ଜହନ୍‌ 14:30 - New Testament in Pengo Parja Language

³⁰ ଆନେଙ୍ଗ୍ ମିହୁଦାଙ୍ଗ୍ ଆରେ ବେସି ବେଣ୍ କିଦ୍‌ଦେଙ୍ଗ୍ ଆଡ଼୍‌ଦୁଙ୍ଗ୍। ଇ ପୁର୍ତିନି ସାସନ୍ କିନାକାନ୍ ୱାନାନା, ଆରେ ନାବେ ହେୱାନ୍‌ତି ଇନାକାପା ଆଦିକାର୍ ହିଲୁତ୍।

ସତ୍‌ ବଚନ୍‌ ପୁନି ନିୟମ୍‌

³⁰ ଆନ୍‌ ମି ଲାହାଙ୍ଗ୍‌ ଆରେ ଆଦିକ୍‌ ସମୁ କାତାବାର୍ତା କିଦୁଙ୍ଗ୍, ଇନାକିଦେଂକି ପୁର୍ତିନି ମୁଡ଼୍‌ଦାକାନ୍‌ ୱାନାନା; ଆରେ, ନା ତାକେ ତାଦାଙ୍ଗ୍‌ ଇନାକା ହିଲୁତ୍‌;

ଜହନ୍‌ 14:30 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:35

ସରଗ୍‌ଦୁତ୍ ମରିୟମତିଙ୍ଗ୍ ୱେଚ୍‌ଚାତ୍, “ପବିତ୍ର ଆତ୍ମାନି ଲାଗାୟ୍ ୱାନାତ୍, ଆରେ ୱିଜୁ ଶାକ୍ତିନିକାନ୍ ଗାଜା ଈଶ୍ୱର ହୁଦାଙ୍ଗ୍ ମାନ୍‌ଗାନାତ୍। ହେଦାଙ୍ଗ୍ କାଜିଙ୍ଗ୍ ହେ ହିମ୍‌ଣା ପବିତ୍ର ଆଜି ଜନମ୍ ଆନାନ୍। ଆରେ ମାନାୟାର୍ ହେୱାନିଙ୍ଗ୍ ଈଶ୍ୱର ମେହି ଇଞ୍ଜି ପୁନାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:53

ଆନେଙ୍ଗ୍ ୱିଜୁଦିନ୍ ମିହୁଦାଙ୍ଗ୍ ମାନ୍‌ଞ୍ଜି ଈଶ୍ୱର ମାନି ମନ୍ଦିର୍‌ ପିଣ୍ଡାତ ହିକ୍ଷାହିଜି ମାନ୍‍ଚାଙ୍ଗ୍, ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ଆସ୍ତି ଗାଚ୍‍ଚେଦେଙ୍ଗ୍ ୱାତାଦେର୍, ମାତର୍ ଇଦାଙ୍ଗ୍ ମି ସମୟ୍ ଆରେ ମି ଜିବୁନ୍ ମାଜ୍‌ଗା ଆତ୍‌ତାତ୍‌।”

ଜହନ୍‌ 12:31

ନଙ୍ଗୟ୍ ଇ ପୁର୍ତିତିଙ୍ଗ୍ ବିଚାର୍‌କିନି ଦିନ୍ ଏକିୱାତାତ୍, ଇ ପୁର୍ତିତିଙ୍ଗ୍ ସାସନ୍ କିନି ଶୟତାନ୍‌ତିଙ୍ଗ୍ ବାର୍ତ ତୁସିହିନି ଦିନ୍ ୱାତାତ୍।

ପକ୍ୟାତାକା 1:3

ଯୀଶୁ ନିଜେ ଦୁକ୍‌କଷ୍ଟ ପାୟାଆଜି କୃଶକାଟ୍‌ତାକେ ହାଃତି ପାଚେ, ହେୱାନ୍ ଆରେରଗ ଜିବୁନ୍ ପାୟାଆତାନ୍‌। ଆରେ ତା ବାଚିକିତି ଚେଲାହିରିଙ୍ଗ୍ ଜାର୍‌ତିଙ୍ଗ୍ ଜିବୁନ୍ ଆତାଙ୍ଗ୍‌ନା ଇଞ୍ଜି ଚଚିୟାଆତାନ୍। ହେୱାନ୍ ଚାଲିଶ୍ ଦିନ୍ ପାତେକ୍ ବାରମ୍-ବାରମ୍ ହେୱାରିଙ୍ଗ୍ ଚଚିୟାଆତାନ୍। ଆରେ ହେୱାନ୍ ଈଶ୍ୱର ସାସନ୍ ରାଜିନି ବିଷୟରେ ହେୱାରିଙ୍ଗ୍ ୱେଚ୍‌ଚି ମାଚାନ୍।

୨ କରନ୍ତିୟ 4:4

ଆସେଙ୍ଗ୍ ଶୁଣାୟ୍ କିନି ହାର୍ଦିକାବୁର୍‌ତିଙ୍ଗ୍ ପାର୍ତିକିୱି ମାନାୟାରିଙ୍ଗ୍ ଇ ପୁର୍ତିତିଙ୍ଗ୍ ସାସନ୍ କିନି ଶୟତାନ୍, ତା ମାନ୍‌ତିଙ୍ଗ୍ କଣ୍ଟ୍ରୁଲ୍ କିନାତା ଆରେ ବୁଜା ଆଦେଙ୍ଗ୍ ହିଉତା। ଲାଗିଙ୍ଗ୍ ଈଶ୍ୱରଲେକେ ଚଞ୍ଜ୍‌ନି ଖ୍ରୀଷ୍ଟ ଯୀଶୁ ବିଷୟନି ହାର୍ଦିକାବୁର୍ ଆରେ ତା ଗୌରବତିଙ୍ଗ୍ ବୁଜା ଆଦେଙ୍ଗ୍ ଆଡୁରା।

୨ କରନ୍ତିୟ 5:21

ଇନେସ୍‌କି ଈଶ୍ୱର ଇନାୱେଡ଼ାଙ୍ଗ୍ ପାପ୍ କିୱିତି ଖ୍ରୀଷ୍ଟଙ୍ଗ୍ ମା ପାପ୍ କାଜିଙ୍ଗ୍ ହାଃଦେଙ୍ଗ୍ ହିତ୍‌ତାନ୍, ହେଦାଙ୍ଗ୍ କାଜିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ଖ୍ରୀଷ୍ଟ କାଜିଙ୍ଗ୍ ତା ମୁମ୍‌ଦ ଦରମ୍ ମାନାୟ୍ କିଦ୍‌ଦେଙ୍ଗ୍ ଆଡ୍‌ନାନ୍।

ଏପିସିୟ 2:2

ଇନେସ୍‌କି ହେପାଦ୍ନା ଏପେଙ୍ଗ୍ ଇ ପୁର୍ତିନି ମାନାୟାର୍ ହାଜ୍‌ଦିଙ୍ଗ୍ ତାଙ୍ଗ୍‌ଜି ମାଚାଦେର୍, ଆରେ ବାଦାଡ଼୍‌ନି କରାପ୍ ଆତ୍ମା କି ବୁତ୍ ଆତ୍ମାନି ନେତାନି ଆଦିକାର୍ ଶୟତାନନି କାତା ମାନିକିଜି ମାଚାଦେର୍। ଇ ଶୟତାନ ନଙ୍ଗୟ୍ ଈଶ୍ୱରତିଙ୍ଗ୍ ମାନିକିୱି ମାନାୟାରିଙ୍ଗ୍ କଣ୍ଟ୍ରୁଲ୍ କିଦ୍‌ନାତା।

ଏପିସିୟ 6:12

ଇନେସ୍‌କି ମା ଯୁଜ୍ ନେତେର୍ ଜେଇ ଇ ପୁର୍ତିନି ମାନାୟାର୍ କାଜିଙ୍ଗ୍ ଆକାୟ୍, ମାତର୍ ମାଜ୍‌ଗା ଜଗତ୍‌ନି ଶାକ୍ତି, ଆଦିକାର୍ ଆରେ ସାସନ୍ କିନାକାର୍ ବିରଦ୍‌ତାକେ ଆରେ ବାଦାଡ଼୍‌ନି କରାପ୍ ଆତ୍ମା ବିରଦ୍ କାଜିଙ୍ଗ୍।

କଲସିୟ 1:13

ଇନେସ୍‌କି ହେୱାନ୍ ମାଙ୍ଗେଙ୍ଗ୍ ମାଜ୍‌ଗାନି ରାଜିତାଙ୍ଗ୍ ଉଦାର୍ କିତ୍‌ତାନ୍‌ନା। ଆରେ ତା ଲାଡ୍‌ନି ମେହି ସାସନ୍ କିନି ରାଜିତାକେ ମାଙ୍ଗେଙ୍ଗ୍ ଅତ୍‌ତାନ୍‌ନା।

ଏବ୍ରି 4:15

ଯୀଶୁ ଖ୍ରୀଷ୍ଟ ମା ପ୍ରଦାନ୍ ମୁଡ଼୍‌ଦି ପୁଜାରି ମା ଦୁର୍‌ବଲ୍‌ତିଙ୍ଗ୍ ପୁନାନ୍, ଶୟତାନ ମା ଲେକେ ଯୀଶୁଙ୍ଗ୍ ୱିଜୁ ବିଷୟରେ ପରିକ୍ଷା କିତାତ୍, ମାତର୍ ଯୀଶୁ ପାପ୍ କିୱାତାନ୍।

ଏବ୍ରି 7:26

ଇନେସ୍‌କି ଯୀଶୁ ଲେକେ ପ୍ରଦାନ୍ ମୁଡ଼୍‌ଦି ପୁଜାରି ମା କାଜିଙ୍ଗ୍ ଦର୍‌କାର୍। ହେୱାନ୍ ରକାନ୍ ପବିତ୍ର ମାନାୟ୍, ଇନା ଦସ୍ ହିଲ୍‌ୱି ମାନାୟ୍, ପୁରାପୁରି ଟିକ୍ ମାନାୟ୍, ପାପି ମାନାୟାର୍ ପାପ୍ କାମାୟ୍‌ତାଙ୍ଗ୍ ଦେହା ମାନି ମାନାୟ୍ ଆରେ ହେୱାନ୍ ସରଗ୍‌ତାକେ ୱିଜୁତାଙ୍ଗ୍ ଗାଜା ସନ୍‌ମାନ୍ ପାୟାଆନି ବାହାତାକେ ମାନି ମାନାୟ୍।

୧ ପିତର 1:19

ମାତର୍ ଯୀଶୁ ଖ୍ରୀଷ୍ଟତି ବେସି ଦାମ୍‌କିୟା ନେତେର୍ କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ଉଦାର୍ କିତ୍‌ତାନ୍‌ନା, ହେୱାନ୍ ଦସ୍ ହିଲି ମେଣ୍ଢାଲେକେ ବଲିପୁଜା ଆତାନ୍।

୧ ପିତର 2:22

ହେୱାନ୍ ଇନାୱେଡ଼ାଙ୍ଗ୍ ପା ପାପ୍ କାମାୟ୍ କିୱାତାନ୍‌ନା କି, ଇନେରିଙ୍ଗ୍ ଟକାୟ୍ କିୱାତାନ୍‌ନା।

୧ ଯୋହନ 4:4

ଏ କାଡ଼୍‌ଦେର୍, ଏପେଙ୍ଗ୍ ଈଶ୍ୱର ମାନାୟ୍ କାଦେର୍, ଆରେ ଏପେଙ୍ଗ୍ ହେୱାର୍ ଈଶ୍ୱରତାଙ୍ଗ୍ ୱେନ୍‌ୱାଦାଙ୍ଗ୍ ମିଚ୍ ୱେଚ୍‌ନି ମାନାୟାର୍ କାତାତିଙ୍ଗ୍ ପାର୍ତି କିୱାତାଦେର୍‍ନା। ଇନେସ୍‌କି ମି ବିତ୍ରେ ପବିତ୍ର ଆତ୍ମା ମାନାତ୍, ଆରେ ହେ ପବିତ୍ର ଆତ୍ମା ନେ ପୁର୍ତିନି ଶୟତାନନି ଆତ୍ମାତାଙ୍ଗ୍ ପା ଗାଜା।

୧ ଯୋହନ 5:18

ଇମ୍‌ଣାକାନ୍ ଈଶ୍ୱର ମେହି ଆତାନ୍‌ନା ହେୱାନ୍ ଇନାୱେଡ଼ାଙ୍ଗ୍ ପା ପାପ୍ କାମାୟ୍ କିଜି ମାନୁନ୍। ଇନେସ୍‌କି ହେୱାନ୍ ଈଶ୍ୱର ମେହି ଆତି କାଜିଙ୍ଗ୍ ଈଶ୍ୱର ହେୱାନିଙ୍ଗ୍ ରକ୍ଷା କିନାନ୍। ଆରେ ଶୟତାନ୍ ହେୱାନିଙ୍ଗ୍ ଡୁବେଦେଙ୍ଗ୍ ଆଡୁତ୍ ହେଦାଙ୍ଗ୍ ଆପେଙ୍ଗ୍ ପୁଚାପ୍‌ନା।

୧ ଯୋହନ 5:19

ଆପେଙ୍ଗ୍ ପୁଚାପ୍‌ନା ଯେ, ଆପେଙ୍ଗ୍ ଈଶ୍ୱର ମେହିକାପ୍, ମାତର୍ ଶୟତାନ୍ ଇ ପୁର୍ତିନି ମାନାୟାରିଙ୍ଗ୍ ତା ଅଦିନ୍‌ରେ ଇଡ଼୍‌ତାତ୍‌ନା।

ହତ୍‌ତି 12:9

ଲାଗିଙ୍ଗ୍ ହେ ରାଚ୍ ଆରେ ତା ଦୁତ୍‌କୁକାଙ୍ଗ୍ ପୁର୍ତିତାକେ ତୁସିହିତାର୍, ହେ ରାଚ୍‌ତିଙ୍ଗ୍ ଆଗେ ପୁର୍‌ବେନି ଶୟତାନ୍ ଇନେର୍ ପୁର୍ତିନି ୱିଜୁ ମାନାୟାରିଙ୍ଗ୍ ଟକାୟ୍ କିନାତା। ହେୱାନ୍ ନେ ଗାଜା ରାଚ୍ ଲେକେ ଚଞ୍ଜ୍‌ନାତା।