ଏବ୍ରି 9:2 - New Testament in Pengo Parja Language

² ଇ ପୁଟ୍ କୁଡ଼ିଆ ପଶୁନି ତଲ୍‌ଦାଙ୍ଗ୍ ରହିଆଜି ମାଚାତ୍ ଆରେ ପୁଟ୍ କୁଡ଼ିଆ ମାଦି ପାର୍‌ଦା ଡ଼ସି ରି ବାଗ୍‌କିଜି ମାଚାତ୍। ଆରେ କୁଡ଼ିଆନି ବାର୍ତ ପାର୍ତୁମ୍ ବାହାତିଙ୍ଗ୍ ପବିତ୍ର ବାହା ଇଞ୍ଜି ୱେଚ୍‌ନାର୍। ହେବେ ବଇଟା ଇଟ୍‌ନି ଷ୍ଟେଣ୍ଟ୍ ଆରେ ଈଶ୍ୱରତାକେ ପୁଜାକିତି ରୁଟି ଟେବୁଲ୍ ଜପି ଇଡ଼୍‌ଜି ମାଚାର୍।

ସତ୍‌ ବଚନ୍‌ ପୁନି ନିୟମ୍‌

² ଇନାକିଦେଂକି ର ତୁମ୍‌ ରଚ୍ୟା ଆଜ଼ି ମାଚାତ୍, ହେବେନି ପର୍ତୁମ୍‌ ବାଗ୍‌ତ ବଇଟା ଇଟ୍‌ନାକା, ପାଟା ଆରି ହୁଡ଼୍‌ନି ରୁଟି ମାଚାତ୍‌; “ହେଦେଲିଂ ପୁଇପୁୟା ବାହା ଇଞ୍ଜି ଇନାର୍‌ ।”

ଏବ୍ରି 9:2 ပူးပေါင်းရင်းမြစ်များ

ମାତିଉ 12:4

ଦାଉଦ ରାଜା ଈଶ୍ୱର ମାନି ପୁଟ୍‍ତ ହାଚାନ୍। ଆରେ ଈଶ୍ୱର ହେବାକିନି ପୁଜାରି ଈଶ୍ୱରତିଙ୍ଗ୍ ପୁଜାକିତି ରୁଟିତିଙ୍ଗ୍ ଦାଉଦ ରାଜା ଚିଚାନ୍। ଆରେ ତା ହାଙ୍ଗ୍‌ଦାକାରିଙ୍ଗ୍ ପା ଚିଞ୍ଜେଙ୍ଗ୍ ହିତାନ୍। ଇନେସ୍‌କି ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍‌ନେ ତିନାର୍, ହେଦାଙ୍ଗ୍ ହେୱାର୍ ତିନ୍‌ଞ୍ଜି ମାଚାର୍?

ମାତିଉ 5:15

ହେଲେକେ ମାନାୟାର୍ ପା ବଇଟାତିଙ୍ଗ୍ ମାଣ୍‌ପାକ୍‌ଚି ଇଟୁର୍, ମାତର୍ ବଇଟା ଇଟ୍‌ନି ବାହାତାକେ ଇଟ୍‌ନାର୍, ଇନେସ୍‌କି ହେ ଇଞ୍ଜ ମାନି ମାନାୟ୍‌ତିଙ୍ଗ୍ ୱିଜାରିଙ୍ଗ୍ ଅଜଡ଼୍ ଆନାତ୍‌।

ଏବ୍ରି 9:25

ଆରେ ବାରମ୍-ବାରମ୍ ଜାର୍‌ତିଙ୍ଗ୍ ବଲିପୁଜା କିନି କାଜିଙ୍ଗ୍ ଖ୍ରୀଷ୍ଟ ସରଗ୍‌ଜପି ହାଲ୍‌ୱାତାନ୍‌ନା, ଇନେସ୍‌କି ପୁର୍ତିନି ଆରମ୍‌ତାଙ୍ଗ୍ ବେସିହଟ୍ ହାଃଦେଙ୍ଗ୍ ଆତାତ୍‌ମା। ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି ୱିଜୁ ବାହ୍‌ରୁ ରଞ୍ଜାଙ୍ଗ୍ ପଶୁନି ନେତେର୍ ଆସ୍ତି ବେସି ପବିତ୍ର ବାହାତାକେ ହାନାନ୍। ମାତର୍ ଇ ସେସ୍ ସମୟ୍‌ତ ଖ୍ରୀଷ୍ଟ ଜାର୍‌ତିଙ୍ଗ୍ ବଲିପୁଜା କିୟା ଆଦେଙ୍ଗ୍ ରଗ ୱାତାନ୍‌ନା ଆରେ ପାପ୍‌ତିଙ୍ଗ୍ ସେସ୍ କିତାନ୍‌ନା।