ଜହନ୍‌ 1:27 - New Testament in Pengo Parja Language

²⁷ ହେୱାନ୍ ନା ପାଚେ ୱାନାନା। ଆନେଙ୍ଗ୍ ଚାକର୍ ଲେକେ ଆଜି ତା କାଲ୍‌ନି ପାଣ୍ଡାୟ୍ ଗାଟି ରିକ୍‌ତେଙ୍ଗ୍ ପା ସାମାନ୍ ଆକାୟ୍।”

ସତ୍‌ ବଚନ୍‌ ପୁନି ନିୟମ୍‌

²⁷ ହେୱାନ୍‌ ନା ପାଚେ ୱାନାନା, ତାଙ୍ଗ୍‌ ପାନାନି ପାଣ୍ଡାଇଙ୍ଗ୍‌ ଡରି ରିକ୍‌ତେଂ ଆନ୍‌ ସମାନ୍‌ ଆକାୟ୍‌ ।”

ଜହନ୍‌ 1:27 ပူးပေါင်းရင်းမြစ်များ

ମାତିଉ 3:11

“ଏପେଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାତିଲେ ଆନେଙ୍ଗ୍ ମିଙ୍ଗେଙ୍ଗ୍ ଏଜୁକାଙ୍ଗ୍ ଡୁବନ୍ ହିଦ୍‌ନାଙ୍ଗା, ମାତର୍ ନା ପାଚେ ଇନେର୍ ୱାନାନା, ହେୱାନ୍ ନା ତାକେତାଙ୍ଗ୍ ବେସି ସାକ୍ତିକାଟାକାନ୍। ଆନେଙ୍ଗ୍ ଚାକର୍ ଲେକେ ଆଜି ତା କାଲ୍‌ନି ପାଣ୍ଡାୟ୍ ଆସ୍ତେଙ୍ଗ୍ ପା ସାମାନ୍ ଆକାୟ୍। ହେୱାନ୍ ମିଙ୍ଗେଙ୍ଗ୍ ପବିତ୍ର ଆତ୍ମା ଆରେ ନାଣିତାଙ୍ଗ୍ ଡୁବନ୍ ହିଦ୍‌ନାନ୍।

ମାର୍କ 1:7

ଯୋହନ ଡାକ୍‍ରାହିଜି ୱେଚ୍‌ଚେଙ୍ଗ୍ ଲାଗାତାନ୍। ନା ତାକେତାଙ୍ଗ୍ ଇନେର୍ ବେସି ସାକ୍ତିକାଟାକାନ୍ ହେୱାନ୍ ନା ପାଚେ ୱାନାନା, ଆନେଙ୍ଗ୍ ଚାକର୍ ଲେକେ ଆଜି ତା କାଲ୍‌ନି ପାଣ୍ଡାୟ୍ ଗାଟି ରିକ୍‌ତେଙ୍ଗ୍ ସାମାନ୍ ଆକାୟ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 3:16

ହେପାଦ୍ନା ଡୁବନ୍‌ହିନି ଯୋହନ ହେୱାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ତ ମିଙ୍ଗେଙ୍ଗ୍ ଏଜୁକାଙ୍ଗ୍ ଡୁବନ୍ ହିଦ୍‌ନାଙ୍ଗା, ନା ପାଚେ ଇନେର୍ ୱାନାନ୍, ହେୱାନ୍ ବେସି ସାକ୍ତିକାଟାକାନ୍ ହେୱାନିଙ୍ଗ୍ ଆନେଙ୍ଗ୍ ଚାକର୍ ଲେକେ ଆଜି ତା କାଲ୍‌ନି ପାଣ୍ଡାୟ୍ ଗାଟି ରିକ୍‌ତେଙ୍ଗ୍ ସାମାନ୍ ଆକାୟ୍। ଆନେଙ୍ଗ୍ ମିଙ୍ଗେଙ୍ଗ୍ ଏଜୁକାଙ୍ଗ୍ ଡୁବନ୍ ହିଦ୍‌ନାଙ୍ଗା, ମାତର୍ ହେୱାନ୍ ମିଙ୍ଗେଙ୍ଗ୍ ପବିତ୍ର ଆତ୍ମା ଆରେ ନାଣିତାଙ୍ଗ୍ ଡୁବନ୍ ହିଦ୍‌ନାନ୍।

ଜହନ୍‌ 1:15

ଯୋହନ ମାନାୟାରିଙ୍ଗ୍ ତା ବିଷୟରେ ୱେଚ୍‌ଚାନ୍, “ଆନେଙ୍ଗ୍ ଇନେର୍ ବିଷୟରେ ୱେଚ୍‌ଚି ମାନ୍‌ଞ୍ଚାଙ୍ଗ୍, ହେ ମାନାୟ୍ ଇୱାନ୍। ହେୱାନ୍ ନା ପାଚେ ୱାନାନ୍। ମାତର୍ ହେୱାନ୍ ନାବେତାଙ୍ଗ୍ ବେସି ଗାଜାକାନ୍‌, ଇନେସ୍‌କି ହେୱାନ୍ ନା ଆଗେ ମାଚାନ୍।”

ଜହନ୍‌ 1:30

ଆନେଙ୍ଗ୍ ଇନେର୍ ବିଷୟରେ ନା ପାଚେ ୱାନାନ୍ ଇଞ୍ଜି ୱେଚ୍‌ଚି ମାନ୍‌ଞ୍ଚାଙ୍ଗ୍, ହେ ମାନାୟ୍ ଇୱାନ୍। ହେୱାନ୍ ମାତର୍ ନାବେତାଙ୍ଗ୍ ବେସି ଗାଜାକାନ୍‌, ଇନେସ୍‌କି ହେୱାନ୍ ନା ଆଗେ ମାଚାନ୍।

ଜହନ୍‌ 10:41

ହେୱାନ୍ ଲାଗାୟ୍ ବେସିହେନି ମାନାୟ୍ ୱାତାର୍। ମାନାୟାର୍ ୱେଚ୍‌ଚାର୍, “ଯୋହନ ଚାନିଆଆନି କାମାୟ୍ କିୱାଦାଙ୍ଗ୍ ମାଚାନ୍, ମାତର୍ ଇ ମାନାୟ୍ ବିଷୟରେ ଇନାକା ୱେଚ୍‌ଚି ମାନ୍‌ଞ୍ଚାନ୍, ହେଦାଙ୍ଗ୍‌ୱିଜୁ ସତ୍।”

ପକ୍ୟାତାକା 13:25

ଆରେ ଯୋହନ କାମାୟ୍ ୱିସ୍ତି ୱେଚ୍‌ଚାନ୍, ‘ଏପେଙ୍ଗ୍ ନାଙ୍ଗେଙ୍ଗ୍ ଇନେର୍ ଇଞ୍ଜି ବାବି କିଦ୍‍ନାଦେରା? ଆନେଙ୍ଗ୍ ହେ ରକ୍ଷାକିଦ୍ନାକାଙ୍ଗ୍ ଆକାୟ୍। ମାତର୍ ନା ପାଚେ ରକାନ୍ ୱାନାନା, ନାବେତାଙ୍ଗ୍ ହେୱାନ୍ ବେସି ଗାଜାକାନ୍‌, ଲାଗିଙ୍ଗ୍ ଆନେଙ୍ଗ୍ ତା ଦାସ୍ ଆଜି ତା କାଲ୍ ପାନାନି ପାଣ୍ଡାୟ୍ ରିକ୍‌ତେଙ୍ଗ୍ ଆଦିକାର୍ ଆକାୟ୍।’

ପକ୍ୟାତାକା 19:4

ହେବେତାଙ୍ଗ୍ ପାଉଲ ୱେଚ୍‌ଚାନ୍, “ମାନାୟ୍ ପାପ୍ କାମାୟ୍ ପିସ୍ତି ମାପୃତାକେ ୱାତାକାରିଙ୍ଗ୍ ଯୋହନ ଡୁବନ୍‌ହିଜି ମାଚାନ୍। ଆରେ ହେ ମାନାୟାରିଙ୍ଗ୍ ୱେଚ୍‌ଚି ମାଚାନ୍, ନା ପାଚେ ଇନେର୍ ୱାନାନା ହେୱାନିଙ୍ଗ୍ ଏପେଙ୍ଗ୍ ପାର୍ତିକିୟାଟ୍। ହେୱାନ୍‌ନେ ଯୀଶୁ ରକ୍ଷାକିଦ୍ନାକାନ୍‌।”