ଜାକ୍‌ବ 4:9 - New Testament in Pengo Parja Language

⁹ ଏପେଙ୍ଗ୍ କିଜିମାଚି ପାପ୍ କାମାୟ୍ କାଜିଙ୍ଗ୍ ଦୁକ୍‌ଆଜି ଆଡ଼୍‌ବାଟ୍। ଲାଗିଙ୍ଗ୍ ଏପେଙ୍ଗ୍ ଗାୟ୍‌ନି ବାଦୁଲ୍ ଆଡ଼୍‌ବାଟ୍, ଆରେ ସୁକ୍ ଆନି ବାଦୁଲ୍ ଦୁଃକ୍ ଆଡ।

ସତ୍‌ ବଚନ୍‌ ପୁନି ନିୟମ୍‌

⁹ ବିତ୍ରେଦୁକ୍‌ ଆରି ଏତ୍‌କିଜ଼ିକଜ଼ି ଆଡ଼୍‌ବାନାର୍‌, ମି ଅପ୍‌ମାନ୍‌ ବାର୍ତି ଆୟେତ୍‌; ମି ୱାରି ୱାରିହିଲ୍‌ୱିତ ବାର୍ତି ଆୟେତ୍‌ ।

ଜାକ୍‌ବ 4:9 ပူးပေါင်းရင်းမြစ်များ

ମାତିଉ 21:41

ଈଶ୍ୱର ହେବାକିନି ମୁଡ଼୍‌ଦି ପୁଜାରି ଆରେ ନାୟକ୍ ନେତାର୍ ହେୱାନିଙ୍ଗ୍ ୱେଚ୍‌ଚାର୍, “ହେ ବାଡ଼୍‍ଦି ମାଲିକ୍‌ତିଙ୍ଗ୍ ଆଦି ଆସ୍ତାକାନିଙ୍ଗ୍ ଅପ୍ରାବଲ୍ ଆର୍ଲା କିଜି ଟ୍ରାକ୍‌ନାନ୍‌। ଆରେ ତାପାଚେ ହେ ଅଙ୍ଗୁର୍ ବାଡ଼୍‍ଦିଙ୍ଗ୍ ଜେକନିକାରିଙ୍ଗ୍ ବାଡ଼୍ ଆଦି ହିନାନ୍। ଇମ୍‌ଣାକାର୍ ଅଙ୍ଗୁର୍ ଆତିସ୍ ତା ବାଗ୍ ହେୱାନିଙ୍ଗ୍ ହିନାନ୍।”

ମାତିଉ 5:4

ଇମ୍‌ଣାକାର୍ ନଙ୍ଗୟ୍ ଦୁକ୍ ପାୟାଆନାର୍‌ ହେୱାର୍ ପାଚେ ୱାରିୟା ଆନାର୍, ଇନେସ୍‌କି ଈଶ୍ୱର ହେୱାରିଙ୍ଗ୍ ଶାନ୍ତି ହିନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:25

ମାତର୍ ଅବ୍ରାହାମ୍‌ ୱେଚ୍‌ଚାନ୍, ‘ଏ ହିମ୍‌ଣା, ଏନେଙ୍ଗ୍ ଏଚେପାଦ୍ନା ଜିଜି ମାଚାଇ ହେପାଦ୍ନାନି କାତା ଅଲପ୍ ମାନ୍ତ ଏତ୍‌କିୟା। ନି ଜିବୁନ୍‌ତ ୱିଜୁ ବିଷୟ ପାୟାଆତାଇନା। ମାତର୍ ଲାଜର୍‌ କାଜିଙ୍ଗ୍ ୱିଜୁ କରାପ୍ ଜିନିଷ୍ ଗଟାଆତାତ୍‌ନା। ନଙ୍ଗୟ୍ ହେୱାନ୍ ଆରାମ୍‌ସେ ମାନାନା ଆରେ ଏନେଙ୍ଗ୍ କଷ୍ଟ ପାୟାଆନାୟା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:21

ନଙ୍ଗୟ୍ ନାସ୍‌କି ନିକାର୍ ହେୱାର୍ ଆଶ୍ରିବାଦ୍ ପାୟାଆନାର୍‌। ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ହାର୍ଦି କାଦିହିଜି ପଟ ପାଞ୍ଜିକିଦ୍‌ନାନ୍‌। ଆରେ ନଙ୍ଗୟ୍ ଆଡ଼୍‌ବାନାର୍ ହେୱାର୍ ଆଶ୍ରିବାଦ୍ ପାୟାଆନାର୍‌। ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ୱାରି ହିଦ୍‌ନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:25

ଇମ୍‌ଣାକାଦେର୍ ନଙ୍ଗୟ୍ ପଟ ପାଞ୍ଜୁ-ପାଞ୍ଜୁ ତିନାଦେରା ୱେନାଟ୍! ଦିନ୍ ୱାନାତା ଏପେଙ୍ଗ୍ ବେସିଦୁକ୍ ଆରେ ନାସ୍‌କି ମାନାଦେର୍। ନଙ୍ଗୟ୍ ଗାଇନାକାଦେର୍ ୱେନାଟ୍! ଦିନ୍ ୱାନାତା ଏପେଙ୍ଗ୍ ବେସି ଦୁଃକ୍ ପାୟାଆନାଦେର୍ ଆରେ ଆଡ଼୍‌ବାନାଦେର୍।