଚି ମାଚାଙ୍ଗ୍, ହେଦାଙ୍ଗ୍ ଆନେଙ୍ଗ୍ ନଙ୍ଗୟ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା। ଆନେଙ୍ଗ୍ ଇମେତାକେ ହାନାଙ୍ଗା, ଏପେଙ୍ଗ୍ ହେବେ ୱାଦେଙ୍ଗ୍ ଆଡୁଦେର୍।

ଜହନ୍‌ 14:19

କେତ୍‌ଦିନ୍ ପାଚେ ଇ ପୁର୍ତିନି ମାନାୟାର୍ ନାଙ୍ଗେଙ୍ଗ୍ ଆରେ ହୁଡ଼୍‌ଦେଦେଙ୍ଗ୍ ଆଡ଼୍‌ଦୁର୍। ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ହୁଡ଼୍‌ଦାନାଦେର୍। ଇନେସ୍‌କି ଆନେଙ୍ଗ୍ ଜିବୁନ୍ ମାନାଙ୍ଗ୍, ଏପେଙ୍ଗ୍ ପା ଜିବୁନ୍ ମାନ୍‌ଗାନାଦେର୍।

ଜହନ୍‌ 16:16

ଆରେରଗ ଯୀଶୁ ୱେଚ୍‌ଚାନ୍, “ଏପେଙ୍ଗ୍ ନାଙ୍ଗେଙ୍ଗ୍ ଅଲପ୍ ସମୟ୍ ହାଚି ପାଚେ ହୁଡ଼୍‌ଦୁଦେର୍। ତାପାଚେ ଆରେ ଅଲପ୍ ସମୟ୍ ହାଚି ପାଚେ ଏପେଙ୍ଗ୍ ନାଙ୍ଗେଙ୍ଗ୍ ଆରେ ହୁଡ଼୍‌ଦାନାଦେର୍।”

ଜହନ୍‌ 16:18

ହେଦାଙ୍ଗ୍ କାଜିଙ୍ଗ୍ ଚେଲାହିର୍ ୱେନ୍‌ବାତାର୍, “ଅଲପ୍ ସମୟ୍ ଅର୍ତ ଇନାକା?” ହେୱାନ୍ ଇଲେକେ ଇନାକା ୱେଚ୍‌ଚାନାନା, “ଆପେଙ୍ଗ୍ ଅଲପ୍‌ପା ବୁଜାଆଉପା।”

ଜହନ୍‌ 16:23

ହେ ଦିନ୍ ୱାତିସ୍ ଏପେଙ୍ଗ୍ ନାଙ୍ଗେଙ୍ଗ୍ ଇନାକା ଏନ୍ତୁଦେର୍। ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ନା ତର୍‍ଦାଙ୍ଗ୍ ଏପେଙ୍ଗ୍ ଆବା ଈଶ୍ୱରତିଙ୍ଗ୍ ଇନାକା ଏନ୍‌ନାଦେର୍, ହେୱାନ୍ ହେଦାଙ୍ଗ୍ ହିଦ୍‌ନାନ୍।

ଜହନ୍‌ 16:26

ଏପେଙ୍ଗ୍ ହେ ଦିନ୍ ଆବା ଈଶ୍ୱରତିଙ୍ଗ୍ ନା ତର୍‍ଦାଙ୍ଗ୍ କେତେକ୍ ବିଷୟ ପାର୍ତାନା କିଜି ଏନ୍‌ନାଦେର୍। ଆନେଙ୍ଗ୍ ୱେଚ୍‌ଚାନାଙ୍ଗା, ମି କାଜିଙ୍ଗ୍ ନାଙ୍ଗେଙ୍ଗ୍ ଆବା ଈଶ୍ୱରତିଙ୍ଗ୍ ଇନାକା ୱେଚ୍‌ଚେଙ୍ଗ୍ ଦର୍‌କାର୍ ପଡ଼ାଆଦୁତ୍।

ଜହନ୍‌ 16:30

ଆପେଙ୍ଗ୍ ନଙ୍ଗୟ୍ ବୁଜା ଆଦେଙ୍ଗ୍ ଆଡ୍‌ନାପା, ଆରେ ଏନେଙ୍ଗ୍ ମା ପ୍ରଶ୍ନ କାଜିଙ୍ଗ୍ ଇନେରିଙ୍ଗ୍ ୱେନ୍‌ବିନି ଦର୍‌କାର୍ ଆକାଇ, ଇନେସ୍‌କି ଆପେଙ୍ଗ୍ ପାର୍ତି କିନାପା, ଏନେଙ୍ଗ୍ ଆବା ଈଶ୍ୱରତାଙ୍ଗ୍ ୱାତାଇନା।”

ଜହନ୍‌ 21:17

ଆରେ ତିନ୍‌ହଟ୍ ହେୱାନ୍ ହେୱାନିଙ୍ଗ୍ ୱେନ୍‌ବାତାନ୍, “ଯୋହନ ମେହି ଶିମୋନ, ଏନେଙ୍ଗ୍ ନାଙ୍ଗେଙ୍ଗ୍ ଲାଡ୍ କିଦ୍‌ନାୟା କି?” ପିତର ଦୁକ୍ ଆତାନ୍, ଇନେସ୍‌କି ଯୀଶୁ ହେୱାନିଙ୍ଗ୍ ତିନ୍‌ହଟ୍ ହେ ବେଣ୍ ୱେନ୍‌ବାତାନ୍, “ନାଙ୍ଗେଙ୍ଗ୍ ଲାଡ୍ କିଦ୍‌ନାୟା କି?” ପିତର ୱେଚ୍‌ଚାନ୍, “ମାପୃ, ଏନେଙ୍ଗ୍ ୱିଜୁ ବିଷୟ ପୁଚାଇନା। ଆନେଙ୍ଗ୍ ନିଙ୍ଗେଙ୍ଗ୍ ଲାଡ୍ କିଦ୍‌ନାନ୍ ଇଞ୍ଜି ଏନେଙ୍ଗ୍ ପୁଚାଇନା।” ଯୀଶୁ ପିତରତିଙ୍ଗ୍ ୱେଚ୍‌ଚାନ୍, “ନା ମେଣ୍ଢାକାଙ୍ଗ୍ ଚିଚ୍‌ପା।

ଜହନ୍‌ 6:61

ଚେଲାହିର୍ ଇ ହିକ୍ଷା ବିଷୟତିଙ୍ଗ୍ ୱେଚ୍‌ପାଆନାରା, ଇଦାଙ୍ଗ୍ ପୁନ୍‌ଞ୍ଜି ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଇ ହିକ୍ଷା ମିଙ୍ଗେଙ୍ଗ୍ ଇନାକା ଅସୁବିଦା କିଦ୍‌ନାତା?

ଜହନ୍‌ 7:33

ତାପାଚେ ଯୀଶୁ ୱେଚ୍‌ଚାନ୍, “ଆନେଙ୍ଗ୍ ମିହୁଦାଙ୍ଗ୍ ଅଲପ୍ ସମୟ୍ ମାନ୍‌ଗାନାଙ୍ଗ୍। ନାଙ୍ଗେଙ୍ଗ୍ ଇନେର୍ ପକ୍ତାତାର୍‌ନା ଆନେଙ୍ଗ୍ ହେୱାନ୍ ଲାଗାୟ୍ ହାନାଙ୍ଗ୍।

ଏବ୍ରି 4:13

ଈଶ୍ୱର କାଣ୍‍କୁକାଙ୍ଗ୍ ଇମ୍‌ଣି ମାନାୟ୍ ପା ଡ଼ୁଗ୍‌ୱାତାର୍‌ନା। ଇନେସ୍‌କି ତା କାଣ୍‍କୁକାଙ୍ଗ୍ ୱିଜୁ ବିଷୟ ଚଞ୍ଜି ଆନାତ୍। ଆରେ ତା ମୁମ୍‌ଦ ମାଙ୍ଗେଙ୍ଗ୍ ୱିଜୁ କାତା ୱେଚ୍‌ଚେଙ୍ଗ୍ ଆନାତ୍ ଇନାକା ମା ଜିବୁନ୍ ମାନିହିଙ୍ଗ୍ କିତାସ୍‌ନା।

ହତ୍‌ତି 2:23

ଆନେଙ୍ଗ୍ ତା ହିକ୍ଷାତିଙ୍ଗ୍ ମାନି କିନାକାରିଙ୍ଗ୍ ମାର୍ନେ ଅହ୍‌ନାଙ୍ଗ୍, ଲାଗିଙ୍ଗ୍ ୱିଜୁ ମଣ୍ଡ୍‌ଲିନି ମାନାୟାର୍ ପୁନାର୍ ଯେ, ଆନେଙ୍ଗ୍ ନେ ହେ ମାନାୟ୍‌ତଙ୍ଗ୍‌ ଇନେର୍ ୱିଜାର୍ ମାନ୍ତି ବାବ୍‌ନାତିଙ୍ଗ୍ ଆରେ ଚିନ୍ତାତିଙ୍ଗ୍ ପୁନି ମାନାୟ୍। ଆରେ ଆନେଙ୍ଗ୍ ମି ଜାର୍-ଜାର୍ କାମାୟ୍ ଅନୁସାରେ ମିଙ୍ଗେଙ୍ଗ୍ ପୁରଷ୍କାର୍ ହିଦ୍‌ନାଙ୍ଗ୍।