ଜହନ୍‌ 14:25 - New Testament in Pengo Parja Language

²⁵ ଆନେଙ୍ଗ୍ ମିହୁଦାଙ୍ଗ୍ ମାନିହିଙ୍ଗ୍ ଇୱିଜୁ କାତା ମିଙ୍ଗେଙ୍ଗ୍ ୱେଚ୍‌ଚାତାଙ୍ଗ୍‌ନା।

ସତ୍‌ ବଚନ୍‌ ପୁନି ନିୟମ୍‌

²⁵ “ଆନ୍‌ ମି ଲାହାଙ୍ଗ୍‌ ମାନ୍‌ଞ୍ଜି ମାନ୍‌ଞ୍ଜି ମିଙ୍ଗ୍‌ ଇ ୱିଜ଼ୁ କାତା ଇନ୍‌ଞ୍ଚାଙ୍ଗ୍‌ନ୍ନା ।

ଜହନ୍‌ 14:25 ပူးပေါင်းရင်းမြစ်များ

ଜହନ୍‌ 13:19

ନଙ୍ଗୟ୍ ଇଦାଙ୍ଗ୍ ଗଟାଆୱି ଆଗେ ଆନେଙ୍ଗ୍ ମିଙ୍ଗେଙ୍ଗ୍ ଇ କାତା ୱେଚ୍‌ଚାନାଙ୍ଗା। ଲାଗିଙ୍ଗ୍ ଏଚେପାଦ୍ନା ଇଦାଙ୍ଗ୍ ଗଟାଆନାତ୍, ଆନେଙ୍ଗ୍ ହେ ରକ୍ଷାକିଦ୍ନାକାନ୍‌ ଇଞ୍ଜି ଏପେଙ୍ଗ୍ ପାର୍ତି କିନାଦେର୍।

ଜହନ୍‌ 14:24

ମାତର୍ ଇମ୍‌ଣାକାନ୍ ନାଙ୍ଗେଙ୍ଗ୍ ଲାଡ୍ କିଦୁନ୍, ହେୱାନ୍ ନା କାତା ମାନିକିଉନ୍। ନାବେତାଙ୍ଗ୍ ଇମ୍‌ଣି କାତା ଏପେଙ୍ଗ୍ ୱେଚାଦେର୍‌ନା, ହେଦାଙ୍ଗ୍ ନାଦି ଆକାୟ୍। ମାତର୍ ଇଦାଙ୍ଗ୍ ନାଙ୍ଗେଙ୍ଗ୍ ପକ୍ତିତି ଆବା ଈଶ୍ୱରତି।

ଜହନ୍‌ 14:26

ମାତର୍ ମିଙ୍ଗେଙ୍ଗ୍ ସାଇଜ କିଦ୍‌ନାକାର୍, ପବିତ୍ର ଆତ୍ମାତିଙ୍ଗ୍ ଆବା ଈଶ୍ୱର ନା ତର୍‍ଦାଙ୍ଗ୍ ପକ୍ତାନାନ୍, ହେୱାନ୍ ମିଙ୍ଗେଙ୍ଗ୍ ୱିଜୁ ହିକ୍ଷା ହିଦ୍‌ନାନ୍। ଆରେ ଆନେଙ୍ଗ୍ ଇମ୍‌ଣି-ଇମ୍‌ଣି କାତା ୱେଚ୍‌ଚାତାଙ୍ଗ୍‌ନା, ହେୱାନ୍ ହେ ୱିଜୁ କାତା ମିଙ୍ଗେଙ୍ଗ୍ ମାନ୍ତ ଏତୁ କି କିଦ୍‌ନାନ୍।

ଜହନ୍‌ 14:29

ହେଲେକେ ଗଟାଆନିହିଙ୍ଗ୍, ଏପେଙ୍ଗ୍ ନାଙ୍ଗେଙ୍ଗ୍ ପାର୍ତି କିଦ୍‌ନାଦେର୍। ହେଦାଙ୍ଗ୍ କାଜିଙ୍ଗ୍ ଇ ୱିଜୁଗଟ୍‌ନା ଗଟାଆୱି ଆଗେ ଆନେଙ୍ଗ୍ ମିଙ୍ଗେଙ୍ଗ୍ ୱିଜୁ ବିଷୟରେ ପାର୍ତି କିଦେଙ୍ଗ୍ ୱେଚ୍‌ଚାନାଙ୍ଗା।

ଜହନ୍‌ 15:11

ଆନେଙ୍ଗ୍ ମିଙ୍ଗେଙ୍ଗ୍ ଇୱିଜୁ କାତା ୱେଚ୍‌ଚାତାଙ୍ଗ୍‌ନା, ଆନେଙ୍ଗ୍ ଇନେସ୍ ଇଲେକେ ୱାରିତାକେ ମାନାଙ୍ଗା, ଏପେଙ୍ଗ୍ ପା ନା ଲେକେ ୱାରି ପାୟାଆନାଦେର୍। ଆନେଙ୍ଗ୍ ଇଚା କିନାଙ୍ଗା ମି ୱାରି ପୁରା ଆୟେତ୍।

ଜହନ୍‌ 16:12

ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚେଦେଙ୍ଗ୍ ବେସି କାତା ମାନାତ୍। ମାତର୍ ନଙ୍ଗୟ୍ ଏପେଙ୍ଗ୍ ବୁଜା ଆଦେଙ୍ଗ୍ ଆଡୁଦେର୍।