ଜାକ୍‌ବ 2:12 - New Testament in Pengo Parja Language

¹² ମାଙ୍ଗେଙ୍ଗ୍ ମୁକ୍ତି ହିଦ୍‌ନି ନିୟମ୍ କାଜିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ବିଚାର୍ କିଦ୍‌ନାନ୍। ଲାଗିଙ୍ଗ୍ ଏପେଙ୍ଗ୍ କାତା ୱେଚ୍‌ନିହିଙ୍ଗ୍ ଆରେ କାମାୟ୍ କିନିହିଙ୍ଗ୍ ଦୟାତାଙ୍ଗ୍ କିୟାଟ୍।

ସତ୍‌ ବଚନ୍‌ ପୁନି ନିୟମ୍‌

¹² ମୁକ୍‌ଡ଼ାନି ଦିନ୍‌ ବିଦି ଲାହାଙ୍ଗ୍‌ ଜେ ଏପେଙ୍ଗ୍‌ ବିଚାର୍‌ କିୟାଆନାଦେର୍‌ ଇଦାଂ ପୁନ୍‌ଞ୍ଜି ହେ ଲାକେ କାତା ଇନାଟ୍‌ ଆରି କାମାୟ୍‌ କିୟାଟ୍‌ ।

ଜାକ୍‌ବ 2:12 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 4:18

“ପବିତ୍ର ଆତ୍ମା ନାବେ ମାନାତ୍। ଗରିବ୍ ନିକାର୍‌ତାକେ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ଈଶ୍ୱର ନାଙ୍ଗେଙ୍ଗ୍ ବାଚିକିତ୍‌ନ୍‌ନା। ଆରେ ଶୟତାନ ଜାଲ୍‌ଦ ମାନାକାରିଙ୍ଗ୍ ରକ୍ଷା କିଦେଙ୍ଗ୍, ଆରେ କାଣାର୍ ମାନାୟାରିଙ୍ଗ୍ ହୁଡ଼୍‌ଦେଙ୍ଗ୍ ସାଇଜ କିଦେଙ୍ଗ୍, ଆରେ ଦୁକ୍‌କଷ୍ଟ ପାୟାଆନାକାରିଙ୍ଗ୍ ରକ୍ଷା କିଦେଙ୍ଗ୍ ଈଶ୍ୱର ନାଙ୍ଗେଙ୍ଗ୍ ପକ୍ତାତାନ୍‌ନା।

ଜହନ୍‌ 8:32

ଏପେଙ୍ଗ୍ ସତ୍‌ତିଙ୍ଗ୍ ପୁନାଦେର୍ ଆରେ ହେ ସତ୍ ମିଙ୍ଗେଙ୍ଗ୍ ରକ୍ଷା କିଦ୍‌ନାତ୍।”

ଗାଲାତିୟ 6:2

ଏଚେପାଦ୍ନା ଦୁକ୍‌କଷ୍ଟ ୱାନାତ୍ ଏପେଙ୍ଗ୍ ଜାର୍-ଜାର୍‌ବିତ୍ରେ ସାଇଜ କିବା ଆଡ। ଇଲେକେ ଏପେଙ୍ଗ୍ ଖ୍ରୀଷ୍ଟ ନିୟମ୍‌ତିଙ୍ଗ୍ ମାନି କିୟାଟ୍।

ପିଲିପିୟ 4:8

ହାରିହାରା, ଏ ପାର୍ତିକିନି ଟଣ୍ଡାର୍‌କାଦେର୍, ସତ୍ ବିଷୟରେ, ସନ୍‌ମାନ୍ ପାୟାଆନି ବିଷୟରେ, ଟିକ୍ ବିଷୟରେ, ଇମ୍‌ଣି ୱିଜୁ ବିଷୟରେ ପାପ୍ ହିଲ୍‌ଗୁତ୍, ହଲ୍‌ନି ବିଷୟରେ, ଇମ୍‌ଣି ବିଷୟରେ ହାର୍ଦି ତର୍‌ ମାନାତ୍। ହାର୍ଦି ବିଷୟରେ ଆରେ ଇମ୍‌ଣି ବିଷୟରେ ମାନାୟାର୍ ଜୟ୍-ଜୟ୍ କିନାର୍ ଇ ୱିଜୁ ବିଷୟରେ ଏପେଙ୍ଗ୍ ଚିନ୍ତା କିୟାଟ୍।

କଲସିୟ 3:17

ଏପେଙ୍ଗ୍ ଇନାକା କିନାଦେର୍ କି ୱେଚ୍‌ନାଦେର୍, ହେ ୱିଜୁ ମାପୃ ଯୀଶୁ ଖ୍ରୀଷ୍ଟ ତର୍‍ଦାଙ୍ଗ୍ ଆବା ଈଶ୍ୱରତିଙ୍ଗ୍ ଦନ୍ଯବାଦ୍ ହିନାଦେର୍।

ଜାକ୍‌ବ 1:25

ମାତର୍ ଇମ୍‌ଣାକାନ୍ ଜାଗ୍ରତ୍ ଆଜି ଈଶ୍ୱର ଟିକ୍ ନିୟମ୍‌ତିଙ୍ଗ୍ ପଡ଼ିକିଜି ମାନ୍ତ ଇଡ଼୍‌ଜି ମାନି କିନାନ୍, ହେୱାନ୍ ପାପ୍ କାମାୟ୍‌ତାଙ୍ଗ୍ ମୁକ୍ତି ଆନାନ୍, ଆରେ ହେୱାନ୍ ଇନାକା କିତିସ୍ ଈଶ୍ୱର ହେୱାନିଙ୍ଗ୍ ଆଶ୍ରିବାଦ୍ କିନାନ୍।

ଜାକ୍‌ବ 2:8

“ଏପେଙ୍ଗ୍ ମି ପାଡ଼୍‌ହା ଇଞ୍ଜାକାରିଙ୍ଗ୍ ଲାଡ୍ କିୟାଟ୍,” ଏପେଙ୍ଗ୍ ଯଦି ନିୟମ୍ ସାସ୍ତର୍‌ତାକେ ଲେକାଆତି ଇ ଈଶ୍ୱର ନିୟମ୍‌ତିଙ୍ଗ୍ ମାନି କିୟାଟ୍, ଲାଗିଙ୍ଗ୍ ଏପେଙ୍ଗ୍ ଟିକ୍ କିତାଦେର୍‌ନା।