ଜହନ୍‌ 14:11 - New Testament in Pengo Parja Language

¹¹ ଆନେଙ୍ଗ୍ ଆବା ଈଶ୍ୱରତାକେ ଆରେ ଆବା ଈଶ୍ୱର ନାବେ ମାନାନ୍। ଏପେଙ୍ଗ୍ ନା ଇ କାତା ପାର୍ତିକିୟାଟ୍। ନଇଲେ ଆନେଙ୍ଗ୍ ଇମ୍‌ଣିୱିଜୁ ଚାନିଆଆନି କାମାୟ୍ କିତାଙ୍ଗ୍‌ନା ହେଦାଙ୍ଗ୍ ହୁଡ଼୍‌ଜି ପାର୍ତିକିୟାଟ୍।

ସତ୍‌ ବଚନ୍‌ ପୁନି ନିୟମ୍‌

¹¹ ଆନ୍‌ ଜେ ଆବା ତାକେ ମାନାଂ ଆରି ଆବା ଜେ ନା ତାକେ ମାନାନ୍‌, ନା ଇ କାତା ପାର୍ତି କିୟାଟ୍‌, ଆୱିତିସ୍‌ ନା କାମାୟ୍‌ ହୁଡ଼୍‌ଜି ପାର୍ତି କିୟାଟ୍‌ ।

ଜହନ୍‌ 14:11 ပူးပေါင်းရင်းမြစ်များ

ଜହନ୍‌ 10:25

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାତାଙ୍ଗ୍‌ନା, ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ପାର୍ତି କିଦୁଦେରା। ନାଙ୍ଗେଙ୍ଗ୍ ନା ଆବା ଈଶ୍ୱର ଆଦିକାର୍ ହିତ୍‌ତାନ୍‌ନା, ଇୱିଜୁ ଚାନିଆଆନି କାମାୟ୍ କିଦେଙ୍ଗ୍, ଆନେଙ୍ଗ୍ ଇମ୍‌ଣି-ଇମ୍‌ଣି କାମାୟ୍ କିନାଙ୍ଗା ଇୱିଜୁ ନା ବିଷୟରେ ୱେଚ୍‌ଚାନାନା।

ଜହନ୍‌ 10:32

ମାତର୍ ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ନା ଆବା ଈଶ୍ୱରତାଙ୍ଗ୍ ବେସି ଚାନିଆଆନି କାମାୟ୍ କିତାଙ୍ଗ୍‌ନା। ଏପେଙ୍ଗ୍ ହେ ୱିଜୁ ହୁଡ଼୍‌ତାଦେର୍‌ନା। ଲାଗିଙ୍ଗ୍ ହେ ହାର୍ଦି କାମାୟ୍ କାଜିଙ୍ଗ୍ ଏପେଙ୍ଗ୍ ନାଙ୍ଗେଙ୍ଗ୍ ଅସ୍ତେଦେଙ୍ଗ୍ ଉପାୟ୍ କିନାଦେରା କି?”

ଜହନ୍‌ 10:38

ନା ଆବା ଈଶ୍ୱର ଇନାକା କିନାନ୍, ହେଦାଙ୍ଗ୍ ଆନେଙ୍ଗ୍ କିନାଙ୍ଗ୍, ଲାଗିଙ୍ଗ୍ ଏପେଙ୍ଗ୍ ନା କିତି କାମାୟ୍‌ତିଙ୍ଗ୍ ପାର୍ତିକିନି ଦର୍‌କାର୍। ଲାଗିଙ୍ଗ୍ ଏପେଙ୍ଗ୍ ପୁନାଦେର୍ ଆରେ ବୁଜାଆନାଦେର୍ ଯେ ଆବା ଈଶ୍ୱର ନାବେ ମାନାନ୍ ଆରେ ଆନେଙ୍ଗ୍ ତାବେ ମାନାଙ୍ଗ୍।”

ଜହନ୍‌ 14:10

ଆନେଙ୍ଗ୍ ଆବା ଈଶ୍ୱରତାକେ ଆରେ ଆବା ଈଶ୍ୱର ନାବେ ମାନାନ୍? ଏପେଙ୍ଗ୍ ଇନାକା ପାର୍ତି କିନାଦେର୍, ଆନେଙ୍ଗ୍ ଇନା ଇନାକା ୱେଚ୍‌ନାଙ୍ଗା ହେଦାଙ୍ଗ୍ ନାବେତାଙ୍ଗ୍ ୱାୱାତାତ୍‌ନା। ମାତର୍ ଆବା ଈଶ୍ୱର ନା ବିତ୍ରେ ମାନ୍‌ଞ୍ଜି ଇୱିଜୁ କାମାୟ୍ କିନାନା।

ଜହନ୍‌ 14:20

ଏପେଙ୍ଗ୍ ହେ ଦିନ୍ ପୁନାଦେର୍ ଯେ, ଆନେଙ୍ଗ୍ ଆବା ଈଶ୍ୱରତାକେ ମାନାଙ୍ଗା। ଆରେ ଏପେଙ୍ଗ୍ ନାବେ ଆରେ ଆନେଙ୍ଗ୍ ମିବେ ମାନାଙ୍ଗ୍।

ଜହନ୍‌ 5:36

ଡୁବନ୍‌ହିନି ଯୋହନ ସାକିତାଙ୍ଗ୍‌ ନା ଲାଗାୟ୍ ଆଦିକ୍ ଗାଜାସାକି ମାନାତ୍। ଆବା ଇମ୍‌ଣି କାମାୟ୍ ପୁରା କିନି କାଜିଙ୍ଗ୍ ହିତ୍‌ତାନ୍‌ନା, ହେ କାମାୟ୍ ୱିଜୁ ନା କାଜିଙ୍ଗ୍ ସାକି ହିତ୍‌ତାନ୍‌ନା, ଆରେ ଆବା ନାଙ୍ଗେଙ୍ଗ୍ ପକ୍ତାତାନ୍‌ନା ଲାଗିଙ୍ଗ୍ ସାକି ହିନାଙ୍ଗା।

ପକ୍ୟାତାକା 2:22

ଏ ଇସ୍ରାଏଲ ଜାତିନି ମାନାୟାର୍, “ୱେନାଟ୍! ନାଜରିତିୟ ସହର୍‌ନି ଯୀଶୁ ଇନା-ଇନା ଶାକ୍ତିନି କାମାୟ୍, ଚାନିଆଆନି କାମାୟ୍ ଆରେ ଚିନାତାଙ୍ଗ୍ ମି ଲାଗାୟ୍ ଈଶ୍ୱର ପକିଆତି ମାନାୟ୍ ଇଞ୍ଜି ଚଚିୟା ଆନାନ୍। ହେଦାଙ୍ଗ୍ କାଜିଙ୍ଗ୍ ହେୱାନ୍‌ତାଙ୍ଗ୍ ଈଶ୍ୱର ମିବେ ଇୱିଜୁ କାମାୟ୍ କିତାନ୍‌ନା। ଇଦାଙ୍ଗ୍ ଏପେଙ୍ଗ୍ ନିଜେ ପୁଚାଦେର୍‌ନା।

ଏବ୍ରି 2:4

ଏଚେପାଦ୍ନା ଈଶ୍ୱର ଇଦାଙ୍ଗ୍ କିନି କାଜିଙ୍ଗ୍ ଇଚା କିତାନ୍, ହେୱାନ୍ ପା ବେସି ଚିନା ଆରେ ଚାନିଆ କାମାୟ୍ ଆରେ ବିନ୍ ପର୍‌କାର୍ ଶାକ୍ତିନି କାମାୟ୍‌ତାଙ୍ଗ୍ ଆରେ ପବିତ୍ର ଆତ୍ମାନି ବର୍‌ଦାନ୍ ହିଜି ଚଚ୍‌ଚାତାନ୍‌ନା।