ଜହନ୍‌ 10:25 - New Testament in Pengo Parja Language

²⁵ ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାତାଙ୍ଗ୍‌ନା, ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ପାର୍ତି କିଦୁଦେରା। ନାଙ୍ଗେଙ୍ଗ୍ ନା ଆବା ଈଶ୍ୱର ଆଦିକାର୍ ହିତ୍‌ତାନ୍‌ନା, ଇୱିଜୁ ଚାନିଆଆନି କାମାୟ୍ କିଦେଙ୍ଗ୍, ଆନେଙ୍ଗ୍ ଇମ୍‌ଣି-ଇମ୍‌ଣି କାମାୟ୍ କିନାଙ୍ଗା ଇୱିଜୁ ନା ବିଷୟରେ ୱେଚ୍‌ଚାନାନା।

ସତ୍‌ ବଚନ୍‌ ପୁନି ନିୟମ୍‌

²⁵ ଜିସୁ ହେୱାରିଂ ଉତର୍‌ ହିତାନ୍‌, ଆନ୍‌ ମିଙ୍ଗେଙ୍ଗ୍‌ ଇଞ୍ଜ୍‌ନାଙ୍ଗା, ମାତର୍‌ ଏପେଙ୍ଗ୍‌ ପାର୍ତି କିଉଦେରା; ମା ଆବା ତର୍‌ଦାଂ ଆଦିକାର୍‌ ପାୟା ଆତାଙ୍ଗ୍‌ନା ଆନ୍‌ ଇମ୍‌ଣି ଇମ୍‌ଣି କାମାୟ୍‌ କିନାଙ୍ଗା, ହେ ସବୁ ନା ବିସ୍ରେ ସାକି ହିନାଙ୍ଗା;

ଜହନ୍‌ 10:25 ပူးပေါင်းရင်းမြစ်များ

ଜହନ୍‌ 10:32

ମାତର୍ ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ନା ଆବା ଈଶ୍ୱରତାଙ୍ଗ୍ ବେସି ଚାନିଆଆନି କାମାୟ୍ କିତାଙ୍ଗ୍‌ନା। ଏପେଙ୍ଗ୍ ହେ ୱିଜୁ ହୁଡ଼୍‌ତାଦେର୍‌ନା। ଲାଗିଙ୍ଗ୍ ହେ ହାର୍ଦି କାମାୟ୍ କାଜିଙ୍ଗ୍ ଏପେଙ୍ଗ୍ ନାଙ୍ଗେଙ୍ଗ୍ ଅସ୍ତେଦେଙ୍ଗ୍ ଉପାୟ୍ କିନାଦେରା କି?”

ଜହନ୍‌ 10:37

ନା ଆବା ଈଶ୍ୱର ଇନାକା କିନାନ୍, ଆନେଙ୍ଗ୍ ଯଦି ହେଦାଙ୍ଗ୍ କିଉଙ୍ଗ୍, ଲାଗିଙ୍ଗ୍ ଆନେଙ୍ଗ୍ ଇନାକା ୱେଚ୍‌ଚାନାଙ୍ଗ୍ ହେଦାଙ୍ଗ୍‌ତିଙ୍ଗ୍ ପା ଏପେଙ୍ଗ୍ ପାର୍ତି କିମାଟ୍।

ଜହନ୍‌ 10:38

ନା ଆବା ଈଶ୍ୱର ଇନାକା କିନାନ୍, ହେଦାଙ୍ଗ୍ ଆନେଙ୍ଗ୍ କିନାଙ୍ଗ୍, ଲାଗିଙ୍ଗ୍ ଏପେଙ୍ଗ୍ ନା କିତି କାମାୟ୍‌ତିଙ୍ଗ୍ ପାର୍ତିକିନି ଦର୍‌କାର୍। ଲାଗିଙ୍ଗ୍ ଏପେଙ୍ଗ୍ ପୁନାଦେର୍ ଆରେ ବୁଜାଆନାଦେର୍ ଯେ ଆବା ଈଶ୍ୱର ନାବେ ମାନାନ୍ ଆରେ ଆନେଙ୍ଗ୍ ତାବେ ମାନାଙ୍ଗ୍।”

ଜହନ୍‌ 11:47

ତାପାଚେ ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ଆରେ ପାରୁସିଦଳ୍‍ ବିଚାର୍ କିଜି ମିଟିଙ୍ଗ୍ କିତାର୍। ଆରେ ହେୱାର୍ ୱେଚ୍‌ଚାର୍, “ଆସେଙ୍ଗ୍ ଇନାକା କିନି ଦର୍‌କାର୍? ଇୱାନ୍ ବେସି ଚାନିଆଆନି କାମାୟ୍ କିନାନା।

ଜହନ୍‌ 12:37

ଯୀଶୁ ବେସି ଚାନିଆଆନି କାମାୟ୍ କିତାନ୍। ମାନାୟାର୍ ଇୱିଜୁ ହୁଡ଼୍‌ଜି ପା ପାର୍ତି କିୱାତାର୍।

ଜହନ୍‌ 14:11

ଆନେଙ୍ଗ୍ ଆବା ଈଶ୍ୱରତାକେ ଆରେ ଆବା ଈଶ୍ୱର ନାବେ ମାନାନ୍। ଏପେଙ୍ଗ୍ ନା ଇ କାତା ପାର୍ତିକିୟାଟ୍। ନଇଲେ ଆନେଙ୍ଗ୍ ଇମ୍‌ଣିୱିଜୁ ଚାନିଆଆନି କାମାୟ୍ କିତାଙ୍ଗ୍‌ନା ହେଦାଙ୍ଗ୍ ହୁଡ଼୍‌ଜି ପାର୍ତିକିୟାଟ୍।

ଜହନ୍‌ 20:30

ଯୀଶୁ ବେସି ଜେକନି ଚାନିଆଆନି କାମାୟ୍ କିତାନ୍। ହେ ୱିଜୁ ତା ଚେଲାହିର୍ ହୁଡ଼୍‌ତାର୍। ହେ ଚାନିଆଆନି କାମାୟ୍ କିତାକା ଇ ସାସ୍ତର୍‌ତାକେ ଲେକାଆୱାତାତ୍‌ନା।

ଜହନ୍‌ 3:2

ହେୱାନ୍ ଦିନେକ୍ ମିକାଲିଙ୍ଗ୍ ଯୀଶୁ ଲାଗାୟ୍ ୱାଜି ୱେଚ୍‌ଚାନ୍, “ଏ ଗୁରୁ, ଆପେଙ୍ଗ୍ ପୁଚାପ୍‌ନା ଯେ, ଏନେଙ୍ଗ୍ ରକାଇ ଈଶ୍ୱରତାଙ୍ଗ୍ ୱାତି ଗୁରୁ। ଏନେଙ୍ଗ୍ ଇମ୍‌ଣିୱିଜୁ ଚାନିଆଆନି କାମାୟ୍ କିନାୟା। ଈଶ୍ୱର ସାଇଜ କିୱିତିସ୍‌ ଇୱିଜୁ କାମାୟ୍ ଇନେର୍ ପା କିଦେଙ୍ଗ୍ ଆଡୁର୍।”

ଜହନ୍‌ 7:31

ବେସିହେନି ମାନାୟ୍ ଯୀଶୁଙ୍ଗ୍ ପାର୍ତି କିଜି ମାନାୟାର୍ ୱେଚ୍‌ଚାର୍, “ଇୱାନ୍ ଏଚେକ୍ କାମାୟ୍ କିତାନ୍‌ନା, ଖ୍ରୀଷ୍ଟ ୱାତିସ୍ ଇୱାନ୍‌ତାଙ୍ଗ୍ ଆଦିକ୍ ଚାନିଆଆନି କାମାୟ୍ କିଦେଙ୍ଗ୍ ଆଡ୍‌ନାନ୍ କି?”

ଜହନ୍‌ 8:12

ପାଚେ ଯୀଶୁ ଆରେରଗ ହିକ୍ଷାହିଜି ୱେଚ୍‌ଚାନ୍, “ଆନେଙ୍ଗ୍ ପୁର୍ତିନି ଅଜଡ଼୍, ନା ପାଚେ ଇମ୍‌ଣାକାନ୍ ୱାନାନ୍, ହେୱାନ୍ ଇନାୱେଡ଼ାଙ୍ଗ୍ ପା ମାଜ୍‌ଗାତ ତାଙ୍ଗୁନ୍। ମାତର୍ ହେୱାନ୍ ଜିବୁନ୍‌ହିନି ଅଜଡ଼୍ ପାୟା ଆନାନ୍।”

ଜହନ୍‌ 8:24

ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚି ମାନ୍‌ଞ୍ଚାଙ୍ଗ୍, ଏପେଙ୍ଗ୍ ନାଙ୍ଗେଙ୍ଗ୍ ପାର୍ତି କିଦ୍‌ୱି କାଜିଙ୍ଗ୍ ଜାର୍ ପାପ୍ କାଜିଙ୍ଗ୍ ହାଃନାଦେର୍। ଆନେଙ୍ଗ୍ ହେ ମାନାୟ୍, ଇଦାଙ୍ଗ୍ ଯଦି ଏପେଙ୍ଗ୍ ପାର୍ତି କିୱିତିସ୍ ମି ଜାର୍-ଜାର୍ ପାପ୍‌ତାକେ ହାଃନାଦେର୍।”

ଜହନ୍‌ 8:56

ନା ୱାନାକା ହୁଡ଼୍‌ଦେଙ୍ଗ୍ ଆଡ୍‌ନାଙ୍ଗ୍ ଇଞ୍ଜି ଆହାକିଜି ମିଞ୍ଜ୍‌ବା ଅବ୍ରାହାମ୍‌ ବେସି ଆହାକିଜି ମାଚାନ୍। ହେୱାନ୍ ହେ ଦିନ୍ ହୁଡ଼୍‌ତାନ୍ ଆରେ ବେସି ୱାରିଆ ଆତାନ୍।”

ଜହନ୍‌ 8:58

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଅବ୍ରାହାମ୍‌ ଜନମ୍ ଆୱିତି ଆଗେ ଆନେଙ୍ଗ୍ ମାନାଙ୍ଗ୍।”

ପକ୍ୟାତାକା 10:38

ଈଶ୍ୱର ନାଜରିତ ସହର୍‌ତାଙ୍ଗ୍ ୱାତି ଯୀଶୁଙ୍ଗ୍ ପବିତ୍ର ଆତ୍ମା ଆରେ ଶାକ୍ତି ହିତାନ୍। ଈଶ୍ୱର ତା ହୁଦାଙ୍ଗ୍ ମାନି କାଜିଙ୍ଗ୍ ହେୱାନ୍ ୱିଜୁ ନିପଣ୍ ବୁଲାଆଜି ମାନାୟାରିଙ୍ଗ୍ ହାର୍ ଆଦେଙ୍ଗ୍ ସାଇଜ କିତାନ୍, ଆରେ ଶୟତାନ ଆଦିକାର୍‌ତାକେ ରଗ୍ ଆହିଆତାକାରିଙ୍ଗ୍ ହାର୍‍କିତାନ୍।

ପକ୍ୟାତାକା 2:22

ଏ ଇସ୍ରାଏଲ ଜାତିନି ମାନାୟାର୍, “ୱେନାଟ୍! ନାଜରିତିୟ ସହର୍‌ନି ଯୀଶୁ ଇନା-ଇନା ଶାକ୍ତିନି କାମାୟ୍, ଚାନିଆଆନି କାମାୟ୍ ଆରେ ଚିନାତାଙ୍ଗ୍ ମି ଲାଗାୟ୍ ଈଶ୍ୱର ପକିଆତି ମାନାୟ୍ ଇଞ୍ଜି ଚଚିୟା ଆନାନ୍। ହେଦାଙ୍ଗ୍ କାଜିଙ୍ଗ୍ ହେୱାନ୍‌ତାଙ୍ଗ୍ ଈଶ୍ୱର ମିବେ ଇୱିଜୁ କାମାୟ୍ କିତାନ୍‌ନା। ଇଦାଙ୍ଗ୍ ଏପେଙ୍ଗ୍ ନିଜେ ପୁଚାଦେର୍‌ନା।

ଏବ୍ରି 2:3

ଲାଗିଙ୍ଗ୍ ମାପୃ ଯୀଶୁ ନିଜେ ଶୁଣାୟ୍ କିଜି ୱେଚ୍‌ଚାନ୍, ହାର୍ ଉଦାର୍ କିନି କାତାତିଙ୍ଗ୍ ମାନିକିୱିତିସ୍, ଆସେଙ୍ଗ୍ ଇନେସ୍ ରକ୍ଷା ପାୟାଆନାସ୍ ଇଞ୍ଜି ବାବିକିନାସା? ମାପୃ ଯୀଶୁ ୱେଚ୍‌ନିହିଙ୍ଗ୍ ପାର୍ତୁମ୍ ୱେଚି ଚେଲାହିର୍, ଇଦାଙ୍ଗ୍ ସତ୍ ଇଞ୍ଜି ମାବେ ଚଚ୍‌ଚାନ୍‌ନା।