ଜହନ୍‌ 13:19 - New Testament in Pengo Parja Language

¹⁹ ନଙ୍ଗୟ୍ ଇଦାଙ୍ଗ୍ ଗଟାଆୱି ଆଗେ ଆନେଙ୍ଗ୍ ମିଙ୍ଗେଙ୍ଗ୍ ଇ କାତା ୱେଚ୍‌ଚାନାଙ୍ଗା। ଲାଗିଙ୍ଗ୍ ଏଚେପାଦ୍ନା ଇଦାଙ୍ଗ୍ ଗଟାଆନାତ୍, ଆନେଙ୍ଗ୍ ହେ ରକ୍ଷାକିଦ୍ନାକାନ୍‌ ଇଞ୍ଜି ଏପେଙ୍ଗ୍ ପାର୍ତି କିନାଦେର୍।

ସତ୍‌ ବଚନ୍‌ ପୁନି ନିୟମ୍‌

¹⁹ ହେଦାଂ ଗିଟାନି ସମୁତ, ଆନ୍‌ ହେୱାନ୍‍ନେ ଇଞ୍ଜି ଏପେଙ୍ଗ୍‌ ଇନେସ୍‌ ପାର୍ତି କିନାଦେର୍‌, ଇଦାଂ କାଜିଂ ହେଦାଂ ଗିଟାଆନି ଆଗେ ଆନ୍‌ ନଙ୍ଗ୍‌ ମିଙ୍ଗ୍‌ ୱେଚ୍‌ଚାନାଙ୍ଗା ଆନ୍‌ ଜେ ହେୱାଙ୍ଗ୍‌ ।

ଜହନ୍‌ 13:19 ပူးပေါင်းရင်းမြစ်များ

ମାତିଉ 11:3

ହେୱାର୍ ହାଲ୍‌ଜି ଯୀଶୁଙ୍ଗ୍ ୱେନ୍‌ବାତାର୍, “ଈଶ୍ୱର ର ଖ୍ରୀଷ୍ଟଙ୍ଗ୍ ପକ୍ତାନାଙ୍ଗ୍ ଇଞ୍ଜି କାତା ହିଜିମାନ୍‌ଞ୍ଚାନ୍ ହେୱାନ୍ କି ଏନେଙ୍ଗ୍? କି ଆପେଙ୍ଗ୍ ଆରେ ଜେକନିକାନିଙ୍ଗ୍ କାସି ମାନାପ୍?”

ମାତିଉ 24:25

ହୁଡ଼ାଟ୍ ଇ ୱିଜୁଗଟ୍‌ନା ୱାୱି ଆଗେ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 21:13

ମାତର୍ ନା ବିଷୟରେ ହେୱାରିଙ୍ଗ୍ ଶୁଣାୟ୍ କିଦେଙ୍ଗ୍ ମିଙ୍ଗେଙ୍ଗ୍ ର ସୁଯଗ୍ ଗାଟାଆଦ୍‍ନାତ୍।

ଜହନ୍‌ 1:15

ଯୋହନ ମାନାୟାରିଙ୍ଗ୍ ତା ବିଷୟରେ ୱେଚ୍‌ଚାନ୍, “ଆନେଙ୍ଗ୍ ଇନେର୍ ବିଷୟରେ ୱେଚ୍‌ଚି ମାନ୍‌ଞ୍ଚାଙ୍ଗ୍, ହେ ମାନାୟ୍ ଇୱାନ୍। ହେୱାନ୍ ନା ପାଚେ ୱାନାନ୍। ମାତର୍ ହେୱାନ୍ ନାବେତାଙ୍ଗ୍ ବେସି ଗାଜାକାନ୍‌, ଇନେସ୍‌କି ହେୱାନ୍ ନା ଆଗେ ମାଚାନ୍।”

ଜହନ୍‌ 14:29

ହେଲେକେ ଗଟାଆନିହିଙ୍ଗ୍, ଏପେଙ୍ଗ୍ ନାଙ୍ଗେଙ୍ଗ୍ ପାର୍ତି କିଦ୍‌ନାଦେର୍। ହେଦାଙ୍ଗ୍ କାଜିଙ୍ଗ୍ ଇ ୱିଜୁଗଟ୍‌ନା ଗଟାଆୱି ଆଗେ ଆନେଙ୍ଗ୍ ମିଙ୍ଗେଙ୍ଗ୍ ୱିଜୁ ବିଷୟରେ ପାର୍ତି କିଦେଙ୍ଗ୍ ୱେଚ୍‌ଚାନାଙ୍ଗା।

ଜହନ୍‌ 16:4

ଆନେଙ୍ଗ୍ ମିଙ୍ଗେଙ୍ଗ୍ ଇୱିଜୁ କାତା ନଙ୍ଗୟ୍ ୱେଚ୍‌ଚାତାଙ୍ଗ୍‌ନା, ଲାଗିଙ୍ଗ୍ ଏଚେପାଦ୍ନା ଇୱିଜୁ ଗଟାଆନିଦିନ୍ ୱାନାତ୍, ହେପାଦ୍ନା ଏପେଙ୍ଗ୍ ମାନ୍ତ ଏତୁ କିନାଦେର୍, ଆନେଙ୍ଗ୍ ଆଗେତାଙ୍ଗ୍ ଇୱିଜୁ କାତା ମିଙ୍ଗେଙ୍ଗ୍ ୱେଚ୍‌ୱାଦାଙ୍ଗ୍ ମାନ୍‌ଞ୍ଚାଙ୍ଗ୍। ଇନେସ୍‌କି ଆନେଙ୍ଗ୍ ମିହୁଦାଙ୍ଗ୍ ମାଚାଙ୍ଗ୍।”

ଜହନ୍‌ 4:26

ଯୀଶୁ ହେଦେଲିଙ୍ଗ୍ ୱେଚ୍‌ଚାନ୍, “ଇମ୍‌ଣି ମାନାୟ୍ ନଙ୍ଗୟ୍‌ ନି ହୁଦାଙ୍ଗ୍ ବେଣ୍ କିଦ୍‌ନାନା। ହେୱାନ୍ ନିଜେ ରକ୍ଷାକିଦ୍ନାକାନ୍‌।”

ଜହନ୍‌ 8:28

ଲାଗିଙ୍ଗ୍ ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତିଙ୍ଗ୍ କୃଶକାଟ୍‌ତାକେ ଅହ୍‌ନାଦେର୍। ଲାଗିଙ୍ଗ୍ ଏପେଙ୍ଗ୍ ପୁନାଦେର୍ ଆନେଙ୍ଗ୍ ହେ ମାନାୟ୍, ଆନେଙ୍ଗ୍ ଇମ୍‌ଣି କାମାୟ୍ କିଜି ମାଚାଙ୍ଗ୍ ହେଦାଙ୍ଗ୍ ନା କାଜିଙ୍ଗ୍ କିୱାଦାଙ୍ଗ୍ ମାଚାଙ୍ଗ୍। ମାତର୍ ଇନେସ୍ ନା ଆବା ଈଶ୍ୱର ୱେଚ୍‌ଚି ମାନ୍‌ଞ୍ଚାନ୍, ଆନେଙ୍ଗ୍ ପା ହେଲେଙ୍ଗ୍ ୱେଚ୍‌ନାଙ୍ଗା।

ଜହନ୍‌ 8:58

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଅବ୍ରାହାମ୍‌ ଜନମ୍ ଆୱିତି ଆଗେ ଆନେଙ୍ଗ୍ ମାନାଙ୍ଗ୍।”