ଜହନ୍‌ 14:13 - New Testament in Pengo Parja Language

¹³ ଏପେଙ୍ଗ୍ ନା ତର୍‍ଦାଙ୍ଗ୍ ଇନାକା ଏନ୍‌ନାଦେର୍, ଆନେଙ୍ଗ୍ ହେଦାଙ୍ଗ୍ ମି କାଜିଙ୍ଗ୍ ହିଦ୍‌ନାଙ୍ଗ୍। ଇଦାଙ୍ଗ୍ କାଜିଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତାଙ୍ଗ୍ ଆବା ଈଶ୍ୱର ଜୟ୍-ଜୟ୍ ପାୟା ଆନାନ୍।

ସତ୍‌ ବଚନ୍‌ ପୁନି ନିୟମ୍‌

¹³ ଆରେ, ଆବା ଇନେସ୍‌ ମାଜ଼ି ତାଙ୍ଗ୍‌ ଜାଜ୍‌ମାଲ୍‌ ପାୟା ଆନାନ୍‌, ଇଦାଂ କାଜିଂ ଏପେଙ୍ଗ୍‌ ନା ତର୍‌ଦ ଇନାକା ପା ଏନ୍ତିତିସ୍‌, ହେଦାଂ ଆନ୍‌ ହିଦ୍‌ନାଂ ।

ଜହନ୍‌ 14:13 ပူးပေါင်းရင်းမြစ်များ

ମାତିଉ 21:22

ଆରେ, ଈଶ୍ୱରତାଙ୍ଗ୍ ପାର୍ତି କିଜି ପାର୍ତାନା କିଜି ଇନାକା ଏନ୍‌ନାଦେର୍, ହେ ୱିଜୁ ପାୟାଆନାଦେର୍।”

ମାତିଉ 7:7

ମିଙ୍ଗେଙ୍ଗ୍ ଇମ୍‌ଣାକା ଦର୍‌କାର୍ ମାପୃତିଙ୍ଗ୍ ଏନାଟ୍, ଲାଗିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ହିଦ୍‌ନାନ୍। ଡେକାଟ୍ ମିଙ୍ଗେଙ୍ଗ୍ ଈଶ୍ୱର ଡେକ୍‌ଚି ହିଦ୍‌ନାନ୍। କାପାଟ୍‌ତାକେ ଇହାଟ୍‌ ଲାଗିଙ୍ଗ୍ ମି କାଜିଙ୍ଗ୍ ଈଶ୍ୱର ଦୁୱେର୍ ଜେସି ହିଦ୍‌ନାନ୍‌।

ମାର୍କ 11:24

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ଏପେଙ୍ଗ୍ ଇନା ଇନାକା ପାର୍ତାନା କିୟାଟ୍ ଆରେ ଏନ୍ତାଟ୍, ହେ ୱିଜୁ ଗାଟାଆଦ୍‍ନାତ୍ ଇଞ୍ଜି ପାର୍ତିକିୟାଟ୍, ହେବେତାଙ୍ଗ୍ ହେ ୱିଜୁ ପାୟାଆନାଦେର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:9

ଲାଗିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, “ମିଙ୍ଗେଙ୍ଗ୍ ଇମ୍‌ଣାକା ଦର୍‌କାର୍ ଏପେଙ୍ଗ୍ ବାରମ୍-ବାରମ୍ ଈଶ୍ୱରତିଙ୍ଗ୍ ଏନ୍‌ଚି ମାନାଟ୍। ଲାଗିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ହିଦ୍‌ନାନ୍। ମିଙ୍ଗେଙ୍ଗ୍ ଇନାକା ଦର୍‌କାର୍ ହେଦାଙ୍ଗ୍ ଈଶ୍ୱରତାକେ ଡେକ୍‌ଚି ମାନାଟ୍। ହେଦାଙ୍ଗ୍ ଏପେଙ୍ଗ୍ ଗାଟା ଆନାଦେର୍। ମି ସାଇଜ କାଜିଙ୍ଗ୍ ଈଶ୍ୱର କାପାଟ୍‌ତାକେ ଇସ୍ତି ଲାଗି ମାନାଟ୍। ମିଙ୍ଗେଙ୍ଗ୍ ଈଶ୍ୱର ସାଇଜ କିଦେଙ୍ଗ୍ ଦୁୱେର୍ ଜେସି ହିଦ୍‌ନାନ୍।

ଜହନ୍‌ 10:30

ଆନେଙ୍ଗ୍ ଆରେ ନା ଆବା ଈଶ୍ୱର ରିୟାପ୍ ନେ ରକାପ୍‌।”

ଜହନ୍‌ 12:44

ତାପାଚେ ଯୀଶୁ ଗାଜାକାଟ୍ କିଜି ୱେଚ୍‌ଚାନ୍, “ନାବେ ଇନେର୍ ପାର୍ତି କିଦ୍‌ନାର୍, ହେୱାନ୍ ନାବେ ଆକାଇ, ମାତର୍ ଇନେର୍ ନାଙ୍ଗେଙ୍ଗ୍ ପକ୍ତାତାନ୍‌ନା, ହେୱାନ୍‌ତାକେ ପାର୍ତିକିନାର୍।

ଜହନ୍‌ 13:31

ଈଷ୍କାରିୟତିୟ ଯିହୁଦା ହାଚି ପାଚେ ଯୀଶୁ ୱେଚ୍‌ଚାନ୍, “ନଙ୍ଗୟ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଜୟ୍-ଜୟ୍ ପାୟାଆତାନ୍‌ନା। ଈଶ୍ୱର ପା ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତାଙ୍ଗ୍ ଜୟ୍-ଜୟ୍ ପାୟାଆତାନ୍‌ନା।

ଜହନ୍‌ 14:14

ନା ତର୍‍ଦାଙ୍ଗ୍ ଏପେଙ୍ଗ୍ ଇନାକା ଆବା ଈଶ୍ୱରତିଙ୍ଗ୍ ଏନ୍‌ନାଦେର୍, ଆନେଙ୍ଗ୍ ହେଦାଙ୍ଗ୍ କିନାଙ୍ଗ୍।

ଜହନ୍‌ 14:6

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ହାଜି। ଆନେଙ୍ଗ୍ ସତ୍। ଆରେ ଆନେଙ୍ଗ୍ ଜିବୁନ୍। ଆବା ଈଶ୍ୱରତାକେ ହାଞ୍ଜେଙ୍ଗ୍ ଆନେଙ୍ଗ୍ ନେ ରୱାଙ୍ଗ୍ ହାଜି।

ଜହନ୍‌ 15:16

ଏପେଙ୍ଗ୍ ନାଙ୍ଗେଙ୍ଗ୍ ବାଚି କିଦ୍‌ୱାତାଦେର୍‌ନା, ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ବାଚି କିତ୍‌ତାଙ୍ଗ୍‌ନା। ଆରେ ଏପେଙ୍ଗ୍ ଇନେସ୍‌କି ପାଡ଼୍‌ ଆସ୍ତେଙ୍ଗ୍ ଆଡ୍‌ନାଦେର୍, ମି ପାଡ଼୍‌ ତିର୍‌ଆଜି ମାନ୍‌ଗାନାତ୍। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଇନାକା ଆବା ଈଶ୍ୱରତାକେ ଏନ୍‌ନାଦେର୍, ହେୱାନ୍ ମିଙ୍ଗେଙ୍ଗ୍ ହିଦ୍‌ନାନ୍, ଇନେସ୍‌କି ଏପେଙ୍ଗ୍ ଚେଲା କାଦେର୍।

ଜହନ୍‌ 15:7

ନାବେ ମାନାଟ୍ ଆରେ ନା ହିକ୍ଷାତିଙ୍ଗ୍ ମାନି କିୟାଟ୍। ଏପେଙ୍ଗ୍ ଯଦି ଏଲେଙ୍ଗ୍ କିନାଦେର୍, ଲାଗିଙ୍ଗ୍ ଇନାକା ଇଚା କିନାଦେର୍ ହେଦାଙ୍ଗ୍ ଏନାଟ୍ ହେଦାଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ହିଦ୍‌ନାଙ୍ଗ୍।

ଜହନ୍‌ 16:23

ହେ ଦିନ୍ ୱାତିସ୍ ଏପେଙ୍ଗ୍ ନାଙ୍ଗେଙ୍ଗ୍ ଇନାକା ଏନ୍ତୁଦେର୍। ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ନା ତର୍‍ଦାଙ୍ଗ୍ ଏପେଙ୍ଗ୍ ଆବା ଈଶ୍ୱରତିଙ୍ଗ୍ ଇନାକା ଏନ୍‌ନାଦେର୍, ହେୱାନ୍ ହେଦାଙ୍ଗ୍ ହିଦ୍‌ନାନ୍।

ଜହନ୍‌ 16:26

ଏପେଙ୍ଗ୍ ହେ ଦିନ୍ ଆବା ଈଶ୍ୱରତିଙ୍ଗ୍ ନା ତର୍‍ଦାଙ୍ଗ୍ କେତେକ୍ ବିଷୟ ପାର୍ତାନା କିଜି ଏନ୍‌ନାଦେର୍। ଆନେଙ୍ଗ୍ ୱେଚ୍‌ଚାନାଙ୍ଗା, ମି କାଜିଙ୍ଗ୍ ନାଙ୍ଗେଙ୍ଗ୍ ଆବା ଈଶ୍ୱରତିଙ୍ଗ୍ ଇନାକା ୱେଚ୍‌ଚେଙ୍ଗ୍ ଦର୍‌କାର୍ ପଡ଼ାଆଦୁତ୍।

ଜହନ୍‌ 16:7

ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, “ଆନେଙ୍ଗ୍ ଇବେତାଙ୍ଗ୍ ହାନାକା ମି କାଜିଙ୍ଗ୍ ହାର୍। ଇନେସ୍‌କି ଆନେଙ୍ଗ୍ ହାଚି ପାଚେ ଆନେଙ୍ଗ୍ ହେ ସାଇଜ କିଦ୍‌ନାକାନିଙ୍ଗ୍ ପକ୍ତାନାଙ୍ଗ୍। ମାତର୍ ଆନେଙ୍ଗ୍ ଯଦି ହାଲୁଙ୍ଗ୍, ଲାଗିଙ୍ଗ୍ ସାଇଜ କିଦ୍‌ନାକାନ୍ ୱାଉନ୍।

ଜହନ୍‌ 4:10

ଯୀଶୁ ହେଦେଲିଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ଈଶ୍ୱର ହିତି ଜିନିଷ୍ ବିଷୟରେ ପୁନ୍‌ୱାତାଇନା। ନିଙ୍ଗେଙ୍ଗ୍ ଏଜୁଙ୍ଗ୍ ଏନ୍ତିନି ମାନାୟ୍‌ତିଙ୍ଗ୍ ଏନେଙ୍ଗ୍ ପୁନୁୟେ। ଏନେଙ୍ଗ୍ ଯଦି ଇ ୱିଜୁବେଣ୍ ପୁଚାଇମା, ଲାଗିଙ୍ଗ୍ ଏନେଙ୍ଗ୍ ନାଙ୍ଗେଙ୍ଗ୍ ଏନ୍ତାତାଇମା। ଆରେ ଆନେଙ୍ଗ୍ ନିଙ୍ଗେଙ୍ଗ୍ ଜିବୁନ୍ ଏଜୁଙ୍ଗ୍ ହିତ୍‌ତାଙ୍ଗ୍‌ମା।”

ଜହନ୍‌ 4:14

ମାତର୍ ଆନେଙ୍ଗ୍ ଇମ୍‌ଣି ଏଜୁଙ୍ଗ୍ ଉଣ୍ଡେଙ୍ଗ୍ ହିଦ୍‌ନାଙ୍ଗ୍, ହେଦାଙ୍ଗ୍ ଇମ୍‌ଣାକାନ୍ ଉଣାନ୍, ହେୱାନ୍ ଇନାୱେଡ଼ାଙ୍ଗ୍ ପା ଏସ୍‌କି ଆଉନ୍। ଆନେଙ୍ଗ୍ ହିଦ୍‌ନି ଏଜୁଙ୍ଗ୍ ୱିଜ୍‌ୱି ଜିବୁନ୍ ପାତେକ୍ ଜାରିଆ ଲେକେ ୱିଜୁଦିନ୍ ହତ୍‌ନାତ୍।”

ଜହନ୍‌ 5:19

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ମେହି ରକାନ୍ ଇନାକା କିଦେଙ୍ଗ୍ ଆଡୁନ୍। ଇନାକା ଲାତ୍ରାହି କିନାକା ମେହି ହୁଡ଼୍‌ତାନ୍, ହେୱାନ୍ ହେଦାଙ୍ଗ୍‌ନେ ଇନାନ୍। ଇନେସ୍‌କି ଆବା ଇନାକା କିନାନ୍ ମେହି ପା ହେ ୱିଜୁ କିନାନ୍।

ଜହନ୍‌ 7:37

ପାର୍ବୁନି ସେସ୍‌ଦିନ୍‌ତ ଯୀଶୁ ନିଲ୍‌ଚି ଗାଜାକାଟ୍ କିଜି ୱେଚ୍‌ଚାନ୍, “ଇମ୍‌ଣାକାନ୍ ଯଦି ଏସ୍‌କି ଆନାନ୍, ହେୱାନ୍ ନା ଲାଗାୟ୍ ୱାଜି ଉଣେନ୍।

୧ କରନ୍ତିୟ 14:13

ଲାଗିଙ୍ଗ୍, ଇନେର୍ ବୁଜାଆୱି ବାଷାତାଙ୍ଗ୍ କାତା ୱେଚ୍‌ନାନ୍, ହେୱାନ୍ ହେ କାତାନି ଅର୍ତ ବୁଜାୟ୍ କିଦେଙ୍ଗ୍ ଈଶ୍ୱର ଦାନ୍ ହିଦେନ୍ ଇଞ୍ଜି ପାର୍ତାନା କିୟେନ୍।

ଏପିସିୟ 2:18

ଲାଗିଙ୍ଗ୍ ଖ୍ରୀଷ୍ଟ କାଜିଙ୍ଗ୍, ଆସେଙ୍ଗ୍ ତା ପବିତ୍ର ଆତ୍ମାତାଙ୍ଗ୍ ଆବା ଈଶ୍ୱର ଲାଗାୟ୍ ହାନି କାଜିଙ୍ଗ୍ ହାଜି ଗାଟା ଆତାପ୍‌ନା।

ଏପିସିୟ 3:12

ଖ୍ରୀଷ୍ଟ କାଜିଙ୍ଗ୍ ଆରେ ଆସେଙ୍ଗ୍ ହେୱାନ୍‌ତାକେ ପାର୍ତିକିନି କାଜିଙ୍ଗ୍, ନଙ୍ଗୟ୍ ଆସେଙ୍ଗ୍ ପାଣ୍ଡ୍ରା ଆୱାଦାଙ୍ଗ୍ ସାହାସ୍ ହୁଦାଙ୍ଗ୍ ଈଶ୍ୱର ଲାଗାୟ୍ ହାଞ୍ଜେଙ୍ଗ୍ ଆଡ୍‌ନାସ୍।

ଏପିସିୟ 3:14

ଇଦାଙ୍ଗ୍ କାଜିଙ୍ଗ୍ ସରଗ୍ ଆରେ ପୁର୍ତିତାକେ ମାନି ୱିଜୁ ପାର୍ତିକିନି ପରିବାର୍‌ନି ଆବା, ଈଶ୍ୱର ଲାଗାୟ୍ ଆନେଙ୍ଗ୍ ମେଣ୍ଡାକୁନ୍ଦିକିଜି ପାର୍ତାନା କିନାଙ୍ଗା।

ପିଲିପିୟ 4:13

ନାଙ୍ଗେଙ୍ଗ୍ ଶାକ୍ତି ହିଦ୍‌ନି ଖ୍ରୀଷ୍ଟ ସାଇଜତାଙ୍ଗ୍ ଆନେଙ୍ଗ୍ ୱିଜୁ ବିଷୟ କିଦେଙ୍ଗ୍ ଆଡ୍‌ନାଙ୍ଗ୍।

କଲସିୟ 3:17

ଏପେଙ୍ଗ୍ ଇନାକା କିନାଦେର୍ କି ୱେଚ୍‌ନାଦେର୍, ହେ ୱିଜୁ ମାପୃ ଯୀଶୁ ଖ୍ରୀଷ୍ଟ ତର୍‍ଦାଙ୍ଗ୍ ଆବା ଈଶ୍ୱରତିଙ୍ଗ୍ ଦନ୍ଯବାଦ୍ ହିନାଦେର୍।

ଏବ୍ରି 13:15

ଲାଗିଙ୍ଗ୍ ଯୀଶୁ ସାଇଜତାଙ୍ଗ୍, ଈଶ୍ୱର ତର୍‌ଦିଙ୍ଗ୍ ଗୌରବ କିଜି ମା ଜୟ୍-ଜୟ୍‌ନି ବଲିପୁଜା ହେୱାନିଙ୍ଗ୍ ୱିଜୁଦିନ୍ ହିନି ଦର୍‌କାର୍।

ଏବ୍ରି 4:15

ଯୀଶୁ ଖ୍ରୀଷ୍ଟ ମା ପ୍ରଦାନ୍ ମୁଡ଼୍‌ଦି ପୁଜାରି ମା ଦୁର୍‌ବଲ୍‌ତିଙ୍ଗ୍ ପୁନାନ୍, ଶୟତାନ ମା ଲେକେ ଯୀଶୁଙ୍ଗ୍ ୱିଜୁ ବିଷୟରେ ପରିକ୍ଷା କିତାତ୍, ମାତର୍ ଯୀଶୁ ପାପ୍ କିୱାତାନ୍।

ଏବ୍ରି 7:25

ଲାଗିଙ୍ଗ୍ ଯୀଶୁତାଙ୍ଗ୍ ଇମ୍‌ଣାକାର୍ ଈଶ୍ୱର ଲାଗାୟ୍ ୱାନାର୍, ହେୱାନ୍ ହେୱାରିଙ୍ଗ୍ ୱିଜୁଦିନ୍ କାଜିଙ୍ଗ୍ ଉଦାର୍ କିଦେଙ୍ଗ୍ ଆଡ୍‌ନାନ୍। ଇନେସ୍‌କି ଈଶ୍ୱର ଲାଗାୟ୍ ହେୱାର୍ ନିପଣ୍ ଆଜି ଗୁୱାରି କିନି କାଜିଙ୍ଗ୍ ହେୱାନ୍ ୱିଜୁଦିନ୍ କାଜିଙ୍ଗ୍ ଜିବୁନ୍ ମାନାନ୍।

ଜାକ୍‌ବ 1:5

ମାତର୍ ମି ବିତ୍ରେ ଇନେରିଙ୍ଗ୍ ବୁଦି ହିଲ୍‌ଗୁତ୍ ହେୱାନ୍ ଈଶ୍ୱରତାକେ ପାର୍ତାନା କିୟେନ୍, ଲାଗିଙ୍ଗ୍ ଈଶ୍ୱର ହେୱାନିଙ୍ଗ୍ ବୁଦି ହିନାନ୍, ଇନେସ୍‌କି ହେୱାନ୍ ଇନେର୍ ଦସ୍ ପା ଆହ୍‌ୱାଦାଙ୍ଗ୍ ହିନାନ୍।

ଜାକ୍‌ବ 5:16

ଲାଗିଙ୍ଗ୍ ଜାର୍-ଜାର୍‌ବିତ୍ରେ କିତି ପାପ୍‌ତିଙ୍ଗ୍ ୱେଚ୍‌ପାଆଡ, ଆରେ ବେମାର୍‌ତାଙ୍ଗ୍ ହାର୍‌ଆନି କାଜିଙ୍ଗ୍ ଜାର୍-ଜାର୍ କାଜିଙ୍ଗ୍ ପାର୍ତାନା କିବା ଆଡ। ଦରମ୍ ମାନାୟ୍‌ନି ପାର୍ତାନା କିତାକା ୱିଜୁ କାମାୟ୍ ପୁରାଆନାତ୍।

୧ ଯୋହନ 3:22

ଆରେ ଆସେଙ୍ଗ୍ ଇନା-ଇନାକା ଈଶ୍ୱରତିଙ୍ଗ୍ ଏନ୍‌ନାସ୍ ହେଦାଙ୍ଗ୍ ମାଙ୍ଗେଙ୍ଗ୍ ହିଦ୍‌ନାନ୍, ଇନେସ୍‌କି ତା ଆଦେସ୍‌ତିଙ୍ଗ୍ ମାନିକିଜି ହେୱାନ୍ ୱାରିୟା ଆନିଲେକେ ଆପେଙ୍ଗ୍ କାମାୟ୍‌ କିନାପା।

୧ ଯୋହନ 5:14

ହେୱାନ୍ ମା ପାର୍ତାନା ୱେନାନ୍ ଇଞ୍ଜି ଆପେଙ୍ଗ୍ ପୁଚାପ୍‌ନା, ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ଇନାକା ପା ତା ଇଚା ଅନୁସାରେ ଏନ୍‌ନାସ୍, ହେଦାଙ୍ଗ୍ ହେୱାନ୍ ହିଦ୍‌ନାନ୍।