Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ଜହନ୍‌ 11:25 - New Testament in Pengo Parja Language

25 ଯୀଶୁ ହେଦେଲିଙ୍ଗ୍ ୱେଚ୍‌ଚାନ୍, “ଇନେର୍ ଯଦି ନାବେ ପାର୍ତି କିନାକାର୍, ହେୱାନ୍ ହାଃତିସ୍ ପା ଆରେରଗ ଜିବୁନ୍ ଆନାନ୍, ଆରେ ଜିବୁନ୍ ମାନ୍‌ଗାନାର୍।

အခန်းကိုကြည့်ပါ။ ကော်ပီ

ସତ୍‌ ବଚନ୍‌ ପୁନି ନିୟମ୍‌

25 ଜିସୁ ତାଙ୍ଗେଙ୍ଗ୍‌ ଇଚାନ୍‌, “ଆନ୍‌ ଆରେ ନିଂନାକାଂ ଆରି ଜିବୁନ୍‌, ଇନେର୍‌ ନା କଚଣ୍‌ ପାର୍ତି କିଦ୍‌ନାନ୍‌, ହେୱାନ୍‌ ଜଦି ହାନାନ୍, ଆତିସ୍‌ପା ହେୱାନ୍‌ ଜିନାନ୍‌,

အခန်းကိုကြည့်ပါ။ ကော်ပီ




ଜହନ୍‌ 11:25
41 ပူးပေါင်းရင်းမြစ်များ  

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ୱେନା! ଆନେଙ୍ଗ୍ ଇନାକା ୱେଚ୍‌ଚାନାଙ୍ଗା ହେଦାଙ୍ଗ୍ ସତ୍। ନେଞ୍ଜେଙ୍ଗ୍ ଏନେଙ୍ଗ୍ ନା ହୁଦାଙ୍ଗ୍ ସରଗ୍‌ଜପି ହାନାଇ।”


ହେୱାନ୍ ୱିଜୁ ଜିବୁନ୍‌ନି ମୁକ୍ଯ। ହେୱାନ୍‌ନେ ରକାନ୍ ୱିଜାକାରିଙ୍ଗ୍ ଅଜଡ଼୍ ହିଦ୍‌ନାନ୍।


କେତ୍‌ଦିନ୍ ପାଚେ ଇ ପୁର୍ତିନି ମାନାୟାର୍ ନାଙ୍ଗେଙ୍ଗ୍ ଆରେ ହୁଡ଼୍‌ଦେଦେଙ୍ଗ୍ ଆଡ଼୍‌ଦୁର୍। ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ହୁଡ଼୍‌ଦାନାଦେର୍। ଇନେସ୍‌କି ଆନେଙ୍ଗ୍ ଜିବୁନ୍ ମାନାଙ୍ଗ୍, ଏପେଙ୍ଗ୍ ପା ଜିବୁନ୍ ମାନ୍‌ଗାନାଦେର୍।


ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ହାଜି। ଆନେଙ୍ଗ୍ ସତ୍। ଆରେ ଆନେଙ୍ଗ୍ ଜିବୁନ୍। ଆବା ଈଶ୍ୱରତାକେ ହାଞ୍ଜେଙ୍ଗ୍ ଆନେଙ୍ଗ୍ ନେ ରୱାଙ୍ଗ୍ ହାଜି।


ଇନେସ୍‌କି ଈଶ୍ୱର ପୁର୍ତିତିଙ୍ଗ୍ ଏଚେକ୍ ଲାଡ୍ କିତାନ୍ ଯେ, ହେୱାନ୍ ତା ରକାନ୍ ଇଞ୍ଜି ମେହିଙ୍ଗ୍ ହିତ୍‌ତାନ୍। ଇନେସ୍ ଲେକେ ତା ମାଜିଙ୍ଗ୍ ପାର୍ତିକିନାର୍ ହେ ମାନାୟାର୍, ନଷ୍ଟ ଆୱାଦାଙ୍ଗ୍ ୱିଜ୍‌ୱି ଜିବୁନ୍ ପାୟାଆନାର୍‌।


ଇନେର୍ ମେହିଙ୍ଗ୍ ପାର୍ତିକିନି ମାନାୟ୍ ୱିଜ୍‌ୱି ଜିବୁନ୍ ପାୟା ଆନାନ୍। ମାତର୍ ମେହିଙ୍ଗ୍ ପାର୍ତି କିୱିତି ମାନାୟ୍ ଇନାୱେଡ଼ାଙ୍ଗ୍ ପା ୱିଜ୍‌ୱି ଜିବୁନ୍ ପାୟା ଆଦେଙ୍ଗ୍ ଆଡୁନ୍। ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍।”


ଆବା ଈଶ୍ୱର ହାଃତାକାରିଙ୍ଗ୍ ନିକ୍‌ଚି ହେୱାରିଙ୍ଗ୍ ଜିବୁନ୍ ହିନାନ୍। ଟିକ୍ ହେଲେକେନେ ମେହି ଇନେରିଙ୍ଗ୍ ଇଚାକିନାନ୍ ହେୱାରିଙ୍ଗ୍ ଜିବୁନ୍ କିନାନ୍।


ମାତର୍ ସରଗ୍‌ନି ଆବା ଆନାନା ଜିବୁନ୍‌ନି ଆଦିକାର୍ ମାନାତ୍। ହେୱାନ୍ ତା ମେହିଙ୍ଗ୍ ପା ଜିବୁନ୍‌ନି ଆଦିକାର୍ ହିତାନ୍‌ନା।


ତାପାଚେ ଯୀଶୁ ୱେଚ୍‌ଚାନ୍, ଆନେଙ୍ଗ୍ ନିଜେ ଜିବୁନ୍‌ହିନି କାଦି। ନା ଲାଗାୟ୍ ଇନେର୍ ୱାନାର୍, ହେୱାନ୍ ଇନାୱେଡ଼ାଙ୍ଗ୍ ପା ନାସ୍‌କି ଆଉନ୍। ଆରେ ନାଙ୍ଗେଙ୍ଗ୍ ଇନେର୍ ପାର୍ତି କିଦ୍‌ନାର୍, ହେୱାନ୍ ଇନାୱେଡ଼ାଙ୍ଗ୍ ପା ଏସ୍‌କି ଆଉନ୍।


ନା ଆବା ଈଶ୍ୱର ଇନେରିଙ୍ଗ୍ ନା ଲାଗାୟ୍ ପକ୍ତାନାନ୍। ହେୱାନ୍‌ନେ ନା ଲାଗାୟ୍ ୱାନାନ୍। ଆରେ ଆନେଙ୍ଗ୍ ହେୱାରିଙ୍ଗ୍ ସେସ୍‌ଦିନ୍‌ତ ଆରେରଗ ଜିବୁନ୍ କିନାଙ୍ଗ୍।


ମାତର୍ ଜିବୁନ୍ ହିଦ୍‌ନି ମାନାୟ୍‌ତିଙ୍ଗ୍ ଏପେଙ୍ଗ୍ ଅସ୍ତାଦେର୍। ମାତର୍ ଈଶ୍ୱର ହାଃତାକାର୍‌ତାଙ୍ଗ୍ ଆରେରଗ ଜିବୁନ୍ କିତାନ୍‌ନା। ଆସେଙ୍ଗ୍ ହେବେନି ସାକି।


ହେଦାଙ୍ଗ୍ କାଜିଙ୍ଗ୍ ସାସ୍ତର୍‌ତାକେ ଇଲେକେ ଲେକାଆତାତ୍‌ନା, “ଆନେଙ୍ଗ୍ ନିଙ୍ଗେଙ୍ଗ୍ ବେସିହେନି ଜାତିନି ଲାତ୍ରାହି କିତ୍‌ତାଙ୍ଗ୍।” ଅବ୍ରାହାମ ଇମ୍‌ଣି ଈଶ୍ୱରତିଙ୍ଗ୍ ପାର୍ତି କିତାନ୍, ହେୱାନ୍ ହାଃତି ମାନାୟ୍‌ତିଙ୍ଗ୍ ଜିବୁନ୍ କିନାନ୍ ଆରେ ହିଲ୍‌ୱି ଜିନିସ୍‌ତିଙ୍ଗ୍ ହେୱାନ୍ ରହ୍‌ନାନ୍, ହେ ଈଶ୍ୱର ଅବ୍ରାହାମତିଙ୍ଗ୍ ତା ଆଗେ ମା ଆବା କିତାନ୍‌ନା।


ଇନେସ୍‌କି ପବିତ୍ର ଆତ୍ମା ମାଙ୍ଗେଙ୍ଗ୍ ଜିବୁନ୍ ହିଦ୍‌ନାତ୍ ହେଦାଙ୍ଗ୍ ଯୀଶୁ ଖ୍ରୀଷ୍ଟତାଙ୍ଗ୍ ୱାନାତ୍, ଆରେ ପାପ୍‌ନି ଶାକ୍ତିତାଙ୍ଗ୍ ଆରେ ମାରାଣ୍‌ତାଙ୍ଗ୍ ମୁକ୍ତି କିଦ୍‌ନାତ୍।


ଯଦି ଖ୍ରୀଷ୍ଟ ହାଃତିତାଙ୍ଗ୍ ଆରେରଗ ଜିବୁନ୍‌ଆଜି ନିଙ୍ଗ୍‌ୱାତାନ୍‌ନା, ଲାଗିଙ୍ଗ୍ କେତେକ୍ ମାନାୟ୍ ତାଙ୍ଗେଙ୍ଗ୍ ପାର୍ତି କିଜି ହାଃତାର୍‌ନା। ହେୱାର୍ ୱିଜୁଦିନ୍ କାଜିଙ୍ଗ୍ ଈଶ୍ୱରତାଙ୍ଗ୍ ହେୱାର୍‌ ନଷ୍ଟ ଆତାର୍‌ନା।


ଯଦି ହାଃତାକାର୍ ଆରେରଗ ଜିବୁନ୍ ଆନାକା ସତ୍ ଆକାୟ୍, ଲାଗିଙ୍ଗ୍ ହାଃତି ମାନାୟାର୍ ବାଦୁଲ୍‌ତ ଡୁବନ୍ ଅନି ନିତି ନିୟମ୍ ଇନା ଲାବ୍ ଆକାୟ୍। ଯଦି ଈଶ୍ୱର ହାଃତି ମାନାୟାରିଙ୍ଗ୍ ଆରେରଗ ଜିବୁନ୍ କିଉନ୍, ଲାଗିଙ୍ଗ୍ ଇ ନିତି ନିୟମ୍‌ତିଙ୍ଗ୍ ମାନାୟାର୍ ମାନିକିୱି ଦର୍‌କାର୍।


ଆପେଙ୍ଗ୍ ପୁଚାପ୍‌ନା ଯେ, ଈଶ୍ୱର ଆରେରଗ ମା ମାପୃ ଯୀଶୁଙ୍ଗ୍ ହାଃତିତାଙ୍ଗ୍ ଜିବୁନ୍ କିତାନ୍‌ନା। ଆରେ ମାଙ୍ଗେଙ୍ଗ୍ ପା ହେୱାନ୍ ଆରେରଗ ଜିବୁନ୍ କିଦ୍‌ନାନ୍ ଇନେସ୍‌କି ଆସେଙ୍ଗ୍ ଯୀଶୁ ଲକ୍ ଆତାସ୍‌ନା, ଆରେ ତା ହୁଦାଙ୍ଗ୍ ମାଞ୍ଜେଙ୍ଗ୍ ମାଙ୍ଗେଙ୍ଗ୍ ଆରେ ମିଙ୍ଗେଙ୍ଗ୍ ତା ଲାଗାୟ୍ ତାହିୱାଦ୍‌ନାନ୍।


ଆନେଙ୍ଗ୍ ରିଣ୍ଡାଙ୍ଗ୍ ବିତ୍ରେ ଇନାକା ରଞ୍ଜାଙ୍ଗ୍‌ତିଙ୍ଗ୍ ବାଚିକିନାଙ୍ଗ୍ ହେଦାଙ୍ଗ୍ ପୁଞ୍ଜେଙ୍ଗ୍ ଆଡୁଙ୍ଗା, ଆନେଙ୍ଗ୍ ହାଃଜି ଖ୍ରୀଷ୍ଟ ହୁଦାଙ୍ଗ୍ ମାଞ୍ଜେଙ୍ଗ୍ ଇଚା କିନାଙ୍ଗା। ଇନେସ୍‌କି ଇଦାଙ୍ଗ୍ ୱିଜୁତାଙ୍ଗ୍ ବେସି ହାର୍।


ଇନେସ୍ ଖ୍ରୀଷ୍ଟ ହାଃଜି ଆରେରଗ ଜିବୁନ୍‌ଆନି ଶାକ୍ତିତିଙ୍ଗ୍, ଆରେ ହେୱାନ୍ ଇନେସ୍ ଦୁକ୍‌କଷ୍ଟ ପାୟାଆଜି ହାଃତାନ୍‌ନା ହେଲେକେ ଆନେଙ୍ଗ୍ ପା ଦୁକ୍‌କଷ୍ଟ ପାୟାଆଜି ହାଃଦେଙ୍ଗ୍, ଆନେଙ୍ଗ୍ ତା ବିଷୟରେ ଆଦିକ୍ ପୁଞ୍ଜେଙ୍ଗ୍ ଇଚା କିନାଙ୍ଗା।


ଆସେଙ୍ଗ୍ ଯଦି, ମାପୃ ଯୀଶୁଙ୍ଗ୍ ଈଶ୍ୱର ହାଃତିତାଙ୍ଗ୍ ଆରେରଗ ଜିବୁନ୍ ହିତାନ୍‌ନା ଇଞ୍ଜି ପାର୍ତି କିନାସା। ଲାଗିଙ୍ଗ୍ ଏଚେପାଦ୍ନା ଯୀଶୁ ଆରେରଗ ପୁର୍ତିତାକେ ୱାନାନ୍, ହେପାଦ୍ନା ଯୀଶୁଙ୍ଗ୍ ପାର୍ତି କିଜି ହାଃତି ମାନାୟାରିଙ୍ଗ୍ ଈଶ୍ୱର ଆରେରଗ ଜିବୁନ୍ ହିନାନ୍।


ଆନେଙ୍ଗ୍ ନେ ହାଃତାକାଙ୍ଗ୍ ନଙ୍ଗୟ୍ ଜିବୁନ୍ ମାନାଙ୍ଗ୍, ଆନେଙ୍ଗ୍ ରଗ ହାଃଜି ମାଚାଙ୍ଗ୍ ମାତର୍ ନଙ୍ଗୟ୍ ଆନେଙ୍ଗ୍ ଜିବୁନ୍ ମାନାଙ୍ଗ୍ ଆରେ ନଙ୍ଗୟ୍ ୱିଜୁଦିନ୍ କାଜିଙ୍ଗ୍ ଜିବୁନ୍ ମାନ୍‌ଗାନାଙ୍ଗ୍। ନାବେ ମାରାଣ୍‌ତିଙ୍ଗ୍ ଆରେ ପାତାଳ୍‌ତିଙ୍ଗ୍ ଆରେ ହାଃତାକାରିଙ୍ଗ୍ ଆରେରଗ ଜିବୁନ୍ କିନି ଅଦିକାର୍ ମାନାତ୍।


ହେୱାର୍ ଆରେରଗ ଜିବୁନ୍ ଆନାକା ନେ ପାର୍ତୁମ୍ ମାରାଣ୍‌ତାଙ୍ଗ୍ ନିଙ୍ଗ୍‌ନାକା, ଆରେ ହେୱାର୍ ହାଜାର୍ ବାର୍ହୁ ସାସନ୍ କିନାକା ୱିଜ୍‌ୱି ପାତେକ୍ ଆରେ ଜେକନିକାର୍ ହାଃତାକାର୍ ଆରେରଗ ଜିବୁନ୍ ଆଉର୍।


ହେୱାନ୍ ତା ମାନାୟାର୍ ୱିଜୁ ଦୁଃକ୍‌ତିଙ୍ଗ୍ ଦେହା କିନାନ୍, ଆରେ ହେୱାରିଙ୍ଗ୍ ଇନାୱେଡ଼ାଙ୍ଗ୍ ପା ମାରାଣ୍ ୱାଉତ୍, କି ଦୁଃକ୍ ପାୟା ଆଉର୍, କି ଆଡ଼୍‌ବୁର୍ କି ଇନାକା ନନାକା ପା ୱାଉତ୍। ଇନେସ୍‌କି ହେ ପାନି ପୁର୍ତି ଆରେ ହେବେନି ୱିଜୁ ଜିନିଷ୍ ୱିଜୁଦିନ୍ କାଜିଙ୍ଗ୍ ଡ଼ୁକ୍‌ତାତ୍‌ ଆରେ ଚନ୍‌ଞ୍ଜୁତ୍‌।”


ତାପାଚେ ହେ ଦୁତ୍ ନାଙ୍ଗେଙ୍ଗ୍ ର ନାଗୁଡ଼୍ ଚଚ୍‌ଚାତାତ୍‌, ହେ ନାଗୁଡ଼୍‌ନି ଏଜୁଙ୍ଗ୍ ଉଟିସ୍ ଜିବୁନ୍ ଗାଟାଆଦ୍‍ନାତ୍ ଆରେ ହେ ଏଜୁଙ୍ଗ୍ କାଚ୍ ଗିଲାସ୍‌ଲେକେ କିଲେର୍ ମାଚିକ୍। ହେ ନାଗୁଡ଼୍ ଈଶ୍ୱର ଆରେ ମେଣ୍ଢା ଇନେର୍‌କି ଯୀଶୁ ସିଙ୍ଗାସନତାଙ୍ଗ୍ ୱାଜି ମାଚାତ୍।


ତାପାଚେ ପବିତ୍ର ଆତ୍ମା ଆରେ ମେଣ୍ଢା ଇନେର୍‌କି ଯୀଶୁ ବିବାଆନି କଗ୍‌ଲେ ୱେଚ୍‌ଚାତ୍, “ୱାଡ” ଆରେ ୱିଜୁ ୱେନାକାର୍ ପା ୱେଚ୍‌ଚାର୍ “ୱାଡ।” ଇମ୍‌ଣାକାର୍ ଏସ୍‌କି ଆନାରା ଆରେ ଉଣ୍ଡେଙ୍ଗ୍ ଇଚାକିନାର୍ ହେୱାର୍ ୱାଏର୍ ଆରେ ଉପ୍‌କା ଜିବୁନ୍‌ହିନି ଏଜୁଙ୍ଗ୍ ଉଣେର୍।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ