ଜହନ୍‌ 12:20 - New Testament in Pengo Parja Language

²⁰ ନିସ୍ତାର୍ ପାର୍ବୁ ତିନିହିଙ୍ଗ୍ ପୁଜା କିଦେଙ୍ଗ୍ ଯିରୁଶାଲାମ ସହର୍‌ତାଙ୍ଗ୍ ହାଲ୍‌ଜି ମାଚି ମାନାୟାର୍ ବିତ୍ରେତାଙ୍ଗ୍ କେତ୍‌ଜାଣ୍ ବିନ୍‌ଜାତିନି ମାନାୟ୍ ମାଚାର୍।

ସତ୍‌ ବଚନ୍‌ ପୁନି ନିୟମ୍‌

²⁰ ପାର୍ବୁ ସମୁତ ପ୍ରାର୍ତାନା କିନି କାଜିଂ ୱାଜ଼ି ମାନି ମାନାୟାର୍‌ ବିତ୍ରେ କେତେକ୍‌ ଗ୍ରିକ୍‌ ମାନାୟାର୍‌ ମାଚାର୍‌ ।

ଜହନ୍‌ 12:20 ပူးပေါင်းရင်းမြစ်များ

ମାର୍କ 7:26

ହେଦେଲ୍ ଗ୍ରୀକ୍ ଜାତିନି କଗ୍‌ଲେ ମାଚାତ୍। ହେଦେଲ୍ ସିରିୟା ଜିଲ୍ଲାନି ଫଇନିସିୟା ବାହାତାକେ ଜନମ୍ ଆଜି ମାଚାତ୍। ତା ଗାଡ଼୍‍ହିଙ୍ଗ୍ ବୁତ୍ଆତ୍ମା ପିହିକିନି କାଜିଙ୍ଗ୍ ହେ କଗ୍‌ଲେ ଯୀଶୁଙ୍ଗ୍ ଗୁୱାରି କିତାତ୍।

ଜହନ୍‌ 12:1

ଯୀଶୁ ନିସ୍ତାର୍ ପାର୍ବୁ ଆନି ଚଅଦିନ୍ ଆଗେ ବେଥନିଆ ନାଟ ହାଚାନ୍। ଇମେତାକେ ହାଃତି ଲାଜରତିଙ୍ଗ୍ ଆରେରଗ ଜିବୁନ୍ କିଜି ମାଚାନ୍।

ଜହନ୍‌ 12:19

ଲାଗିଙ୍ଗ୍ ପାରୁସିଦଳ୍‍ ହେୱାର୍ ବିତ୍ରେ କାତାବାର୍ତା ଆତାର୍, “ହୁଡ଼୍‌ନାଦେରା ମା ୱିଜୁ ଉପାୟ୍ ବେକାରେ ଆନାତା। ହୁଡ଼ାଟ୍, ପୁର୍ତିନି ମାନାୟାର୍ ତାପାଚେ-ପାଚେ ହାଚାରେ।”

ଜହନ୍‌ 7:35

ଯିହୁଦିର୍ ଜାର୍-ଜାର୍ ୱେଚ୍‌ପା ୱେଚ୍‌ପି ଆତାର୍, “ଇୱାନ୍ ଇମେତାକେ ହାନାନ୍ ଆସେଙ୍ଗ୍ ଇୱାନିଙ୍ଗ୍ ଗାଟାଆଉସ୍? ଇୱାନ୍ ଇନାକା ବିନ୍‌ଜାତିନି ନାସ୍‌କୁକାଙ୍ଗ୍ ହାଲ୍‌ଜି ହିକ୍ଷାହିଦେଙ୍ଗ୍ ହତାନ୍‌ନା କି? ଇମେତାକେ ମା ବିଚାଆତି ଲକ୍‌ବାକ୍ ମାନାର୍।

ପକ୍ୟାତାକା 14:1

ଇକନିୟ ସହର୍‌ତାକେ ପା ହେଲେକେ ଗଟାଆତାତ୍, ପାଉଲ ଆରେ ବର୍ଣ୍ଣବା ଯିହୁଦିର୍ ପାର୍ତାନା ଇଞ୍ଜ ହଣ୍‌ଜି ଯୀଶୁ ବିଷୟରେ ହିକ୍ଷା ହିତାର୍, ଯିହୁଦିର୍ ଆରେ ବିନ୍‌ଜାତିନି ମାନାୟାର୍ ବିତ୍ରେତାଙ୍ଗ୍ ବେସିହେନି ଯୀଶୁତାକେ ପାର୍ତି କିତାର୍।

ପକ୍ୟାତାକା 16:1

ତାପାଚେ ପାଉଲ ଆରେ ଶିଲା ଦର୍ବି ସହର୍‌ତାକେ ହାଚାର୍। ପାଚେ ହେୱାର୍ ଲୁସ୍ତ୍ରା ସହର୍‌ତାକେ ହାଚାର୍। ହେବେ ତିମତି ତର୍‍ଦାକାନ୍ ରକାନ୍ ପାର୍ତିକିନି ଚେଲାହି ମାଚାନ୍। ତା ତେହି ରଞ୍ଜେଲ୍ ପାର୍ତି କିନାକାଦେଲ୍ ମାଚାତ୍, ହେଦେଲ୍ ଯିହୁଦି ଜାତି ନିକାଦେଲ୍ ମାଚାତ୍। ଲାତ୍ରାହି ରକାନ୍ ବିନ୍‌ଜାତିନି ମାନାୟ୍ ମାଚାନ୍।

ପକ୍ୟାତାକା 17:4

ଲାଗିଙ୍ଗ୍ ହେୱାର୍ ବିତ୍ରେତାଙ୍ଗ୍ କେତ୍‌ଜାଣ୍ ଯିହୁଦି ମାନାୟାର୍ ପାର୍ତି କିଜି ପାଉଲ ଆରେ ଶିଲା ହୁଦାଙ୍ଗ୍ ମେହାଆତାର୍। ଆରେ ଯିହୁଦି ଦରମ୍‌ତିଙ୍ଗ୍ ମାନିକିନି ବିନ୍‌ଜାତିନି କେତେକ୍ ମାନାୟାର୍ ଆରେ ଈଶ୍ୱରତିଙ୍ଗ୍ ପାଣ୍ଡ୍ରାଆନି କେତେକ୍ କଗ୍‍ଲେକ୍ ପାର୍ତି କିଜି ହେୱାର୍ ହୁଦାଙ୍ଗ୍ ମେହାଆତାର୍।

ପକ୍ୟାତାକା 20:21

ପାପ୍ କାମାୟ୍ ପିସ୍ତି ଈଶ୍ୱରତାକେ ୱାଦେଙ୍ଗ୍ ଆରେ ମା ମାପୃ ଯୀଶୁତାକେ ପାର୍ତିକିନି କାଜିଙ୍ଗ୍, ଯିହୁଦି ଆରେ ବିନ୍‌ଜାତିନି ମାନାୟାରିଙ୍ଗ୍ ଶୁଣାୟ୍ କିତ୍‌ତାଙ୍ଗ୍‌ନା।

ପକ୍ୟାତାକା 21:28

“ଏ ଇସ୍ରାଏଲ ଜାତିନି ମାନାୟ୍ କାଦେର୍! ମାଙ୍ଗେଙ୍ଗ୍ ସାଇଜ କିଦାଟ୍! ଇୱାନ୍‌ନେ ମା ଜାତି, ମା ନିୟମ୍ ସାସ୍ତର୍ ଆରେ ଇ ମନ୍ଦିର୍‌ ବିରୁଦ୍‌ରେ ୱିଜାକାରିଙ୍ଗ୍ ହିକ୍ଷା ହିଜିମାନ୍‌ଞ୍ଚାନ୍। ଆରେ ହେୱାନ୍ ବିନ୍‌ଜାତିନି ମାନାୟାରିଙ୍ଗ୍ ଈଶ୍ୱର ମାନି ମନ୍ଦିର୍‌ ବିତ୍ରେ ତାସି ଇ ପବିତ୍ର ବାହାତିଙ୍ଗ୍ ଅପବିତ୍ର କିତାନ୍‌ନା।”

ପକ୍ୟାତାକା 8:27

ହେବେତାଙ୍ଗ୍ ପିଲିପ ନିଙ୍ଗ୍‌ଞ୍ଜି ହାଚାନ୍। ଆରେ ହେୱାନ୍ ହେଦାପ୍ରେ ଇତିଅପିଆ ଦେସ୍ତି ବେଜୁଙ୍ଗ୍ ଗିଟାଆତାନ୍, ହେ ବେଜୁ ଇତିଅପିଆ ଦେସ୍ତି କାଣ୍ଡାକି ତର୍‌ଦି ରାଣିନି ଦନ୍‌ସମ୍ଫତି ଦେକାଶୁଣା କିଦେଙ୍ଗ୍ ରକାନ୍ ଗାଜା ଅପିସର୍ ମାଚାନ୍। ହେୱାନ୍ ଈଶ୍ୱରତିଙ୍ଗ୍ ପୁଜା କିଦେଙ୍ଗ୍ ଯିରୁଶାଲାମ ସହର୍‌ତାକେ ୱାଜିମାଚାନ୍।

ରୋମିୟ 1:16

ଆନେଙ୍ଗ୍ ପୁରାପୁରି ବାବ୍‌ରେ ଖ୍ରୀଷ୍ଟତି ହାର୍ଦିକାବୁର୍‌ତିଙ୍ଗ୍ ପାର୍ତି କିନାଙ୍ଗା। ଇନେସ୍‌କି ହେଦାଙ୍ଗ୍ ୱିଜୁ ମାନାୟ୍‌ତିଙ୍ଗ୍ ଉଦାର୍ କିନି ଈଶ୍ୱରତି ଶାକ୍ତି, ଏଚେଜାଣ୍ ହାର୍ଦିକାବୁର୍‌ତିଙ୍ଗ୍ ପାର୍ତିକିନାର୍। ପାର୍ତୁମ୍ ଯିହୁଦି ମାନାୟ୍‌ତିଙ୍ଗ୍ ଉଦାର୍ କିଦେଙ୍ଗ୍ ଆରେ ପାଚେ ବିନ୍‌ଜାତିରିଙ୍ଗ୍ ଉଦାର୍ କିନାତ୍।

ରୋମିୟ 10:12

ଯିହୁଦି ଜାତିନି ମାନାୟାର୍ ଆୟେର୍ କି ବିନ୍‌ଜାତିନି ମାନାୟାର୍ ଆଏର୍ ହାମାନ୍ ସନ୍‌ମାନ୍ ପାୟାଆନାର୍‌। ହେୱାର୍ ୱିଜାର୍ ର ଈଶ୍ୱରତିଙ୍ଗ୍ ନେ ପାର୍ତିକିନାରା, ଏଚେପାଦ୍ନା ହେୱାର୍ ଈଶ୍ୱରତିଙ୍ଗ୍ ପାର୍ତାନା କିଜି ଇନାକା ଏନ୍‌ନାର୍। ଲାଗିଙ୍ଗ୍ ହେୱାନ୍ ହେୱାରିଙ୍ଗ୍ ଦୟା କିନାନ୍‌।

ଗାଲାତିୟ 2:3

ତିତସ ରକାନ୍ ବିନ୍‌ଜାତିନି ମାନାୟ୍, ହେୱାନ୍ ନା ହୁଦାଙ୍ଗ୍ ମାଚାନ୍। ମାତର୍ ନେତାର୍ ହେୱାନିଙ୍ଗ୍ ସୁନତ ବିଦି ମାନି କିଦେଙ୍ଗ୍ ଜବର୍‌ଦସ୍ତି କିୱାତାର୍।

ଗାଲାତିୟ 3:28

ଲାଗିଙ୍ଗ୍ ଯିହୁଦି ଜାତି କି ବିନ୍‌ଜାତି, ଦାସ୍ କି ଦାସ୍ ଆୱିତି ମାନାୟ୍, ଆଣ୍ଡ୍ରା କି କଗ୍‌ଲେ ବିତ୍ରେ ଇନାକା ପା ଜେକ ଆକାୟ୍। ଇନେସ୍‌କି ଏପେଙ୍ଗ୍ ଯୀଶୁ ଖ୍ରୀଷ୍ଟତାକେ ରବେ ଆତାଦେର୍‌ନା।

କଲସିୟ 3:11

ଇଦାଙ୍ଗ୍ କାଜିଙ୍ଗ୍ ବିନ୍‌ଜାତି କି ଯିହୁଦି ଜାତିର୍ ବିତ୍ରେ, ସୁନତ ବିଦି ମାନିକିନାକାର୍ କି ମାନିକିୱାକାର୍, ବାର୍ ଦେସ୍‌ତାକାର୍‌ କି ଆଦିବାସିନି ମାନାୟାର୍, ଦାସ୍ କି ଦାସ୍ ଆୱି ମାନାୟାର୍ ବିତ୍ରେ ଇନା ବେଦ୍‌ବାବ୍ ଆକାୟ୍। ମାତର୍ ଖ୍ରୀଷ୍ଟ ନେ ୱିଜୁତାଙ୍ଗ୍ ମୁକ୍ଯା ଆରେ ହେୱାନ୍ ତାଙ୍ଗେଙ୍ଗ୍ ପାର୍ତିକିନି ମାନାୟାର୍‌ତାକେ ବାହା କିନାନ୍।