ଜହନ୍‌ 1:33 - New Testament in Pengo Parja Language

³³ ଆନେଙ୍ଗ୍ ପା ତାଙ୍ଗେଙ୍ଗ୍ ପୁନ୍‌ୱାଦାଙ୍ଗ୍ ମାଚାଙ୍ଗ୍। ମାତର୍ ଈଶ୍ୱର ନାଙ୍ଗେଙ୍ଗ୍ ମାନାୟାରିଙ୍ଗ୍ ଏଜୁକାଙ୍ଗ୍ ଡୁବନ୍ ହିଦେଙ୍ଗ୍ ପକ୍‌ଚିମାଞ୍ଚାନ୍‌। ହେୱାନ୍ ନାଙ୍ଗେଙ୍ଗ୍ ୱେଚ୍‌ଚାତାନ୍, ‘ନା ଆତ୍ମା ରକାନ୍ ମାନାୟ୍ ଜପି ୱାଜି ମାନାକା ହୁଡ଼୍‌ନାୟ୍। ଆରେ ଇମ୍‌ଣି ମାନାୟ୍ ପବିତ୍ର ଆତ୍ମାତାଙ୍ଗ୍ ମାନାୟାରିଙ୍ଗ୍ ଡୁବନ୍ ହିନାନ୍, ହେୱାନ୍‌ନେ ରକ୍ଷାକିଦ୍ନାକାନ୍‌।’

ସତ୍‌ ବଚନ୍‌ ପୁନି ନିୟମ୍‌

³³ “ଆନ୍‌ ପା ତାଙ୍ଗେଙ୍ଗ୍‌ ଚିନ୍‌ କିୱାଦାଂ ମାଚାଙ୍ଗ୍‌, ମତର୍‌ ଜେ ନାଙ୍ଗେଙ୍ଗ୍‌ ଏଜ଼ୁଂତାଂ ବାପ୍ତିସିମ୍‌ ହିଦେଂ ପକ୍‌ତାନ୍‌, ହେୱାନ୍‌ ନାଙ୍ଗେଙ୍ଗ୍‌ ଇନ୍‌ଚାନ୍‌, ଇମ୍‌ଣାକାନ୍‌ ଜପି ଜିବୁନ୍‌ତିଂ ଜୁଦ୍‌ନାକା ହୁଡ଼୍‌ନାଦେର୍‌, ହେୱାନ୍‌ ହେ ମାନାୟ୍‌, ଜେ ପୁଇପୁୟା ଜିବୁନ୍ତାଂ ବାପ୍ତିସିମ୍‌ ହିନାନ୍‌ ।

ଜହନ୍‌ 1:33 ပူးပေါင်းရင်းမြစ်များ

ମାତିଉ 3:11

“ଏପେଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାତିଲେ ଆନେଙ୍ଗ୍ ମିଙ୍ଗେଙ୍ଗ୍ ଏଜୁକାଙ୍ଗ୍ ଡୁବନ୍ ହିଦ୍‌ନାଙ୍ଗା, ମାତର୍ ନା ପାଚେ ଇନେର୍ ୱାନାନା, ହେୱାନ୍ ନା ତାକେତାଙ୍ଗ୍ ବେସି ସାକ୍ତିକାଟାକାନ୍। ଆନେଙ୍ଗ୍ ଚାକର୍ ଲେକେ ଆଜି ତା କାଲ୍‌ନି ପାଣ୍ଡାୟ୍ ଆସ୍ତେଙ୍ଗ୍ ପା ସାମାନ୍ ଆକାୟ୍। ହେୱାନ୍ ମିଙ୍ଗେଙ୍ଗ୍ ପବିତ୍ର ଆତ୍ମା ଆରେ ନାଣିତାଙ୍ଗ୍ ଡୁବନ୍ ହିଦ୍‌ନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 3:16

ହେପାଦ୍ନା ଡୁବନ୍‌ହିନି ଯୋହନ ହେୱାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ତ ମିଙ୍ଗେଙ୍ଗ୍ ଏଜୁକାଙ୍ଗ୍ ଡୁବନ୍ ହିଦ୍‌ନାଙ୍ଗା, ନା ପାଚେ ଇନେର୍ ୱାନାନ୍, ହେୱାନ୍ ବେସି ସାକ୍ତିକାଟାକାନ୍ ହେୱାନିଙ୍ଗ୍ ଆନେଙ୍ଗ୍ ଚାକର୍ ଲେକେ ଆଜି ତା କାଲ୍‌ନି ପାଣ୍ଡାୟ୍ ଗାଟି ରିକ୍‌ତେଙ୍ଗ୍ ସାମାନ୍ ଆକାୟ୍। ଆନେଙ୍ଗ୍ ମିଙ୍ଗେଙ୍ଗ୍ ଏଜୁକାଙ୍ଗ୍ ଡୁବନ୍ ହିଦ୍‌ନାଙ୍ଗା, ମାତର୍ ହେୱାନ୍ ମିଙ୍ଗେଙ୍ଗ୍ ପବିତ୍ର ଆତ୍ମା ଆରେ ନାଣିତାଙ୍ଗ୍ ଡୁବନ୍ ହିଦ୍‌ନାନ୍।

ଜହନ୍‌ 1:31

ହେୱାନ୍ ଖ୍ରୀଷ୍ଟ ଇଞ୍ଜି ଆନେଙ୍ଗ୍ ନିଜେ ପା ହେୱାନିଙ୍ଗ୍ ପୁନ୍‌ୱାଦାଙ୍ଗ୍ ମାଚାଙ୍ଗ୍। ଇନେସ୍ କିଜି ଇସ୍ରାଏଲ ଜାତିନି ମାନାୟାର୍ ହେୱାନିଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାର୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ଏଜୁକାଙ୍ଗ୍ ଡୁବନ୍ ହିଦ୍‌ନାଙ୍ଗା।”

ଜହନ୍‌ 14:26

ମାତର୍ ମିଙ୍ଗେଙ୍ଗ୍ ସାଇଜ କିଦ୍‌ନାକାର୍, ପବିତ୍ର ଆତ୍ମାତିଙ୍ଗ୍ ଆବା ଈଶ୍ୱର ନା ତର୍‍ଦାଙ୍ଗ୍ ପକ୍ତାନାନ୍, ହେୱାନ୍ ମିଙ୍ଗେଙ୍ଗ୍ ୱିଜୁ ହିକ୍ଷା ହିଦ୍‌ନାନ୍। ଆରେ ଆନେଙ୍ଗ୍ ଇମ୍‌ଣି-ଇମ୍‌ଣି କାତା ୱେଚ୍‌ଚାତାଙ୍ଗ୍‌ନା, ହେୱାନ୍ ହେ ୱିଜୁ କାତା ମିଙ୍ଗେଙ୍ଗ୍ ମାନ୍ତ ଏତୁ କି କିଦ୍‌ନାନ୍।

ଜହନ୍‌ 3:34

ଇନେସ୍‌କି ଈଶ୍ୱର ଇନେରିଙ୍ଗ୍ ପକ୍ତାନ୍‌ନା। ଈଶ୍ୱର ଇନାକା ୱେଚ୍‌ଚି ମାନାନ୍, ହେୱାନ୍ ହେଦାଙ୍ଗ୍ ୱେଚ୍‌ନାନ୍। ଈଶ୍ୱରଆତ୍ମା ପୁରାପୁରି ହିନାନ୍।

ଜହନ୍‌ 3:5

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ନିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା। ରକାନ୍ ଏଜୁଙ୍ଗ୍ ଆରେ ଆତ୍ମାତାଙ୍ଗ୍ ଜନମ୍ ଆୱିତିସ୍‌, ହେୱାନ୍ ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ଆଡୁନ୍।

ଜହନ୍‌ 7:39

ଇମ୍‌ଣାକାର୍ ଯୀଶୁତାକେ ପାର୍ତି କିଜି ମାଚାର୍, ଆରେ ହେୱାର୍ ଈଶ୍ୱରଆତ୍ମା ପାୟାଆନାକା ମାଚାତ୍। ହେୱାରିଙ୍ଗ୍ ଚଚ୍‌ଚି ଯୀଶୁ ଇ କାତା ୱେଚ୍‌ଚାନ୍। ଇନେସ୍‌କି ଈଶ୍ୱର ଯୀଶୁଙ୍ଗ୍ ଅଜଡ଼୍ କିୱାଦାଙ୍ଗ୍ ମାଚିଲେ, ହେୱାର୍ ଈଶ୍ୱରଆତ୍ମା ପାୟାଆୱାଦାଙ୍ଗ୍ ମାଚାର୍।

ପକ୍ୟାତାକା 1:5

ଡୁବନ୍‌ହିନି ଯୋହନ ମାନାୟାରିଙ୍ଗ୍ ଏଜୁକାଙ୍ଗ୍ ଡୁବନ୍‌ହିଜି ମାଚାନ୍। ମାତର୍ ଅଲପ୍‌ଦିନ୍ ପାଚେ ଏପେଙ୍ଗ୍ ପବିତ୍ର ଆତ୍ମାତାଙ୍ଗ୍ ଡୁବନ୍ ଆନାଦେର୍।”

ପକ୍ୟାତାକା 2:4

ୱିଜାକାର୍ ପବିତ୍ର ଆତ୍ମାତାଙ୍ଗ୍ ପୁରାଆତାର୍, ଆରେ ଈଶ୍ୱରଆତ୍ମା ଇନେସ୍ ହେୱାରିଙ୍ଗ୍ ୱେଚ୍‌ଚେଙ୍ଗ୍ ସାଇଜ କିତାତ୍, ହେୱାର୍ ବିନ୍-ବିନ୍ ବାଷାତାକେ ୱେଚ୍‌ଚେଙ୍ଗ୍ ଲାଗାତାର୍।

୧ କରନ୍ତିୟ 12:13

ଲାଗିଙ୍ଗ୍ ଆସେଙ୍ଗ୍ ଯିହୁଦି ଆଜି ମାଚିସ୍ କି, ବିନ୍‌ଜାତି ଆଜି ମାଚିସ୍ କି, ଚାକର୍ ଆଜି ମାଚିସ୍ କି, ଆରେ ଚାକର୍ ଆୱାଦାଙ୍ଗ୍ ମାଚିସ୍ ପା ଆସେଙ୍ଗ୍ ୱିଜାକାସ୍ ର ଆତ୍ମା କାଜିଙ୍ଗ୍ ଡୁବନ୍ ଅଜି ଈଶ୍ୱର ଗାଗାଡ଼୍‌ତାକେ ଏକ୍ ଆତାପ୍‌ନା, ଆରେ ଆପେଙ୍ଗ୍ ହେ ଆତ୍ମାତିଙ୍ଗ୍ ନେ ପାୟାଆତାପ୍‌ନା।