ଜହନ୍‌ 11:41 - New Testament in Pengo Parja Language

⁴¹ ଲାଗିଙ୍ଗ୍ ହେୱେକ୍ ହେ ମୁମ୍‌ଦ ଡାବାଇ କିତି କାଲ୍‌ତିଙ୍ଗ୍ ଗୁଚାଇ କିତିକ୍। ତାପାଚେ ଯୀଶୁ ବାଦାଡ଼୍‌ଜପି ମୁମ୍‌‌କିଜି ୱେଚ୍‌ଚାନ୍, “ଏ ନା ଆବା ଈଶ୍ୱର, ନିଙ୍ଗେଙ୍ଗ୍ ଦନ୍ଯବାଦ୍ ହିଦ୍‌ନାଙ୍ଗା, ଇନେସ୍‌କି ଏନେଙ୍ଗ୍ ନା କାତା ୱେଚାଇ।

ସତ୍‌ ବଚନ୍‌ ପୁନି ନିୟମ୍‌

⁴¹ ହେବେତାଂ ହେୱାର୍‌ କାଲ୍‌ ନେକ୍‍ତାର୍ ଆରେ, ଜିସୁ ଜପି ହୁଡ଼୍‌ଜି ଇଚାନ୍‌, “ଆବା, ଏନ୍‌ ନା ପାର୍ତାନା ୱେଚାୟ୍ ଇଞ୍ଜି ଆନ୍‌ ନିଙ୍ଗେଙ୍ଗ୍‌ ଜୁୱାର୍‌ ହିଦ୍‍ନାଙ୍ଗା ।

ଜହନ୍‌ 11:41 ပူးပေါင်းရင်းမြစ်များ

ମାତିଉ 11:25

ହେପାଦ୍ନା ଯୀଶୁ ପାର୍ତାନା କିଜି ୱେଚ୍‌ଚାନ୍, “ଏ ଆବା, ସରଗ୍ ଆରେ ପୁର୍ତିନି ମାପୃ, ଏପେଙ୍ଗ୍ ବୁଦିକାଟି ମାନାୟ୍‌ତିଙ୍ଗ୍ ୱେଚ୍‌ୱାଦାଙ୍ଗ୍ ଇ ବୁଦି ହିଲ୍‌ୱାକାରିଙ୍ଗ୍ ୱେଚ୍‌ଚିଲେ ଆନେଙ୍ଗ୍ ମିଙ୍ଗେଙ୍ଗ୍ ଦନ୍ଯବାଦ୍ କିଦ୍‌ନାଙ୍ଗା।

ମାତିଉ 11:26

ଆଁ, ଆବା ଏନେଙ୍ଗ୍ ଇଦାଙ୍ଗ୍ ହାର୍ କିତାୟ୍‍ନା।

ମାତିଉ 27:60

ତାପାଚେ ଯୋଷେପ ଯୀଶୁଙ୍ଗ୍ ତା ପୁନି ଦୁଗେର୍‌ତାକେ ଇଡ଼୍‌ତାନ୍। ହେ ଦୁଗେର୍‌ କାଲ୍‌କୁକାଙ୍ଗ୍ ପତ୍‌ତି ରହିୟାଆଜି ମାଚାତ୍। ହେବେ ତା ହାଃତି ଗାଗାଡ଼୍‌ତିଙ୍ଗ୍ ଇଡ଼୍‌ତାନ୍। ଆରେ ଦୁଗେର୍ ଦୁୱେର୍ ମୁମ୍‌ଦ ଗାଜାକାଲ୍ ଡାବାଇ କିଜି ହାଚାନ୍।।

ମାର୍କ 15:46

ଯଷେପ ତା ହାଃତି ଗାଗାଡ଼୍‌ତିଙ୍ଗ୍ କୃଶକାଟ୍‌ତାଙ୍ଗ୍ ଜୁତ୍‌ତି ପାଚେ ହେ ଗାଗାଡ଼୍‌ତିଙ୍ଗ୍ ର ହାର୍ଦି ପାତାଡ଼୍‌ ହେନ୍ଦ୍ରାତାଙ୍ଗ୍ ହୁର୍‍ପାତାନ୍।, ଆରେ ହେ ଦୁଗେର୍‌ତିଙ୍ଗ୍ କାଲ୍‌କୁକାଙ୍ଗ୍ ପତ୍‌ତି ରହିୟାଆଜି ମାଚାତ୍। ହେ ଦୁଗେର୍‌ତାକେ ହେୱାନିଙ୍ଗ୍ ଇଡ଼୍‌ତାର୍। ତାପାଚେ ହେ ଦୁଗେର୍ ଦୁୱେର୍ ମୁମ୍‌ଦ ର ଗାଜାକାଲ୍ ଡାବାଇ କିତାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 10:21

ତାପାଚେ ପବିତ୍ର ଆତ୍ମାକାଙ୍ଗ୍ ଯୀଶୁ ବେସି ୱାରିଆଜି ୱେଚ୍‌ଚାନ୍, “ଏ ଆବା, ବାଦାଡ଼୍ ଆରେ ପୁର୍ତିନି ମାପୃ। ଏପେଙ୍ଗ୍ ବୁଦିକାଟି ମାନାୟ୍‌ତାଙ୍ଗ୍ ଇୱିଜୁ ବିଷୟ ଡ଼ୁକ୍‌ଚି ହିରୁ ହିମ୍‌ଣାଙ୍ଗ୍‌ତାକେ ୱେଚ୍‌ଚାଦେର୍, ଇଦାଙ୍ଗ୍ କାଜିଙ୍ଗ୍ ନିଙ୍ଗେଙ୍ଗ୍ ଦନ୍ଯବାଦ୍ କିଦ୍‌ନାଙ୍ଗା। ଆଁ, ଆବା, ଏନେଙ୍ଗ୍ ଇଦାଙ୍ଗ୍ ହାର୍ କିତାୟ୍‍ନା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:13

ସିସ୍ତୁ ଏନ୍‌ନାକାନ୍ ପା ଜେକ ରକାନ୍ ନିଲ୍‌ଚି ମାଚାନ୍। ମାତର୍ ପାର୍ତାନା କିନିହିଙ୍ଗ୍ ହେୱାନ୍ ସରଗ୍ ନିପଣ୍ ହୁଡ଼୍‌ଦେଙ୍ଗ୍ ଶାସ୍ କିୱାତାନ୍। ସିସ୍ତୁ ଏନ୍‌ନାକାନ୍ ଈଶ୍ୱର ଲାଗାୟ୍ ଦୁକ୍‌ଆଜି ନେଞ୍ଜାଡାକିତାକେ ଇଡ଼ିଆ ଆଜି ପାର୍ତାନା କିତାନ୍, ‘ଏ ଈଶ୍ୱର, ନାଙ୍ଗେଙ୍ଗ୍ ଦୟାକିଦା। ଆନେଙ୍ଗ୍ ରକାଙ୍ଗ୍ ପାପି ମାନାୟ୍।’

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:2

ପାରା ଦୁୱେର୍ ଗେସ୍ତେଙ୍ଗ୍ ର ଗାଜାକାଲ୍ ହିଜି ମାଚାର୍, ହେ କଗ୍‍ଲେକ୍ ହୁଡ଼୍‌ତିକ୍ ଯେ ହେ ଦୁଗେର୍ ମୁମ୍‌ଦି ଗାଜାକାଲ୍ ଦେହା ଗୁଚାଆତାତ୍‌ନା।

ଜହନ୍‌ 11:22

ମାତର୍ ନଙ୍ଗୟ୍ ପା ଆନେଙ୍ଗ୍ ପୁନାଙ୍ଗ୍ ଯେ, ଏନେଙ୍ଗ୍ ଇନାକା ଏନ୍‌ନାଇ, ଈଶ୍ୱର ହେଦାଙ୍ଗ୍ ନିଙ୍ଗେଙ୍ଗ୍ ହିଦ୍‌ନାନ୍।”

ଜହନ୍‌ 17:1

ଯୀଶୁ ଇୱିଜୁ କାତା ୱେଚ୍‌ଚି ପାଚେ ସରଗ୍ ନିପଣ୍ ହୁଡ଼୍‌ତାନ୍। ଆରେ ହେୱାନ୍ ପାର୍ତାନା କିତାନ୍, “ଏ ଆବା ଈଶ୍ୱର, ନଙ୍ଗୟ୍ ସମୟ୍ ୱାତାତ୍‌ନା। ଏନେଙ୍ଗ୍ ଜାର୍ ହିମ୍‌ଣାତିଙ୍ଗ୍ ଜୟ୍-ଜୟ୍ କିୟା, ଇନେସ୍‌କି ହିମ୍‌ଣା ନିଙ୍ଗେଙ୍ଗ୍ ଜୟ୍-ଜୟ୍ କିଦେଙ୍ଗ୍ ଆଡ଼୍‌ଦାନାନ୍।

ଜହନ୍‌ 20:1

ରଇବାର୍ ଦିନ୍ ନାଣାଙ୍ଗେ ମଗ୍‌ଦଲିନି ସହର୍‌ନି ମରିୟମ ଯୀଶୁ ଦୁଗେର୍ ଲାଗାୟ୍ ୱାତାତ୍। ହେପାଦ୍ନା ମାଜ୍‌ଗା ମାଚାତ୍। ହେଦେଲ୍ ହୁଡ଼୍‍ତାତ୍ ଯେ, ହେ ଦୁଗେର୍ ମୁମ୍‌ଦି ଗାଜାକାଲ୍ ଦେହା ଗୁଚାଆତାତ୍‌ନା।

ପକ୍ୟାତାକା 7:55

ମାତର୍ ସ୍ତିପାନ ପବିତ୍ର ଆତ୍ମାତାଙ୍ଗ୍ ପୁରାଆଜି ସରଗ୍ ନିପଣ୍ ହୁଡ଼୍‌ତାନ୍। ଆରେ ଈଶ୍ୱରତିଙ୍ଗ୍ ଗୌରବ ଆରେ ଯୀଶୁଙ୍ଗ୍ ଈଶ୍ୱର ତିନାବାଗାୟ୍‌ନି ସନ୍‌ମାନ୍ ପାୟାଆନି ବାହାତାକେ ନିଲ୍‌ତାକା ହୁଡ଼୍‌ଜି ୱେଚ୍‌ଚାନ୍,

ପିଲିପିୟ 4:6

ଏପେଙ୍ଗ୍ ଇନା ବିଷୟରେ ପା ଚିନ୍ତା କିମାଟ୍। ମାତର୍ ୱିଜୁ ବିଷୟରେ ଈଶ୍ୱରତାକେ ପାର୍ତାନା କିୟାଟ୍। ଆରେ ମିଙ୍ଗେଙ୍ଗ୍ ଇନାକା ଦର୍‌କାର୍ ହେୱାନିଙ୍ଗ୍ ଗୁୱାରି ଆରେ ଦନ୍ଯବାଦ୍ ହିଜି ଏନାଟ୍।