ଜହନ୍‌ 15:7 - New Testament in Pengo Parja Language

⁷ ନାବେ ମାନାଟ୍ ଆରେ ନା ହିକ୍ଷାତିଙ୍ଗ୍ ମାନି କିୟାଟ୍। ଏପେଙ୍ଗ୍ ଯଦି ଏଲେଙ୍ଗ୍ କିନାଦେର୍, ଲାଗିଙ୍ଗ୍ ଇନାକା ଇଚା କିନାଦେର୍ ହେଦାଙ୍ଗ୍ ଏନାଟ୍ ହେଦାଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ହିଦ୍‌ନାଙ୍ଗ୍।

ସତ୍‌ ବଚନ୍‌ ପୁନି ନିୟମ୍‌

⁷ “ଏପେଙ୍ଗ୍‌ ଜଦି ନା ତାକେ ମାନାଦେର୍‌, ଆରେ ନା ବଚନ୍‌ ମି ତାକେ ମାଚିସ୍‌, ତା ଆତିସ୍‌ ଇମ୍‌ଣି ବିସ୍ରେ ଇଚା କିନାଦେର୍‌, ହେଦାଂ ଏନାଟ୍‌, ଆରେ ମି କାଜିଂ ହେଦାଂ ହିଦ୍‍ନାନ୍‍ ।

ଜହନ୍‌ 15:7 ပူးပေါင်းရင်းမြစ်များ

ମାତିଉ 7:7

ମିଙ୍ଗେଙ୍ଗ୍ ଇମ୍‌ଣାକା ଦର୍‌କାର୍ ମାପୃତିଙ୍ଗ୍ ଏନାଟ୍, ଲାଗିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ହିଦ୍‌ନାନ୍। ଡେକାଟ୍ ମିଙ୍ଗେଙ୍ଗ୍ ଈଶ୍ୱର ଡେକ୍‌ଚି ହିଦ୍‌ନାନ୍। କାପାଟ୍‌ତାକେ ଇହାଟ୍‌ ଲାଗିଙ୍ଗ୍ ମି କାଜିଙ୍ଗ୍ ଈଶ୍ୱର ଦୁୱେର୍ ଜେସି ହିଦ୍‌ନାନ୍‌।

ଜହନ୍‌ 14:13

ଏପେଙ୍ଗ୍ ନା ତର୍‍ଦାଙ୍ଗ୍ ଇନାକା ଏନ୍‌ନାଦେର୍, ଆନେଙ୍ଗ୍ ହେଦାଙ୍ଗ୍ ମି କାଜିଙ୍ଗ୍ ହିଦ୍‌ନାଙ୍ଗ୍। ଇଦାଙ୍ଗ୍ କାଜିଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତାଙ୍ଗ୍ ଆବା ଈଶ୍ୱର ଜୟ୍-ଜୟ୍ ପାୟା ଆନାନ୍।

ଜହନ୍‌ 15:16

ଏପେଙ୍ଗ୍ ନାଙ୍ଗେଙ୍ଗ୍ ବାଚି କିଦ୍‌ୱାତାଦେର୍‌ନା, ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ବାଚି କିତ୍‌ତାଙ୍ଗ୍‌ନା। ଆରେ ଏପେଙ୍ଗ୍ ଇନେସ୍‌କି ପାଡ଼୍‌ ଆସ୍ତେଙ୍ଗ୍ ଆଡ୍‌ନାଦେର୍, ମି ପାଡ଼୍‌ ତିର୍‌ଆଜି ମାନ୍‌ଗାନାତ୍। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଇନାକା ଆବା ଈଶ୍ୱରତାକେ ଏନ୍‌ନାଦେର୍, ହେୱାନ୍ ମିଙ୍ଗେଙ୍ଗ୍ ହିଦ୍‌ନାନ୍, ଇନେସ୍‌କି ଏପେଙ୍ଗ୍ ଚେଲା କାଦେର୍।

ଜହନ୍‌ 16:23

ହେ ଦିନ୍ ୱାତିସ୍ ଏପେଙ୍ଗ୍ ନାଙ୍ଗେଙ୍ଗ୍ ଇନାକା ଏନ୍ତୁଦେର୍। ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ନା ତର୍‍ଦାଙ୍ଗ୍ ଏପେଙ୍ଗ୍ ଆବା ଈଶ୍ୱରତିଙ୍ଗ୍ ଇନାକା ଏନ୍‌ନାଦେର୍, ହେୱାନ୍ ହେଦାଙ୍ଗ୍ ହିଦ୍‌ନାନ୍।

ଜହନ୍‌ 8:31

ଯୀଶୁ ପାର୍ତିକିନି ଯିହୁଦିରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ଯଦି ନା ହିକ୍ଷାତିଙ୍ଗ୍ ମାନିକିନାଦେର୍, ଲାଗିଙ୍ଗ୍ ଏପେଙ୍ଗ୍ ନା ଚେଲାଆନାଦେର୍।

ଜହନ୍‌ 8:37

ଆନେଙ୍ଗ୍ ପୁନାଙ୍ଗ୍ ଏପେଙ୍ଗ୍ ଅବ୍ରାହାମ୍‌ ଲାତ୍ରା ନିକାଦେର୍। ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ମାର୍ନେ ଅସ୍ତେଦେଙ୍ଗ୍ ଉପାୟ୍ କିନାଦେରା, ଇନେସ୍‌କି ଏପେଙ୍ଗ୍ ନା ହିକ୍ଷାତିଙ୍ଗ୍ ଆସ୍ତେଙ୍ଗ୍ ଇଚା କିଉଦେରା।

ଗାଲାତିୟ 4:2

ଆରେ ଆଦିକାର୍ ପାୟାଆନି କାଜିଙ୍ଗ୍ ଲାତ୍ରାହି ଟିକ୍ କିତି ଦିନ୍ ପାତେକ୍, ହେୱାନ୍ ହିରୁ ହିମ୍‌ଣା ଦେକାଶୁଣା କିନି ମାନାୟ୍ ଆରେ ମେନେଞ୍ଜର୍ ତାରେନ୍ ମାନ୍‌ଙ୍ଗାନାନ୍।

ଗାଲାତିୟ 5:16

ଲାଗିଙ୍ଗ୍ ଆନେଙ୍ଗ୍ ଇଦାଙ୍ଗ୍ ୱେଚ୍‌ଚାନାଙ୍ଗା, ପବିତ୍ର ଆତ୍ମା ସାଇଜତାଙ୍ଗ୍ ବ୍ଯବହାର୍ କିୟାଟ୍। ଲାଗିଙ୍ଗ୍ ଏପେଙ୍ଗ୍ ଗାଗାଡ଼୍‌ନି ଇଚାତାଙ୍ଗ୍ ପୁରା କିନିଲେକେ କାମାୟ୍ କିମାଟ୍।

କଲସିୟ 3:16

ଖ୍ରୀଷ୍ଟ ବିଷୟନି ହିକ୍ଷାତିଙ୍ଗ୍ ୱିଜୁଦିନ୍ ଚିନ୍ତା କିୟାଟ୍, ତା ପୁରା ଜ୍ଞାନ୍‌ତାଙ୍ଗ୍ ଏପେଙ୍ଗ୍ ଜାର୍-ଜାର୍‌ବିତ୍ରେ ହିକାଇ କିବା ଆଡ ଆରେ ଜାଗ୍ରତ୍ କିବା ଆଡ। ଗିତସଙ୍ଗିତାନି କେର୍‌କଣ୍, ଈଶ୍ୱର ଭଜନ୍ କେର୍‌କଣ୍ କେର୍‌ଜି, ଖ୍ରୀଷ୍ଟାନ୍ କେର୍‌କଣ୍ କେର୍‌ଜି ଈଶ୍ୱରତିଙ୍ଗ୍ ଦନ୍ଯବାଦ୍ ହିୟାଟ୍।

୧ ଯୋହନ 2:14

ଏ କାଡ଼୍‌ଦେର୍, ଆନେଙ୍ଗ୍ ମି କାଜିଙ୍ଗ୍ ଲେକିକିନାଙ୍ଗା ଯେ, ଏପେଙ୍ଗ୍ ଆବା ଈଶ୍ୱରତିଙ୍ଗ୍ ପୁଚାଦେର୍‌ନା। ଏ ନା ଆବା କାଦେର୍, ଆନେଙ୍ଗ୍ ମି କାଜିଙ୍ଗ୍ ଲେକିକିନାଙ୍ଗା। ଏପେଙ୍ଗ୍ ପୁଚାଦେର୍‌ନା ଯେ, ହେୱାନ୍ ଆଗେତାଙ୍ଗ୍ ମାନାନ୍। ଏ ଦାଙ୍ଗ୍‌ଣା ହିମ୍‌ଣା କାଦେର୍, ଆନେଙ୍ଗ୍ ମି କାଜିଙ୍ଗ୍ ଲେକିକିନାଙ୍ଗା ଯେ, ଏପେଙ୍ଗ୍ ବାଡ଼୍‌କାସ୍, ଆରେ ଈଶ୍ୱର କାତା ମି ଗରବ୍‌ତାକେ ମାନାତ୍, ଆରେ ଈଶ୍ୱର ଶୟତାନ୍‌ତିଙ୍ଗ୍ ଆରାୟ୍ କିଦେଙ୍ଗ୍ ମିଙ୍ଗେଙ୍ଗ୍ ଶାକ୍ତି ହିତ୍‌ତାନ୍‌ନା।

୧ ଯୋହନ 2:27

ମାତର୍ ଖ୍ରୀଷ୍ଟ ମିଙ୍ଗେଙ୍ଗ୍ ପବିତ୍ର ଆତ୍ମା ହିତ୍‌ତାନ୍‌ନା, ଆରେ ହେୱାନ୍ ମି ବିତ୍ରେ ମାନାନା। ଲାଗିଙ୍ଗ୍ ମିଙ୍ଗେଙ୍ଗ୍ ଇନେର୍ ପା ସତ୍ ହିକାୟ୍ କିଦ୍‌ଦେଙ୍ଗ୍ ଦର୍‌କାର୍ ଆକାୟ୍। ଇନେସ୍‌କି ହେ ପବିତ୍ର ଆତ୍ମା ସତ୍ ହିକାୟ୍ କିଦ୍‌ନାତ୍, ଆରେ ୱିଜୁ ବିଷୟତିଙ୍ଗ୍ ହିକାୟ୍ କିଦ୍‌ନାତ୍। ଲାଗିଙ୍ଗ୍ ହେୱାନ୍ ହିକାୟ୍ କିତ୍‌ତିଲେକେ ଯିବୁନ୍ କାଟିକିଜି ଖ୍ରୀଷ୍ଟତାକେ ମାନାଟ୍।

୧ ଯୋହନ 3:22

ଆରେ ଆସେଙ୍ଗ୍ ଇନା-ଇନାକା ଈଶ୍ୱରତିଙ୍ଗ୍ ଏନ୍‌ନାସ୍ ହେଦାଙ୍ଗ୍ ମାଙ୍ଗେଙ୍ଗ୍ ହିଦ୍‌ନାନ୍, ଇନେସ୍‌କି ତା ଆଦେସ୍‌ତିଙ୍ଗ୍ ମାନିକିଜି ହେୱାନ୍ ୱାରିୟା ଆନିଲେକେ ଆପେଙ୍ଗ୍ କାମାୟ୍‌ କିନାପା।

୧ ଯୋହନ 5:14

ହେୱାନ୍ ମା ପାର୍ତାନା ୱେନାନ୍ ଇଞ୍ଜି ଆପେଙ୍ଗ୍ ପୁଚାପ୍‌ନା, ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ଇନାକା ପା ତା ଇଚା ଅନୁସାରେ ଏନ୍‌ନାସ୍, ହେଦାଙ୍ଗ୍ ହେୱାନ୍ ହିଦ୍‌ନାନ୍।