ଜହନ୍‌ 12:23 - New Testament in Pengo Parja Language

²³ ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ନଙ୍ଗୟ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଦୁକ୍‌କଷ୍ଟ ପାୟାଆନିଦିନ୍ ଲାଗେ ୱାତାତେ।

ସତ୍‌ ବଚନ୍‌ ପୁନି ନିୟମ୍‌

²³ ଜିସୁ ହେୱାରିଂ ଉତର୍‌ ହିତାନ୍‌, “ମାନାୟ୍‌ ମାଜ଼ି ଜାଜ୍‌ମାଲ୍‌ ପାୟା ଆନି କାଜିଂ ସମୁ ଏକାୱାତାତ୍‌ ।

ଜହନ୍‌ 12:23 ပူးပေါင်းရင်းမြစ်များ

ମାତିଉ 25:31

ଏଚେପାଦ୍ନା ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଆରେରଗ ହେୱାନ୍ ଗୌରବ ହୁଦାଙ୍ଗ୍ ୱାନାନ୍। ହେୱାନ୍ ହୁଦାଙ୍ଗ୍ ସରଗ୍‌ନି ଦୁତ୍‌କୁ ୱାନିକ୍। ହେୱାନ୍ ରାଜା ଆନାନ୍ ଆରେ ତା ଗାଜା ସିଂହାସନ୍ ଜପି ୱିଜାକାରିଙ୍ଗ୍ ବିଚାର୍ କିଦେଙ୍ଗ୍ କୁଚ୍‌ନାନ୍।

ମାତିଉ 26:45

ତାପାଚେ ଯୀଶୁ ଚେଲାହିର୍ ଲାଗେ ୱାଜି ହେୱାରିଙ୍ଗ୍ ୱେଚ୍‌ଚାନ୍, “ନଙ୍ଗୟ୍ ପାତେକ୍ ହୁନ୍ଞ୍ଚାଦେର୍‍ନା? ଏଚେକ୍ ଆତାତେ! ୱେନାଟ୍! ନା ସମୟ୍ ୱାତାତେ, ଆରେ ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତଙ୍ଗ୍‌ ପାପିର୍ କେଇଦ ଆହିୟା ଆନାଙ୍ଗ୍।

ମାର୍କ 14:35

ଆରେ, ଯୀଶୁ ଅଲପ୍ ଦେହା ହାଲ୍‌ଜି ମେଦ୍‌ନିତ ମେଣ୍ଡାକୁନ୍ଦିକିଜି ଈଶ୍ୱରତିଙ୍ଗ୍ ପାର୍ତାନା କିଜି ୱେଚ୍‌ଚାନ୍, “ଯଦି ଆନାତ୍ ୱାନି ଦୁକ୍‌ତିଙ୍ଗ୍ ନାବେତାଙ୍ଗ୍ ଦେହାକିଦା।” ଆରେ ହେୱାନ୍ ୱେଚ୍‌ଚାନ୍ “ଏ ଆବା ନାଙ୍ଗେଙ୍ଗ୍ ଇ ଦୁଃକ୍‌କଷ୍ଟତାଙ୍ଗ୍ ଦେହାକିଦା, ନି କେଇଦ ୱିଜୁଆନାତ୍ ନା ଇଚା ଆକାୟ୍ ମାତର୍ ନି ଇଚାଆଏତ୍।”

ମାର୍କ 14:41

ଯୀଶୁ ତିନ୍‌ହଟ୍ ୱାଜି ଚେଲାରିଙ୍ଗ୍ ୱେଚ୍‌ଚାନ୍, “ନଙ୍ଗୟ୍ ପାତେକ୍ ହୁନ୍ଞ୍ଚାଦେର୍‍ନା? ଏଚେକ୍ ଆତାତେ! ୱେନାଟ୍! ନା ସମୟ୍ ୱାତାତେ, ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତଙ୍ଗ୍‌ ପାପିର୍ କେଇଦ ଆହିୟା ଆନାଙ୍ଗ୍।

ଜହନ୍‌ 12:16

ହେପାଦ୍ନା ଯୀଶୁ ଚେଲାହିର୍ ଇ ଗଟ୍‌ନାତିଙ୍ଗ୍ ପାର୍ତୁମ୍ ବୁଜା ଆଦେଙ୍ଗ୍ ଆଡ୍‌ୱାଦାଙ୍ଗ୍ ମାଚାର୍। ମାତର୍ ମାନାୟାର୍ ହେୱାନିଙ୍ଗ୍ ଜୟ୍-ଜୟ୍ କିତିଲେଙ୍ଗ୍ ଚେଲାହିର୍ ବୁଜାଆତାର୍। ଇଦାଙ୍ଗ୍ ତା ବିଷୟରେ ଦରମ୍ ସାସ୍ତର୍‌ତାକେ ଲେକାଆଜି ମାଚାତ୍। ଆରେ ହେୱାର୍ ହେଲେକେ କିତାର୍।

ଜହନ୍‌ 12:27

ଆନେଙ୍ଗ୍ ନଙ୍ଗୟ୍ ବେସି କଷ୍ଟତାକେ ମାନାଙ୍ଗ୍, ଆନେଙ୍ଗ୍ ଇନାକା ୱେଚ୍‌ନାଙ୍ଗ୍? ‘ଏ ଆବା ଈଶ୍ୱର, ନାଙ୍ଗେଙ୍ଗ୍ ଇ ଦୁକ୍ କଷ୍ଟତାଙ୍ଗ୍ ଉଦାର୍ କିଦା,’ ମାତର୍ ଇ ଦୁକ୍‌କଷ୍ଟ ପାୟା ଆଦେଙ୍ଗ୍ ଆନେଙ୍ଗ୍ ୱାତାଙ୍ଗ୍‌ନା।

ଜହନ୍‌ 13:1

ହେପାଦ୍ନା ଯିହୁଦିର୍ ନିସ୍ତାର୍ ପାର୍ବୁ ରଦିନ୍ ଆଗେ ଯୀଶୁ ପୁଚାନ୍, ହେୱାନିଙ୍ଗ୍ ପୁର୍ତିତିଙ୍ଗ୍ ପିସ୍ତି ହାନି ସମୟ୍ ଆତାତେ। ନଙ୍ଗୟ୍ ହେୱାନ୍ ଆବା ଈଶ୍ୱରତାକେ ହାନାନ୍। ହେୱାନ୍ ୱିଜୁଦିନ୍ ଇ ପୁର୍ତିତାକେ ମାନି ତା ଜାର୍ ଆଜିମାଚି ଲକ୍‌ବାକ୍‌ତିଙ୍ଗ୍ ଲାଡ୍‌କିଜି ମାଚାନ୍। ହେୱାନ୍ ହେୱାର୍ କାଜିଙ୍ଗ୍ ବେସି ଲାଡ଼୍ କିଜି ମାଚାନ୍।

ଜହନ୍‌ 7:39

ଇମ୍‌ଣାକାର୍ ଯୀଶୁତାକେ ପାର୍ତି କିଜି ମାଚାର୍, ଆରେ ହେୱାର୍ ଈଶ୍ୱରଆତ୍ମା ପାୟାଆନାକା ମାଚାତ୍। ହେୱାରିଙ୍ଗ୍ ଚଚ୍‌ଚି ଯୀଶୁ ଇ କାତା ୱେଚ୍‌ଚାନ୍। ଇନେସ୍‌କି ଈଶ୍ୱର ଯୀଶୁଙ୍ଗ୍ ଅଜଡ଼୍ କିୱାଦାଙ୍ଗ୍ ମାଚିଲେ, ହେୱାର୍ ଈଶ୍ୱରଆତ୍ମା ପାୟାଆୱାଦାଙ୍ଗ୍ ମାଚାର୍।