ଜହନ୍‌ 14:2 - New Testament in Pengo Parja Language

² ନା ଆବା ଈଶ୍ୱର ଇଞ୍ଜ ବେସି ବାକ୍ରାଙ୍ଗ୍ ମାନିକ୍। ହେଦାଙ୍ଗ୍ ଆୱିତିସ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ୱାତାଙ୍ଗ୍‌ମା। ଆନେଙ୍ଗ୍ ମି କାଜିଙ୍ଗ୍ ର ବାହା ରସ୍ତେଙ୍ଗ୍ ଆନେଙ୍ଗ୍ ହେବେ ହାନାଙ୍ଗା।

ସତ୍‌ ବଚନ୍‌ ପୁନି ନିୟମ୍‌

² ନା ଆବାର୍‌ ଇଞ୍ଜ ଜବର୍‌ ବାହାଂ ମାନିଂ; ଜଦି ହଲ୍‍ୱିତିସ୍‍, ତା ଆତିସ୍‌ ଆନ୍‌ ମିଙ୍ଗେଙ୍ଗ୍‌ ୱେଚ୍‍ଚାତାଂମା, ଆନ୍‌ ମି କାଜିଂ ବାହା ଜାଲ୍‌ଦି କିଦେଙ୍ଗ୍‌ ହାନାଙ୍ଗା;

ଜହନ୍‌ 14:2 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 14:22

ପାଚେ ହଲିଆହି ୱେଚ୍‌ଚାନ୍, ‘ଏ ମାଲିକ୍, ଏନେଙ୍ଗ୍ ଇନାକା ୱେଚ୍‌ଚାତାଇ ହେଦାଙ୍ଗ୍ ଆନେଙ୍ଗ୍ କିତାଙ୍ଗ୍‌ନା। ଆତିସ୍‌ପା ଆରେ ଆଦିକ୍ ମାନାୟାର୍ କାଜିଙ୍ଗ୍ ବାହା ଉବ୍ରା ଆତାତ୍‌ନା।’

ଜହନ୍‌ 13:33

ଯୀଶୁ ୱେଚ୍‌ଚାନ୍, “ନା ହିମ୍‌ଣାୱାକ୍‌ଡ଼ା କାଦେର୍, ଆନେଙ୍ଗ୍ ମିହୁଦାଙ୍ଗ୍ ଅଲପ୍‌ଦିନ୍ ମାନ୍‌ଗାନାଙ୍ଗ୍। ଏପେଙ୍ଗ୍ ନାଙ୍ଗେଙ୍ଗ୍ ଦାସ୍ତାନାଦେର୍। ଆନେଙ୍ଗ୍ ଯିହୁଦିରିଙ୍ଗ୍ ଇନାକା ୱେଚ୍‌ଚି ମାଚାଙ୍ଗ୍, ହେଦାଙ୍ଗ୍ ଆନେଙ୍ଗ୍ ନଙ୍ଗୟ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା। ଆନେଙ୍ଗ୍ ଇମେତାକେ ହାନାଙ୍ଗା, ଏପେଙ୍ଗ୍ ହେବେ ୱାଦେଙ୍ଗ୍ ଆଡୁଦେର୍।

ଜହନ୍‌ 13:36

ଶିମୋନ ପିତର ଯୀଶୁଙ୍ଗ୍ ୱେନ୍‌ବାତାନ୍, “ମାପୃ, ଏନେଙ୍ଗ୍ ଇମେନିପଣ୍ ହାନାୟା?” ଯୀଶୁ ୱେଚ୍‌ଚାନ୍, “ଆନେଙ୍ଗ୍ ଇମେନିପଣ୍ ହାନାଙ୍ଗା, ଏପେଙ୍ଗ୍ ନା ପାଚେ-ପାଚେ ନଙ୍ଗୟ୍ ହେବେ ୱାଦେଙ୍ଗ୍ ଆଡୁଦେର୍। ମାତର୍ ପାଚେ ଏପେଙ୍ଗ୍ ନା ପାଚେ-ପାଚେ ୱାନାଦେର୍।”

ଜହନ୍‌ 14:28

ଏପେଙ୍ଗ୍ ନା କାତା ୱେଚାଦେର୍‌ନା, ‘ଆନେଙ୍ଗ୍ ହାନାଙ୍ଗା, ମାତର୍ ଆରେ ମି ଲାଗାୟ୍ ୱାନାଙ୍ଗ୍।’ ଏପେଙ୍ଗ୍ ଯଦି ନାଙ୍ଗେଙ୍ଗ୍ ହାତ୍‌ପା ଲାଡ୍‌କିଜି ମାନ୍‌ଗାନାଦେର୍, ଲାଗିଙ୍ଗ୍ ଏପେଙ୍ଗ୍ ୱାରି ଆନାଦେର୍, ଆନେଙ୍ଗ୍ ଆବା ଈଶ୍ୱରତାକେ ହାନାଙ୍ଗା ଇଞ୍ଜି। ଇନେସ୍‌କି ନା ଆବା ଈଶ୍ୱର ନାବେତାଙ୍ଗ୍ ଗାଜାକାନ୍‌।

ଜହନ୍‌ 16:4

ଆନେଙ୍ଗ୍ ମିଙ୍ଗେଙ୍ଗ୍ ଇୱିଜୁ କାତା ନଙ୍ଗୟ୍ ୱେଚ୍‌ଚାତାଙ୍ଗ୍‌ନା, ଲାଗିଙ୍ଗ୍ ଏଚେପାଦ୍ନା ଇୱିଜୁ ଗଟାଆନିଦିନ୍ ୱାନାତ୍, ହେପାଦ୍ନା ଏପେଙ୍ଗ୍ ମାନ୍ତ ଏତୁ କିନାଦେର୍, ଆନେଙ୍ଗ୍ ଆଗେତାଙ୍ଗ୍ ଇୱିଜୁ କାତା ମିଙ୍ଗେଙ୍ଗ୍ ୱେଚ୍‌ୱାଦାଙ୍ଗ୍ ମାନ୍‌ଞ୍ଚାଙ୍ଗ୍। ଇନେସ୍‌କି ଆନେଙ୍ଗ୍ ମିହୁଦାଙ୍ଗ୍ ମାଚାଙ୍ଗ୍।”

ଜହନ୍‌ 17:24

ଏ ଆବା ଈଶ୍ୱର, ଏନେଙ୍ଗ୍ ନାଙ୍ଗେଙ୍ଗ୍ ଇମ୍‌ଣି ମାନାୟାରିଙ୍ଗ୍ ହିତ୍‌ତାଇନା, ଆନେଙ୍ଗ୍ ଇଚା କିନାଙ୍ଗ୍, ଆନେଙ୍ଗ୍ ମାନି ୱିଜୁ ବାହାତାକେ ହେୱାର୍ ନା ହୁଦାଙ୍ଗ୍ ମାନେର୍। ଆନେଙ୍ଗ୍ ଇଚା କିନାଙ୍ଗ୍, ହେୱାର୍ ନା ଅଜଡ଼୍ ହୁଡ଼େର୍। ଇ ଅଜଡ଼୍ ଏନେଙ୍ଗ୍ ନାଙ୍ଗେଙ୍ଗ୍ ହିତ୍‌ତାଇନା, ଇନେସ୍‌କି ଏନେଙ୍ଗ୍ ପୁର୍ତି ରହ୍‌ୱିତି ଆଗେ ନାଙ୍ଗେଙ୍ଗ୍ ଲାଡ୍ କିତ୍‌ତାୟ୍।

ପକ୍ୟାତାକା 9:16

ଆରେ ନା ବିଷୟରେ ହେୱାନ୍ ମାନାୟାରିଙ୍ଗ୍ ୱେଚ୍‌ନିହିଙ୍ଗ୍ ଏଚେକ୍ ଦୁକ୍‌କଷ୍ଟ ପାୟା ଆନାନ୍, ହେ ବିଷୟରେ ଆନେଙ୍ଗ୍ ହେୱାନିଙ୍ଗ୍ ୱେଚ୍‌ନାଙ୍ଗ୍।”

୨ କରନ୍ତିୟ 5:1

ଇନେସ୍‌କି ଆସେଙ୍ଗ୍ ପୁଚାସ୍‌ନା ଯେ, ମା ଗାଗାଡ଼୍ ଇ ପୁର୍ତିତାକେ ପିରିତାଙ୍ଗ୍‌ ରସ୍ତି କୁଡ଼ିଆତାକେ ମାନିଲେକେ ମାନାସା। ଯଦି ଆସେଙ୍ଗ୍ ହାଃନାସ୍, ଲାଗିଙ୍ଗ୍ ଈଶ୍ୱର ନିଜେ ରସ୍ତି ୱିଜୁଦିନ୍ ମାନି ପୁନି ଗାଗାଡ଼୍‌ତିଙ୍ଗ୍ ର ଇଲ୍ ଲେକେ ସରଗ୍‌ତାକେ ହିଦ୍‌ନାନା, ହେଦାଙ୍ଗ୍ ମାନାୟାର୍ ରସ୍ତି ଲେକେ ଆକାୟ୍।

୧ ଥେସଲନୀକିୟ 5:9

ଇନେସ୍‌କି ଈଶ୍ୱର ମାଙ୍ଗେଙ୍ଗ୍ ଦଣ୍ଡ୍ ହିଦ୍‌ଦେଙ୍ଗ୍ ବାଚି କିଦ୍‌ୱାତାନ୍‌ନା, ମାତର୍ ମା ମାପୃ ଯୀଶୁ ଖ୍ରୀଷ୍ଟ କାଜିଙ୍ଗ୍ ଉଦାର୍ ପାୟା ଆଦେଙ୍ଗ୍ ବାଚି କିତ୍‌ତାନ୍‌ନା

ତୀତସ 1:2

ଇ ଲେକେ ଆତିସ୍ ହେୱାର୍ ଈଶ୍ୱର ହୁଦାଙ୍ଗ୍ ୱିଜ୍‌ୱି ଜିବୁନ୍ ମାଞ୍ଜେଙ୍ଗ୍ ଆହା କିତାର୍‌ନା। ଇନେସ୍‌କି ଈଶ୍ୱର ଇନାୱେଡ଼ାଙ୍ଗ୍ ପା ମିଚ୍ ୱେଚୁନ୍, ହେୱାନ୍ ପୁର୍ତିତିଙ୍ଗ୍ ରହ୍‌ନି ଆଗେ ଇଦାଙ୍ଗ୍ ପାର୍ମାଣ୍ କିତାନ୍‌ନା ଯେ ତା ମାନାୟାର୍ ୱିଜ୍‌ୱି ଜିବୁନ୍ ପାତେକ୍ ମାନ୍‌ଗାନାର୍।

ଏବ୍ରି 11:10

ଅବ୍ରାହାମ ହେଲେକେ ବାହା କିତାନ୍, ଇନେସ୍‌କି ଈଶ୍ୱର ନିଜେ ରସ୍ତି ୱିଜୁଦିନ୍ ମାନି ପାଣ୍ଡୁସେନ୍‌ନି ସହର୍‌ତିଙ୍ଗ୍ ଅବ୍ରାହାମ କାସି ମାଚାନ୍।

ଏବ୍ରି 13:14

ଇନେସ୍‌କି ଇ ପୁର୍ତିତାକେ ମା କାଜିଙ୍ଗ୍ ୱିଜୁଦିନ୍ ମାନି ଇଲ୍ ଆକାୟ୍, ମାତର୍ ସରଗ୍‌ତାକେ ମାନି ମା ସହର୍‌ତିଙ୍ଗ୍ ଆପେଙ୍ଗ୍ ଡେକ୍‌ନାପା, ହେ ସହର୍ ୱାନାକା ମାନାତ୍।

ଏବ୍ରି 6:20

ଯୀଶୁ ମା ଆଗେ ହାଚାନ୍‌ନା ଆରେ ମା କାଜିଙ୍ଗ୍ ହେୱାନ୍ ସରଗ୍‌ତାକେ ହାଚାନ୍‌ନା। ହେୱାନ୍ ମଲ୍‌କିଷେଦକ ଲେକେ ୱିଜ୍‌ୱିଦିନ୍‌ନି ପ୍ରଦାନ୍ ମୁଡ଼୍‌ଦି ପୁଜାରି ଆତାନ୍‌ନା।

ଏବ୍ରି 9:8

ଇ ରିତିନିତି ମାନିକିନି କାଜିଙ୍ଗ୍ ପବିତ୍ର ଆତ୍ମା ମାଙ୍ଗେଙ୍ଗ୍ ବୁଜାଇ କିଦ୍‌ନାତା ଯେ, ଇ ପୁର୍ତିତାକେ ଏଚେପାଦ୍ନା ପାତେକ୍ ପୁଟ୍ କୁଡ଼ିଆ ଆରେ ହେବେନି ରିତିନିତି ମାନିକିନି। ଲାଗିଙ୍ଗ୍ ଈଶ୍ୱରତି ସରଗ୍‌ନି ବେସି ପବିତ୍ର ମନ୍ଦିର୍‌ତାକେ ହାନି କାଜିଙ୍ଗ୍ ନଙ୍ଗୟ୍ ପାତେକ୍ ହାଜି ଜେୟା ଆୱାତାତ୍‌ନା।

ହତ୍‌ତି 1:5

ଆରେ, ଯୀଶୁ ଖ୍ରୀଷ୍ଟତାଙ୍ଗ୍ ଇନେର୍‌କି ଈଶ୍ୱର କାତାତିଙ୍ଗ୍ ସାକି ହିନାନା ଆରେ ତା କାତାତିଙ୍ଗ୍ ପାର୍ତି କିୟାଆନାତ୍, ହେୱାନ୍‌ ନେ ପାର୍ତୁମ୍ ମାରାଣ୍‌ତାଙ୍ଗ୍ ଜିବୁନ୍ ଆତାନ୍‌ନା ଆରେ ପୁର୍ତିନି ୱିଜୁ ରାଜାରିଙ୍ଗ୍ ସାସନ୍ କିନି ମାନାୟ୍ ଆତାନ୍‌ନା। ହେୱାନ୍ ମାଙ୍ଗେଙ୍ଗ୍ ଲାଡ୍ କିଦ୍‌ନାନା। ହେୱାନ୍ ମା କାଜିଙ୍ଗ୍ ଜାର୍ ନେତେର୍ ବଡ଼ାଇ କିଜି ହାଃତାନ୍ ଆରେ ଆସେଙ୍ଗ୍ କିତି ପାପ୍‌ନି ଦଣ୍ଡ୍‌ତିଙ୍ଗ୍ କେମା କିତାନ୍‌ନା।

ହତ୍‌ତି 21:2

ଆରେ, ର ବିବାଆନି ହଲ୍‌ନି କଗ୍‌ଲେ ତା ଡକ୍ରାହିଙ୍ଗ୍ ଗିଟାଆଦେଙ୍ଗ୍ ରେଡି ଆଜିମାନାତ୍, ହେଲେକେ ଈଶ୍ୱର ମାନି ସରଗ୍‌ତାଙ୍ଗ୍ ପବିତ୍ର ସହର୍ ଇମ୍‌ଣାକା କି ପୁନି ଯିରୁଶାଲାମ ଜୁଜି ୱାନାକା ଆନେଙ୍ଗ୍ ହୁଡ଼୍‌ତାଙ୍ଗ୍।

ହତ୍‌ତି 3:12

ଇମ୍‌ଣି ମାନାୟାର୍ ଶୟତାନ ଶାକ୍ତିତିଙ୍ଗ୍ ଆରାୟ୍ କିଜି ଜିତାଆଜି ମାନାର୍, ହେୱାର୍ ଈଶ୍ୱର ମନ୍ଦିର୍‌ତାକେ କମ୍‌ମୁଣ୍ଡା ଲେକେ ଆଜି ୱିଜୁଦିନ୍ କାଜିଙ୍ଗ୍ ମାନାର୍, ଇନେର୍ ହେବା ଆନେଙ୍ଗ୍ କିନାଙ୍ଗା। ଆରେ ଆନେଙ୍ଗ୍ ହେୱାର୍ ଗାଗାଡ଼୍‌ତାକେ ନା ଈଶ୍ୱର ତର୍‌ ଲେକିକିନାଙ୍ଗ୍ ଆରେ ହେୱାର୍ ନା ଈଶ୍ୱର ସହର୍‌ନି ମାନାୟ୍ ଆନାର୍, ହେଦେଲିଙ୍ଗ୍ ନେ ଇନାର୍ ପୁନି ଯିରୁଶାଲାମ। ହେ ପୁନି ସହର୍, ନା ଈଶ୍ୱର ମାନି ସରଗ୍‌ତାଙ୍ଗ୍ ୱାନାତ୍। ଆନେଙ୍ଗ୍ ପା ତା ଗାଗାଡ଼୍‌ତାକେ ନା ପୁନି ତର୍‌ ଲେକିକିନାଙ୍ଗ୍।

ହତ୍‌ତି 3:21

ଇମ୍‌ଣି ମାନାୟାର୍ ଶୟତାନ ଶାକ୍ତିତିଙ୍ଗ୍ ଆରାୟ୍ କିଜି ଜିତାଆନାର୍‌। ଇନେସ୍ ଆନେଙ୍ଗ୍ ଶୟତାନ ଶାକ୍ତିତିଙ୍ଗ୍ ଆରାୟ୍ କିଜି ଜିତା ଆତାଙ୍ଗ୍ ଆରେ ନା ଆବା ହୁଦାଙ୍ଗ୍ ତା ସିଙ୍ଗାସନ୍‌ତାକେ କୁଚ୍‌ଚାଙ୍ଗ୍‌ନା ହେଲେକେ ଆନେଙ୍ଗ୍ ହେୱାରିଙ୍ଗ୍ ନା ସିଙ୍ଗାସନ୍‌ତାକେ କୁଚ୍‌ଚେଙ୍ଗ୍ ହିନାଙ୍ଗ୍।