ଜହନ୍‌ 12:47 - New Testament in Pengo Parja Language

⁴⁷ ଇମ୍‌ଣାକାର୍ ନା ହିକ୍ଷାତିଙ୍ଗ୍ ୱେନାର୍, ମାତର୍ ହେ ହିକ୍ଷାତିଙ୍ଗ୍ ମାନିକିଉର୍। ଆନେଙ୍ଗ୍ ହେ ମାନାୟାରିଙ୍ଗ୍ ବିଚାର୍ କିଦେଙ୍ଗ୍ ୱାୱାତାଙ୍ଗ୍‌ନା। ମାତର୍ ଆନେଙ୍ଗ୍ ଇ ପୁର୍ତିନି ମାନାୟାରିଙ୍ଗ୍ ଉଦାର୍ କିଦେଙ୍ଗ୍ ୱାତାଙ୍ଗ୍‌ନା।

ସତ୍‌ ବଚନ୍‌ ପୁନି ନିୟମ୍‌

⁴⁷ ଇନେର୍‌ ଜଦି ନା ବଚନ୍‌ ୱେନ୍‌ଞ୍ଜି ମାନିକିଉନ୍‌, ତା ଆତିସ୍‌ ଆନ୍‌ ତାଦାଙ୍ଗ୍‌ ବିଚାର୍‌ କିଉଙ୍ଗ୍‌; ଇନାକିଦେଂକି ଆନ୍‌ ଜଗତ୍‍ତାକେ ବିଚାର୍‌ କିଦେଙ୍ଗ୍‌ ୱାୱାଦାଂ ଇଚିସ୍‌ ପୁର୍ତିତିଂ ମୁକ୍ତି କିଦେଙ୍ଗ୍‌ ୱାତାଂନା ।

ଜହନ୍‌ 12:47 ပူးပေါင်းရင်းမြစ်များ

ମାତିଉ 18:10

ସାବ୍‌ଦାନ୍ ଆଜି ମାନାଟ୍, ଇ ହିରୁକାନ୍ ବିତ୍ରେତାଙ୍ଗ୍ ରକାନିଙ୍ଗ୍ ପା ଗିଣ୍ କିମାଟ୍। ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଇୱାରିଙ୍ଗ୍ ଜାତୁନ୍ କିଦେଙ୍ଗ୍ ସରଗ୍‌ନି ଦୁତ୍‌କୁ ମାନିକ୍। ଆରେ ହେ ଦୁତ୍‌କୁ ୱିଜୁଦିନ୍ ନା ସରଗ୍‌ନି ଆବା ଈଶ୍ୱରତାକେ ମାନିକ୍‌।

ମାତିଉ 18:11

ଇମ୍‌ଣାକାର୍ ଜାଙ୍ଗ୍‌ତାର୍‌ନା ହେୱାରିଙ୍ଗ୍ ରକ୍ଷା କିଦେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ୱାତାନ୍‌ନା।

ମାତିଉ 20:28

ହେଲେକେ ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ପା ହେବା ପାୟା ଆଦେଙ୍ଗ୍ ୱାୱାତାନ୍‌ନା। ମାତର୍ ୱିଜାକାର୍ କାଜିଙ୍ଗ୍ ହାଃଜି ମୁକ୍ତି ହିଦେଙ୍ଗ୍ ୱାତାନ୍‌ନା।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 19:10

ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା, ଜାଙ୍ଗ୍‌ତି ମାନାୟାରିଙ୍ଗ୍ ଡେକ୍‌ଚି ହେୱାରିଙ୍ଗ୍ ଉଦାର୍ କିଦେଙ୍ଗ୍ ୱାତାନ୍‌ନା।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:56

ତାପାଚେ ଯୀଶୁ ଆରେ ତା ଚେଲାହିର୍ ଜେକନି ନାସ୍ ହାଚାର୍।

ଜହନ୍‌ 12:48

ଇନେର୍ ନା ହିକ୍ଷାତିଙ୍ଗ୍ ୱେନୁନ୍ ଆରେ ମାନିକିଉନ୍, ହେୱାରିଙ୍ଗ୍ ବିଚାର୍ କିଦେଙ୍ଗ୍ ରକାନ୍ ମାନାନ୍। ଆନେଙ୍ଗ୍ ଇମ୍‌ଣି କାତା ୱିଜୁ ୱେଚ୍‌ଚାଙ୍ଗ୍‌ନା ହେ କାତା ସେସ୍‌ଦିନ୍‌ତ ବିଚାର୍ ଆନାତ୍।

ଜହନ୍‌ 3:17

ଈଶ୍ୱର ତା ମେହିଙ୍ଗ୍ ଇ ପୁର୍ତିତାକେ ବିଚାର୍ କିଦେଙ୍ଗ୍ ପକ୍ତାୱାଦାଙ୍ଗ୍ ମାନ୍‌ଞ୍ଚାନ୍। ମାତର୍ ଇ ଜଗତ୍‌ ଇନେସ୍ ତା ମେହି କାଜିଙ୍ଗ୍ ରକ୍ଷା ପାୟାଆନାତ୍, ହେଦାଙ୍ଗ୍ କାଜିଙ୍ଗ୍ ହେୱାନ୍ ତା ମେହିଙ୍ଗ୍ ପକ୍‌ଚି ମାନ୍‌ଞ୍ଚାନ୍।

ଜହନ୍‌ 5:45

ଆନେଙ୍ଗ୍ ସରଗ୍‌ନି ଆବା ମୁମ୍‌ଦ ମି ବିରୁଦ୍‌ତାକେ ୱେଚ୍‌ନାଙ୍ଗ୍, ଇଞ୍ଜି ଏପେଙ୍ଗ୍ ଇଲେକେ ବାବିକିମାଟ୍। ମାତର୍ ଇମ୍‌ଣି ଭବିଷ୍ଯତବକ୍ତା ମୋଶାଙ୍ଗ୍ ଆହା ଇଡ଼୍‌ତାଦେର୍‌ନା, ହେୱାନ୍ ମି ବିରୁଦ୍‌ତାକେ ୱେଚ୍‌ଚାନାନା।

ଜହନ୍‌ 8:26

ଆନେଙ୍ଗ୍ ମିଙ୍ଗେଙ୍ଗ୍ ବିଚାର୍ କିଦେଙ୍ଗ୍ କେତେକ୍ ବିଷୟ ୱେଚ୍‌ଚାନାକା ମାନାତ୍। ମାତର୍ ନାଙ୍ଗେଙ୍ଗ୍ ନା ଆବା ଈଶ୍ୱର ଇନାକା ୱେଚ୍‌ଚି ପକ୍ତାତାନ୍‌ନା, ହେଦାଙ୍ଗ୍ ଆନେଙ୍ଗ୍ ପୁର୍ତିନି ମାନାୟାରିଙ୍ଗ୍ ୱେଚ୍‌ଚାନାଙ୍ଗା, ଆରେ ହେୱାନ୍ ଇନାକା ୱେଚ୍‌ଚାତାନ୍‌ନା ହେଦାଙ୍ଗ୍ ସତ୍।”

୨ ପିତର 3:15

ମା ମାପୃ ସାସ୍ ଆସ୍ତି ମାନାକା ଏପେଙ୍ଗ୍ ପୁଚାଦେର୍‌ନା, ଇନେସ୍‌କି ହେୱାନ୍ ଇନେସ୍ ମାନାୟାରିଙ୍ଗ୍ ରକ୍ଷା କିନାନ୍ ଇଦାଙ୍ଗ୍ କାଜିଙ୍ଗ୍ ହେୱାନ୍ ହେୱାରିଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାନି କାଜିଙ୍ଗ୍ ସମୟ୍ ହିନାରା। ଈଶ୍ୱରତାଙ୍ଗ୍ ପାୟାଆତି ଜ୍ଞାନ୍ ଅନୁସାରେ, ମା ଲାଡ୍‌ନି ପାର୍ତିକିନି ଟଣ୍ଡେନ୍ ପାଉଲ ପା ମି ଲାଗାୟ୍ ଇଲେକେ ଚିଟି ଲେକିକିତାନ୍‌ନା।

୧ ଯୋହନ 4:14

ଆବା ଈଶ୍ୱର ତା ମେହି ଯୀଶୁଙ୍ଗ୍ ପୁର୍ତିନି ମାନାୟାରିଙ୍ଗ୍ ଉଦାର୍ କିଦ୍‌ଦେଙ୍ଗ୍ ପକ୍ତାତାନ୍‌ନା। ଇଦାଙ୍ଗ୍ ଆପେଙ୍ଗ୍ ଜାର୍ କାଣ୍‌କୁତାଙ୍ଗ୍ ହୁଡ଼ତାପ୍‌ନା, ଆରେ ତା ବିଷୟରେ ମିଙ୍ଗେଙ୍ଗ୍ ୱେଚ୍‌ଚାନାପା।