ଜହନ୍‌ 12:5 - New Testament in Pengo Parja Language

⁵ “ଇ ଚିକାଣ୍‌ନି ଦାମ୍ ତିନ୍‍ଶ ଗଟା ରୁପା ଡାବୁଙ୍ଗ୍। ଇ ବାସ୍ନା ଚିକାଣ୍‌ତିଙ୍ଗ୍ ପସି ହେ ଡାବୁଙ୍ଗ୍ ଗରିବ୍ ଲକାରିଙ୍ଗ୍ ହିନି କାତା ମାଚାତ୍।”

ସତ୍‌ ବଚନ୍‌ ପୁନି ନିୟମ୍‌

⁵ “ଇ ବାସ୍‌ନା ଚିକାଣ୍‌ ତିନ୍‌ସ ରୁପା ଟାକାଂ ପ୍ରସି ଇନେକିଦେଂ ହିଲାୱାକାରିଂ ହିୟାଆୱାତାତ୍ ?”

ଜହନ୍‌ 12:5 ပူးပေါင်းရင်းမြစ်များ

ମାତିଉ 18:28

ମାତର୍ ହେ ହଲିଆହି ହାନିହିଙ୍ଗ୍ ତା ହାଙ୍ଗ୍‌ଦାକାନ୍ ତାବେତାଙ୍ଗ୍ ରଦିନ୍‌ତି ହାଜ୍ରି ଡାବୁଙ୍ଗ୍ ଋଣ୍ ଅତାକାନ୍ ହେୱାନ୍ ହାଜ୍‌ଦ ଗିଟାଆତାନ୍। ହେୱାନ୍ ହେୱାନିଙ୍ଗ୍ ଆସ୍ତି ତା ହାକ୍‌ତ ମିନ୍‌ଞ୍ଜି ୱେଚ୍‌ଚାନ୍, ନାବେତାଙ୍ଗ୍ ଋଣ୍ ଅତି ଡାବୁଙ୍ଗ୍ ହିଦା।

ମାତିଉ 20:2

ଇମ୍‌ଣାକାରିଙ୍ଗ୍ ଗାଟାଆତାନ୍ ୱିଜାକାରିଙ୍ଗ୍ ର ଦିନ୍‌ତିଙ୍ଗ୍ ରଞ୍ଜି ଲାକା ରୁପାଡାବୁ ହିଦ୍‌ନାଙ୍ଗ୍ ଇଞ୍ଜି ୱେଚ୍‌ଚି ହେୱାରିଙ୍ଗ୍ ତା ଅଙ୍ଗୁର୍ ବାଡ଼୍‍ଦ କାମାୟ୍ ପକ୍ତାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:33

ଲାଗିଙ୍ଗ୍ ଏପେଙ୍ଗ୍ ଜାର୍ ଦନ୍‌ସମ୍ଫତି ୱିଜୁ ପସି ହେ ଡାବୁଙ୍ଗ୍ ଗରିବ୍ ଲାଗାରିଙ୍ଗ୍ ବାଟାକିଜି ହିୟାଟ୍‌। ଇ ଜଗତ୍‌ନି ଦନ୍‌ସମ୍ଫତି ୱିଜୁଦିନ୍ ମାନ୍‌ଗୁତ୍। ଲାଗିଙ୍ଗ୍ ୱିଜୁଦିନ୍ ମାନି ଦନ୍‌ସମ୍ଫତି ଏପେଙ୍ଗ୍ ଆହାଟ୍। ଜାର୍ କାଜିଙ୍ଗ୍ ଈଶ୍ୱର ସାସନ୍ କିନି ରାଜିତାକେ ଦନ୍‌ସମ୍ଫତି ରୁଣ୍ଡାଇ କିୟାଟ୍। ଇଦାଙ୍ଗ୍ ୱିଜୁଦିନ୍ ମାନ୍‌ଗାନାତ୍ ସରଗ୍‌ତାକେ ମି ଦନ୍‌ସମ୍ଫତି ଇନେର୍ ପା ଚର୍‌କିଦେଙ୍ଗ୍ ଆଡୁର୍। ଆରେ ପ୍ରାଲ୍ ପା ଚିଞ୍ଜେଙ୍ଗ୍ ଆଡୁତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:22

ଯୀଶୁ ଇଦାଙ୍ଗ୍ ୱେନ୍‌ଞ୍ଜି ହେୱାନିଙ୍ଗ୍ ୱେଚ୍‌ଚାନ୍, “ନିଦି ର ବିଷୟ ଉଣା ମାନାତ୍, ଏନେଙ୍ଗ୍ ହାଲ୍‌ଜି ନି ଦନ୍ ସମ୍ପତି ୱିଜେ ପସି ଗରିବ୍‌ନିକାରିଙ୍ଗ୍ ଡାବୁଙ୍ଗ୍ ହିୟା, ଆରେ ନା ପାଚେ ୱା, ଆରେ ଏନେଙ୍ଗ୍ ଏଲେଙ୍ଗ୍ କିତିସ୍ ସରଗ୍‌ତାକେ ଦନ୍ ପାୟାଆନାୟ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:41

ଏପେଙ୍ଗ୍ ଜାର୍ ଟଣ୍ଡେନ୍ ହିରୁ ବୁଲ୍‌ତିଙ୍ଗ୍ ଇନେକିଦେଙ୍ଗ୍ ହୁଡ଼୍‌ନାଦେରା? ଇନାକା ଏପେଙ୍ଗ୍ ଜାର୍ କିତି ଗାଜା ବୁଲ୍‌ତିଙ୍ଗ୍ ହୁଡ଼ୁଦେରା?

ଜହନ୍‌ 12:4

ଇଷ୍କାରିତିୟ ଯିହୁଦା ତର୍‍ଦାକାନ୍ ରକାନ୍ ଯୀଶୁ ଚେଲାହିର୍ ବିତ୍ରେତାଙ୍ଗ୍ ହେୱାନ୍ ରକାନ୍ ଚେଲାହି ମାଚାନ୍। ହେୱାନ୍ ଯୀଶୁ ବିରୁଦ୍‌ତାକେ ଇଞ୍ଜି ମାଚାନ୍। ମରିୟମ କିତି କାମାୟ୍ ହେୱାନିଙ୍ଗ୍ ହାର୍ ହୱିତିଲେ ହେୱାନ୍ ୱେଚ୍‌ଚାନ୍,

ଜହନ୍‌ 12:6

ମାତର୍ ଇଷ୍କାରିତିୟ ଯିହୁଦା ଗରିବ୍ ଲକାର୍ କାଜିଙ୍ଗ୍ ଚିନ୍ତା କିୱାଦାଙ୍ଗ୍ ମାଚାନ୍। ହେୱାନ୍ ଚର୍ ମାଚିଲେ ଇ କାତା ୱେଚ୍‌ଚାନ୍। ହେୱାନ୍ ଚେଲାହିର୍ କାଜିଙ୍ଗ୍ ଡାବୁଙ୍ଗ୍ ପେଡ଼ି ତା ଲାଗାୟ୍ ଇଡ଼୍‌ଜି ମାଚାନ୍। ଆରେ ହେୱାନ୍ ଲାଗାୟ୍ ର ପେଡ଼ି ମାଚାତ୍, ଆରେ ପେଡ଼ିତାକେ ଚର୍ କିତି ଡାବୁଙ୍ଗ୍ ଇଡ଼୍‌ଜି ମାଚାନ୍।

ଜହନ୍‌ 13:29

ଈଷ୍କାରିୟତିୟ ଯିହୁଦା ଦଳ୍‌ନି ଡାବୁଙ୍ଗ୍ ପେଡ଼ି ତା ଲାଗାୟ୍ ଇଡ଼୍‌ଜି ମାଚାନ୍। ଲାଗିଙ୍ଗ୍ କେତ୍‌ଜାଣ୍ ଚେଲାହିର୍ ବାବିକିତାର୍ ଯେ, ଯୀଶୁ ହେୱାନିଙ୍ଗ୍ ପାର୍ବୁ କାଜିଙ୍ଗ୍ ଇନାକା କଡ଼୍‍ଦେଙ୍ଗ୍ ୱେଚ୍‌ଚାନ୍। ନଇଲେ ହେ ଡାବୁଙ୍ଗ୍ ଗରିବ୍ ଲଗାଙ୍ଗ୍ ଦାନ୍ ହିଦେଙ୍ଗ୍ ୱେଚ୍‌ନାନା।

ଜହନ୍‌ 6:7

ପିଲିପ ହେୱାନିଙ୍ଗ୍ ୱେଚ୍‌ଚାନ୍, “ଇବେ ମାନି ମାନାୟାରିଙ୍ଗ୍ ରଞ୍ଜାଙ୍ଗ୍-ରଞ୍ଜାଙ୍ଗ୍ ରୁଟିକଡ଼୍‌ଜି ହିଦେଙ୍ଗ୍ ୱିଜାକାସ୍ ମାଙ୍ଗେଙ୍ଗ୍ ଦୁଇଶ ଦିନ୍‌ତି ହାଜ୍ରି ଡାବୁଙ୍ଗ୍ ୱିଜ୍‍ଦିନିକ୍!”