ଜହନ୍‌ 10:18 - New Testament in Pengo Parja Language

¹⁸ ଇନେର୍ ପା ନାବେତାଙ୍ଗ୍ ନା ଜିବୁନ୍ ଅଦେଙ୍ଗ୍ ଆଡୁର୍। ଆନେଙ୍ଗ୍ ନା ଇଚାରେ ଜିବୁନ୍ ହିନାଙ୍ଗ୍। ଆନେଙ୍ଗ୍ ନା ଜିବୁନ୍ ହିନାକା ଆଦିକାର୍ ମାନାତ୍। ଆରେ ନା ଜିବୁନ୍ ଆରେରଗ ପାୟାଆନି ଆଦିକାର୍ ପା ମାନାତ୍। ଆବା ଈଶ୍ୱର ନାଙ୍ଗେଙ୍ଗ୍ ଇ ଆଦେସ୍ ହିଜି ୱେଚ୍‌ଚାତାନ୍‌ନା।”

ସତ୍‌ ବଚନ୍‌ ପୁନି ନିୟମ୍‌

¹⁸ ଇନେର୍‌ ନା ତାକେଣ୍ଡାଂ ହେଦାଂ ଅଦେଂ ଆଡୁର୍‌, ମତର୍‌ ଆନ୍‌ ନିଜେ ହେଦାଂ ଦାନ୍‌ କିନାଙ୍ଗ୍‌ । ହେଦାଂ ଦାନ୍‌ କିଦେଙ୍ଗ୍‌ ନା ଆଦିକାର୍‌ ମାନାତ୍‌ ଆରି ହେଦାଂ ଆରେ ରଗ ମାନି କିଦେଙ୍ଗ୍‌ ନା ଆଦିକାର୍‌ ମାନାତ୍‌ । ଆନ୍‌ ମାଞ୍ଜି ଆବାତାଂ ଇ ବଲ୍‌ ପାୟା ଆତାଙ୍ଗ୍‌ନା ।”

ଜହନ୍‌ 10:18 ပူးပေါင်းရင်းမြစ်များ

ଜହନ୍‌ 10:11

“ଆନେଙ୍ଗ୍ ହାର୍ଦି ମେଣ୍ଢାଗଡ଼ିଆ। ହାର୍ଦି ମେଣ୍ଢାଗଡ଼ିଆ ମେଣ୍ଢାକାଜିଙ୍ଗ୍ ଆନେଙ୍ଗ୍ ନା ଜିବୁନ୍ ହିନାଙ୍ଗ୍।

ଜହନ୍‌ 10:15

ଆନେଙ୍ଗ୍ ହେଲେକେ ନା ମେଣ୍ଢାକାଙ୍ଗ୍ ପା ପୁନାଙ୍ଗ୍, ଆରେ ହେୱେକ୍ ପା ନାଙ୍ଗେଙ୍ଗ୍ ପୁଞ୍ଜ୍‌ନିକ୍। ଆନେଙ୍ଗ୍ ମେଣ୍ଢାକାଙ୍ଗ୍ ନା ଜିବୁନ୍ ହିଦେଙ୍ଗ୍ ପା ରାଜି ମାନାଙ୍ଗ୍।

ଜହନ୍‌ 10:17

ଲାଗିଙ୍ଗ୍ ନା ଆବା ଈଶ୍ୱର ନାଙ୍ଗେଙ୍ଗ୍ ଲାଡ୍ କିଦ୍‌ନାନା, ଆନେଙ୍ଗ୍ ମେଣ୍ଢାଙ୍ଗ୍ କାଜିଙ୍ଗ୍ ନା ଜିବୁନ୍ ହିନାଙ୍ଗା, ଇନେସ୍‌କି ନା ଜିବୁନ୍ ଆରେରଗ ପାୟାଆନାଙ୍ଗ୍।

ଜହନ୍‌ 14:31

ମାତର୍ ଇ ପୁର୍ତି ପୁନି ଦର୍‌କାର୍ ଯେ, ଆନେଙ୍ଗ୍ ଆବା ଈଶ୍ୱରତିଙ୍ଗ୍ ଲାଡ୍ କିନାଙ୍ଗ୍। ଲାଗିଙ୍ଗ୍ ଆବା ଈଶ୍ୱର ନାଙ୍ଗେଙ୍ଗ୍ ଇନେସ୍ ଲେକେ ୱେଚ୍‌ଚାତାନ୍‌ନା, ଆନେଙ୍ଗ୍ ଟିକ୍ ହେଲେକେ କିନାଙ୍ଗ୍। ଜାଡ ଆସେଙ୍ଗ୍ ଇ ବାହାତାଙ୍ଗ୍ ହାନାସ୍।”

ଜହନ୍‌ 15:10

ଆନେଙ୍ଗ୍ ନା ଆବା ଈଶ୍ୱର ଆଦେସ୍‌ତିଙ୍ଗ୍ ମାନିକିନାଙ୍ଗା ଆରେ ଆନେଙ୍ଗ୍ ତା ଲାଡ୍‌ତାକେ ତିର୍‌ଆଜି ମାନାଙ୍ଗା। ହେଲେକେ ଏପେଙ୍ଗ୍ ଯଦି ନା ଆଦେସ୍‌ତିଙ୍ଗ୍ ମାନିକିନାଦେର୍, ଲାଗିଙ୍ଗ୍ ଏପେଙ୍ଗ୍ ନା ଲାଡ୍‌ତାକେ ତିର୍‌ଆଜି ମାନାଦେର୍।

ଜହନ୍‌ 19:11

ଯୀଶୁ ୱେଚ୍‌ଚାନ୍, “ନା ଜପି ମି ଇମ୍‌ଣି ଆଦିକାର୍ ମାନାତ୍ ଇଞ୍ଜି ଏନେଙ୍ଗ୍ ୱେଚ୍‌ନାୟା, ହେ ଆଦିକାର୍ ଈଶ୍ୱର ନିଙ୍ଗେଙ୍ଗ୍ ହିତ୍‌ତାନ୍‌ନା। ଲାଗିଙ୍ଗ୍ ଇନେର୍ ନାଙ୍ଗେଙ୍ଗ୍ ନି କେଇଦ ହିତ୍‌ତାନ୍‌ନା, ତା ପାପ୍ ଆରେ ଗାଜା।”

ଜହନ୍‌ 5:26

ମାତର୍ ସରଗ୍‌ନି ଆବା ଆନାନା ଜିବୁନ୍‌ନି ଆଦିକାର୍ ମାନାତ୍। ହେୱାନ୍ ତା ମେହିଙ୍ଗ୍ ପା ଜିବୁନ୍‌ନି ଆଦିକାର୍ ହିତାନ୍‌ନା।

ଜହନ୍‌ 5:30

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, “ଆନେଙ୍ଗ୍ ନା ଜାର୍ ଇଚାତାଙ୍ଗ୍ ଇନାକା କିଦେଙ୍ଗ୍ ଆଡୁଙ୍ଗ୍। ନା ଆବା ଈଶ୍ୱର ଇନେସ୍ ନାଙ୍ଗେଙ୍ଗ୍ ୱେଚ୍‌ଚାନାନ୍ ହେଲେକେ ମାନାୟାରିଙ୍ଗ୍ ବିଚାର୍ କିନାଙ୍ଗ୍। ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ କିନି ବିଚାର୍ ଟିକ୍। ଇନେସ୍‌କି ନା ଜାର୍ ଇଚାତାଙ୍ଗ୍ ପୁରା କିଦେଙ୍ଗ୍ ଉପାୟ୍ କିଉଙ୍ଗା, ମାତର୍ ନାଙ୍ଗେଙ୍ଗ୍ ପକ୍ତିତି ଆବା ଈଶ୍ୱର ଇଚାତାଙ୍ଗ୍ ପୁରା କିଦେଙ୍ଗ୍ ଉପାୟ୍ କିନାଙ୍ଗା।

ଜହନ୍‌ 6:38

ଆନେଙ୍ଗ୍ ନା ଇଚାତାଙ୍ଗ୍ କାମାୟ୍ କିଦେଙ୍ଗ୍ ୱାୱାତାଙ୍ଗ୍‌ନା। ମାତର୍ ଆନେଙ୍ଗ୍ ଈଶ୍ୱର ଇଚାତାଙ୍ଗ୍ କାମାୟ୍ କିଦେଙ୍ଗ୍ ସରଗ୍‌ତାଙ୍ଗ୍ ୱାତାଙ୍ଗ୍‌ନା।

ପକ୍ୟାତାକା 2:24

ମାତର୍ ଈଶ୍ୱର ଯୀଶୁଙ୍ଗ୍ ହାଃନିତାଙ୍ଗ୍ ରକ୍ଷା କିଜି ହେୱାନିଙ୍ଗ୍ ଆରେରଗ ଜିବୁନ୍ କିତାନ୍‌ନା। ଇନେସ୍‌କି ହାଃନି ଶାକ୍ତି ହେୱାନିଙ୍ଗ୍ ଆସ୍ତେଙ୍ଗ୍ ଆଡ୍‌ୱାତାତ୍।

ପକ୍ୟାତାକା 2:32

ଇ ଯୀଶୁଙ୍ଗ୍ ନେ ଈଶ୍ୱର ହାଃତିତାଙ୍ଗ୍ ଆରେରଗ ଜିବୁନ୍ କିତାନ୍‌ନା, ହେ ବିଷୟରେ ଆସେଙ୍ଗ୍ ୱିଜାକାସ୍ ସାକି।

ପକ୍ୟାତାକା 3:15

ମାତର୍ ଜିବୁନ୍ ହିଦ୍‌ନି ମାନାୟ୍‌ତିଙ୍ଗ୍ ଏପେଙ୍ଗ୍ ଅସ୍ତାଦେର୍। ମାତର୍ ଈଶ୍ୱର ହାଃତାକାର୍‌ତାଙ୍ଗ୍ ଆରେରଗ ଜିବୁନ୍ କିତାନ୍‌ନା। ଆସେଙ୍ଗ୍ ହେବେନି ସାକି।

ତୀତସ 2:14

ଆସେଙ୍ଗ୍ ଇନେସ୍ ତା ମାନାୟ୍ ଆଜି ୱିଜୁ ହାର୍ଦି କାମାୟ୍ କିନି କାଜିଙ୍ଗ୍ ଆରେ ଅଦରମ୍‌ ଜିବୁନ୍‌ତାଙ୍ଗ୍ ମୁକ୍ତି କିଦ୍‌ଦେଙ୍ଗ୍ ଆରେ ୱିଜୁ କରାପ୍ ବ୍ୟବହାର୍‌ତାଙ୍ଗ୍ ହପ୍ତେଦେଙ୍ଗ୍ ଯୀଶୁ ଖ୍ରୀଷ୍ଟ ଜାର୍ ଜିବୁନ୍‌ତିଙ୍ଗ୍ ହିତାନ୍‌ନା।

ଏବ୍ରି 2:9

ମାତର୍ ଆସେଙ୍ଗ୍ ଯୀଶୁଙ୍ଗ୍ ହୁଡ଼୍‌ନାସା! ଈଶ୍ୱର ଦୟାତାଙ୍ଗ୍ ଯୀଶୁ ଇନେସ୍ ୱିଜୁ ମାନାୟାର୍ କାଜିଙ୍ଗ୍ ହାଃନାନ୍, ଇଦାଙ୍ଗ୍ କାଜିଙ୍ଗ୍ ହେୱାନ୍ ଅଲପ୍ ସମୟ୍ କାଜିଙ୍ଗ୍ ଦୁତ୍‌କୁତାଙ୍ଗ୍ ହିରୁ ଆଜି ମାଚାନ୍। ହେୱାନ୍ ଦୁକ୍‌କଷ୍ଟ ଆରେ ହାଃତି କାଜିଙ୍ଗ୍, ଈଶ୍ୱର ହେୱାନିଙ୍ଗ୍ ଗୌରବ ଆରେ ସନ୍‌ମାନ୍‌ନି ମୁକୁଟ୍ ହିତାନ୍‌ନା।