ଜହନ୍‌ 11:28 - New Testament in Pengo Parja Language

²⁸ ମାର୍ଥା ଇୱିଜୁ କାତା ୱେଚ୍‌ଚି ପାଚେ ତଣ୍‌ଦେଲ୍ ମରିୟମତିଙ୍ଗ୍ କୁକ୍‍ତେଙ୍ଗ୍ ହାଚାତ୍। ହେଦେଲ୍ ମରିୟମ ହୁଦାଙ୍ଗ୍ କାତାବାର୍ତା ଆତାତ୍। ହେଦେଲ୍ ୱେଚ୍‌ଚାତ୍, “ଇବେ ଗୁରୁ ମାନାନ୍, ହେୱାନ୍ ନିଙ୍ଗେଙ୍ଗ୍ ଦାସ୍ତାନାନା।”

ସତ୍‌ ବଚନ୍‌ ପୁନି ନିୟମ୍‌

²⁸ ଇଦାଂ ଇଚି ପାଚେ ମାର୍‌ତା ହାଲ୍‌ଜି ଜାର୍‌ ତଣ୍‌ଦେଲ୍‌ ମରିୟମ୍‌ତିଂ ଡ଼ୁଗ୍‌ଜି କୁକ୍‌ଚି ଇଚାତ୍‌, “ଗୁରୁ ୱାତାନେ ଆରେ ନିଙ୍ଗେଙ୍ଗ୍‌ କୁକ୍ତାନାନା ।”

ଜହନ୍‌ 11:28 ပူးပေါင်းရင်းမြစ်များ

ମାତିଉ 26:18

ଯୀଶୁ ୱେଚ୍‌ଚାନ୍, “ଏପେଙ୍ଗ୍ ଯିରୁଶାଲାମ ସହର୍‌ତାକେ ହାଲାଟ୍। ଆରେ ଟାଙ୍ଗାତ ଏଜୁଙ୍ଗ୍ ନିପିତ ପିଣ୍‌ଜି ହାନାକାନିଙ୍ଗ୍ ଏପେଙ୍ଗ୍ ହାଲ୍‌ଜି ୱେଚାଟ୍, ‘ଗୁରୁ ୱେନ୍‌ବାଆଦ୍‌ନାନା, ନା କାଡ଼୍ ପୁରା ଆତାତେ, ଆନେଙ୍ଗ୍ ନା ଚେଲାର୍ ହୁଦାଙ୍ଗ୍ ମିଞ୍ଜ ନିସ୍ତାର୍ ପାର୍ବୁ ମାନିକିନାପ୍।’ ”

ମାର୍କ 10:49

ହେବେତାଙ୍ଗ୍ ଯୀଶୁ ତା ବେଣ୍ ୱେନ୍‌ଞ୍ଜି ହାନିମାନାୟ୍ ଲେଉଟା ଆଜି ୱାତାନ୍, ଆରେ ୱେଚ୍‌ଚାନ୍ ହେୱାନିଙ୍ଗ୍ “ନା ଲାଗାୟ୍ ତାଡ।” ହେୱାର୍ ହେ କାଣା ମାନାୟ୍‌ତିଙ୍ଗ୍ କୁକ୍‌ଚି ୱେଚ୍‌ଚାର୍, “ୱାରିଆ! ନିଙ୍ଗା! ହେୱାନ୍ ନିଙ୍ଗେଙ୍ଗ୍ କୁକ୍‍ତାନାନା!”

ମାର୍କ 14:14

ହେ ଏଜୁଙ୍ଗ୍ ଆସ୍ତି ମାନାୟ୍ ଇମ୍‌ଣି ଇଞ୍ଜ ହଣାନ୍, ହେ ଇଞ୍ଜ ହାଲାଟ୍ ଆରେ ହେଇଞ୍ଜି ମାଲିକ୍‌ତିଙ୍ଗ୍ ୱେନ୍‌ବାଟ୍, ଗୁରୁ ୱେନ୍‌ବାଆଦ୍‌ନାନା, ‘ନା ଚେଲାର୍ ହୁଦାଙ୍ଗ୍ ଇମ୍‌ଣି ବାକ୍ରାତ ନିସ୍ତାର୍ ପାର୍ବୁ ତିନାପ୍।’

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:11

‘ଗୁରୁ ନିଙ୍ଗେଙ୍ଗ୍ ୱେନ୍‌ବାଆଦ୍‌ନାନା, ଆନେଙ୍ଗ୍ ନା ଚେଲାର୍ ହୁଦାଙ୍ଗ୍ ଇମ୍‌ଣି ବାକ୍ରାତ ନିସ୍ତାର୍ ପାର୍ବୁନି ବଜି ତିନାପ୍।’

ଜହନ୍‌ 1:41

ଆନ୍ଦ୍ରିୟ ଆଗେ ତା ଟଣ୍ଡାହି ଶିମୋନ ଲାଗାୟ୍ ହାଚାନ୍। ହେୱାନ୍ ଶିମନତିଙ୍ଗ୍‌ ୱେଚ୍‌ଚାନ୍, “ଆପେଙ୍ଗ୍ ଖ୍ରୀଷ୍ଟଙ୍ଗ୍ ହୁଡ଼୍‌ତାପ୍‌ନା।”

ଜହନ୍‌ 1:45

ପିଲିପ ନିତନିୟେଲ ତର୍‌ଦି ମାନାୟ୍‌ତାକେ ହାଚାନ୍। ପିଲିପ ହେୱାନିଙ୍ଗ୍ ୱେଚ୍‌ଚାନ୍, “ମୋଶା ଲେକିକିତି ନିୟମ୍‌ନି ସାସ୍ତର୍‌ତାକେ ଆରେ ଭବିଷ୍ଯତବକ୍ତାର୍ ତା ସାସ୍ତର୍‌ତାକେ ଇମ୍‌ଣି ମାନାୟ୍ ବିଷୟରେ ଲେକିକିଜି ମାଚାର୍, ଆପେଙ୍ଗ୍ ହେ ମାନାୟ୍‌ତିଙ୍ଗ୍ ହୁଡ଼୍‌ତାପ୍‌ନା। ହେୱାନ୍ ଆନାନା ନାଜରିତ ସହର୍‌ନି ଯୀଶୁ। ହେୱାନ୍ ଯୋଷେପ୍‌ ମେହି।”

ଜହନ୍‌ 10:3

ଦୁୱେର୍ ଜାଗୁୱାଡ଼ି ମେଣ୍ଢାଗଡ଼ିଆ କାଜିଙ୍ଗ୍ ଦୁୱେର୍ ଜେସି ହିନାନ୍। ମେଣ୍ଢାଙ୍ଗ୍ ଗଡ଼ିୟା କାତା ୱେନିକ୍। ଗଡ଼ିୟା ତା ମେଣ୍ଢାକାଙ୍ଗ୍ ତର୍‌ ଆସ୍ତି କୁକ୍‌ନାନ୍ ଆରେ ବାର୍ତ ହାରାଇ କିନାନ୍।

ଜହନ୍‌ 11:20

ଯୀଶୁ ୱାନାନା ଇଞ୍ଜି ମାର୍ଥା ୱେଚାତ୍‌। ହେଦେଲ୍ ଯୀଶୁଙ୍ଗ୍ ଗିଟାଆଦେଙ୍ଗ୍ ହାଚାତ୍। ମାତର୍ ମରିୟମ ଇଞ୍ଜ କୁଚ୍‌ଚି ମାଚାତ୍।

ଜହନ୍‌ 11:29

ମରିୟମ ଇବେଣ୍ ୱେନ୍‌ଞ୍ଜି ଯୀଶୁ ଲାଗାୟ୍ ସାଙ୍ଗେ-ସାଙ୍ଗେ ୱାତାତ୍।

ଜହନ୍‌ 11:30

ଯୀଶୁ ହେ ସମୟ୍ ପାତେକ୍ ନାଟ ୱାୱାଦାଙ୍ଗ୍ ମାଚାନ୍। ମାର୍ଥା ହେୱାନିଙ୍ଗ୍ ଇମ୍‌ଣି ବାହାତାକେ ହୁଡ଼୍‌ଜି ମାଚାତ୍, ହେପାଦ୍ନା ପାତେକ୍ ହେୱାନ୍ ହେବାହାତାକେ ମାଚାନ୍।

ଜହନ୍‌ 13:13

ଏପେଙ୍ଗ୍ ନାଙ୍ଗେଙ୍ଗ୍ ଗୁରୁ ଆରେ ମାପୃ ଇଞ୍ଜ୍‌ନାଦେରା। ହେଦାଙ୍ଗ୍ ଟିକ୍, ଇନେସ୍‌କି ଆନେଙ୍ଗ୍ ହେୱାନ୍‌ନେ।

ଜହନ୍‌ 20:16

ଯୀଶୁ ହେଦେଲିଙ୍ଗ୍ ୱେଚ୍‌ଚାନ୍, “ମରିୟମ,” ମରିୟମ ତାପଣ୍ ମାସ୍‌ଜି ଯିହୁଦି (ଏବ୍ରୀ) ବେଣ୍‌ତାଙ୍ଗ୍ ୱେଚ୍‌ଚାତ୍, “ରାବ୍‌ବୁନି” ତା ଅର୍ତ ଗୁରୁ।

ଜହନ୍‌ 21:7

ଯୀଶୁ ଇମ୍‌ଣି ଚେଲାହିଙ୍ଗ୍ ଲାଡ୍‌କିଜି ମାଚାନ୍, ହେୱାନ୍ ଶିମୋନ ପିତରତିଙ୍ଗ୍ ୱେଚ୍‌ଚାନ୍, “ଇୱାନ୍‌ତ ମାପୃ।” ଇଞ୍ଜି ପିତର ତା ଜପ୍‌ଣି କଟ୍ ରିକ୍‍ଚି ଇଡ଼୍‌ଜି ମାଚାନ୍, ହେ କଟ୍‌ତିଙ୍ଗ୍ ଉସ୍‌ପିସ୍ କାଣ୍ଡିତାକେ ଉମ୍‌ଜି ହାଞ୍ଜେଙ୍ଗ୍ ଏଜୁକାଙ୍ଗ୍ ଗୁମ୍‌ତାନ୍।

୧ ଥେସଲନୀକିୟ 5:11

ଲାଗିଙ୍ଗ୍ ଏପେଙ୍ଗ୍ ଜାର୍-ଜାର୍‌ବିତ୍ରେ ସାସ୍ ହିଜି ମାନାଟ୍, ଆରେ ଈଶ୍ୱରତିଙ୍ଗ୍ ଆଦିକ୍ ପାର୍ତି କିଦେଙ୍ଗ୍ ଜାର୍-ଜାର୍‌ବିତ୍ରେ ସାଇଜ କିୟାଟ୍। ଇନେସ୍ ଏପେଙ୍ଗ୍ କିନାଦେରା।

ଏବ୍ରି 12:12

ଲାଗିଙ୍ଗ୍ ଏପେଙ୍ଗ୍ ଦୁର୍‌ବଲ୍ କେଇଦିଙ୍ଗ୍ ବାଡ଼୍‌କାସ୍ କିୟାଟ୍ ଆରେ ତ୍ରିଗ୍‌ନି କାଲ୍‌ଦାଙ୍ଗ୍ ଗୁମ୍‌ଜି ନିଲାଟ୍।