ଏବ୍ରି 4:16 - New Testament in Pengo Parja Language

¹⁶ ଲାଗିଙ୍ଗ୍ ମା ଦୟା ମାନି ଈଶ୍ୱରନି ସିଂହାସନ୍ ଲାଗାୟ୍ ସାହାସ୍ ହୁଦାଙ୍ଗ୍ ହାନାସ୍। ଈଶ୍ୱର ମାଙ୍ଗେଙ୍ଗ୍ ଦୟା ଆରେ ଆଶ୍ରିବାଦ୍ କିଦ୍‌ନାନ୍ ଆରେ ମା ଦର୍‌କାର୍ ଆତିହିଙ୍ଗ୍ ହେୱାନ୍ ମାଙ୍ଗେଙ୍ଗ୍ ସାଇଜ କିଦ୍‌ନାନ୍।

ସତ୍‌ ବଚନ୍‌ ପୁନି ନିୟମ୍‌

¹⁶ ଆୱିତିସ୍‌ ୱାଡୁ, ଦୟାପାୟାନି କାଜିଂ ଆରେ ସମାନ୍‌ ୱେଡ଼ାଲିଂ ଉପ୍‌କାର୍‌ ଆନି ସୁସ୍ତାତିଂ ଗାଟାନି କାଜିଂ ଆସେଙ୍ଗ୍‌ ସାସ୍‍ତାଂ ସୁସ୍ତାନି ଗାଦି ଲାଗେ ହାନାସ୍ ।

ଏବ୍ରି 4:16 ပူးပေါင်းရင်းမြစ်များ

ଏପିସିୟ 2:18

ଲାଗିଙ୍ଗ୍ ଖ୍ରୀଷ୍ଟ କାଜିଙ୍ଗ୍, ଆସେଙ୍ଗ୍ ତା ପବିତ୍ର ଆତ୍ମାତାଙ୍ଗ୍ ଆବା ଈଶ୍ୱର ଲାଗାୟ୍ ହାନି କାଜିଙ୍ଗ୍ ହାଜି ଗାଟା ଆତାପ୍‌ନା।

ଏପିସିୟ 3:12

ଖ୍ରୀଷ୍ଟ କାଜିଙ୍ଗ୍ ଆରେ ଆସେଙ୍ଗ୍ ହେୱାନ୍‌ତାକେ ପାର୍ତିକିନି କାଜିଙ୍ଗ୍, ନଙ୍ଗୟ୍ ଆସେଙ୍ଗ୍ ପାଣ୍ଡ୍ରା ଆୱାଦାଙ୍ଗ୍ ସାହାସ୍ ହୁଦାଙ୍ଗ୍ ଈଶ୍ୱର ଲାଗାୟ୍ ହାଞ୍ଜେଙ୍ଗ୍ ଆଡ୍‌ନାସ୍।

ଏବ୍ରି 13:6

ହେବେତାଙ୍ଗ୍ ଆସେଙ୍ଗ୍ ସାହାସ୍ ହୁଦାଙ୍ଗ୍ ୱେଚ୍‌ଚେଙ୍ଗ୍ ଆଡ୍‌ନାସ୍, “ମାପୃ ନାଙ୍ଗେଙ୍ଗ୍ ସାଇଜ କିଦ୍‌ନାକାନ୍, ଆନେଙ୍ଗ୍ ପାଣ୍ଡ୍ରା ଆଉଙ୍ଗ୍। ମାନାୟ୍ ନାଙ୍ଗେଙ୍ଗ୍ ଇନାକା କିଦ୍‌ନାର୍?”

ଏବ୍ରି 3:6

ମାତର୍ ଖ୍ରୀଷ୍ଟ ହିମ୍‌ଣା ଲେକେ ଆନି କାଜିଙ୍ଗ୍ ଈଶ୍ୱର ପରିବାର୍‌ନି ମାନାୟାର୍ ଜପି ବିସ୍‌ବସ୍ତ ମାନାନ୍। ଆରେ ଯଦି ଆସେଙ୍ଗ୍ ମା ସାହାସ୍‌ତିଙ୍ଗ୍ ଆରେ ଖ୍ରୀଷ୍ଟତାକେ ଇଡ଼୍‌ତି ଆହାତିଙ୍ଗ୍ କଣ୍ଟ୍ରୁଲ୍‌କିଜି ସେସ୍ ପାତେକ୍ ଆସ୍ତି ମାନାସ୍, ଲାଗିଙ୍ଗ୍ ଆସେଙ୍ଗ୍ ନିଜେ ହେ ପରିବାର୍‌ନି ମାନାୟ୍ ଆନାସ୍।

ଏବ୍ରି 7:19

ଇନେସ୍‌କି ମୋଶା ଲେକିକିତି ନିୟମ୍ ସାସ୍ତର୍ ଇମ୍‌ଣି ବିଷୟ ପା ପୁରାପୁରି ଟିକ୍‌କିଜି ଆଡ୍‌ୱାଦାଙ୍ଗ୍ ମାଚାତ୍। ମାତର୍ ନଙ୍ଗୟ୍ ଆପେଙ୍ଗ୍ ଯୀଶୁ ଖ୍ରୀଷ୍ଟତାକେ ହାର୍ ଆହା ଇଡ଼୍‌ତାପ୍‌ନା, ଆରେ ହେୱାନ୍ କାଜିଙ୍ଗ୍ ଆପେଙ୍ଗ୍ ଈଶ୍ୱର ଲାଗାୟ୍ ଆଦେଙ୍ଗ୍ ଆଡ୍‌ନାପା।

ଏବ୍ରି 7:25

ଲାଗିଙ୍ଗ୍ ଯୀଶୁତାଙ୍ଗ୍ ଇମ୍‌ଣାକାର୍ ଈଶ୍ୱର ଲାଗାୟ୍ ୱାନାର୍, ହେୱାନ୍ ହେୱାରିଙ୍ଗ୍ ୱିଜୁଦିନ୍ କାଜିଙ୍ଗ୍ ଉଦାର୍ କିଦେଙ୍ଗ୍ ଆଡ୍‌ନାନ୍। ଇନେସ୍‌କି ଈଶ୍ୱର ଲାଗାୟ୍ ହେୱାର୍ ନିପଣ୍ ଆଜି ଗୁୱାରି କିନି କାଜିଙ୍ଗ୍ ହେୱାନ୍ ୱିଜୁଦିନ୍ କାଜିଙ୍ଗ୍ ଜିବୁନ୍ ମାନାନ୍।

ଏବ୍ରି 9:5

ଆରେ ଈଶ୍ୱର ହେବେ ମାନାନ୍ ଇଞ୍ଜି ଚିନ୍ କିନି କାଜିଙ୍ଗ୍ ନିୟମ୍ ପେଡ଼ି ଜପି ଈଶ୍ୱରତି ଗୌରବ ଚଚ୍‌ନି କାଜିଙ୍ଗ୍ ରିଣ୍ଡାଙ୍ଗ୍ କିରୁବ ମାଚିକ୍। ଆରେ ଈଶ୍ୱରତାଙ୍ଗ୍ ପାପ୍ କେମା ପାୟାଆନି କାଜିଙ୍ଗ୍ ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି ଇମ୍‌ଣି ବାହାତାକେ ୱାଜି ପାର୍ତାନା କିନାନ୍, ହେ ୱିଜୁ ବାହା ହେ କିରୁବ ମାରାତାକେ ଡାବା ଆତାତ୍‌ନା। ମାତର୍ ଇୱିଜୁ ବିଷୟରେ ନଙ୍ଗୟ୍ ଆସେଙ୍ଗ୍ ପୁରା ୱେଚ୍‌ଚେଙ୍ଗ୍ ଆଡୁସ୍।

୧ ପିତର 2:10

ହସିୟ ଭବିଷ୍ୟତ୍‌ବକ୍ତା ମି ବିଷୟରେ ଇଲେକେ ୱେଚ୍‌ଚାନ୍‌ନା, “ଏପେଙ୍ଗ୍ ଆଗେ ଈଶ୍ୱର ଲକ୍ ଆୱାଦାଙ୍ଗ୍ ମାଚାଦେର୍, ମାତର୍ ନଙ୍ଗୟ୍ ଈଶ୍ୱର ମିଙ୍ଗେଙ୍ଗ୍ ତା ଲକ୍ କିତ୍‌ତାନ୍‌ନା। ଈଶ୍ୱର ଆଗେ ମିଙ୍ଗେଙ୍ଗ୍ ଦୟା କିଦ୍‌ୱାଦାଙ୍ଗ୍ ମାନ୍‌ଞ୍ଚାନ୍, ମାତର୍ ନଙ୍ଗୟ୍ ଈଶ୍ୱର ମିଙ୍ଗେଙ୍ଗ୍ ଦୟା କିତ୍‌ତାନ୍‌ନା।”