ଜାକ୍‌ବ 4:12 - New Testament in Pengo Parja Language

¹² ଈଶ୍ୱର ନେ ରକାନ୍ ନିୟମ୍ ହିଦ୍ନାକାନ୍ ଆରେ ବିଚାର୍ କିନାକାନ୍। ହେୱାନ୍ ନେ ରକ୍ଷା କିଦେଙ୍ଗ୍ ଆରେ ବୁଡାଇ କିଦେଙ୍ଗ୍ ଆଡ୍‌ନାନ୍। ଲାଗିଙ୍ଗ୍ ଏନେଙ୍ଗ୍ ଇନେର୍ ଯେ ନି ଟଣ୍ଡେନିଙ୍ଗ୍ ବିଚାର୍ କିନାୟା?

ସତ୍‌ ବଚନ୍‌ ପୁନି ନିୟମ୍‌

¹² ବିଦିନିକାନ୍ ଆରି ବିଚାର୍‌ କିନାକାନ୍‌ ରକାନ୍‌ ମତର୍‌ ଇସ୍ୱର୍‌, ହେୱେନ୍ ରାକ୍ୟା ଆରି ନସ୍ଟକିଦେଂ ଆଡ୍‌ନାନ୍‌; ମାତର୍‌ ଜାର୍‍ ଲକୁରିଂ ବିଚାର୍‌ କିନାଦେରା ଜେ ଏପେଙ୍ଗ୍‌, ଏପେଙ୍ଗ୍‌ ଇନେର୍‌ ?

ଜାକ୍‌ବ 4:12 ပူးပေါင်းရင်းမြစ်များ

ମାତିଉ 10:28

ଇମ୍‌ଣାକାର୍ ଗାଗାଡ଼୍‌ତିଙ୍ଗ୍ ନଷ୍ଟ କିନାର୍ ହେୱାରିଙ୍ଗ୍ ଏପେଙ୍ଗ୍ ପାଣ୍ଡ୍ରା ଆମାଟ୍। ଇନେସ୍‌କି ମି ଜିବୁନ୍‌ତିଙ୍ଗ୍ ନଷ୍ଟ କିଦେଙ୍ଗ୍ ଆଡୁର୍। ମାତର୍ ଗାଗାଡ଼୍‌ତିଙ୍ଗ୍ ଆରେ ଆତ୍ମାତିଙ୍ଗ୍ ଇ ରିଣ୍ଡେକାଙ୍ଗ୍ ପା ନରକ୍‌ନି ନାଣିତାକେ ନଷ୍ଟ କିଦେଙ୍ଗ୍ ଆଡ୍‌ନାନ୍ ହେ ଈଶ୍ୱରତିଙ୍ଗ୍ ପାଣ୍ଡ୍ରାଆଡ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:5

ଏପେଙ୍ଗ୍ ଇନେରିଙ୍ଗ୍ ପାଣ୍ଡ୍ରା ଆନାଦେର୍, ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା। ମିଙ୍ଗେଙ୍ଗ୍ ମାର୍ନେ ଅସ୍ତିପାଚେ ନରକ୍‌ତାକେ ତୁହିହିଦ୍‌ନି ସାକ୍ତି ଇନେର୍‌ତାକେ ମାନାତ୍, ଏପେଙ୍ଗ୍ ହେ ଈଶ୍ୱରତିଙ୍ଗ୍ ପାଣ୍ଡ୍ରାଆଡ।

ରୋମିୟ 14:13

ଲାଗିଙ୍ଗ୍ ଜାର୍-ଜାର୍‌ବିତ୍ରେ ଦସ୍ ହିବା ଆମାଟ୍। ତା ବାଦୁଲ୍‌ରେ ଏପେଙ୍ଗ୍ ଜାର୍-ଜାର୍ କାତାତିଙ୍ଗ୍ ରାଜି ଆଜି, ଜେକନି ଖ୍ରୀଷ୍ଟାନାରିଙ୍ଗ୍ କଷ୍ଟ ହିୱାଦାଙ୍ଗ୍ ଜିବୁନ୍ କାଟିକିନି ଦର୍‌କାର୍।

ରୋମିୟ 14:4

ଏପେଙ୍ଗ୍ ଈଶ୍ୱର ଦାସ୍‌ରିଙ୍ଗ୍ ନିନ୍ଦାକିନାକା ଟିକ୍ ଆକାୟ୍, ହେୱାର୍ ଈଶ୍ୱର ଆଗେ ଦାଇ ଆନାର୍। ଲାଗିଙ୍ଗ୍ ହେୱାର୍ ଟିକ୍ କରାପ୍ କିନାରା ଇଞ୍ଜି ହେୱାନ୍ ହେୱାରିଙ୍ଗ୍ ୱେଚ୍‌ନାନ୍। ହେୱାର୍ ଇନାକା କିନି ଦର୍‌କାର୍ ମାପୃ ସାକ୍ତି ହେୱାରିଙ୍ଗ୍ ସାଇଜ କିନାତ୍।

ରୋମିୟ 2:1

ଏପେଙ୍ଗ୍ ଯଦି ଜେକନିକାରିଙ୍ଗ୍ ବିଚାର୍ କିଦେଙ୍ଗ୍ ଆଡ୍‌ନାପ୍ ଇଞ୍ଜି ଚିନ୍ତା କିନାଦେର୍, ଲାଗିଙ୍ଗ୍ ହେଦାଙ୍ଗ୍ ବୁଲ୍। ଏପେଙ୍ଗ୍ ଏଚେକାଡ଼୍‌ଦ ଜେକନିକାରିଙ୍ଗ୍ ବିଚାର୍ କିନାଦେର୍, ଏପେଙ୍ଗ୍ ଜାର୍‌ତିଙ୍ଗ୍ ଦସି ଇଞ୍ଜି ବିଚାର୍ କିନାଦେରା, ଇନେସ୍‌କି ଏପେଙ୍ଗ୍ ପା ହେୱାର୍ କିତିଲେକେ କିନାଦେରା।

ରୋମିୟ 9:20

ଏପେଙ୍ଗ୍ ତାଙ୍ଗେଙ୍ଗ୍ ଇନ୍‌ମାଟ୍ ଏନେଙ୍ଗ୍ ଇନାକାୟ୍‌? ଇନେସ୍‌କି ଏନେଙ୍ଗ୍ ରକାୟ୍ ନାର୍‌ ମାନାୟ୍ ଈଶ୍ୱର ହୁଦାଙ୍ଗ୍ ଜିକାଟାଣା ଆଦେଙ୍ଗ୍ ଆଡୁୟ୍। ଏନେଙ୍ଗ୍ ହେୱାନ୍ ରସ୍ତି ଜିନିଷ୍ ଆରେ ତାଙ୍ଗେଙ୍ଗ୍ ଇଲେକେ ଇନାକା ଟିକ୍ ଆକାୟ୍, “ଏନେଙ୍ଗ୍ ନାଙ୍ଗେଙ୍ଗ୍ ଇନାକିଦେଙ୍ଗ୍ ଇଲେକେ ରସ୍ତାତାୟ୍‌ନା?”

ଏବ୍ରି 7:25

ଲାଗିଙ୍ଗ୍ ଯୀଶୁତାଙ୍ଗ୍ ଇମ୍‌ଣାକାର୍ ଈଶ୍ୱର ଲାଗାୟ୍ ୱାନାର୍, ହେୱାନ୍ ହେୱାରିଙ୍ଗ୍ ୱିଜୁଦିନ୍ କାଜିଙ୍ଗ୍ ଉଦାର୍ କିଦେଙ୍ଗ୍ ଆଡ୍‌ନାନ୍। ଇନେସ୍‌କି ଈଶ୍ୱର ଲାଗାୟ୍ ହେୱାର୍ ନିପଣ୍ ଆଜି ଗୁୱାରି କିନି କାଜିଙ୍ଗ୍ ହେୱାନ୍ ୱିଜୁଦିନ୍ କାଜିଙ୍ଗ୍ ଜିବୁନ୍ ମାନାନ୍।

ଜାକ୍‌ବ 5:9

ଏ ପାର୍ତିକିନି ଟଣ୍ଡାର୍‌କାଦେର୍, ଏପେଙ୍ଗ୍ ଇନେସ୍ ଦଣ୍ଡ୍ ପାୟା ଆଉଦେର୍, ହେଦାଙ୍ଗ୍ କାଜିଙ୍ଗ୍ ଜାର୍-ଜାର୍‌ବିତ୍ରେ ଦସ୍ ହିଜି ୱେଚ୍‌ପା ଆମାଟ୍। ଇନେସ୍‌କି ଗାଜା ବିଚାର୍ କିନାକାନ୍ ଲାଗେ ମାନାନ୍।