ଜହନ୍‌ 12:32 - New Testament in Pengo Parja Language

³² ନାଙ୍ଗେଙ୍ଗ୍ ଏଚେପାଦ୍ନା କୃଶକାଟ୍‌ତାକେ ଦୁପ୍‌ନାର୍‌, ହେପାଦ୍ନା ଆନେଙ୍ଗ୍ ୱିଜାକାରିଙ୍ଗ୍ ନା ଲାଗାୟ୍ ଅସାହାନାଙ୍ଗ୍।”

ସତ୍‌ ବଚନ୍‌ ପୁନି ନିୟମ୍‌

³² ଆରେ, ଆନ୍‌ ଜଦି ପୁର୍ତିତାଂ ଜପି ନିଙ୍ଗ୍‍ନାଂ, ତା ଆତିସ୍‌ ୱିଜ଼ାକାରିଂ ନିଜାର୍‌ ତାକେ ଜେଲ୍‍ନାଙ୍ଗ୍ ।”

ଜହନ୍‌ 12:32 ပူးပေါင်းရင်းမြစ်များ

ଜହନ୍‌ 1:7

ହେୱାନ୍ ମାନାୟାରିଙ୍ଗ୍ ହେ ଅଜଡ଼୍ ବିଷୟରେ ୱେଚ୍‌ଚେଙ୍ଗ୍ ୱାଜିମାଚାନ୍। ଇନେସ୍‌କି ମାନାୟାର୍ ତା ବେଣ୍ ୱେନ୍‌ଞ୍ଜି ହେ ଅଜଡ଼୍ ବିଷୟରେ ପାର୍ତି କିଦେଙ୍ଗ୍ ଆଡ୍‌ନାର୍।

ଜହନ୍‌ 12:34

ମାନାୟାର୍ ୱେଚ୍‌ଚାର୍, “ମୋଶା ଲେକିକିତି ନିୟମ୍‌ ସାସ୍ତର୍‌ତାକେ ୱେଚାପ୍‌ନା, ଖ୍ରୀଷ୍ଟ ୱିଜୁଦିନ୍ କାଜିଙ୍ଗ୍ ଜିବୁନ୍ ମାନ୍‌ଗାନାନ୍। ଲାଗିଙ୍ଗ୍ ଏନେଙ୍ଗ୍ ଇନା କିଦେଙ୍ଗ୍ ୱେଚ୍‌ନାୟା ଯେ, ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ସରଗ୍‌ଜପି ହାନାନ୍? ଇ ସରଗ୍‌ତାଙ୍ଗ୍ ୱାତି ମାନାୟ୍ ହିମ୍‌ଣା ଇନେର୍?”

ଜହନ୍‌ 18:32

ଇଦାଙ୍ଗ୍ କାଜିଙ୍ଗ୍ ହେୱାନ୍ ଇନେସ୍ କିଜି ହାଃନାନ୍, ହେ ବିଷୟରେ ଯୀଶୁ ୱେଚ୍‌ଚିଲେକେ ପୁରାଆନାତ୍।

ଜହନ୍‌ 19:17

ସେନାର୍ ଯୀଶୁଙ୍ଗ୍ ତା ଜାର୍ କୃଶକାଟ୍ ପିଣ୍ଡିକିଜି କାପ୍‌ଡ଼ାନି କପ୍‌ରି ଲେକେ ଚଞ୍ଜ୍‌ନିବାହାତାକେ ଅସିହାଚାର୍। ହେ ବାହାତିଙ୍ଗ୍ ଏବ୍ରୀ ବେଣ୍‌ତାକେ ଗଲ୍‍ଗତା ଇନାର୍।

ଜହନ୍‌ 3:14

ମୋଶା ଟାଙ୍ଗ୍ରାବାହାତାକେ ରାଚ୍‌ତିଙ୍ଗ୍ ଜପି ଗାଚ୍‌ଚି ମାଚାନ୍। ହେଲେକେନେ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତିଙ୍ଗ୍ କୃଶକାଟ୍‌ତାକେ ଦୁପ୍‌ନାର୍‌।

ଜହନ୍‌ 6:44

ନା ଆବା ଈଶ୍ୱର ଇନେରିଙ୍ଗ୍ ନା ଲାଗାୟ୍ ପକ୍ତାନାନ୍। ହେୱାନ୍‌ନେ ନା ଲାଗାୟ୍ ୱାନାନ୍। ଆରେ ଆନେଙ୍ଗ୍ ହେୱାରିଙ୍ଗ୍ ସେସ୍‌ଦିନ୍‌ତ ଆରେରଗ ଜିବୁନ୍ କିନାଙ୍ଗ୍।

ଜହନ୍‌ 8:28

ଲାଗିଙ୍ଗ୍ ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତିଙ୍ଗ୍ କୃଶକାଟ୍‌ତାକେ ଅହ୍‌ନାଦେର୍। ଲାଗିଙ୍ଗ୍ ଏପେଙ୍ଗ୍ ପୁନାଦେର୍ ଆନେଙ୍ଗ୍ ହେ ମାନାୟ୍, ଆନେଙ୍ଗ୍ ଇମ୍‌ଣି କାମାୟ୍ କିଜି ମାଚାଙ୍ଗ୍ ହେଦାଙ୍ଗ୍ ନା କାଜିଙ୍ଗ୍ କିୱାଦାଙ୍ଗ୍ ମାଚାଙ୍ଗ୍। ମାତର୍ ଇନେସ୍ ନା ଆବା ଈଶ୍ୱର ୱେଚ୍‌ଚି ମାନ୍‌ଞ୍ଚାନ୍, ଆନେଙ୍ଗ୍ ପା ହେଲେଙ୍ଗ୍ ୱେଚ୍‌ନାଙ୍ଗା।

ଗାଲାତିୟ 3:13

ମାତର୍ ଖ୍ରୀଷ୍ଟ ମାଙ୍ଗେଙ୍ଗ୍ ନିୟମ୍ ସାସ୍ତର୍‌ନି ଅବିଶାପ୍‌ତାଙ୍ଗ୍ ମୁକ୍ତି କିତ୍‌ତାନ୍‌ନା। ହେ ଅବିଶାପ୍‌ତିଙ୍ଗ୍ ମା ପାପ୍ କାଜିଙ୍ଗ୍ ଖ୍ରୀଷ୍ଟ ନିଜେ ତା ଜପି ଅତାନ୍ ଆରେ କୃଶକାଟ୍‌ତାକେ ଜଲାଆଜି ହାଃତାନ୍‌ନା। ଇନେସ୍‌କି ସାସ୍ତର୍‌ତାକେ ଲେକା ମାନାତ୍, “ଇମ୍‌ଣାକାନ୍ ମାର୍‌ତି କୁଟ୍ରୁତାକେ ଜଲା ଆନାନ୍ ହେୱାନ୍ ରକାନ୍ ଅବିଶାପ୍‌ନି ମାନାୟ୍।”

୧ ତିମତି 2:6

ହେୱାନ୍ ୱିଜାକାରିଙ୍ଗ୍ ପାପ୍ ଆରେ ହାଃନି ଶାକ୍ତିତାଙ୍ଗ୍ ମୁକ୍ତିକିନି କାଜିଙ୍ଗ୍ ତା ଜିବୁନ୍‌ତିଙ୍ଗ୍ ଡାବୁଙ୍ଗ୍ ହିସାବ୍‌ରେ ହିତାନ୍। ହେୱାନ୍ ହାଃତିଲେ, ଈଶ୍ୱର ଟିକ୍ ସମୟ୍‌ତ ଚଚ୍‌ଚାନ୍‌ନା ଯେ ହେୱାନ୍ ୱିଜାକାରିଙ୍ଗ୍ ରକ୍ଷା କିଦେଙ୍ଗ୍ ଇଚା କିନାନା।

ଏବ୍ରି 2:9

ମାତର୍ ଆସେଙ୍ଗ୍ ଯୀଶୁଙ୍ଗ୍ ହୁଡ଼୍‌ନାସା! ଈଶ୍ୱର ଦୟାତାଙ୍ଗ୍ ଯୀଶୁ ଇନେସ୍ ୱିଜୁ ମାନାୟାର୍ କାଜିଙ୍ଗ୍ ହାଃନାନ୍, ଇଦାଙ୍ଗ୍ କାଜିଙ୍ଗ୍ ହେୱାନ୍ ଅଲପ୍ ସମୟ୍ କାଜିଙ୍ଗ୍ ଦୁତ୍‌କୁତାଙ୍ଗ୍ ହିରୁ ଆଜି ମାଚାନ୍। ହେୱାନ୍ ଦୁକ୍‌କଷ୍ଟ ଆରେ ହାଃତି କାଜିଙ୍ଗ୍, ଈଶ୍ୱର ହେୱାନିଙ୍ଗ୍ ଗୌରବ ଆରେ ସନ୍‌ମାନ୍‌ନି ମୁକୁଟ୍ ହିତାନ୍‌ନା।

୧ ପିତର 2:24

ହେୱାନ୍ ନିଜେ ମା ପାପ୍‌ତିଙ୍ଗ୍ ତା ଗାଗାଡ଼୍‌ତାକେ ଅତାନ୍ ଆରେ କୃଶକାଟ୍‌ତାକେ ହାଃତାନ୍, ଲାଗିଙ୍ଗ୍ ଆସେଙ୍ଗ୍ ପାପ୍ କାଜିଙ୍ଗ୍ ହାଃତି ଲେକେ ଆୟା ଆନାତ୍ ଆରେ ଟିକ୍ କାମାୟ୍ କିନି କାଜିଙ୍ଗ୍ ଜିନାପା। ଆରେ ହେୱାନ୍ ତା ଗାଗାଡ଼୍‌ତାକେ ଗାଉଦାଉ ଆଜି ଦୁଃକ୍ କଷ୍ଟ ସମ୍ବାଲି କିତି କାଜିଙ୍ଗ୍ ଆସେଙ୍ଗ୍ ହାର୍ ଆତାସ୍।

୧ ପିତର 3:18

ଆନେଙ୍ଗ୍ ଇଲେକେ ୱେଚ୍‌ଚାନାଙ୍ଗା, ଇନେସ୍‌କି ଖ୍ରୀଷ୍ଟ ପା ମା ୱିଜାକାର୍ ପାପ୍ କାଜିଙ୍ଗ୍ ଦୁଃକ୍ କଷ୍ଟ ପାୟାଆଜି ରଗ ହାଃଜି ମାଚାନ୍। ହେୱାନ୍ ରକାନ୍ ଦରମ୍ ମାନାୟ୍ ମାଚାନ୍, ମାଙ୍ଗେଙ୍ଗ୍ ଈଶ୍ୱର ଲକ୍ କିଦ୍‌ଦେଙ୍ଗ୍ ହେୱାନ୍ ମା ପାପ୍ କାଜିଙ୍ଗ୍ ହାଃଜି ମାଚାନ୍, ଲାଗିଙ୍ଗ୍ ଆସେଙ୍ଗ୍ ତା ହୁଦାଙ୍ଗ୍ ଜାର୍ ଲକ୍ ଆୟା ଆନାତ୍‌। ହେୱାର୍ ତାଙ୍ଗେଙ୍ଗ୍ ମାର୍ନେ ଅସ୍ତାର୍, ମାତର୍ ପବିତ୍ର ଆତ୍ମାନି ଶାକ୍ତିତାଙ୍ଗ୍ ଆରେରଗ ଜିବୁନ୍ ଆତାନ୍।

୧ ଯୋହନ 2:2

ଖ୍ରୀଷ୍ଟ ମା ପାପ୍‌ନି ଦଣ୍ଡ୍‌ତିଙ୍ଗ୍ ପିଣ୍‌ଜି ଅନି କାଜିଙ୍ଗ୍ ହାଃତାନ୍। ହେୱାନ୍ ମା ପାପ୍ ନେ ଅୱାତାନ୍‌ନା, ମାତର୍ ପୁର୍ତିନି ୱିଜାର୍ ମାନାୟାର୍ ପାପ୍‌ତିଙ୍ଗ୍ ଅତାନ୍‌।

ହତ୍‌ତି 5:9

ଆରେ ହେୱାର୍ ଇଲେକେ କିଜି ର ପୁନି କେର୍‌କଣ୍ କେର୍‌ତାର, “ନିଦି ନେ ଇ ସାସ୍ତର୍ ଆସ୍ତେଙ୍ଗ୍ ଯଗ୍ୟ ମାନାତ୍ ଆରେ ତା ସିଲ୍ ଡ୍ରିକ୍‌ଚି ରିକ୍‌ତେଙ୍ଗ୍ ଆଡ୍‌ନାନ୍। ଇନେସ୍‌କି ଏନେଙ୍ଗ୍ ମାନାୟାର୍ କାଜିଙ୍ଗ୍ ହାଃଜି ମାଚାୟ୍, ଆରେ ମାନାୟାରିଙ୍ଗ୍ ଉଦାର୍ କିଦେଙ୍ଗ୍ କୃଶକାଟ୍‌ତାକେ ନି ନେତେର୍ ବଡ଼ାୟ୍ କିଜି ମାଚାୟ୍। ଲାଗିଙ୍ଗ୍ ହେୱାର୍ ଈଶ୍ୱର ଲକ୍ ଆତାର୍‌ନା, ଇ ମାନାୟାର୍ ୱିଜୁ ଜାତିର୍‌ତାଙ୍ଗ୍, ୱିଜୁ ବାଷାତାଙ୍ଗ୍, ୱିଜୁ ବାହାତାଙ୍ଗ୍ ଆରେ ୱିଜୁ ଦେସ୍‌ତାଙ୍ଗ୍ ୱାତାର୍‌ନା।