ଜହନ୍‌ 12:13 - New Testament in Pengo Parja Language

¹³ ହେୱାର୍ କାଜ୍‌ରି ଡାଡ଼ିଙ୍ଗ୍ ଆସ୍ତି ଯୀଶୁଙ୍ଗ୍ ହୁଡ଼୍‌ଦେଙ୍ଗ୍ ହାଚାର୍। ହେୱାର୍ ୱାରିତାଙ୍ଗ୍ ଗାଜା କାଟ୍‌ତାଙ୍ଗ୍ ୱେଚ୍‌ଚେଙ୍ଗ୍ ଲାଗାତାର୍, “ହେୱାନିଙ୍ଗ୍ ଜୟ୍-ଜୟ୍ କିୟାଟ୍, ଇନେର୍ ମାପୃ ତର୍‍ଦାଙ୍ଗ୍ ୱାନାନ୍, ଈଶ୍ୱର ହେୱାନିଙ୍ଗ୍ ଆଶ୍ରିବାଦ୍ କିୟେନ୍, ଈଶ୍ୱର ଇସ୍ରାଏଲନି ରାଜାଙ୍ଗ୍ ଆଶ୍ରିବାଦ୍ କିନାନ୍।”

ସତ୍‌ ବଚନ୍‌ ପୁନି ନିୟମ୍‌

¹³ ହେଦାଂ କାଜିଂ କାଜ୍‌ରି ଡାଡ଼୍‌ ଆସ୍ତି ତାଙ୍ଗେଙ୍ଗ୍‌ ବେଟାଆନି କାଜିଂ ହସି ହାଚାର୍‌ “ଆରି ଗାଜା କାଟ୍‌ତାଂ ଇଞ୍ଜେଙ୍ଗ୍‌ ଲାଗାତାର୍‌, ହସାନ୍ନା ଇସ୍ୱର୍‌ତି ଦନ୍ୟବାଦ୍‌ କିୟାଟ୍‌ । ମାପ୍ରୁ ତର୍‌ଦାଂ ଇନେର୍‌ ୱାନାରା, ହେୱାନ୍‌ ଦନ୍ୟ; ଦନ୍ୟ ଇସ୍ରାଏଲ୍‌ନି ରାଜା ।”

ଜହନ୍‌ 12:13 ပူးပေါင်းရင်းမြစ်များ

ମାତିଉ 27:42

ହେୱାର୍ ୱେଚ୍‌ଚି ମାଚାର୍, “ହେୱାନ୍ ଜେକନିକାରିଙ୍ଗ୍ ଉଦାର୍ କିଜି ମାଚାନ୍। ନଙ୍ଗୟ୍ ମାତର୍ ଜାର୍‌ତିଙ୍ଗ୍ ଉଦାର୍ କିଦେଙ୍ଗ୍ ଆଡୁନା। ମାନାୟାର୍ ୱେଚ୍‌ନାର୍ ଯେ ହେୱାନ୍ ଇସ୍ରାଏଲନି ରାଜା। ଇ କାତା ଯଦି ସତ୍, ଲାଗିଙ୍ଗ୍ ହେୱାନ୍ ନଙ୍ଗୟ୍ କୃଶକାଟ୍‌ତାଙ୍ଗ୍ ତାରେନ୍ ଜୁଦେନ୍। ଲାଗିଙ୍ଗ୍ ଆପେଙ୍ଗ୍ ହୁଡ଼୍‌ଜି ମା ରାଜା ଇଞ୍ଜି ପାର୍ତିକିନାପ୍।

ଜହନ୍‌ 1:49

ତାପାଚେ ନିତନିୟେଲ ଯୀଶୁଙ୍ଗ୍ ୱେଚ୍‌ଚାନ୍, “ଏ ଗୁରୁ, ଏନେଙ୍ଗ୍ ଈଶ୍ୱର ମେହି। ଏନେଙ୍ଗ୍‍ନେ ଇସ୍ରାଏଲ ଜାତିନି ରାଜା।”

ଜହନ୍‌ 12:14

ଏଚେପାଦ୍ନା ଯିରୁଶାଲାମ୍ ସହର୍‌ତାଙ୍ଗ୍ ୱାନିହିଙ୍ଗ୍ ଯୀଶୁ ର ଗଦତିଙ୍ଗ୍ ଗାଟାଆତାନ୍ ଆରେ ତା ଜପି କୁଚ୍‌ଚାନ୍। ଲେକାମାଚାତ୍, ହେଦାଙ୍ଗ୍ ଦରମ୍ ସାସ୍ତର୍‌ନି ବେଣ୍ ଲେକେ ପୁରା ଆତାତ୍।

ଜହନ୍‌ 12:15

“ଏ ସିୟୋନ ଦେସ୍, ପାଣ୍ଡ୍ରା ଆମାଟ୍। ହୁଡ଼ାଟ୍ ମି ରାଜା ୱାନାନା। ହେୱାନ୍ ର ଗଦହିମ୍‌ଣା ଜପି କୁଚ୍‌ଚି ୱାନାନା।”

ଜହନ୍‌ 19:15

ଯିହୁଦିର୍ ଗାଜାକାଟ୍ କିଜି ୱେଚ୍‌ଚାର୍, “ଇୱାନିଙ୍ଗ୍ ଦେହା ଅସାହାଲାଟ୍। ଇୱାନିଙ୍ଗ୍ କୃଶକାଟ୍‌ତାକେ ଦୁପ୍‌ଚି ଅହାଟ୍।” ପିଲାତ ଗବର୍‌ନର୍ ଯିହୁଦିରିଙ୍ଗ୍ ୱେନ୍‌ବାତାନ୍, “ଏପେଙ୍ଗ୍ ଇନାକା ଇଚା କିନାଦେରା? ଆନେଙ୍ଗ୍ ମି ରାଜାଙ୍ଗ୍ କୃଶକାଟ୍‌ତାକେ ଦୁପ୍‌ଚି ଅହ୍‌ନାଙ୍ଗ୍?” ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ଚେରାଆଜି ୱେଚ୍‌ଚାର୍‌, “କାଇସର୍ ମହା ରାଜା ନେ ମା ରାଜା।”

ହତ୍‌ତି 15:3

ଆରେ ହେୱାର୍ ଈଶ୍ୱର ଦାସ୍ ମୋଶା ହିକାୟ୍ କିତି କେର୍‌କଣ୍ ଆରେ ମେଣ୍ଢା ଇନେର୍‌କି ଯୀଶୁ ଲେକେ, ତା କେର୍‌କଣ୍ କେର୍‌ଜି ମାଚାର୍। “ହେ ମାପୃ ୱିଜୁ ଶାକ୍ତିମାନି ଈଶ୍ୱର, ଏନେଙ୍ଗ୍ କିନି ୱିଜୁ କାମାୟ୍ ଗାଜା ଆରେ ମାଙ୍ଗେଙ୍ଗ୍ ଚାନିଆ କିଦ୍‌ନାୟା, ଏନେଙ୍ଗ୍‍ନେ ୱିଜୁ ଦେସ୍ତି ରାଜା, ଏନେଙ୍ଗ୍ କିନି ୱିଜୁ କାମାୟ୍ ଟିକ୍ ଆରେ ଦରମ୍।

ହତ୍‌ତି 19:16

ତା ହେନ୍ଦ୍ରାତାକେ ଆରେ ତା କୁଟାତ ରାଜା ବିତ୍ରେ ରାଜା ଆରେ ମାପୃ ବିତ୍ରେ ମାପୃ ଇଞ୍ଜି ଲେକାଆଜି ମାଚାତ୍।

ହତ୍‌ତି 7:9

ତାପାଚେ ଗାଣାକିୟା ଆଉତ୍ ଏଲେଙ୍ଗ୍ ର ଗାଜା ଦଳ୍‌ନି ମାନାୟାର୍ ଈଶ୍ୱର ସିଙ୍ଗାସନ ଆଗେ ଆରେ ମେଣ୍ଢା ଇନେର୍‌କି ଯୀଶୁ ଆଗେ ନିଲ୍‌ତାକା ଆନେଙ୍ଗ୍ ହୁଡ଼୍‌ତାଙ୍ଗ୍। ହେୱାର୍ ୱିଜୁ ଜାତିନି, କୁଟୁମ୍, ଦେସ୍ ଆରେ ୱିଜୁ ବାଷାନି ମାନାୟାର୍ ୱାଜିମାଚାର୍, ହେୱାର୍ ଡ଼ିଞ୍ଜ୍‌ନି ହେନ୍ଦ୍ରା ଉସ୍‍ପି ମାଚାର୍ ଆରେ ହେୱାର୍ କେଇଦ କାଜ୍‌ରି କେନ୍ଦାଙ୍ଗ୍ ଆସ୍ତି ମାଚାର୍।