ଜହନ୍‌ 16:11 - New Testament in Pengo Parja Language

¹¹ ନ୍ୟାୟ୍ ବିଚାର୍ ବିଷୟରେ ପୁର୍ତିତିଙ୍ଗ୍ ଚଚ୍‍ନାନ୍, ଇନେସ୍‌କି ପୁର୍ତିନି ସାସନ୍ କିନି ଶୟତାନ୍ ବିଚାର୍ ଆତାନେ।

ସତ୍‌ ବଚନ୍‌ ପୁନି ନିୟମ୍‌

¹¹ ବିଚାର୍ଣ୍ଣା ବିସ୍ରେ ହେୱାର୍‌ ବୁଲ୍‌ ଇନାକିଦେଂକି ଇ ଜଗତ୍‌ତ ମୁଡ଼୍‌ଦାକାନ୍‌ ବିଚାର୍ଣ୍ଣା ଆତାତେ ।”

ଜହନ୍‌ 16:11 ပူးပေါင်းရင်းမြစ်များ

ମାତିଉ 12:18

“ହୁଡ଼ାଟ୍, ଆନେଙ୍ଗ୍ ବାଚିକିତି ହଲିଆ। ଆନେଙ୍ଗ୍ ହେୱାନିଙ୍ଗ୍ ବେସି ଲାଡ୍ କିନାଙ୍ଗ୍ ଆରେ ହେୱାନିଙ୍ଗ୍ ବେସି ୱାରି କିନାଙ୍ଗ୍। ଆନେଙ୍ଗ୍ ହେୱାନିଙ୍ଗ୍ ନା ପବିତ୍ର ଆତ୍ମା ହିନାଙ୍ଗ୍, ଆରେ ହେୱାନ୍ ବିନ୍‌ଜାତିର୍‌ତାକେ ନ୍ୟାୟ୍‌ବିଚାର୍‌ନି କାତା ଶୁଣାୟ୍ କିନାନ୍।

ମାତିଉ 12:36

ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, “ଈଶ୍ୱର ବିଚାର୍ କିଦ୍‌ନିଦିନ୍ ମାନାୟାର୍ ଇମ୍‌ଣି ପଲିଆ-ପଲିଆ କାତାତିଙ୍ଗ୍ ପା ହେୱାନ୍ ବିଚାର୍ କିଦ୍‌ନାନ୍। ଆରେ ହେୱାର୍ ୱେଚ୍‌ଚି କାତାତାଙ୍ଗ୍ ବିଚାର୍ କିନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 10:18

ଇଦାଙ୍ଗ୍ ୱେନ୍‌ଞ୍ଜି ଯୀଶୁ ୱେଚ୍‌ଚାନ୍, “ଆନେଙ୍ଗ୍ ଶୟତାନ୍‌ତିଙ୍ଗ୍ ଆରାୟ୍‌କିଜି ସରଗ୍‌ତାଙ୍ଗ୍ ବିଜ୍‌ଲି ଲେକେ ଆଜି ଆର୍ଦାନାକା ହୁଡ଼୍‌ତାଙ୍ଗ୍।

ଜହନ୍‌ 12:31

ନଙ୍ଗୟ୍ ଇ ପୁର୍ତିତିଙ୍ଗ୍ ବିଚାର୍‌କିନି ଦିନ୍ ଏକିୱାତାତ୍, ଇ ପୁର୍ତିତିଙ୍ଗ୍ ସାସନ୍ କିନି ଶୟତାନ୍‌ତିଙ୍ଗ୍ ବାର୍ତ ତୁସିହିନି ଦିନ୍ ୱାତାତ୍।

ଜହନ୍‌ 14:30

ଆନେଙ୍ଗ୍ ମିହୁଦାଙ୍ଗ୍ ଆରେ ବେସି ବେଣ୍ କିଦ୍‌ଦେଙ୍ଗ୍ ଆଡ଼୍‌ଦୁଙ୍ଗ୍। ଇ ପୁର୍ତିନି ସାସନ୍ କିନାକାନ୍ ୱାନାନା, ଆରେ ନାବେ ହେୱାନ୍‌ତି ଇନାକାପା ଆଦିକାର୍ ହିଲୁତ୍।

ଜହନ୍‌ 16:12

ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚେଦେଙ୍ଗ୍ ବେସି କାତା ମାନାତ୍। ମାତର୍ ନଙ୍ଗୟ୍ ଏପେଙ୍ଗ୍ ବୁଜା ଆଦେଙ୍ଗ୍ ଆଡୁଦେର୍।

ପକ୍ୟାତାକା 10:42

ଯୀଶୁଙ୍ଗ୍ ହାଃତାକାରିଙ୍ଗ୍ ଆରେ ଜିବୁନ୍ ମାନାକାରିଙ୍ଗ୍ ବିଚାର୍ କିଦେଙ୍ଗ୍ ଈଶ୍ୱର ବାଚି କିତାନ୍‌ନା। ଇ ବିଷୟରେ ୱିଜୁ ମାନାୟାରିଙ୍ଗ୍ ଶୁଣାୟ୍ କିଦେଙ୍ଗ୍, ଆରେ ସାକି ହିଦେଙ୍ଗ୍ ହେୱାନ୍ ମାଙ୍ଗେଙ୍ଗ୍ ଆଦେସ୍ ହିତ୍‌ତାନ୍‌ନା।

ପକ୍ୟାତାକା 24:25

ଆରେ ଈଶ୍ୱର କାତାତିଙ୍ଗ୍ ମାନିକିଜି ମାନାକା, ଜାର୍ କରାପ୍ ବାବ୍‌ନାତିଙ୍ଗ୍ ସମ୍ବାଲି କିନାକା ଆରେ ଈଶ୍ୱର ସେସ୍‌ଦିନ୍‌ତ ବିଚାର୍‌କିନି ବିଷୟରେ ପାଉଲ ୱେଚ୍‌ଚାନ୍। ଲାଗିଙ୍ଗ୍ ଫେଲିକ୍‌ସ ରାଜା ପାଣ୍ଡ୍ରାଆଜି ୱେଚ୍‌ଚାନ୍, “ନେଞ୍ଜେଙ୍ଗ୍ ଏଚେକ୍ ମାନେତ୍, ସୁବିଦା ଆତିସ୍ ନିଙ୍ଗେଙ୍ଗ୍ କୁକ୍ତାନାଙ୍ଗ୍ ଏନେଙ୍ଗ୍ ନଙ୍ଗୟ୍ ହାଲା।”

ପକ୍ୟାତାକା 26:18

ଲାଗିଙ୍ଗ୍ ହେୱାର୍ କରାପ୍ କାମାୟ୍ ପିସ୍ତି ହାର୍ଦି କାମାୟ୍ କିନାର୍, ଆରେ ଶୟତାନ୍ ଶାକ୍ତିତାଙ୍ଗ୍ ଈଶ୍ୱର ଲାଗାୟ୍ ୱାତିସ୍, ଈଶ୍ୱର ହେୱାର୍ ପାପ୍‌ତିଙ୍ଗ୍ କେମା କିନାନ୍। ଆରେ ନାବେ ପାର୍ତି କିଦେଙ୍ଗ୍ ଇନେରିଙ୍ଗ୍ ଦରମ୍ ମାନାୟ୍ କିତାନ୍‌ନା ହେୱାର୍ ହୁଦାଙ୍ଗ୍ ମାଞ୍ଜେଙ୍ଗ୍ ଈଶ୍ୱର ଆଦିକାର୍ ହିନାନ୍।

ରୋମିୟ 16:20

ଲାଗିଙ୍ଗ୍ ଶାନ୍ତି ହିଦ୍‌ନି ଈଶ୍ୱର ବେଗି ଶୟତାନ ସାକ୍ତିତିଙ୍ଗ୍ ବିନାସ୍ କିଜି ମି ତାରେନ୍ ତାହିୱାନାତ୍, ମା ମାପୃ ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ ଦୟା କିଦେନ୍।

ରୋମିୟ 2:16

ହେ ଦିନ୍ ଇଲେକେ ଗଟାଆନାତ୍ ଯେ, ନା ହାର୍ଦିକାବୁର୍ ଅନୁସାରେ ଈଶ୍ୱର ଯୀଶୁ ଖ୍ରୀଷ୍ଟ ହୁଦାଙ୍ଗ୍ ମାନାୟାର୍ ଡ଼ୁକ୍‌ତି ବିଷୟତିଙ୍ଗ୍ ବିଚାର୍ କିନାର୍, ହେ ନାଞ୍ଜିଙ୍ଗ୍ ଇ ୱିଜୁ ପୁନ୍ୟା ଆନାତ୍।

୧ କରନ୍ତିୟ 4:5

ହେଦାଙ୍ଗ୍ କାଜିଙ୍ଗ୍ ମାପୃ ଆରେରଗ ପୁର୍ତିତାକେ ୱାୱି ପାତେକ୍ ମାନାୟାରିଙ୍ଗ୍ ଏପେଙ୍ଗ୍ ବିଚାର୍ କିମାଟ୍, ଏଚେପାଦ୍ନା ମାପୃ ୱାନାନ୍‌ ହେୱାନ୍ ମାନାୟାର୍ ମାନ୍ତି କାତାତିଙ୍ଗ୍ ୱେଚ୍‌ନାନ୍, ଇମ୍‌ଣାକା ଇନେର୍ ପା ପୁନୁର୍। ହେୱାନ୍ ମାନାୟାର୍ ଗରବ୍ ବିତ୍ରେନି ଇଚାତାଙ୍ଗ୍ ପୁନିକିନାନ୍। ହେପାଦ୍ନା ଈଶ୍ୱର ୱିଜୁ ମାନାୟାରିଙ୍ଗ୍ ହେୱାର୍ ଅଦିକାର୍ ଅନୁସାରେ ସନ୍‌ମାନ୍ ହିନାନ୍।

୨ କରନ୍ତିୟ 4:4

ଆସେଙ୍ଗ୍ ଶୁଣାୟ୍ କିନି ହାର୍ଦିକାବୁର୍‌ତିଙ୍ଗ୍ ପାର୍ତିକିୱି ମାନାୟାରିଙ୍ଗ୍ ଇ ପୁର୍ତିତିଙ୍ଗ୍ ସାସନ୍ କିନି ଶୟତାନ୍, ତା ମାନ୍‌ତିଙ୍ଗ୍ କଣ୍ଟ୍ରୁଲ୍ କିନାତା ଆରେ ବୁଜା ଆଦେଙ୍ଗ୍ ହିଉତା। ଲାଗିଙ୍ଗ୍ ଈଶ୍ୱରଲେକେ ଚଞ୍ଜ୍‌ନି ଖ୍ରୀଷ୍ଟ ଯୀଶୁ ବିଷୟନି ହାର୍ଦିକାବୁର୍ ଆରେ ତା ଗୌରବତିଙ୍ଗ୍ ବୁଜା ଆଦେଙ୍ଗ୍ ଆଡୁରା।

ଏପିସିୟ 2:2

ଇନେସ୍‌କି ହେପାଦ୍ନା ଏପେଙ୍ଗ୍ ଇ ପୁର୍ତିନି ମାନାୟାର୍ ହାଜ୍‌ଦିଙ୍ଗ୍ ତାଙ୍ଗ୍‌ଜି ମାଚାଦେର୍, ଆରେ ବାଦାଡ଼୍‌ନି କରାପ୍ ଆତ୍ମା କି ବୁତ୍ ଆତ୍ମାନି ନେତାନି ଆଦିକାର୍ ଶୟତାନନି କାତା ମାନିକିଜି ମାଚାଦେର୍। ଇ ଶୟତାନ ନଙ୍ଗୟ୍ ଈଶ୍ୱରତିଙ୍ଗ୍ ମାନିକିୱି ମାନାୟାରିଙ୍ଗ୍ କଣ୍ଟ୍ରୁଲ୍ କିଦ୍‌ନାତା।

କଲସିୟ 2:15

ଇ ଲେକେ ଶୟତାନନି ଶାକ୍ତି ଆରେ ଆଦିକାରିର୍ ୱିଜୁ ନାଲି କାଣ୍ଡାକାଙ୍ଗ୍ ଈଶ୍ୱର କିସ୍ତି ଅତାନ୍‌। ଖ୍ରୀଷ୍ଟ କୃଶକାଟ୍‌ତାକେ ହାଃତି କାଜିଙ୍ଗ୍, ର ବନ୍ଦି ମାନାୟ୍‌ତିଙ୍ଗ୍ ଇନେସ୍ ୱିଜାକାର୍ ମୁମ୍‌ଦ ଅନାର୍ ହେଲେକେ ଈଶ୍ୱର ହେୱାରିଙ୍ଗ୍ ଆରାୟ୍ କିଜି ୱିଜାକାର୍ ମୁମ୍‌ଦ ଚଚ୍‌ଚାନ୍‌ନା।

ଏବ୍ରି 2:14

ଇନେସ୍‌କି ଈଶ୍ୱର ହିମ୍‌ଣାର୍ ନେତେର୍ ଆରେ ଜେଇନି ମାନାୟାର୍, ଲାଗିଙ୍ଗ୍ ଯୀଶୁ ପା ନିଜେ ମାନାୟ୍ ରୁପ୍ ଆଜି ଜନମ୍ ଆଜି ନେତେର୍ ଜେଇନି ମାନାୟ୍ ଆତାନ୍। ଇନେସ୍‌କି ହେୱାନ୍ ମାନାୟ୍ ରୁପ୍ ଆତି କାଜିଙ୍ଗ୍ ନେ ହାଃଦେଙ୍ଗ୍ ଆଡ଼୍‌ତାନ୍, ଆରେ ହାଃତି କାଜିଙ୍ଗ୍ ନେ ହେୱାନ୍ ହାଃନିଲେକେ ମାନି ଆଦିକାର୍‌ନି ଶାକ୍ତି ଇଡ଼୍‌ଜି ମାଚି ଶୟତାନନି ଶାକ୍ତିତିଙ୍ଗ୍ ବିନାସ୍ କିଦେଙ୍ଗ୍ ଆଡ଼୍‌ତାନ୍।

ଏବ୍ରି 6:2

ବାରବିନିନି ଡୁବନ୍ ବିଷୟନି ହିକ୍ଷା, କାପ୍‌ଡ଼ା ଜପି କେଇ ଇଟ୍‌ନି ବିଷୟନି ହିକ୍ଷା। ହାଃତି ମାନାୟାର୍ ଆରେରଗ ଜିବୁନ୍‌ଆଜି ନିଙ୍ଗ୍‌ନି ବିଷୟନି ହିକ୍ଷା, ୱିଜ୍‌ୱି ଦଣ୍ଡ୍‌ନି ବିଚାର୍‌ନି ହିକ୍ଷା, ଇୱିଜୁ ମୁଡ଼୍ ହିକ୍ଷା ମାଙ୍ଗେଙ୍ଗ୍ ଆରେ ଦର୍‌କାର୍ ଆକାୟ୍।

ଏବ୍ରି 9:27

ୱିଜାକାର୍ ମାନାୟ୍ ରଗ ନେ ହାଃନାର୍। ହାଃତି ପାଚେ, ଈଶ୍ୱର ୱିଜୁ ମାନାୟାରିଙ୍ଗ୍ ବିଚାର୍ କିନାନ୍।

୨ ପିତର 3:7

ମାତର୍ ଇ ସରଗ୍ ଆରେ ପୁର୍ତିତିଙ୍ଗ୍ ନାଣିତାଙ୍ଗ୍ ନଷ୍ଟ କିଦେଙ୍ଗ୍, ହେ କାତା ଈଶ୍ୱର ଇଡ଼୍‌ତାନ୍‌ନା। ହେୱାନ୍ ବିଚାର୍‌କିନି ଦିନ୍ କାଜିଙ୍ଗ୍ ଆରେ ଇମ୍‌ଣାକାର୍ ହେୱାନିଙ୍ଗ୍ ମାନିକିଉର୍ ହେ ମାନାୟାରିଙ୍ଗ୍ ନଷ୍ଟ କିଦେଙ୍ଗ୍, ହେୱାନ୍ ହେୱାରିଙ୍ଗ୍ ଇଡ଼୍‌ତାନ୍‌ନା।

୧ ଯୋହନ 3:8

ଇନେର୍ ପାପ୍ କାମାୟ୍ କିଜି ମାନାନ୍, ହେୱାନ୍ ଶୟତାନ ମେହି, ଇନେସ୍‌କି ଶୟତାନ ଆରମ୍‌ତାଙ୍ଗ୍ ପାପ୍ କାମାୟ୍ କିତାତ୍‌ନା। ମାତର୍ ଶୟତାନ କିତି କାମାୟ୍‌ତିଙ୍ଗ୍ ସେସ୍ କିଦେଙ୍ଗ୍ ଈଶ୍ୱର ମେହି ଯୀଶୁ ଖ୍ରୀଷ୍ଟ ପୁର୍ତିତାକେ ୱାତାନ୍।

ହତ୍‌ତି 1:7

ହୁଡ଼ାଟ୍ ହେୱାନ୍ ସରଗ୍‌ତାଙ୍ଗ୍ ବାଦାଡ଼୍ ହୁଦାଙ୍ଗ୍ ମାହାଆଜି ୱାନାନ୍। ଆରେ ୱିଜାକାର୍ ହେୱାନିଙ୍ଗ୍ ହୁଡ଼୍‌ନାର୍, ଆରେ ପା ତାଙ୍ଗେଙ୍ଗ୍ ବାଲା ହୁଦାଙ୍ଗ୍ କୁନ୍ତାକାର୍ ହୁଡ଼୍‌ନାର୍। ଆରେ ଇ ପୁର୍ତିନି ୱିଜୁ ଦେସ୍‌ନି ମାନାୟାର୍ ତା କାଜିଙ୍ଗ୍ ଆଡ଼୍‌ବାନାର୍। ଆମେନ୍।