ଜହନ୍‌ 12:43 - New Testament in Pengo Parja Language

⁴³ ହେ ମାନାୟାର୍ ଈଶ୍ୱରତାଙ୍ଗ୍ ଜୟ୍-ଜୟ୍ ପାୟାଆନି ବାଦୁଲ୍ ମାନାୟାର୍ ଜୟ୍-ଜୟ୍ ପାୟା ଆଦେଙ୍ଗ୍ ମାନ୍ କିଜି ମାଚାର୍।

ସତ୍‌ ବଚନ୍‌ ପୁନି ନିୟମ୍‌

⁴³ ଇନାକିଦେଂକି ହେୱାର୍‌ ଇସ୍ୱର୍‌ତାଂ ପାଣ୍‌ ବାଟା ଇଚିସ୍‌ ମାନାୟାର୍‌ତାଂ ଜାଜ୍‌ମାଲ୍‌ ଜିଉ ନତାନ୍‌ ।

ଜହନ୍‌ 12:43 ပူးပေါင်းရင်းမြစ်များ

ମାତିଉ 6:2

ଏପେଙ୍ଗ୍ ଦାନ୍ ହିନିହିଙ୍ଗ୍ ବେସି ପାଟ୍‌କାର୍ ଲେକେ ଜାର୍ ମୁମ୍‌ଦ ମରି ତୁବ୍‌ତି ଲେକେ ୱେଚ୍‌ମାଟ୍, ହେୱାର୍ ମାନାୟାର୍‌ତାକେ ଜୟ୍-ଜୟ୍ ପାୟା ଆଦେଙ୍ଗ୍ ଯିହୁଦିର୍ ପାର୍ତାନା ଇଞ୍ଜ ଆରେ ହାକ୍‌ଡ଼ିତ ହେଲେକେ କିନାର୍। ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ହେୱାର୍ ଜାର୍-ଜାର୍ ପୁରଷ୍କାର୍ ପାୟାଆତାର୍‌ନା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:15

ଯୀଶୁ ପାରୁସିଦଳ୍‍‌ତିଙ୍ଗ୍ ୱେଚ୍‌ଚାନ୍, “ମାନାୟାର୍ ମୁମ୍‌ଦ ଏପେଙ୍ଗ୍ ଜାର୍‌ତିଙ୍ଗ୍ ବଲ୍‍ବଲାୟ୍ ଆନାଦେରା। ମାତର୍ ମି ଗରବ୍‌ତାକେ ଇନାକା ୱିଜୁ ମାନାତ୍ ଈଶ୍ୱରନେ ପୁନାନ୍। ଇମ୍‌ଣିୱିଜୁ ବିଷୟତିଙ୍ଗ୍ ମାନାୟାର୍ ବେସି ସନ୍‌ମାନ୍ କିନାର୍, ହେଦାଙ୍ଗ୍ ଈଶ୍ୱର କାଣ୍‍କୁକାଙ୍ଗ୍ ଗିଣ୍‌ନି ବିଷୟ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 19:17

ରାଜା ହେ ହଲିଆହିଙ୍ଗ୍ ୱେଚ୍‌ଚାନ୍, ‘ବଡ଼ିଆ ଏନେଙ୍ଗ୍ ବେସି ହାର୍ଦି ହଲିଆ, ନିଙ୍ଗେଙ୍ଗ୍ ହିରୁ-ହିରୁ ବିଷୟତାଙ୍ଗ୍ ପାର୍ତି କିୟାଆନାତ୍ ଇଞ୍ଜି ଆନେଙ୍ଗ୍ ପୁନାଙ୍ଗ୍। ଲାଗିଙ୍ଗ୍ ଆନେଙ୍ଗ୍ ନିଙ୍ଗେଙ୍ଗ୍ ନା ଦଶ୍‌ଗଟା ସହର୍ ସାସନ୍ କିଦେଙ୍ଗ୍ ଦାୟିତ୍‌ପ ହିଦ୍‌ନାଙ୍ଗ୍।’

ଜହନ୍‌ 12:26

ଇନେର୍ ନାଙ୍ଗେଙ୍ଗ୍ ହେବା କିଦ୍‌ନାର୍ ଲାଗିଙ୍ଗ୍ ହେୱାନ୍ ନା ପାଚେ ୱାଏନ୍‌। ଆରେ ଆନେଙ୍ଗ୍ ଇମେତାକେ ମାନ୍‌ଗାନାଙ୍ଗ୍, ହେବେ ନାଙ୍ଗେଙ୍ଗ୍ ହେବା କିଦ୍‌ନାକାର୍ ପା ନା ହୁଦାଙ୍ଗ୍ ମାନ୍‌ଗାନାର୍। ଇମ୍‌ଣାକାର୍ ନାଙ୍ଗେଙ୍ଗ୍ ହେବା କିଦ୍‌ନାର୍, ଲାଗିଙ୍ଗ୍ ନା ଆବା ଈଶ୍ୱର ହେୱାରିଙ୍ଗ୍ ସନ୍‌ମାନ୍ ହିନାନ୍।

ଜହନ୍‌ 5:41

ନାଙ୍ଗେଙ୍ଗ୍ ମାନାୟାର୍ ଜୟ୍-ଜୟ୍ କିନାକା ଦର୍‌କାର୍ ଆକାଇ।

ଜହନ୍‌ 5:44

ଏପେଙ୍ଗ୍ ଜାର୍ ଜାର୍‌ତିଙ୍ଗ୍ ଜୟ୍-ଜୟ୍ ପାୟା ଆଦେଙ୍ଗ୍ ଇଚା କିନାଦେର୍, ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ନାବେ ପାର୍ତି କିଉଦେରା। ଏପେଙ୍ଗ୍ ଈଶ୍ୱରତାଙ୍ଗ୍ ଜୟ୍-ଜୟ୍ ପାୟା ଆଦେଙ୍ଗ୍ ଇଚା କିଉଦେରା।

ଜହନ୍‌ 7:18

ଇମ୍‌ଣାକାନ୍ ତା ଜାର୍ କାତା ୱେଚ୍‌ନାନ୍, ହେୱାନ୍ ଜାର୍ କାଜିଙ୍ଗ୍ ସନ୍‌ମାନ୍ ଡେକ୍‌ନାନ୍। ମାତର୍ ଇନେର୍ ନାଙ୍ଗେଙ୍ଗ୍ ପକ୍ତିତି ଆବା ଈଶ୍ୱରତିଙ୍ଗ୍ ସନ୍‌ମାନ୍ ହିଦେଙ୍ଗ୍ ଇଚାକିନାନ୍, ହେୱାନ୍‌ନେ ଦରମ୍ ମାନାୟ୍ ହେୱାନ୍‌ତାକେ ଇନାକାପା ଅଦରମ୍‌ ବେଣ୍ ହିଲୁତ୍।

ଜହନ୍‌ 8:54

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ଯଦି ନିଜେ-ନିଜେ ସନ୍‌ମାନ୍ କିୟା ଆନାଙ୍ଗା, ଏଲେଙ୍ଗ୍ କିତିସ୍ ନା ସନ୍‌ମାନ୍ ଅଲପ୍‌ପା ମୁଲ୍ୟ ଆକାୟ୍। ନା ଆବା ଈଶ୍ୱର ନାଙ୍ଗେଙ୍ଗ୍ ସନ୍‌ମାନ୍ କିଦ୍‌ନାନ୍, ହେୱାନିଙ୍ଗ୍ ଏପେଙ୍ଗ୍ ମା ଈଶ୍ୱର ଇଞ୍ଜି ଇନାଦେରା।

ରୋମିୟ 2:29

ମାତର୍ ମି ଗରବ୍ ଈଶ୍ୱର ହୁଦାଙ୍ଗ୍ ଟିକ୍‌ଆଜି ମାନାତ୍, ଲାଗିଙ୍ଗ୍ ଏପେଙ୍ଗ୍ ସତ୍ ଯିହୁଦି। ଆରେ ସତ୍ ସୁନତ ଇଲେକେ ଯେ, ଗାଗାଡ଼୍‌ନି ଜିନିଷ୍ ହଣ୍ଡ୍‌ନାକା ଆକାୟ୍, ମାତର୍ ଈଶ୍ୱର ଆତ୍ମା ସାଇଜତାଙ୍ଗ୍ ଜାର୍ ଗରବ୍‌ତିଙ୍ଗ୍ ବାଦ୍‌ଲାୟ୍ କିନାକା। ହେ ଲେଗ୍‌ଦି ମାନାୟ୍ ଈଶ୍ୱରତାଙ୍ଗ୍ ଜୟ୍-ଜୟ୍ ପାୟା ଆନାନ୍, ମାତର୍ ମାନାୟାର୍‌ତାଙ୍ଗ୍ ପାୟା ଆଉନ୍।

ରୋମିୟ 2:7

ମାତର୍ ଇମ୍‌ଣାକାର୍ ସାସ୍ ଆଜି ହାର୍ କାମାୟ୍ କିନାର୍, ଗୌରବ, ସନ୍‌ମାନ୍ ଆରେ ୱିଜ୍‌ୱି ଜିବୁନ୍ ପାୟାଆନି କାଜିଙ୍ଗ୍ ୱିଜୁଦିନ୍ ଦାହ୍‌ନାର୍, ଈଶ୍ୱର ହେୱାରିଙ୍ଗ୍ ୱିଜ୍‌ୱି ଜିବୁନ୍ ହିନାତ୍।

୧ କରନ୍ତିୟ 4:5

ହେଦାଙ୍ଗ୍ କାଜିଙ୍ଗ୍ ମାପୃ ଆରେରଗ ପୁର୍ତିତାକେ ୱାୱି ପାତେକ୍ ମାନାୟାରିଙ୍ଗ୍ ଏପେଙ୍ଗ୍ ବିଚାର୍ କିମାଟ୍, ଏଚେପାଦ୍ନା ମାପୃ ୱାନାନ୍‌ ହେୱାନ୍ ମାନାୟାର୍ ମାନ୍ତି କାତାତିଙ୍ଗ୍ ୱେଚ୍‌ନାନ୍, ଇମ୍‌ଣାକା ଇନେର୍ ପା ପୁନୁର୍। ହେୱାନ୍ ମାନାୟାର୍ ଗରବ୍ ବିତ୍ରେନି ଇଚାତାଙ୍ଗ୍ ପୁନିକିନାନ୍। ହେପାଦ୍ନା ଈଶ୍ୱର ୱିଜୁ ମାନାୟାରିଙ୍ଗ୍ ହେୱାର୍ ଅଦିକାର୍ ଅନୁସାରେ ସନ୍‌ମାନ୍ ହିନାନ୍।

୨ କରନ୍ତିୟ 10:18

ଇନେସ୍‌କି ଇମ୍‌ଣାକାର୍ ଜାର୍‌ତିଙ୍ଗ୍ ଜୟ୍-ଜୟ୍ କିନାନ୍, ଈଶ୍ୱର ହେୱାନିଙ୍ଗ୍ ଆହୁନ୍, ମାତର୍ ଇମ୍‌ଣାକାରିଙ୍ଗ୍ ଈଶ୍ୱର ଜୟ୍-ଜୟ୍ କିନାନ୍, ହେଦାଙ୍ଗ୍ ତାବେତାଙ୍ଗ୍ ଅଲ୍‌ଗା।

୧ ଥେସଲନୀକିୟ 2:6

ଆପେଙ୍ଗ୍ ଖ୍ରୀଷ୍ଟଙ୍ଗ୍ ବାଚିକିତି ଚେଲା, ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ମିଙ୍ଗେଙ୍ଗ୍ ହାର୍ କିଜି ଦେକାଶୁଣା କିଦ୍‌ଦେଙ୍ଗ୍ ଦାବି କିତ୍‌ତାପ୍‌ମା। ମାତର୍ ଆପେଙ୍ଗ୍ ହେଲେକେ କିୱାତାପ୍‌ନା, ଆରେ ମିବେତାଙ୍ଗ୍ କି ଜେକନିକାର୍‌ତାଙ୍ଗ୍ ସନ୍‌ମାନ୍ ପାୟା ଆଦେଙ୍ଗ୍ ଇଚା କିୱାତାପ୍‌ନା।

୧ ପିତର 3:4

ମାତର୍ ତା ବାଦୁଲ୍‌ରେ ମି ବ୍ୟବହାର୍‌ତିଙ୍ଗ୍ ହୋଲି କିୟାଟ୍, ହେ ହଲ୍‌ନାକା ଇନାୱେଡ଼ାଙ୍ଗ୍ ପା ନଷ୍ଟ ଆୱି ଦରମ୍ ଆରେ ଶାନ୍ତି ଆତ୍ମା ଆରେ ହେଦାଙ୍ଗ୍ ଈଶ୍ୱର କାଜିଙ୍ଗ୍ ବେସି ଦାମ୍‌ଦି ବିଷୟ।