ଏବ୍ରି 9:9 - New Testament in Pengo Parja Language

⁹ ଇ ୱିଜୁ ବିଷୟ ର ଚିନା ଲେକେ, ଆରେ ହେଦାଙ୍ଗ୍ ୱିଜୁ ନଙ୍ଗୟ୍ ଯୀଶୁ ଖ୍ରୀଷ୍ଟତାଙ୍ଗ୍ ପୁରା ଆତାତ୍‌ନା। ଈଶ୍ୱରତିଙ୍ଗ୍ ହେବାକିନି ମାନାୟାର୍ ଇମ୍‌ଣି ଦାନ୍ ଆରେ ବଲିପୁଜା କିଜି ମାଚାର୍, ହେଦାଙ୍ଗ୍ ମାନାୟାର୍ ବୁଦି ଆରେ ମାନ୍‌ତିଙ୍ଗ୍ ଟିକ୍ କିଦେଙ୍ଗ୍ ଆଡ୍‌ୱାଦାଙ୍ଗ୍ ମାଚାତ୍।

ସତ୍‌ ବଚନ୍‌ ପୁନି ନିୟମ୍‌

⁹ ଇ ପର୍ତୁମ୍‌ ତୁମ୍‌ ନଙ୍ଗ୍‌ ସମୁ କାଜିଂ ଉତର୍‌ମୁଡ଼୍‌ ଲାକେ, ଆରେ ତା ଇସାପ୍ରେ ଦାନ୍‌ ଆରି ପୁଜା ରିବେ ପୁଜା କିଜ଼ି ମାଚାର୍‌, ମତର୍‌ ଇ ସବୁ ପାର୍ତାନାତିଂ ଚିନ୍ତା ସାକ୍ତି ହାଚି ବାର୍ତି ଦାନ୍‌ କିଦେଙ୍ଗ୍‌ ଆଡୁର୍‌;

ଏବ୍ରି 9:9 ပူးပေါင်းရင်းမြစ်များ

ରୋମିୟ 5:14

ଆତିସ୍‌ପା, ଆଦମ ଈଶ୍ୱର ଆଦେସ୍‌ତିଙ୍ଗ୍ ମାନିକିୱାଦାଙ୍ଗ୍ ପାପ୍ କିତିଲେକେ ମାନାୟାର୍ ପାପ୍ କିୱାଦାଙ୍ଗ୍ ମାଚାର୍, ମାତର୍ ଆଦମତାଙ୍ଗ୍ ମୋଶା ପାତେକ୍ ଏଚେ ହେନି ମାଚାର୍ ହେୱାର୍ ୱିଜାକାର୍ ହାଃତାର୍। ଆଦମ ପାପ୍ କିତିଲେ ୱିଜାକାର୍ ପାପିର୍ ଆତାର୍, ଇନେସ୍‌କି ଖ୍ରୀଷ୍ଟ ଦରମ୍ କାମାୟ୍ କିତିଲେ ୱିଜାକାର୍ ଦରମ୍ ଆତାର୍।

ଗାଲାତିୟ 3:21

ଲାଗିଙ୍ଗ୍ ମୋଶା ନିୟମ୍ ସାସ୍ତର୍ ଈଶ୍ୱରକିତି ପାର୍ମାଣ୍‌ତିଙ୍ଗ୍ ବିରଦ୍ କିନାତା କି? ହେଲେକେ ଇନାୱେଡ଼ାଙ୍ଗ୍ ପା ଆଦେଙ୍ଗ୍ ଆଡୁତ୍। ନିୟମ୍ ସାସ୍ତର୍ ମାନିକିନି କାଜିଙ୍ଗ୍ ଯଦି ୱିଜ୍‌ୱି ଜିବୁନ୍ ପାୟାଆତାଦେର୍‌ମା, ଲାଗିଙ୍ଗ୍ ହେ ନିୟମ୍‌ତିଙ୍ଗ୍ ମାନିକିଜି ଆପେଙ୍ଗ୍ ଈଶ୍ୱର ଲାଗାୟ୍ ପା ଦରମ୍ ମାନାୟ୍ ଆଦେଙ୍ଗ୍ ଆଡ଼୍‌ତାପ୍‌ମା।

ଏବ୍ରି 10:11

ପାନି ନିୟମ୍ ଅନ୍‌ସାରେ, ୱିଜୁଦିନ୍ ଈଶ୍ୱରତିଙ୍ଗ୍ ହେବାକିନି ପୁଜାରି ବେଦି ମୁମ୍‌ଦ ନିଲ୍‌ଚି ହାମାନ୍ ବଲିପୁଜା ୱିଜୁଦିନ୍ ପୁଜା କିନାନ୍, ଆତିସ୍‌ପା ଇଦାଙ୍ଗ୍ ପାପ୍‌ତିଙ୍ଗ୍ ଇନେୱାଡ଼ାପା ଦେହା କିଦେଙ୍ଗ୍ ଆଡୁତ୍।

ଏବ୍ରି 11:19

ଇନେସ୍‌କି ଅବ୍ରାହାମତିଙ୍ଗ୍ ପାର୍ତି ମାଚାତ୍ ଯେ ଇସାକ ହାଃତିସ୍ ପା ଈଶ୍ୱର ହେୱାନିଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ କିଜି ନିକ୍‌ନି ଶାକ୍ତି ମାନାତ୍। ହେଲେକେ ଅବ୍ରାହାମ ତା ମାଜିଙ୍ଗ୍ ହାଃନିତାଙ୍ଗ୍ ଜିବୁନ୍‌ ପାୟାଆତାନ୍‌।

ଏବ୍ରି 5:1

ଈଶ୍ୱର ଇସ୍ରାଏଲନି ମାନାୟାର୍ ବିତ୍ରେତାଙ୍ଗ୍ ରକାନିଙ୍ଗ୍ ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି କିଜି ବାଚିକିଜି ମାଚାନ୍। ହେ ମୁଡ଼୍‌ଦି ପୁଜାରି ମାନାୟାର୍ ବାଦୁଲ୍‌ତ ଈଶ୍ୱର ଲାଗାୟ୍ ହେବାକିଜି ମାଚାନ୍। ଆରେ ହେୱାନ୍ ମାନାୟାର୍ ଦାନ୍ ଆରେ ମାନାୟାର୍ ପାପ୍‌ତାଙ୍ଗ୍ କେମା ପାୟାଆନି କାଜିଙ୍ଗ୍ ବଲିପୁଜା କିଜି ମାଚାନ୍।

ଏବ୍ରି 7:11

ଲେବି ଗଷ୍ଟିନି ହାରଣ ଲାତ୍ରାତାକେ ଇମ୍‌ଣାକାର୍ ପୁଜାରି ଆଜି ମାଚାର୍, ହେୱାର୍ ତାରେନ୍ ମାନାୟାର୍ ମୋଶା ଲେକିକିତି ନିୟମ୍ ସାସ୍ତର୍ ପାୟାଆଜି ମାଚାର୍। ହେୱାର୍ ତାରେନ୍ ପୁରାପୁରି ଟିକ୍ ଆଦେଙ୍ଗ୍ ଆଡ୍‌ୱାତାର୍। ହେଦାଙ୍ଗ୍ କାଜିଙ୍ଗ୍ ହାରଣ ପୁଜାରିର୍ ଲେକେ ଆରେ ପୁଜାରିର୍ ଦର୍‌କାର୍ ହିଲାତାତ୍, ମାତର୍ ମଲ୍‌କିଷେଦକ ଲେକେ ରକାନ୍ ପୁଜାରିଙ୍ଗ୍ ଦର୍‌କାର୍ ମାଚାତ୍।

ଏବ୍ରି 8:4

ଯୀଶୁ ଖ୍ରୀଷ୍ଟ ଯଦି ପୁର୍ତିତାକେ ମାଚିସ୍, ଲାଗିଙ୍ଗ୍ ହେୱାନ୍ ପୁଜାରି ପା ଆଦେଙ୍ଗ୍ ଆଡ୍‌ୱାତାନ୍‌ମା। ଇନେସ୍‌କି ମୋଶା ଲେକିକିତି ନିୟମ୍ ସାସ୍ତର୍ ଅନ୍‌ସାରେ ଈଶ୍ୱର ଲାଗାୟ୍ ଦାନ୍ ହିଦେଙ୍ଗ୍ ପୁଜାରିର୍ ମାନାର୍।

ଏବ୍ରି 9:24

ଇଦାଙ୍ଗ୍ କାଜିଙ୍ଗ୍ ମାନାୟାର୍ ରସ୍ତି ର ପୁଟ୍ କୁଡ଼ିଆନି ପବିତ୍ର ବାହାତାକେ ଖ୍ରୀଷ୍ଟ ହାଲ୍‌ୱାତାନ୍, ଇନେସ୍‌କି ଇଦାଙ୍ଗ୍ ସତ୍ ବିଷୟନି ରଞ୍ଜାଙ୍ଗ୍ ନକ୍‌ଲି କପି ମାଚାତ୍। ମାତର୍ ମା ନିପଣ୍ ଆଜି ଈଶ୍ୱର ମୁମ୍‌ଦ ନିଲ୍‌ନି କାଜିଙ୍ଗ୍ ଖ୍ରୀଷ୍ଟ ସରଗ୍‌ଜପି ହାଚାନ୍।

୧ ପିତର 3:21

ହେୱାର୍ ଆଗେ ଉଦାର୍ ପାୟାଆତାକା, ହେଦାଙ୍ଗ୍ ନଙ୍ଗୟ୍ ଇଲେକେ ଅର୍ତ ହିନାତା ଏଚେପାଦ୍ନା ଆସେଙ୍ଗ୍ ଡୁବନ୍ ଅନାସ୍‌ ଆସେଙ୍ଗ୍ ଉଦାର୍ ପାୟାଆନାସ୍‌। ଆସେଙ୍ଗ୍ ଇମ୍‌ଣି ଏଜୁକାଙ୍ଗ୍ ଡୁବନ୍ ଆନାସ୍ ହେଦାଙ୍ଗ୍ ଗାଗାଡ଼୍‌ନି ପାପ୍‌ତିଙ୍ଗ୍ ନୁଜୁତ୍, ମାତର୍ ଆସେଙ୍ଗ୍ ଈଶ୍ୱରତିଙ୍ଗ୍ କେମା ଏନ୍‌ତାପ୍‌ନା ଇଞ୍ଜି ହେଦାଙ୍ଗ୍ ର ଚିନ୍। ଲାଗିଙ୍ଗ୍ ମା ମାନ୍ କିଲେର୍ ଆନାତ୍ ଯେ ଆସେଙ୍ଗ୍ ଈଶ୍ୱର ହୁଦାଙ୍ଗ୍ ମାହାଆତାସ୍‌ନା, ଈଶ୍ୱର ମାଙ୍ଗେଙ୍ଗ୍ କେମା କିଦ୍‌ନାନ୍ ଇନେସ୍‌କି ଯୀଶୁ ଖ୍ରୀଷ୍ଟ ହାଃତିତାଙ୍ଗ୍ ଆରେରଗ ଜିବୁନ୍ ଆତାନ୍‌ନା,