ଜହନ୍‌ 15:11 - New Testament in Pengo Parja Language

¹¹ ଆନେଙ୍ଗ୍ ମିଙ୍ଗେଙ୍ଗ୍ ଇୱିଜୁ କାତା ୱେଚ୍‌ଚାତାଙ୍ଗ୍‌ନା, ଆନେଙ୍ଗ୍ ଇନେସ୍ ଇଲେକେ ୱାରିତାକେ ମାନାଙ୍ଗା, ଏପେଙ୍ଗ୍ ପା ନା ଲେକେ ୱାରି ପାୟାଆନାଦେର୍। ଆନେଙ୍ଗ୍ ଇଚା କିନାଙ୍ଗା ମି ୱାରି ପୁରା ଆୟେତ୍।

ସତ୍‌ ବଚନ୍‌ ପୁନି ନିୟମ୍‌

¹¹ “ନା ୱାରି ଇନେସ୍‌ ମି ତାକେ ମାନାତ୍‌, ଆରେ ମି ୱାରି ଇନେସ୍‌ ବାର୍ତି ଆନାତ୍‌, ଇଦାଂ କାଜିଂ ଆନ୍‌ ଇ ୱିଜ଼ୁ ମିଙ୍ଗେଙ୍ଗ୍‌ ୱେଚ୍‍ଚାତାଙ୍ଗ୍ ।

ଜହନ୍‌ 15:11 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 15:23

ମା ୱିଜୁତାଙ୍ଗ୍ ସଣ୍ଡ୍ ବାଡ଼୍‌ଦୁତିଙ୍ଗ୍ ତାଡ। ହେଦେଲିଙ୍ଗ୍ ଅହ୍‌ନାସ୍, ଆରେ ଆସେଙ୍ଗ୍ ର ବଜି କିନାସ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 15:32

ମାତର୍ ନି ହିରୁ ଟଣ୍ଡାଦି ହାଃଜି ମାଚାନ୍। ନଙ୍ଗୟ୍ ହେୱାନ୍ ଆରେରଗ ଜିବୁନ୍ ପାୟାଆତାନ୍‌। ଆରେ ହେୱାନ୍ ଜାଙ୍ଗ୍‌ଜି ମାଚାନ୍, ନଙ୍ଗୟ୍ ହେୱାନ୍ ଗାଟାଆତ୍‌ତାନ୍। ଇଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ୱାରିତାଙ୍ଗ୍ ଭଜିକିନି ଦର୍‌କାର୍।’ ”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 15:5

ହେୱାନ୍ ଜାଙ୍ଗ୍‌ତି ମେଣ୍ଢାତିଙ୍ଗ୍ ଗାଟାଆତିସ୍ ବେସି ୱାରି ଆନାନ୍। ଆରେ ହେ ମେଣ୍ଢାତିଙ୍ଗ୍ ନିପିତାକେ ପିଣ୍‌ଜି ଇଞ୍ଜ ତାନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 15:9

ହେ ଜାଙ୍ଗ୍‌ତି ରୁପାଡାବୁ ଗାଟାଆତିସ୍ ତା ହାଙ୍ଗ୍‌ଦାକାରିଙ୍ଗ୍ ଆରେ ତା ପାଡ଼୍‌ହା ଇଞ୍ଜାକାରିଙ୍ଗ୍ କୁକ୍‌ନାତ୍ ଆରେ ୱେଚ୍‌ନାତ୍‌, ‘ଆନେଙ୍ଗ୍ ବେସି ୱାରି। ୱାଡ ନା ହୁଦାଙ୍ଗ୍ ୱାରି କିୟାଟ୍। ଇନେସ୍‌କି ନା ଜାଙ୍ଗ୍‌ତି ରୁପାଡାବୁ ଗାଟାଆତ୍‌ତାତ୍।’

ଜହନ୍‌ 16:24

ନଙ୍ଗୟ୍ ପାତେକ୍ ଏପେଙ୍ଗ୍ ନା ତର୍‍ଦାଙ୍ଗ୍ ଇନାକା ଏନୁଦେରେ। ଲାଗିଙ୍ଗ୍ ଆବା ଈଶ୍ୱରତିଙ୍ଗ୍ ଏନାଟ୍, ଏପେଙ୍ଗ୍ ପାୟାଆନାଦେର୍, ଆରେ ଏପେଙ୍ଗ୍ ୱାରି ଆନାଦେର୍।”

ଜହନ୍‌ 16:33

ନାବେ ଏପେଙ୍ଗ୍ ଇନେସ୍ ଶାନ୍ତି ପାୟାଆନାଦେର୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱିଜୁ କାତା ୱେଚ୍‌ଚାତାଙ୍ଗ୍‌ନା। ଇ ପୁର୍ତିତାକେ ଏପେଙ୍ଗ୍ କଷ୍ଟ ପାୟାଆନାଦେର୍। ଲାଗିଙ୍ଗ୍ ଶାସ୍ ଆଡୁ, ଆନେଙ୍ଗ୍ ପୁର୍ତିତିଙ୍ଗ୍ ଜିତା ଆତାଙ୍ଗ୍‌ନା।”

ଜହନ୍‌ 17:13

ଆନେଙ୍ଗ୍ ନି ଲାଗାୟ୍ ନଙ୍ଗୟ୍ ୱାନାଙ୍ଗା। ମାତର୍ ଆନେଙ୍ଗ୍ ପୁର୍ତିତାକେ ମାନୁ-ମାନୁ ଇ ୱିଜୁ କାଜିଙ୍ଗ୍ ପାର୍ତାନା କିନାଙ୍ଗା। ଆନେଙ୍ଗ୍ ଇୱିଜୁ ୱେଚ୍‌ନାଙ୍ଗା, ଇନେସ୍‌କି ଇ ମାନାୟାର୍ ନାବେ ମାନି ୱାରି ପାୟାଆନାର୍‌। ଆନେଙ୍ଗ୍ ଇଚା କିନାଙ୍ଗା, ନା ୱାରି ହେୱାର୍ କାଜିଙ୍ଗ୍ ପୁରା ଆୟେତ୍।

ଜହନ୍‌ 3:29

ଇନେର୍ ଯଦି ଡକ୍ରିଙ୍ଗ୍ ଆହ୍‌ନାନ୍ ହେୱାନ୍ ବର। ମାତର୍ ବର ପାର୍ଟି ନିକାର୍ ନିଲ୍‌ଚି ତା କାତା ୱେନାର୍। ଆରେ ହେୱାର୍ ବର ବେଣ୍ ୱେନ୍‌ଞ୍ଜି ବେସି ୱାରିଆ ଆନାର୍। ହେଲେକେ ଆନେଙ୍ଗ୍ ପା ୱାରି ଆନାଙ୍ଗ୍।

ରୋମିୟ 15:13

ଲାଗିଙ୍ଗ୍ ଆହା ହିଦ୍‌ନି ଈଶ୍ୱରତିଙ୍ଗ୍ ପାର୍ତାନା କିନାଙ୍ଗା ଯେ, ଏପେଙ୍ଗ୍ ତାଙ୍ଗେଙ୍ଗ୍ ପାର୍ତି କିଜି ମାଞ୍ଜେଙ୍ଗ୍ ହେୱାନ୍ ମିଙ୍ଗେଙ୍ଗ୍ ୱାରି କିଦେନ୍, ଆରେ ମିଙ୍ଗେଙ୍ଗ୍ ଶାନ୍ତି ହିଦେନ୍। ଏପେଙ୍ଗ୍ ପବିତ୍ର ଆତ୍ମାନି ଶାକ୍ତିତାଙ୍ଗ୍ ଆଦିକ୍ ତାଙ୍ଗେଙ୍ଗ୍ ଆହାକିନି କାଜିଙ୍ଗ୍ ହେୱାନ୍ ମିଙ୍ଗେଙ୍ଗ୍ ସାଇଜ କିଦେନ୍।

୨ କରନ୍ତିୟ 1:24

ମାତର୍ ତା ଅର୍ତ ଇଦାଙ୍ଗ୍ ଆକାୟ୍ ଯେ, ଆପେଙ୍ଗ୍ ମିଙ୍ଗେଙ୍ଗ୍ ସାସନ୍ କିଦ୍‌ନାପା ଆରେ ଆପେଙ୍ଗ୍ ୱେଚ୍‌ଚିତି କାତାତିଙ୍ଗ୍ ପାର୍ତି କିନାଦେର୍। ମାତର୍ ଆପେଙ୍ଗ୍ ମିହୁଦାଙ୍ଗ୍ ମାହାଆଜି ଏପେଙ୍ଗ୍ ୱାରିୟାଆନି କାଜିଙ୍ଗ୍ କାମାୟ୍ କିନାପା। ଇନେସ୍‌କି ଏପେଙ୍ଗ୍ ପାର୍ତିକିତି କାଜିଙ୍ଗ୍ ଖ୍ରୀଷ୍ଟ ହୁଦାଙ୍ଗ୍ ତିର୍‌ଆଜି ନିଲ୍‌ତାଦେର୍‌ନା।

ଏପିସିୟ 5:18

ଆରେ ଅଙ୍ଗୁର୍ ରାସ୍ ଉଣ୍‌ଜି ହଜ୍‌ଜି ମାନ୍‌ମାଟ୍। ଇନେସ୍‌କି ହେବେତାଙ୍ଗ୍ ନେ ମାନାୟାର୍ ପଶୁ ଲେକେ ବ୍ଯବହାର୍ କିନାର୍। ମାତର୍ ଏପେଙ୍ଗ୍ ପବିତ୍ର ଆତ୍ମାତାଙ୍ଗ୍ ପୁରା ଆଡ।

ପିଲିପିୟ 1:25

ଆନେଙ୍ଗ୍ ପୁରା ପାର୍ତି କିନାଙ୍ଗା ଯେ ଆନେଙ୍ଗ୍ ଜିଜି ମାନାଙ୍ଗ୍। ଆରେ ଆନେଙ୍ଗ୍ ମିଙ୍ଗେଙ୍ଗ୍ ପାର୍ତିତାଙ୍ଗ୍ ବାଡାଇକିନି କାଜିଙ୍ଗ୍ ଆରେ ମି ୱାରି କାଜିଙ୍ଗ୍ ମି ୱିଜାକାର୍ ହୁଦାଙ୍ଗ୍ ମାହାଆଜି ମାନାଙ୍ଗ୍।

୧ ଥେସଲନୀକିୟ 5:16

ଏପେଙ୍ଗ୍ ୱିଜୁଦିନ୍ ୱାରି କିୟାଟ୍,

୧ ପିତର 1:8

ଏପେଙ୍ଗ୍ ଯୀଶୁଙ୍ଗ୍ ଇନାୱେଡ଼ାଙ୍ଗ୍ ପା ହୁଡ଼୍‌ୱାତାଦେର୍‌ନା, ମାତର୍ ନଙ୍ଗୟ୍ ପାତେକ୍ ହେୱାନିଙ୍ଗ୍ ଲାଡ୍ କିନାଦେରା। ଏପେଙ୍ଗ୍ ନଙ୍ଗୟ୍ ଯୀଶୁଙ୍ଗ୍ ହୁଡ଼୍‌ୱାତାଦେର୍‌ନା ମାତର୍ ଏପେଙ୍ଗ୍ ଯୀଶୁଙ୍ଗ୍ ପାର୍ତି କିନାଦେରା। ଲାଗିଙ୍ଗ୍ ଏପେଙ୍ଗ୍ ବେସି ୱାରିୟା ଆନାଦେରା ହେଦାଙ୍ଗ୍ କାତା ୱେଚ୍‌ଚି ବୁଜାୟ୍ କିୟି ଆଉତ୍।

୧ ଯୋହନ 1:4

ଆପେଙ୍ଗ୍ ଇ ବିଷୟରେ ଲେକିକିନାପା ଯେ, ଏପେଙ୍ଗ୍ ମା ହୁଦାଙ୍ଗ୍ ପୁରା ୱାରି କିୟାଟ୍।

୨ ଯୋହନ 1:12

ମି କାଜିଙ୍ଗ୍ କେତେକ୍ ବିଷୟ ଲେକିକିନାକା ମାନାତ୍, ମାତର୍ ଆନେଙ୍ଗ୍ କାଗଜ୍ ଆରେ ପେନ୍ ହୁଦାଙ୍ଗ୍ ଲେକିକିଦେଙ୍ଗ୍ ଆହା କିଉଙ୍ଗା। ଆନେଙ୍ଗ୍ ଇଚା କିନାଙ୍ଗା ଯେ, ମିତାକେ ୱାଜି ମୁଖାମୁଖି କାତାବାର୍ତା କିଦ୍‌ନାଙ୍ଗ୍। ଲାଗିଙ୍ଗ୍ ମା ୱାରି ପୁରାଆନାତ୍।