ଜାକ୍‌ବ 4:5 - New Testament in Pengo Parja Language

⁵ ଦରମ୍ ସାସ୍ତର୍‌ତାକେ ଲେକେଆତି ଇ ବିଷୟତିଙ୍ଗ୍ ଏପେଙ୍ଗ୍ ବୁଲ୍ ଇଞ୍ଜି ବାବିକିନାଦେରା କି?, ସାସ୍ତର୍‌ତାକେ ଲେକାଆତାତ୍‌ନା, “ଈଶ୍ୱର ପବିତ୍ର ଆତ୍ମାତିଙ୍ଗ୍ ମା ବିତ୍ରେ ବାହା କିଦେଙ୍ଗ୍ ହିତ୍‌ତାନ୍‌ନା। ଆରେ ହେୱାନ୍ ମାଙ୍ଗେଙ୍ଗ୍ ପୁରା ଆଦିକାର୍ କିଦେଙ୍ଗ୍ ର ମାନ୍ କିତାନ୍‌ନା।”

ସତ୍‌ ବଚନ୍‌ ପୁନି ନିୟମ୍‌

⁵ ଏପେଙ୍ଗ୍‌ ଇନାକା ଦରମ୍‌ ସାସ୍ତର୍‌ ଇ ବଚନ୍‍ତିଙ୍ଗ୍ ପଲ୍ୟା ଇଞ୍ଜି ମାନେ କିନାଦେରା, “ଇମ୍‌ଣି ଜିବୁନ୍‌ତିଂ ଇସ୍ୱର୍‌ ମା ବିତ୍ରେ ବାହା କିଦେଙ୍ଗ୍‌ ହିତ୍‍ତାନ୍ନା, ହେୱେନ୍ ମାଙ୍ଗେଙ୍ଗ୍ ପୁରା ଆଦିକାର୍‌ କିନି କାଜିଙ୍ଗ୍‌ ରବେ ଇଚା କିନାନ୍‌,”

ଜାକ୍‌ବ 4:5 ပူးပေါင်းရင်းမြစ်များ

ଜହନ୍‌ 10:35

ଇ ଦରମ୍ ସାସ୍ତର୍ ୱେଚ୍‌ନାତ୍ ଯେ, ଇମ୍‌ଣାକାର୍ ଈଶ୍ୱର ବେଣ୍ ଆହ୍‌ନାର୍, ହେୱାର୍ ଈଶ୍ୱର ନିକାର୍। ଆରେ ଦରମ୍ ସାସ୍ତର୍ କାତା ସବୁୱେଡ଼ାଙ୍ଗ୍ ସତ୍।

ଜହନ୍‌ 19:37

ଆରେରଗ ଦରମ୍ ସାସ୍ତର୍‌ତାକେ ଲେକା ମାନାତ୍, “ହେୱାର୍ ଇନେରିଙ୍ଗ୍ ବାଲା ହୁଦାଙ୍ଗ୍ କୁନ୍‌ତିସ୍, ହେୱାନିଙ୍ଗ୍ ମାନାୟାର୍ ହୁଡ଼୍‌ନାର୍।”

ଜହନ୍‌ 7:42

ଦରମ୍ ସାସ୍ତର୍‌ତାକେ ଲେକା ମାନାତ୍ ଯେ, ଖ୍ରୀଷ୍ଟ ଦାଉଦ ରାଜା ପରିବାର୍‌ତାଙ୍ଗ୍ ୱାନାନ୍। ଆରେ ଦରମ୍ ସାସ୍ତର୍‌ତାକେ ଲେକା ମାନାତ୍ ଖ୍ରୀଷ୍ଟ ଦାଉଦ ରାଜାମାନି ବାହାନି ବେତଲିହିମ୍ ନାଟାଙ୍ଗ୍ ୱାନାନ୍।”

ପକ୍ୟାତାକା 7:9

ଇ ଆକଦାଦିର୍ ତା ହିରୁ ଟଣ୍ଡାହି ଯୋଷେପତିଙ୍ଗ୍ ଆକାର୍ ଆତାର୍। ଆରେ ହେୱାନିଙ୍ଗ୍ ର ହଲିଆ କିଜି ମିସର୍ ଦେସ୍‌ତ ପତାର୍‌। ମାତର୍ ଈଶ୍ୱର ଯୋଷେପତିଙ୍ଗ୍ ସାଇଜ କିଜି ମାଚାନ୍।

ରୋମିୟ 1:29

ହେୱାର୍ ୱିଜୁ ପର୍‌କାର୍ ପାପ୍, ଅଦରମ୍‌ କାମାୟ୍, ଲବ୍ରା ଆନାକା, ଆକାର୍ ଆନାକା, ରିସା ଆନାକା, ମାନାୟ୍ ଅହ୍‌ନାକା, ଗଣ୍ଡ୍‍ଗଲ୍ କିନାକା, ମିଚ୍ ୱେଚ୍‌ନାକା, ଟକାୟ୍ କିନାକା ଆରେ ଜାର୍-ଜାର୍‌ବିତ୍ରେ ବେସି କରାପ୍ ଚିନ୍ତା କିଜି ଯିବୁନ୍ କାଟିକିନାରା।

ରୋମିୟ 9:17

ଇନେସ୍‌କି ଈଶ୍ୱର ମିସର୍ ଦେସ୍‌ନି ଫାର ରାଜାଙ୍ଗ୍ ୱେଚ୍‌ଚି କାତା ସାସ୍ତର୍‌ତାକେ ଇଲେକେ ଲେକାଆତାତ୍‌ନା, “ଆନେଙ୍ଗ୍ ନି ଆଗେ ନା ଶାକ୍ତି ଚଚ୍‌ନି କାଜିଙ୍ଗ୍ ନେ ନିଙ୍ଗେଙ୍ଗ୍ ରାଜା କିତ୍‌ତାଙ୍ଗ୍‌ନା, ଲାଗିଙ୍ଗ୍ ନା ଶାକ୍ତି ବିଷୟରେ ପୁର୍ତିନି ୱିଜାର୍ ମାନାୟ୍ ପୁନାର୍।”

୧ କରନ୍ତିୟ 6:19

ଏପେଙ୍ଗ୍ ହାର୍ କିଜି ପୁଚାଦେର୍‌ନା ଯେ, ମି ଗାଗାଡ଼୍ ପବିତ୍ର ଆତ୍ମାନି ମନ୍ଦିର୍‌ ଆରେ ହେୱାନ୍ ମି ବିତ୍ରେ ମାନାନା। ଇନେରିଙ୍ଗ୍ ଈଶ୍ୱର ମି ବିତ୍ରେ ମାଞ୍ଜେଙ୍ଗ୍ ହିତ୍‌ତାନ୍‌ନା। ଇନେସ୍‌କି ଏପେଙ୍ଗ୍ ଈଶ୍ୱରନି ଲକ୍ ଆତାଦେର୍‌ନା,

୨ କରନ୍ତିୟ 6:16

ହେଲେକେ ଈଶ୍ୱର ମନ୍ଦିର୍‌ତାକେ ମୁର୍ତିତିଙ୍ଗ୍ ଇଟ୍‌ୟା ଆଉତ୍, ଇନେସ୍‌କି ହେଦାଙ୍ଗ୍ ଟିକ୍ ଆକାୟ୍। ଈଶ୍ୱର ୱେଚ୍‌ଚାନ୍ ଆସେଙ୍ଗ୍ ଜିବୁନ୍ ମାନି ଈଶ୍ୱର ମନ୍ଦିର୍‌, “ଆନେଙ୍ଗ୍ ଇ ମାନାୟାର୍ ହୁଦାଙ୍ଗ୍ ମାହାଆଜି ମାନାଙ୍ଗ୍। ଆନେଙ୍ଗ୍ ହେୱାର୍ ଈଶ୍ୱର ଆନାଙ୍ଗ୍ ଆରେ ହେୱାର୍ ନାଲକ୍ ଆଦ୍‌ନାର୍।

ଗାଲାତିୟ 3:8

ଈଶ୍ୱରତିଙ୍ଗ୍ ପାର୍ତିକିନି କାଜିଙ୍ଗ୍ ବିନ୍‌ଜାତିନି ମାନାୟାରିଙ୍ଗ୍ ଦରମ୍ ମାନାୟ୍ ଇଞ୍ଜି ଗାଣା କିନାନ୍, ଇଦାଙ୍ଗ୍ ନିୟମ୍ ସାସ୍ତର୍‌ତାକେ ଆଗେ ଲେକାଆଜି ମାଚାତ୍। ଈଶ୍ୱର ଅବ୍ରାହାମତିଙ୍ଗ୍ ଇ ହାର୍ଦିକାବୁର୍ ଆଗେ ଶୁଣାୟ୍ କିଜି ୱେଚ୍‌ଚି ମାଚାନ୍, “ୱିଜୁ ଜାତିନି ମାନାୟାର୍ ନି କାଜିଙ୍ଗ୍ ଆଶ୍ରିବାଦ୍ ପାୟାଆନାର୍‌।”

ତୀତସ 3:3

ଇନେସ୍‌କି ଯୀଶୁଙ୍ଗ୍ ପାର୍ତିକିୱି ଆଗେ ଆପେଙ୍ଗ୍ ପା ମୁର୍କ ଆଜି ଈଶ୍ୱରତିଙ୍ଗ୍ ମାନିକିୱାଦାଙ୍ଗ୍ ମାଚାପ୍, ମାନାୟାର୍ ମାଙ୍ଗେଙ୍ଗ୍ ଟକାଇ କିଜି ମାନ୍‌ଞ୍ଚାର୍। ଆରେ ଆପେଙ୍ଗ୍ ବାରବିନି କରାପ୍ ଇଚା ଆରେ ୱାରିନି ଜିବୁନ୍ କାଟିକିନି ଦାସ୍ ଆଜି ମାଚାପ୍। ଆପେଙ୍ଗ୍ ପୁରା କରାପ୍ ଆରେ ଜେକନିକାରିଙ୍ଗ୍ ଆକାର୍ ଆଜି ଜିବୁନ୍ କାଟିକିଜି ମାଚାପ୍। ମାନାୟାର୍ ମାଙ୍ଗେଙ୍ଗ୍ ଗିଣ୍‌କିଜି ମାନ୍‌ଞ୍ଚାର୍ ଆରେ ଆପେଙ୍ଗ୍ ପା ଜେକନିକାରିଙ୍ଗ୍ ଗିଣ୍‌କିଜି ମାଚାପ୍।