ଜହନ୍‌ 11:42 - New Testament in Pengo Parja Language

⁴² ଆନେଙ୍ଗ୍ ପୁଚାନାଙ୍ଗ୍‌ନା ଏନେଙ୍ଗ୍ ୱିଜୁଦିନ୍ ନା କାତା ୱେନାୟା। ମାତର୍ ଏନେଙ୍ଗ୍ ନାଙ୍ଗେଙ୍ଗ୍ ପକ୍ତାତାଇନା ଇଞ୍ଜି ଇବେ ନିଲ୍‌ତି ମାନାୟାର୍ ଇନେସ୍ କିଜି ପାର୍ତି କିଦ୍‌ନାର୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଏଲେଙ୍ଗ୍ ୱେଚ୍‌ଚାଙ୍ଗ୍।”

ସତ୍‌ ବଚନ୍‌ ପୁନି ନିୟମ୍‌

⁴² ଏନ୍‌ ଜେ ନିତ୍ରେ ନା ପାର୍ତାନା ୱେନ୍‍ଞ୍ଜି ମାନାୟା, ଇଦାଂ ଆନ୍‌ ପୁଚାଙ୍ଗ୍‌ନା; ମାତର୍‌ ଇମ୍‌ଣି ମାନାୟାର୍‌ ଚାରିବେଣ୍‌ତାଂ ନିଲ୍‌ତାର୍ଣ୍ଣା, ଏନ୍‌ ନାଙ୍ଗେଙ୍ଗ୍‌ ପକ୍‌ତାତାୟ୍‌ନା ଇଞ୍ଜି ହେୱାର୍‌ ଇନେସ୍‌କି ପାର୍ତି କିଦ୍‌ନାର୍‌, ଇଦାଂ ଲାଗିଂ ହେୱାର୍‌ କାଜିଂ ଆନ୍‌ ଇଦାଂ ଇନ୍‌ଚାଙ୍ଗ୍‌ ।”

ଜହନ୍‌ 11:42 ပူးပေါင်းရင်းမြစ်များ

ମାତିଉ 26:53

ଏପେଙ୍ଗ୍ ଇନାକା ବାବିକିନାଦେରା ଆନେଙ୍ଗ୍ ସରଗ୍‌ନି ଆବାଙ୍ଗ୍ ପାର୍ତାନା କିତିସ୍ ସାଙ୍ଗେସାଙ୍ଗେ, ନାଙ୍ଗେଙ୍ଗ୍ ସାଇଜ କିଦ୍‌ଦେଙ୍ଗ୍ ବାରଗଟାଦଳ୍‌ତାଙ୍ଗ୍ ଆଦିକ୍ ହେନି ଦୁତ୍‌କୁ ପକ୍‌ଚି ରକ୍ଷା କିଦେଙ୍ଗ୍ ଆଡ଼୍‌ଦୁନ୍ କି?

ଜହନ୍‌ 11:22

ମାତର୍ ନଙ୍ଗୟ୍ ପା ଆନେଙ୍ଗ୍ ପୁନାଙ୍ଗ୍ ଯେ, ଏନେଙ୍ଗ୍ ଇନାକା ଏନ୍‌ନାଇ, ଈଶ୍ୱର ହେଦାଙ୍ଗ୍ ନିଙ୍ଗେଙ୍ଗ୍ ହିଦ୍‌ନାନ୍।”

ଜହନ୍‌ 11:31

ଯିହୁଦି ନେତାର୍ ମରିୟମ ହୁଦାଙ୍ଗ୍ ଇଞ୍ଜ କୁଚ୍‌ଚି ମାଚାର୍। ହେୱାର୍ ହେଦେଲିଙ୍ଗ୍ ବୁଜାଇକିଜି ମାଚାର୍। ହେୱାର୍ ହେଦାପ୍ରେ ମରିୟମତିଙ୍ଗ୍ ତର୍‌ବର୍ ଆଜି ବାର୍ତ ହାନାକା ହୁଡ଼୍‌ତାର୍। ହେ ଯିହୁଦି ମାନାୟାର୍ ବାବିକିତାର୍ ଯେ, ହେଦେଲ୍ ହେ ଲାଜାର ଦୁଗେର୍‌ତାକେ ଆଡ଼୍‌ବେଦେଙ୍ଗ୍ ହାନାତା। ଲାଗିଙ୍ଗ୍ ହେୱାର୍ ପା ତାପାଚେ-ପାଚେ ହାଚାର୍।

ଜହନ୍‌ 11:43

ତାପାଚେ ଯୀଶୁ ଗାଜାକାଟ୍ କିଜି କୁକ୍‌ତାନ୍, “ଲାଜର, ବାର୍ତ ୱା।”

ଜହନ୍‌ 12:11

କେତେକ୍ ହେନି ଯିହୁଦିର୍ ଲାଜର୍‌ ହାଃତିତାଙ୍ଗ୍ ଜିବୁନ୍ ଆତାକା ହୁଡ଼୍‌ଜି, ହେୱାର୍ ତା ନେତାରିଙ୍ଗ୍ ପିସ୍ତି ଯୀଶୁଙ୍ଗ୍ ପାର୍ତି କିତାର୍। ହେଦାଙ୍ଗ୍ କାଜିଙ୍ଗ୍ ଯିହୁଦିର୍ ଲାଜାର୍‌ତିଙ୍ଗ୍ ପା ମାର୍ନେ ଅସ୍ତେଙ୍ଗ୍ ଉପାୟ୍ କିତାର୍।

ଜହନ୍‌ 12:17

ଯୀଶୁ ଏଚେପାଦ୍ନା ଲାଜରତିଙ୍ଗ୍ ହାଃତାକାନିଙ୍ଗ୍ ଜିବୁନ୍ କିତାନ୍, ଆରେ ହେୱାନିଙ୍ଗ୍ କବର୍ ବାଟା ବିତ୍ରେତାଙ୍ଗ୍ ବାର୍ତ ହପ୍ତାନ୍‌, ହେପାଦ୍ନା ତା ହୁଦାଙ୍ଗ୍ ବେସିହେନି ମାନାୟ୍ ମାଚାର୍। ହେ ମାନାୟାର୍ ଯୀଶୁ କିତି କାମାୟ୍ ବିଷୟରେ ଜେକନିକାରିଙ୍ଗ୍ ୱେଚ୍‌ଚି ମାଚାର୍।

ଜହନ୍‌ 17:21

ଏ ଆବା ଈଶ୍ୱର, ଆନେଙ୍ଗ୍ ନିବେ ପାର୍ତାନା କିଦ୍‌ନାଙ୍ଗା, ଇନେସ୍ ପାର୍ତି କିନାକାର୍ ରବେ ଆଦେଙ୍ଗ୍ ଆଡ୍‌ନାର୍। ଇନେସ୍‌କି ଏନେଙ୍ଗ୍ ନାବେ ମାନାଇ ଆରେ ଆନେଙ୍ଗ୍ ନିବେ ମାନାଙ୍ଗ୍। ହେଲେକେ ଇୱାର୍ ପା ମାବେ ମାନ୍‌ଗାନାର୍। ଲାଗିଙ୍ଗ୍ ଏନେଙ୍ଗ୍ ନାଙ୍ଗେଙ୍ଗ୍ ପକ୍ତାତାଇନା ଇଞ୍ଜି ପୁର୍ତିନି ୱିଜୁ ମାନାୟାର୍ ପାର୍ତିକିନାର୍।

ଜହନ୍‌ 17:25

ଏ ଦରମ୍ ଆବା ଈଶ୍ୱର ନିଙ୍ଗେଙ୍ଗ୍ ପୁର୍ତି ପୁଞ୍ଜୁତେ, ମାତର୍ ଆନେଙ୍ଗ୍ ନିଙ୍ଗେଙ୍ଗ୍ ପୁନ୍‌ଞ୍ଚାଙ୍ଗ୍‌ନା। ଏନେଙ୍ଗ୍ ଯେ ନାଙ୍ଗେଙ୍ଗ୍ ପକ୍ତାତାଇନା ହେଦାଙ୍ଗ୍ ପୁଚାର୍‌ନା।

ଜହନ୍‌ 17:8

ଇନେସ୍‌କି ନାଙ୍ଗେଙ୍ଗ୍ ଏନେଙ୍ଗ୍ ଇମ୍‌ଣି ହିକ୍ଷାହିଜି ମାନ୍‌ଞ୍ଚାଇ, ଆନେଙ୍ଗ୍ ହେ ହିକ୍ଷାତିଙ୍ଗ୍ ମାନାୟାରିଙ୍ଗ୍ ହିତାଙ୍ଗ୍‌ନା। ହେୱାର୍ ହେଦାଙ୍ଗ୍‌ତିଙ୍ଗ୍ ଆସ୍ତାର୍‌ନା। ହେୱାର୍ ପୁଞ୍ଜେଙ୍ଗ୍ ଆଡ଼୍‌ତାର୍ ଯେ, ଆନେଙ୍ଗ୍ ହାତ୍‌ପା ମିବେତାଙ୍ଗ୍ ୱାତାଙ୍ଗ୍‌ନା, ଆରେ ଏନେଙ୍ଗ୍ ନାଙ୍ଗେଙ୍ଗ୍ ପକ୍ତାତାଇନା ଇଞ୍ଜି ହେୱାର୍ ପାର୍ତି କିଦ୍‌ନାରା।

ଜହନ୍‌ 20:31

ମାତର୍ ଇ ବହିତାକେ ଇୱିଜୁ ଲେକାଆତାତ୍‌ନା, ଇନେସ୍‌କି ଏପେଙ୍ଗ୍ ପାର୍ତି କିନାଦେର୍, ଯୀଶୁ ଆନାନା ଖ୍ରୀଷ୍ଟ ଆରେ ଈଶ୍ୱର ମେହି, ଏପେଙ୍ଗ୍ ତା ତର୍‍ଦାଙ୍ଗ୍ ଜିବୁନ୍ ପାୟାଆନାଦେର୍, ଇଦାଙ୍ଗ୍ କାଜିଙ୍ଗ୍ ଇୱିଜୁ ଲେକାଆତାତ୍‌ନା।

ଜହନ୍‌ 3:17

ଈଶ୍ୱର ତା ମେହିଙ୍ଗ୍ ଇ ପୁର୍ତିତାକେ ବିଚାର୍ କିଦେଙ୍ଗ୍ ପକ୍ତାୱାଦାଙ୍ଗ୍ ମାନ୍‌ଞ୍ଚାନ୍। ମାତର୍ ଇ ଜଗତ୍‌ ଇନେସ୍ ତା ମେହି କାଜିଙ୍ଗ୍ ରକ୍ଷା ପାୟାଆନାତ୍, ହେଦାଙ୍ଗ୍ କାଜିଙ୍ଗ୍ ହେୱାନ୍ ତା ମେହିଙ୍ଗ୍ ପକ୍‌ଚି ମାନ୍‌ଞ୍ଚାନ୍।

ଜହନ୍‌ 8:16

ଆନେଙ୍ଗ୍ ଯଦି ବିଚାର୍ କିଦ୍‌ନାଙ୍ଗ୍, ନା ବିଚାର୍ ଟିକ୍ ଆନାତ୍‌। ଇନେସ୍‌କି ଆନେଙ୍ଗ୍ ରକାଙ୍ଗ୍ ବିଚାର୍ କିଉଙ୍ଗ୍, ମାତର୍ ନାଙ୍ଗେଙ୍ଗ୍ ପକ୍ତିତି ଆବା ଈଶ୍ୱର ନା ହୁଦାଙ୍ଗ୍ ମାନାନ୍।

ଜହନ୍‌ 8:29

ନାଙ୍ଗେଙ୍ଗ୍ ଇମ୍‌ଣି ଆବା ଈଶ୍ୱର ପକ୍ତାତାନ୍‌ନା, ହେୱାନ୍ ନା ହୁଦାଙ୍ଗ୍ ମାନାନ୍। ହେୱାନ୍ ନାଙ୍ଗେଙ୍ଗ୍ ରକାନ୍ କିଜି ପିସ୍ତି ହାଞ୍ଜ୍‌ୱାତାନ୍‌ନା। ହେୱାନ୍ ୱାରି ଆନି କାମାୟ୍ ୱିଜୁଦିନ୍ କିନାଙ୍ଗ୍।”

ଜହନ୍‌ 8:42

ଯୀଶୁ ହେ ଯିହୁଦି ନେତାରିଙ୍ଗ୍ ୱେଚ୍‌ଚାନ୍, “ଈଶ୍ୱର ଯଦି ମିଞ୍ଜ୍‌ବା ଆତାନ୍‌ମା, ଲାଗିଙ୍ଗ୍ ଏପେଙ୍ଗ୍ ନାଙ୍ଗେଙ୍ଗ୍ ଲାଡ୍ କିତ୍‌ତାଦେର୍‌ମା। ଆନେଙ୍ଗ୍ ନିଜେ ୱାୱାତାଙ୍ଗ୍, ମାତର୍ ନାଙ୍ଗେଙ୍ଗ୍ ଈଶ୍ୱର ଇବେ ପକ୍ତାତାନ୍‌ନା।

ରୋମିୟ 8:3

ମଶା ଲେକିକିତି ଦରମ୍ ସାସ୍ତର୍‌ନି ନିୟମ୍ ଉଦାର୍ କିଦେଙ୍ଗ୍ ଆଡ୍‌ୱାତାତ୍, ଇନେସ୍‌କି ମା ବିତ୍ରେ ପାପ୍‍କିନି ଇଚା ମାଚାତ୍। ମାତର୍ ଈଶ୍ୱର ତା ଜାର୍ ମାଜିଙ୍ଗ୍ ମାନାୟ୍ ରୁପ୍ ଆଜି ପକ୍ତାତାନ୍, ଆରେ ହେୱାନ୍ ପାପ୍‌ତିଙ୍ଗ୍ ତା ମେହି ଜପି ଲେଦି କିତାନ୍ ଆରେ ହେୱାନ୍ ମା ପାପ୍ କାଜିଙ୍ଗ୍ ହାଃତାନ୍, ଆରେ ଇଲେକେ କିଜି ଈଶ୍ୱର ମାଙ୍ଗେଙ୍ଗ୍ ଉଦାର୍ କିତ୍‌ତାନ୍।

ଗାଲାତିୟ 4:4

ମାତର୍ ଈଶ୍ୱର ଟିକ୍ କିଜିମାଚି ଦିନ୍ ୱାତିଲେ, ଈଶ୍ୱର ତା ଜାର୍ ହିମ୍‌ଣାତିଙ୍ଗ୍ ଇ ଜଗତ୍‌ତାକେ ପକ୍ତାନ୍, ଆରେ ହେୱାନ୍ ମାନାୟ୍ ଜନମ୍ ଆତି ଲେକେ କଗ୍‌ଲେତାଙ୍ଗ୍ ଜନମ୍ ଆତାନ୍। ଆରେ ହେୱାନ୍ ମୋଶା ଲେକିକିତି ନିୟମ୍ ସାସ୍ତର୍‌ତିଙ୍ଗ୍ ମାନି କିତାନ୍।

ଏବ୍ରି 5:7

ଯୀଶୁ ଖ୍ରୀଷ୍ଟ ପୁର୍ତିତାକେ ମାନିହିଙ୍ଗ୍, ଇମ୍‌ଣି ଈଶ୍ୱର ହେୱାନିଙ୍ଗ୍ ହାଃତିତାଙ୍ଗ୍ ଉଦାର୍ କିଦେଙ୍ଗ୍ ଆଡ୍‌ନାନ୍, ତା ଲାଗାୟ୍ ହେୱାନ୍ ଗାଜା କାଟ୍‌ତାଙ୍ଗ୍ ଆଡ଼ାକୁକା ଆଜି ପାର୍ତାନା ଆରେ ଗୁୱାରି କିତାନ୍। ଈଶ୍ୱରତିଙ୍ଗ୍ ହେୱାନ୍ ବେସି ସନ୍‌ମାନ୍ ଆରେ ଜାର୍‌ତିଙ୍ଗ୍ ହିରୁ ଆନି କାଜିଙ୍ଗ୍, ଈଶ୍ୱର ହେୱାନ୍ କିତି ପାର୍ତାନାତିଙ୍ଗ୍ ୱେଚାନ୍।

ଏବ୍ରି 7:25

ଲାଗିଙ୍ଗ୍ ଯୀଶୁତାଙ୍ଗ୍ ଇମ୍‌ଣାକାର୍ ଈଶ୍ୱର ଲାଗାୟ୍ ୱାନାର୍, ହେୱାନ୍ ହେୱାରିଙ୍ଗ୍ ୱିଜୁଦିନ୍ କାଜିଙ୍ଗ୍ ଉଦାର୍ କିଦେଙ୍ଗ୍ ଆଡ୍‌ନାନ୍। ଇନେସ୍‌କି ଈଶ୍ୱର ଲାଗାୟ୍ ହେୱାର୍ ନିପଣ୍ ଆଜି ଗୁୱାରି କିନି କାଜିଙ୍ଗ୍ ହେୱାନ୍ ୱିଜୁଦିନ୍ କାଜିଙ୍ଗ୍ ଜିବୁନ୍ ମାନାନ୍।

୧ ଯୋହନ 4:14

ଆବା ଈଶ୍ୱର ତା ମେହି ଯୀଶୁଙ୍ଗ୍ ପୁର୍ତିନି ମାନାୟାରିଙ୍ଗ୍ ଉଦାର୍ କିଦ୍‌ଦେଙ୍ଗ୍ ପକ୍ତାତାନ୍‌ନା। ଇଦାଙ୍ଗ୍ ଆପେଙ୍ଗ୍ ଜାର୍ କାଣ୍‌କୁତାଙ୍ଗ୍ ହୁଡ଼ତାପ୍‌ନା, ଆରେ ତା ବିଷୟରେ ମିଙ୍ଗେଙ୍ଗ୍ ୱେଚ୍‌ଚାନାପା।