ଜହନ୍‌ 1:50 - New Testament in Pengo Parja Language

⁵⁰ ଯୀଶୁ ନିତନିୟେଲତିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ନିଙ୍ଗେଙ୍ଗ୍ ୱେଚ୍‌ଚାତାଙ୍ଗ୍ ଯେ ନିଙ୍ଗେଙ୍ଗ୍ ତଗାମାର୍‌ ତାରେନ୍ ହୁଡ଼୍‌ଜି ମାନ୍‌ଞ୍ଚାଙ୍ଗ୍। ହେଦାଙ୍ଗ୍ କାଜିଙ୍ଗ୍ ନାଙ୍ଗେଙ୍ଗ୍ ଏନେଙ୍ଗ୍ ପାର୍ତି କିଦ୍‌ନାୟା। ମାତର୍ ଏନେଙ୍ଗ୍ ହେଦାଙ୍ଗ୍‌ତିଙ୍ଗ୍ ପିସ୍ତି ଆରେ ଗାଜା ବିଷୟ ହୁଡ଼୍‌ନାୟ୍।”

ସତ୍‌ ବଚନ୍‌ ପୁନି ନିୟମ୍‌

⁵⁰ ଜିସୁ ତାଙ୍ଗେଙ୍ଗ୍‌ ଉତର୍‌ ହିତାନ୍‌, “ଆନ୍‌ ନିଙ୍ଗେଙ୍ଗ୍‌ ତଗା ମାର୍‌ ତାରେନ୍‌ ହୁଡ଼୍‌ଜି ମାନ୍‌ଞ୍ଜାଙ୍ଗ୍‌ ଇଞ୍ଜି ଇଚିଲେ କି ଏନ୍‌ ପାର୍ତି କିନାୟା ? ଏନ୍‌ ଇବେତାଂ ଆରେ ଗାଜା ଗାଜା ବିସ୍ରେ ହୁଡ଼୍‍ନାୟ୍ ।”

ଜହନ୍‌ 1:50 ပူးပေါင်းရင်းမြစ်များ

ମାତିଉ 13:12

ଇନେସ୍‌କି ଇମ୍‌ଣାକାର୍ ନା ହିକ୍ଷାତିଙ୍ଗ୍ ବୁଜା ଆଦେଙ୍ଗ୍ ଇଚାକିନାର୍, ଈଶ୍ୱର ହେୱାନିଙ୍ଗ୍ ଆଦିକ୍ ବୁଜା ଆଦେଙ୍ଗ୍ ହିନାନ୍। ମାତର୍ ଇମ୍‌ଣାକାର୍ ନା ହିକ୍ଷାତିଙ୍ଗ୍ ପୁଞ୍ଜେଙ୍ଗ୍ ମାନ୍‍କିଉର୍, ଈଶ୍ୱର ହେ ମାନାୟ୍‌ତି ପୁଚାକା ପା ଅନାନ୍।

ମାତିଉ 21:19

ହେପାଦ୍ନା ହାଜି ଲାଗେ ଆକିଙ୍ଗ୍ ମାନି ର ତଗାମାର୍‌ତିଙ୍ଗ୍ ହୁଡ଼୍‌ତାନ୍। ଆରେ ହେ ତଗାମାର୍ ଲାଗାୟ୍ ହାଚାନ୍। ହେ ମାର୍‌ତ ଆପ୍‌କା ଆକିଙ୍ଗ୍ ପିସ୍ତି ଇନାକାପା ଗାଟାଆୱାତାନ୍। ଲାଗିଙ୍ଗ୍ ହେ ତଗାମାର୍‌ତିଙ୍ଗ୍ ୱେଚ୍‌ଚାନ୍, “ଆରେ ଇନାୱେଡ଼ାଙ୍ଗ୍ ପା ପାଡ଼୍‌ଆହ୍‌ମେତ୍।” ହେବେତାଙ୍ଗ୍ ହେ ତଗାମାର୍‌ ୱାଚ୍‌ଜି ହାଚାତ୍।

ମାତିଉ 25:29

ଇନେସ୍‌କି ଇମ୍‌ଣାକାର୍ ନା ହିକ୍ଷାତିଙ୍ଗ୍ ବୁଜା ଆଦେଙ୍ଗ୍ ଇଚାକିନାର୍। ଈଶ୍ୱର ହେୱାନିଙ୍ଗ୍ ଆଦିକ୍ ବୁଜା ଆଦେଙ୍ଗ୍ ହିନାନ୍, ମାତର୍ ଇମ୍‌ଣାକାର୍ ନା ହିକ୍ଷାତିଙ୍ଗ୍ ପୁଞ୍ଜେଙ୍ଗ୍ ମାନ୍‍କିଉର୍। ମାତର୍ ଇମ୍‌ଣି ମାନାୟ୍ ତା ଲାଗାୟ୍ ମାନି ଦର୍‌କାର୍‌ଆନି ଜିନିଷ୍‌ତିଙ୍ଗ୍ ବାଉରା ଆଉନା। ତାବେ ଇନାକାପା ମାନାତ୍, ୱିଜୁ ଜେଲ୍‌ଜି ଅନାର୍।’

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:45

ଏନେଙ୍ଗ୍ ର ବାଗ୍ୟ ନିକାୟ୍‌!, ଇନେସ୍‌କି ମାପୃ ନିଙ୍ଗେଙ୍ଗ୍ ଇନା-ଇନାକା ୱେଚ୍‌ଚାତାନ୍‌ନା, ହେ ୱିଜୁ କାତା ଗଟାଆନାତ୍ ଇଞ୍ଜି ପାର୍ତି କିତାୟ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:9

ଯୀଶୁ ଇଦାଙ୍ଗ୍ ୱେନ୍‌ଞ୍ଜି ଚାନିଆ ଆତାନ୍। ହେୱାନ୍ ତାପାଚେ ୱାଜିମାଚି ମାନାୟାର୍ ନିପଣ୍ ବୁଲାଆଜି ୱେଚ୍‌ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା ଇଲେକେ ପାର୍ତି କିନାକାର୍ ଇସ୍ରାଏଲ ଜାତିତାକେ ଇନେର୍‌ତାକେ ପା ହୁଡ଼୍‌ୱାତାଙ୍ଗ୍।”

ଜହନ୍‌ 1:49

ତାପାଚେ ନିତନିୟେଲ ଯୀଶୁଙ୍ଗ୍ ୱେଚ୍‌ଚାନ୍, “ଏ ଗୁରୁ, ଏନେଙ୍ଗ୍ ଈଶ୍ୱର ମେହି। ଏନେଙ୍ଗ୍‍ନେ ଇସ୍ରାଏଲ ଜାତିନି ରାଜା।”

ଜହନ୍‌ 1:51

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଏପେଙ୍ଗ୍ ସରଗ୍ ଜେୟାଆନାକା ଆରେ ଈଶ୍ୱର ଦୁତ୍‌କୁକାଙ୍ଗ୍ ଆରେ ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଜପିତାଙ୍ଗ୍ ଦୁତ୍‌କୁକାଙ୍ଗ୍ ତାରେନ୍ ଜପି ଆନାକା ହୁଡ଼୍‌ନାଦେର୍।”

ଜହନ୍‌ 11:40

ଯୀଶୁ ହେଦେଲିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ନିଙ୍ଗେଙ୍ଗ୍ ଇନାକା ୱେଚ୍‌ଚି ମାନ୍‌ଞ୍ଚାଙ୍ଗ୍, ହେଦାଙ୍ଗ୍ ମାନ୍ତ ଏତୁ କିୟା। ଏନେଙ୍ଗ୍ ଯଦି ନାଙ୍ଗେଙ୍ଗ୍ ପାର୍ତି କିତିସ୍, ଈଶ୍ୱର ଗୌରବ କିନାକା ହୁଡ଼୍‌ଦେଙ୍ଗ୍ ଆଡ୍‌ନାଇ।”

ଜହନ୍‌ 20:29

ଯୀଶୁ ଥୋମାଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ନାଙ୍ଗେଙ୍ଗ୍ ହୁଡ଼୍‌ଦିତିଲେ ପାର୍ତି କିତ୍‌ତାୟ୍। ମାତର୍ ଇମ୍‌ଣି ମାନାୟାର୍ ନାଙ୍ଗେଙ୍ଗ୍ ହୁଡ଼୍‌ଦାୱାଦାଙ୍ଗ୍ ପାର୍ତି କିଦ୍‌ନାର୍, ହେୱାର୍ ଆଶ୍ରିବାଦ୍ ପାୟାଆନାର୍‌।”