ଜହନ୍‌ 14:7 - New Testament in Pengo Parja Language

⁷ ଏପେଙ୍ଗ୍ ଯଦି ହାତ୍‌ପା ନାଙ୍ଗେଙ୍ଗ୍ ପୁନ୍‌ଞ୍ଜି ମାଚିସ୍, ଲାଗିଙ୍ଗ୍ ଆବା ଈଶ୍ୱରତିଙ୍ଗ୍ ପା ପୁଚାଦେର୍‌ମା। ନଙ୍ଗୟ୍ ଏପେଙ୍ଗ୍ ହେୱାନିଙ୍ଗ୍ ପୁଚାଦେର୍‌ନା ଆରେ ହେୱାନିଙ୍ଗ୍ ହୁଡ଼୍‌ତାଦେର୍‌ନା।”

ସତ୍‌ ବଚନ୍‌ ପୁନି ନିୟମ୍‌

⁷ ଜଦି ଏପେଙ୍ଗ୍‌ ନାଙ୍ଗ୍‌ ପୁଞ୍ଜିମାଞ୍ଚିସ୍, ତା ଆତିସ୍‌ ନା ଆବାଂ ପା ପୁଚାଦେର୍ମା; ନଙ୍ଗ୍‌ ତାଙ୍ଗ୍‌ ତାଙ୍ଗେଙ୍ଗ୍‌ ପୁନାଦେରା ଆରି ତାଙ୍ଗ୍‌ ହୁଡ଼୍‌ତାଦେର୍ଣ୍ଣା ।”

ଜହନ୍‌ 14:7 ပူးပေါင်းရင်းမြစ်များ

ମାତିଉ 11:27

ନା ଆବା ସରଗ୍ ଆରେ ପୁର୍ତିନି ଆଦିକାର୍ ୱିଜୁ ବିଷୟ ନାଙ୍ଗେଙ୍ଗ୍ ହିତ୍‌ତାନ୍‌ନା। ହେଦାଙ୍ଗ୍ କାଜିଙ୍ଗ୍ ହିମ୍‌ଣା ବିଷୟରେ ଆବାଙ୍ଗ୍ ପିସ୍ତି ଇନେର୍ ପା ପୁନୁର୍। ଆରେ ଆବା ବିଷୟରେ ହିମ୍‌ଣାଙ୍ଗ୍ ପିସ୍ତି ଇନେର୍ ପୁଞ୍ଜେଙ୍ଗ୍ ଆଡୁର୍। ଆରେ ହିମ୍‌ଣା ଇନେରିଙ୍ଗ୍ ବାଚିକିଜି ୱେଚ୍‌ଚାଙ୍ଗ୍‌ନା ହେୱାର୍ ନେ ଆବାଙ୍ଗ୍ ପୁନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 10:22

ନା ଆବାନି ଆଦିକାର୍ ୱିଜୁ ବିଷୟ ନାଙ୍ଗେଙ୍ଗ୍ ହିତ୍‌ତାନ୍‌ନା। ହିମ୍‌ଣା ବିଷୟରେ ଆବାଙ୍ଗ୍ ପିସ୍ତି ଇଦାଙ୍ଗ୍ ଇନେର୍ ପା ପୁନୁର୍, ଆରେ ଆବା ବିଷୟରେ ଇନେର୍, ହିମ୍‌ଣାଙ୍ଗ୍ ପିସ୍ତି ଇନେର୍ ପୁଞ୍ଜେଙ୍ଗ୍ ଆଡୁର୍, ଆରେ ହିମ୍‌ଣା ଇନେରିଙ୍ଗ୍ ହେଦାଙ୍ଗ୍ ପୁନିକିଦେଙ୍ଗ୍ ଇଚାକିନାନ୍ ହେୱାନିଙ୍ଗ୍‌ନେ ଆବା ବିଷୟରେ ପୁନିକିନାଙ୍ଗ୍‌।”

ଜହନ୍‌ 1:18

ଈଶ୍ୱରତିଙ୍ଗ୍ ଇନାୱେଡ଼ାଙ୍ଗ୍ ଇନେର୍ ପା ହୁଡ଼୍‌ୱାତାର୍‌ନା। ମାତର୍ ଈଶ୍ୱର ଲାଗାୟ୍ ମାନି ରକାନ୍ ଇଞ୍ଜି ମେହି ଯୀଶୁ ନେ ତା ବିଷୟରେ ୱେଚ୍‌ଚାନ୍‌ନା।

ଜହନ୍‌ 15:24

ଆନେଙ୍ଗ୍ ଇମ୍‌ଣି ଚାନିଆଆନି କାମାୟ୍ ହେ ମାନାୟାର୍ ବିତ୍ରେ କିତାଙ୍ଗ୍‌ନା, ହେଦାଙ୍ଗ୍ ଇମ୍‌ଣାକାନ୍ ପା ଇନାୱେଡ଼ାଙ୍ଗ୍ କିୱାତାନ୍‌ନା। ଆନେଙ୍ଗ୍ ଯଦି ହେ କାମାୟ୍ କିୱାତାଙ୍ଗ୍‌ମା, ଲାଗିଙ୍ଗ୍ ହେୱାର୍ ପାପ୍ କାଜିଙ୍ଗ୍ ଦସି ଆୱାତାର୍‌ମା। ମାତର୍ ହେୱାର୍ ନା ଚାନିଆଆନି କାମାୟ୍ କିତାକା ହୁଡ଼୍‌ତାର୍‌ନା। ହେୱାର୍ ନାଙ୍ଗେଙ୍ଗ୍ ଆରେ ନା ଆବା ଈଶ୍ୱରତିଙ୍ଗ୍ ଗିଣ୍ କିନାରା।

ଜହନ୍‌ 16:3

ହେୱାର୍ ହେଲେକେ କିନାର୍, ହେଦାଙ୍ଗ୍ କାଜିଙ୍ଗ୍ ନା ଆବା ଈଶ୍ୱରତିଙ୍ଗ୍ ପୁନୁରେ, ଆରେ ହେୱାର୍ ନାଙ୍ଗେଙ୍ଗ୍ ପା ପୁଞ୍ଜୁରେ।

ଜହନ୍‌ 17:21

ଏ ଆବା ଈଶ୍ୱର, ଆନେଙ୍ଗ୍ ନିବେ ପାର୍ତାନା କିଦ୍‌ନାଙ୍ଗା, ଇନେସ୍ ପାର୍ତି କିନାକାର୍ ରବେ ଆଦେଙ୍ଗ୍ ଆଡ୍‌ନାର୍। ଇନେସ୍‌କି ଏନେଙ୍ଗ୍ ନାବେ ମାନାଇ ଆରେ ଆନେଙ୍ଗ୍ ନିବେ ମାନାଙ୍ଗ୍। ହେଲେକେ ଇୱାର୍ ପା ମାବେ ମାନ୍‌ଗାନାର୍। ଲାଗିଙ୍ଗ୍ ଏନେଙ୍ଗ୍ ନାଙ୍ଗେଙ୍ଗ୍ ପକ୍ତାତାଇନା ଇଞ୍ଜି ପୁର୍ତିନି ୱିଜୁ ମାନାୟାର୍ ପାର୍ତିକିନାର୍।

ଜହନ୍‌ 17:23

ଆନେଙ୍ଗ୍ ହେୱାର୍‌ତାକେ ମାନ୍‌ଗାନାଙ୍ଗ୍, ଆରେ ଏନେଙ୍ଗ୍ ନାବେ ମାନ୍‌ଗାନାଇ। ଲାଗିଙ୍ଗ୍ ହେୱାର୍ ପୁରା ଏକ୍ ଆଦେଙ୍ଗ୍ ଆଡ୍‌ନାର୍। ହେଦାଙ୍ଗ୍ ଆତିସ୍ ଇ ପୁର୍ତିନି ମାନାୟାର୍ ପୁଞ୍ଜେଙ୍ଗ୍ ଆଡ୍‌ନାର୍, ଏନେଙ୍ଗ୍ ନାଙ୍ଗେଙ୍ଗ୍ ପକ୍ତାତାଇନା। ଇ ପୁର୍ତିନି ମାନାୟାର୍ ପୁନାର୍, ଏନେଙ୍ଗ୍ ନାଙ୍ଗେଙ୍ଗ୍ ଇନେସ୍ ଲାଡ୍‌କିଜି ମାନ୍‌ଞ୍ଚାଇ, ହେଲେକେ ଇ ମାନାୟାରିଙ୍ଗ୍ ପା ଲାଡ୍ କିୟା।

ଜହନ୍‌ 17:26

ଏନେଙ୍ଗ୍ ଇନେସ୍ ହେଦାଙ୍ଗ୍ ଆନେଙ୍ଗ୍ ହେୱାର୍‌ତାକେ ୱେଚ୍‌ଚାଙ୍ଗ୍‌ନା, ଆରେରଗ ହେୱାର୍‌ତାକେ ଚଚ୍‌ନାଙ୍ଗ୍। ତାପାଚେ ନା କାଜିଙ୍ଗ୍ ନିଦାଙ୍ଗ୍‌ ଇନେସ୍ ଲାଡ୍ ମାନାତ୍, ହେଲେକେ ଲାଡ୍ ହେୱାର୍‌ତାକେ ମାନ୍‌ଗାନାତ୍ ଆରେ ଆନେଙ୍ଗ୍ ହେୱାର୍‌ତାକେ ବାହା କିନାଙ୍ଗ୍।”

ଜହନ୍‌ 17:3

ଏନେଙ୍ଗ୍ ରକାୟ୍ ସତ୍ ଈଶ୍ୱର, ନିଙ୍ଗେଙ୍ଗ୍ ଆରେ ଏନେଙ୍ଗ୍ ପକ୍ତିତି ଯୀଶୁ ଖ୍ରୀଷ୍ଟଙ୍ଗ୍ ପୁନାକା ନେ ୱିଜ୍‌ୱି ଜିବୁନ୍।

ଜହନ୍‌ 17:6

ଏଲେଙ୍ଗ୍ ପୁର୍ତିନି କେତ୍‌ଜାଣ୍ ମାନାୟାର୍ ନିଙ୍ଗେଙ୍ଗ୍ ପୁନ୍‌ଞ୍ଚାର୍‌ନା, ହେୱାର୍ ନି ଲକ୍ ମାଚାର୍, ଆରେ ଏନେଙ୍ଗ୍ ହେୱାରିଙ୍ଗ୍ ନାଙ୍ଗେଙ୍ଗ୍ ହିତ୍‌ତାଇନା। ହେୱାର୍ ନି ହିକ୍ଷାତିଙ୍ଗ୍ ମାନିକିତାର୍‌ନା।

ଜହନ୍‌ 17:8

ଇନେସ୍‌କି ନାଙ୍ଗେଙ୍ଗ୍ ଏନେଙ୍ଗ୍ ଇମ୍‌ଣି ହିକ୍ଷାହିଜି ମାନ୍‌ଞ୍ଚାଇ, ଆନେଙ୍ଗ୍ ହେ ହିକ୍ଷାତିଙ୍ଗ୍ ମାନାୟାରିଙ୍ଗ୍ ହିତାଙ୍ଗ୍‌ନା। ହେୱାର୍ ହେଦାଙ୍ଗ୍‌ତିଙ୍ଗ୍ ଆସ୍ତାର୍‌ନା। ହେୱାର୍ ପୁଞ୍ଜେଙ୍ଗ୍ ଆଡ଼୍‌ତାର୍ ଯେ, ଆନେଙ୍ଗ୍ ହାତ୍‌ପା ମିବେତାଙ୍ଗ୍ ୱାତାଙ୍ଗ୍‌ନା, ଆରେ ଏନେଙ୍ଗ୍ ନାଙ୍ଗେଙ୍ଗ୍ ପକ୍ତାତାଇନା ଇଞ୍ଜି ହେୱାର୍ ପାର୍ତି କିଦ୍‌ନାରା।

ଜହନ୍‌ 6:46

ଇନେର୍ ପା ଆବା ଈଶ୍ୱରତିଙ୍ଗ୍ ହୁଡ଼୍‌ୱାତାର୍‌ନା। ମାତର୍ ଆନେଙ୍ଗ୍ ଈଶ୍ୱରତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ନେ ଆବାଙ୍ଗ୍ ହୁଡ଼୍‌ତାଙ୍ଗ୍‌ନା।

ଜହନ୍‌ 8:19

ହେୱାର୍ ୱେନ୍‌ବାତାର୍, “ମିଞ୍ଜ୍‌ବା ଇମେନ୍?” ଯୀଶୁ ୱେଚ୍‌ଚାନ୍, “ଏପେଙ୍ଗ୍ ନାଙ୍ଗେଙ୍ଗ୍ ପୁଞ୍ଜ୍‌ୱାତାଦେର୍‌ନା ଆରେ ନା ଆବା ଈଶ୍ୱରତିଙ୍ଗ୍ ପା ପୁନ୍‌ୱାତାଦେର୍‌ନା। ଯଦି ଏପେଙ୍ଗ୍ ନାଙ୍ଗେଙ୍ଗ୍ ପୁନ୍‌ଞ୍ଚାଦେର୍‌ମା ଲାଗିଙ୍ଗ୍ ନା ଆବା ଈଶ୍ୱରତିଙ୍ଗ୍ ପା ପୁଚାଦେର୍‌ମା।”

୨ କରନ୍ତିୟ 4:6

ଇନେସ୍‌କି ଈଶ୍ୱର ଆଗେ ୱେଚ୍‌ଚି ମାଚାନ୍, “ମାଜ୍‌ଗାତାକେ ଅଜଡ଼୍ ଆଏତ୍” ଆରେ ଇଲେକେ କିଜି ହେୱାନ୍ ତା ଗୌରବ ବୁଜାୟ୍ କିଜି ମାଚାତ୍ ଯେ, ହେ ଅଜଡ଼୍‌ଲେକେ ତା ଗୌରବ ଯୀଶୁ ଖ୍ରୀଷ୍ଟ ମୁମ୍‌ଦ ଚନ୍‌ଞ୍ଜି ମାଚାତ୍।

ଏବ୍ରି 1:3

ହେ ହିମ୍‌ଣା ଈଶ୍ୱର ଗୌରବତାଙ୍ଗ୍ ଚଚ୍‌ଚାନାନ୍ ଆରେ ହେୱାନ୍ ୱିଜୁ ବିଷୟରେ ଈଶ୍ୱରଲେକେ ଚଞ୍ଜ୍‌ନାନ୍‌। ହେୱାନ୍ ଜାର୍ ଶାକ୍ତିମାନି କାତାତାଙ୍ଗ୍ ପୁର୍ତିନି ୱିଜୁ ବିଷୟ ଆସ୍ତାନ୍‌ନା। ଆରେ ହେୱାନ୍ ମାନାୟାର୍ ପାପ୍‌ତିଙ୍ଗ୍ ନୁସ୍‌ତି ପାଚେ ସରଗ୍‌ତାକେ ଈଶ୍ୱରତି ଗୌରବ ପାୟାଆନି ତିନାବାଗାୟ୍‌ନି ବାହାତାକେ କୁଚ୍‌ଚାନ୍‌ନା।

୧ ଯୋହନ 2:13

ଏ ଆବାର୍‌କାଦେର୍, ଆନେଙ୍ଗ୍ ମି କାଜିଙ୍ଗ୍ ଲେକିକିନାଙ୍ଗା ଯେ, ଖ୍ରୀଷ୍ଟ ଆଗେତାଙ୍ଗ୍ ମାନାନ୍, ଆରେ ଏପେଙ୍ଗ୍ ହେୱାନିଙ୍ଗ୍ ପୁଚାଦେର୍‌ନା। ଏ ଦାଙ୍ଗ୍‌ଣା ହିମ୍‌ଣା କାଦେର୍ ଆନେଙ୍ଗ୍ ମି କାଜିଙ୍ଗ୍ ଲେକିକିନାଙ୍ଗା ଯେ, ଆବା ଈଶ୍ୱର ଶୟତାନ୍‌ତିଙ୍ଗ୍ ଆରାୟ୍ କିଦେଙ୍ଗ୍ ମିଙ୍ଗେଙ୍ଗ୍ ଶାକ୍ତି ହିତ୍‌ତାନ୍‌ନା।