Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ଜହନ୍‌ 14:16 - New Testament in Pengo Parja Language

16 ଆନେଙ୍ଗ୍ ଆବା ଈଶ୍ୱରତିଙ୍ଗ୍ ପାର୍ତାନା କିଜି ଏନ୍‍ନାଙ୍ଗ୍, ଆରେ ହେୱାନ୍ ମିଙ୍ଗେଙ୍ଗ୍ ଆରେ ରକାନ୍ କାମାୟ୍‌ତିଙ୍ଗ୍ ସାଇଜ କିଦ୍‌ଦେଙ୍ଗ୍ ପକ୍ତାନାନ୍। ଆରେ ହେୱାନ୍ କାମାୟ୍ କିନାକାନିଙ୍ଗ୍ ମି ଲାଗାୟ୍ ୱିଜୁଦିନ୍ ମାନ୍‌ଗେଦେଙ୍ଗ୍ ୱେଚ୍‌ନାନ୍।

အခန်းကိုကြည့်ပါ။ ကော်ပီ

ସତ୍‌ ବଚନ୍‌ ପୁନି ନିୟମ୍‌

16 ଆରେ, ଆନ୍‌ ଆବାଂ ଗୱାରି କିନାଂ, ଆରେ ମି ହୁଦାଂ ସବୁ ଦାନ୍‌ ମାନି କାଜିଂ ହେୱାନ୍‌ ମିଙ୍ଗ୍‌ ଆରେ ରକାନ୍‌ ଉପ୍‌କାର୍‌ କିଦ୍‌ନାକାନିଂ ହିଦ୍‌ନାନ୍‌,

အခန်းကိုကြည့်ပါ။ ကော်ပီ




ଜହନ୍‌ 14:16
31 ပူးပေါင်းရင်းမြစ်များ  

ଆନେଙ୍ଗ୍ ମିଙ୍ଗେଙ୍ଗ୍ ଇମ୍‌ଣି-ଇମ୍‌ଣି ବିଷୟ ୱିଜୁ ୱେଚ୍‌ଚାତାଙ୍ଗ୍‌ନା, ହେ ୱିଜୁବେଣ୍ ମାନି କିଦେଙ୍ଗ୍ ମାନାୟାରିଙ୍ଗ୍ ହିକ୍ଷା ହିୟାଟ୍। ଆନେଙ୍ଗ୍ ମିହୁଦାଙ୍ଗ୍ ୱିଜୁଦିନ୍ ମାନାଙ୍ଗ୍ ଇଞ୍ଜି ପୁରା ପାର୍ତିକିୟାଟ୍। ଜୁଗ୍ ସେସ୍‌ଆନି ପାତେକ୍ ପା ଆନେଙ୍ଗ୍ ମି ହାଙ୍ଗ୍-ହାଙ୍ଗ୍ ମାନ୍‌ଗାନାଙ୍ଗ୍।”


ନା ତର୍‍ଦାଙ୍ଗ୍ ଏପେଙ୍ଗ୍ ଇନାକା ଆବା ଈଶ୍ୱରତିଙ୍ଗ୍ ଏନ୍‌ନାଦେର୍, ଆନେଙ୍ଗ୍ ହେଦାଙ୍ଗ୍ କିନାଙ୍ଗ୍।


ଆନେଙ୍ଗ୍ ମିଙ୍ଗେଙ୍ଗ୍ ଟୁରା ହିମ୍‌ଣା ଲେକେକିଜି ପିସ୍ତି ହାଞ୍ଜୁଙ୍ଗା। ଆନେଙ୍ଗ୍ ଆରେରଗ ମି ଲାଗାୟ୍ ଲେଉଟା ଆଜି ୱାନାଙ୍ଗ୍।


ମାତର୍ ମିଙ୍ଗେଙ୍ଗ୍ ସାଇଜ କିଦ୍‌ନାକାର୍, ପବିତ୍ର ଆତ୍ମାତିଙ୍ଗ୍ ଆବା ଈଶ୍ୱର ନା ତର୍‍ଦାଙ୍ଗ୍ ପକ୍ତାନାନ୍, ହେୱାନ୍ ମିଙ୍ଗେଙ୍ଗ୍ ୱିଜୁ ହିକ୍ଷା ହିଦ୍‌ନାନ୍। ଆରେ ଆନେଙ୍ଗ୍ ଇମ୍‌ଣି-ଇମ୍‌ଣି କାତା ୱେଚ୍‌ଚାତାଙ୍ଗ୍‌ନା, ହେୱାନ୍ ହେ ୱିଜୁ କାତା ମିଙ୍ଗେଙ୍ଗ୍ ମାନ୍ତ ଏତୁ କି କିଦ୍‌ନାନ୍।


ଆନେଙ୍ଗ୍ ନା ଆବା ଈଶ୍ୱରତାକେଣ୍ଡାଙ୍ଗ୍ ମି ଲାଗାୟ୍ ହେ ସାଇଜ କିଦ୍‌ନାକାନିଙ୍ଗ୍ ପକ୍ତାନାଙ୍ଗ୍। ହେ ସାଇଜ କିଦ୍‌ନାକାନ୍ ଈଶ୍ୱରଆତ୍ମା ମାନ୍‌ଗାନାନ୍। ହେୱାନ୍ ଆବା ଈଶ୍ୱରତାଙ୍ଗ୍ ୱାନାନ୍। ହେପାଦ୍ନା ହେୱାନ୍ ନା ବିଷୟରେ ୱିଜୁ ସତ୍ କାତା ୱେଚ୍‌ଚାନାନ୍।


ହେଲେକେ ଏପେଙ୍ଗ୍ ନଙ୍ଗୟ୍ ଦୁକ୍ ପାୟା ଆତାଦେର୍‌ନା। ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ଆରେ ଗିଟା ଆଦ୍‌ନାଙ୍ଗ୍‌, ଆରେ ଏପେଙ୍ଗ୍ ୱାରିଆ ଆନାଦେର୍। ଆରେ ମି ୱାରି ଆନାକାଦିଙ୍ଗ୍ ଇନେର୍ କିସ୍ତି ଅଦେଙ୍ଗ୍ ଆଡୁର୍।


ଏନେଙ୍ଗ୍ ହେୱାରିଙ୍ଗ୍ ପୁର୍ତିତାଙ୍ଗ୍ ଅଦେଙ୍ଗ୍ ୱେଚ୍‌ଚୁଙ୍ଗା। ମାତର୍ ଆନେଙ୍ଗ୍ ହେୱାରିଙ୍ଗ୍ ଶୟତାନ୍‌ତାଙ୍ଗ୍ ରକ୍ଷା କିଜି ଇଡ଼୍‌ଦେଙ୍ଗ୍ ପାର୍ତାନା କିନାଙ୍ଗା।


ଆରେରଗ ଯୀଶୁ ୱେଚ୍‌ଚାନ୍, “ଇ ମାନାୟାର୍ କାଜିଙ୍ଗ୍ ନେ ଆନେଙ୍ଗ୍ ପାର୍ତାନା କିଉଙ୍ଗା, ମାତର୍ ଇନେର୍ ନାଙ୍ଗେଙ୍ଗ୍ ପାର୍ତିକିନି ୱିଜାକାର୍ କାଜିଙ୍ଗ୍ ପା ପାର୍ତାନା କିନାଙ୍ଗା।


ମାତର୍ ଆନେଙ୍ଗ୍ ଇମ୍‌ଣି ଏଜୁଙ୍ଗ୍ ଉଣ୍ଡେଙ୍ଗ୍ ହିଦ୍‌ନାଙ୍ଗ୍, ହେଦାଙ୍ଗ୍ ଇମ୍‌ଣାକାନ୍ ଉଣାନ୍, ହେୱାନ୍ ଇନାୱେଡ଼ାଙ୍ଗ୍ ପା ଏସ୍‌କି ଆଉନ୍। ଆନେଙ୍ଗ୍ ହିଦ୍‌ନି ଏଜୁଙ୍ଗ୍ ୱିଜ୍‌ୱି ଜିବୁନ୍ ପାତେକ୍ ଜାରିଆ ଲେକେ ୱିଜୁଦିନ୍ ହତ୍‌ନାତ୍।”


ଇମ୍‌ଣାକାର୍ ଯୀଶୁତାକେ ପାର୍ତି କିଜି ମାଚାର୍, ଆରେ ହେୱାର୍ ଈଶ୍ୱରଆତ୍ମା ପାୟାଆନାକା ମାଚାତ୍। ହେୱାରିଙ୍ଗ୍ ଚଚ୍‌ଚି ଯୀଶୁ ଇ କାତା ୱେଚ୍‌ଚାନ୍। ଇନେସ୍‌କି ଈଶ୍ୱର ଯୀଶୁଙ୍ଗ୍ ଅଜଡ଼୍ କିୱାଦାଙ୍ଗ୍ ମାଚିଲେ, ହେୱାର୍ ଈଶ୍ୱରଆତ୍ମା ପାୟାଆୱାଦାଙ୍ଗ୍ ମାଚାର୍।


ଦିନେକ୍ ହେୱାନ୍ ହେୱାର୍ ହୁଦାଙ୍ଗ୍ ଚିଞ୍ଜେଙ୍ଗ୍ କୁଚ୍‌ଚି ମାଚାନ୍। ହେପାଦ୍ନା ହେୱାନ୍ ହେୱାରିଙ୍ଗ୍ ଇ ଆଦେସ୍ ହିତାନ୍, “ଆବା ଈଶ୍ୱର ମିଙ୍ଗେଙ୍ଗ୍ ଇମ୍‌ଣି କାତା ହିତ୍‌ତାନ୍‌ନା। ଆନେଙ୍ଗ୍ ମିଙ୍ଗେଙ୍ଗ୍ ଇ କାତା ବିଷୟରେ ଆଗେ ୱେଚ୍‌ଚାତାଙ୍ଗ୍‌ନା। ଲାଗିଙ୍ଗ୍ ହେ କାତାନି ପୁରଷ୍କାର୍ ପାୟାଆୱି ପାତେକ୍ ଏପେଙ୍ଗ୍ ଯିରୁଶାଲାମ ସହର୍‌ତାକେ କାସିମାନାଟ୍।


ମାତର୍ ଆନ୍ତିୟକିଆ ସହର୍‌ତାକେ ମାନି ପାର୍ତିକିନି ଚେଲାହିର୍ ୱାରିତାଙ୍ଗ୍ ଆରେ ପବିତ୍ର ଆତ୍ମାତାଙ୍ଗ୍ ପୁରା ଆଦେଙ୍ଗ୍ ଲାଗାତାର୍।


ଲାଗିଙ୍ଗ୍ ଯିହୁଦା ଜିଲ୍ଲା, ଗାଲିଲୀ ଜିଲ୍ଲା ଆରେ ଶମିରଣିୟ ଜିଲ୍ଲାତାକେ ମାନି ମଣ୍ଡ୍‌ଲିନି ମାନାୟାର୍ ଶାନ୍ତିଆଜି ବାହାକିତାର୍। ଇନେସ୍‌କି ହେୱାରିଙ୍ଗ୍ ଇନେର୍ ପା ଦୁକ୍‌କଷ୍ଟ ହିୱାଦାଙ୍ଗ୍ ମାଚାର୍। ଆରେ ପବିତ୍ର ଆତ୍ମା ହେୱାରିଙ୍ଗ୍ ସାଇଜ ଆରେ ଶାସ୍ ହିଜିମାଚାତ୍‌, ଆରେ ବେସି ମାନାୟାର୍ ଯୀଶୁତାକେ ପାର୍ତି କିଦେଙ୍ଗ୍ ଲାଗାତାର୍।


ଇନେସ୍‌କି ଈଶ୍ୱର ସାସନ୍ କିନି ରାଜି ତିନି ଉଣି ବିଷୟରେ ଆକାୟ୍, ମାତର୍ ଦରମ୍ ଲକ୍ ଆନି ବିଷୟ, ଶାନ୍ତିରେ ମାନି ବିଷୟ ଆରେ ପବିତ୍ର ଆତ୍ମା ହୁଦାଙ୍ଗ୍ ୱାରିୟାଆନି ବିଷୟ ନେ ମୁକ୍ୟ।


ଲାଗିଙ୍ଗ୍ ଆହା ହିଦ୍‌ନି ଈଶ୍ୱରତିଙ୍ଗ୍ ପାର୍ତାନା କିନାଙ୍ଗା ଯେ, ଏପେଙ୍ଗ୍ ତାଙ୍ଗେଙ୍ଗ୍ ପାର୍ତି କିଜି ମାଞ୍ଜେଙ୍ଗ୍ ହେୱାନ୍ ମିଙ୍ଗେଙ୍ଗ୍ ୱାରି କିଦେନ୍, ଆରେ ମିଙ୍ଗେଙ୍ଗ୍ ଶାନ୍ତି ହିଦେନ୍। ଏପେଙ୍ଗ୍ ପବିତ୍ର ଆତ୍ମାନି ଶାକ୍ତିତାଙ୍ଗ୍ ଆଦିକ୍ ତାଙ୍ଗେଙ୍ଗ୍ ଆହାକିନି କାଜିଙ୍ଗ୍ ହେୱାନ୍ ମିଙ୍ଗେଙ୍ଗ୍ ସାଇଜ କିଦେନ୍।


ଏଚେପାଦ୍ନା ଆସେଙ୍ଗ୍ ଈଶ୍ୱରତିଙ୍ଗ୍ ଆହା କିନାସ୍ ମାଙ୍ଗେଙ୍ଗ୍ ଇମ୍‌ଣି ମାନାୟ୍ ପା ଲାଜ୍ କିଦ୍‌ଦେଙ୍ଗ୍ ଆଡ଼୍‌ଦୁନ୍, ଇନେସ୍‌କି ଈଶ୍ୱର ମାଙ୍ଗେଙ୍ଗ୍ ପବିତ୍ର ଆତ୍ମା ହିତ୍‌ତାନ୍‌ନା ଆରେ ହେୱାନ୍ ତା ଲାଡ୍‌ତିଙ୍ଗ୍ ମା ଗରବ୍ ବିତ୍ରେ ହିତ୍‌ତାନ୍‌ନା।


ଇନେର୍ ପା ମାଙ୍ଗେଙ୍ଗ୍ ଦସି କିତ୍‌ଦେଙ୍ଗ୍ ଆଡ଼୍‌ଦୁର୍, ଇନେସ୍‌କି ଯୀଶୁ ଖ୍ରୀଷ୍ଟ ମା କାଜିଙ୍ଗ୍ ହାଃତାନ୍‌ନା। ଆରେ ହେ ମାରାଣ୍‌ତାଙ୍ଗ୍ ମା କାଜିଙ୍ଗ୍ ଜିବୁନ୍ ଆତାନ୍‌ନା। ହେୱାନ୍ ସନ୍‌ମାନ୍ ପାୟାଆନି ବାହାତାକେ ଈଶ୍ୱରତାକେ ତିନାବାଗାୟ୍ କୁଚ୍‌ଚାନ୍‌ନା, ଆରେ ହେୱାନ୍ ମାପଣ୍ଡାଙ୍ଗ୍ ଆଜି ଈଶ୍ୱରତିଙ୍ଗ୍ ଗୁୱାରି କିନାନା।


ମାତର୍ ପବିତ୍ର ଆତ୍ମା ମାଙ୍ଗେଙ୍ଗ୍ ସାଇଜ କିତ୍‌ତିସ୍, ଇଲେକେ ଗୁଣ୍: ଲାଡ୍ କିନାକା, ୱାରି କିନାକା, ଶାନ୍ତିତାଙ୍ଗ୍ ମାନାକା, ବେସି କଷ୍ଟତିଙ୍ଗ୍ ସମ୍ୱାଲି କିନାକା, ଦୟା କିନାକା।


ଏପେଙ୍ଗ୍ ଯଦି ଖ୍ରୀଷ୍ଟ ହୁଦାଙ୍ଗ୍ ମାହାଆଜି ଏକ୍ ଆତାଦେର୍‌ନା, ଲାଗିଙ୍ଗ୍ ଏପେଙ୍ଗ୍ ସାସ୍ ପାୟାଆନାଦେର୍। ଖ୍ରୀଷ୍ଟ ମିଙ୍ଗେଙ୍ଗ୍ ଲାଡ୍ କିଦ୍‌ନାନା ଲାଗିଙ୍ଗ୍ ଏପେଙ୍ଗ୍ ଶାନ୍ତି ପାୟାଆନାଦେର୍, ଈଶ୍ୱର ଆତ୍ମା ମା ହୁଦାଙ୍ଗ୍ ମାହାଆଜି ମାନାତା, ଆରେ ଖ୍ରୀଷ୍ଟ ମାଙ୍ଗେଙ୍ଗ୍ ଦୟା ଆରେ ଦରମ୍ କିଦ୍‌ନାନା।


ଆସେଙ୍ଗ୍ ପାର୍ତାନା କିନାସା ଯେ, ମା ମାପୃ ଯୀଶୁ ଖ୍ରୀଷ୍ଟ, ଆରେ ମା ଆବା ଈଶ୍ୱର ମାଙ୍ଗେଙ୍ଗ୍ ଲାଡ୍ କିଦ୍‌ନାର୍, ଆରେ ହେୱାର୍ ମାଙ୍ଗେଙ୍ଗ୍ ଦୟାକିଜି ୱିଜ୍‌ୱିଦିନ୍‌ନି ସାସ୍, ଆରେ ହାର୍ ଆହା ହିଦେନ୍।


ଲାଗିଙ୍ଗ୍ ଯୀଶୁତାଙ୍ଗ୍ ଇମ୍‌ଣାକାର୍ ଈଶ୍ୱର ଲାଗାୟ୍ ୱାନାର୍, ହେୱାନ୍ ହେୱାରିଙ୍ଗ୍ ୱିଜୁଦିନ୍ କାଜିଙ୍ଗ୍ ଉଦାର୍ କିଦେଙ୍ଗ୍ ଆଡ୍‌ନାନ୍। ଇନେସ୍‌କି ଈଶ୍ୱର ଲାଗାୟ୍ ହେୱାର୍ ନିପଣ୍ ଆଜି ଗୁୱାରି କିନି କାଜିଙ୍ଗ୍ ହେୱାନ୍ ୱିଜୁଦିନ୍ କାଜିଙ୍ଗ୍ ଜିବୁନ୍ ମାନାନ୍।


ଏ କାଡ଼୍‌ଦେର୍, ଏପେଙ୍ଗ୍ ଇନେସ୍‌କି ପାପ୍ କିଉଦେର୍, ଇଦାଙ୍ଗ୍ ଆନେଙ୍ଗ୍ ମି କାଜିଙ୍ଗ୍ ଲେକିକିନାଙ୍ଗା। ମାତର୍ ଏପେଙ୍ଗ୍ ଯଦି ପାପ୍ କିନାଦେର୍, ଆବା ଈଶ୍ୱର ଆଗେ ମାପଣ୍ଡାଙ୍ଗ୍ ଆଜି ୱେଚ୍‌ନାକାନ୍ ର ମାନାୟ୍ ମାନାନ୍, ହେୱାନ୍ ଦରମ୍ ଯୀଶୁ ଖ୍ରୀଷ୍ଟ।


ମାତର୍ ଖ୍ରୀଷ୍ଟ ମିଙ୍ଗେଙ୍ଗ୍ ପବିତ୍ର ଆତ୍ମା ହିତ୍‌ତାନ୍‌ନା, ଆରେ ହେୱାନ୍ ମି ବିତ୍ରେ ମାନାନା। ଲାଗିଙ୍ଗ୍ ମିଙ୍ଗେଙ୍ଗ୍ ଇନେର୍ ପା ସତ୍ ହିକାୟ୍ କିଦ୍‌ଦେଙ୍ଗ୍ ଦର୍‌କାର୍ ଆକାୟ୍। ଇନେସ୍‌କି ହେ ପବିତ୍ର ଆତ୍ମା ସତ୍ ହିକାୟ୍ କିଦ୍‌ନାତ୍, ଆରେ ୱିଜୁ ବିଷୟତିଙ୍ଗ୍ ହିକାୟ୍ କିଦ୍‌ନାତ୍। ଲାଗିଙ୍ଗ୍ ହେୱାନ୍ ହିକାୟ୍ କିତ୍‌ତିଲେକେ ଯିବୁନ୍ କାଟିକିଜି ଖ୍ରୀଷ୍ଟତାକେ ମାନାଟ୍।


ଆନେଙ୍ଗ୍ ମିଙ୍ଗେଙ୍ଗ୍ ଲାଡ୍ କିଦ୍‌ନାଙ୍ଗା, ଆରେ ହେ ସତ୍ ମା ଗରବ୍‌ତାକେ ମାଞ୍ଜେଙ୍ଗ୍ ହିତ୍‌ତାନ୍‌ନା, ଲାଗିଙ୍ଗ୍ ଆପେଙ୍ଗ୍ ଜାର୍-ଜାର୍‌ବିତ୍ରେ ଲାଡ୍ କିନାପା। ଆରେ ହେ ସତ୍ ମା ଗରବ୍‌ତାକେ ୱିଜୁଦିନ୍ କାଜିଙ୍ଗ୍ ମାନ୍‌ଙ୍ଗାନାତ୍।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ