ଏବ୍ରି 4:1 - New Testament in Pengo Parja Language

¹ ଈଶ୍ୱର ନଙ୍ଗୟ୍ ପା ତା ଜମ୍‌ନି ବାହାତାକେ ହାଞ୍ଜେଙ୍ଗ୍ ପାର୍ମାଣ୍ କିତାନ୍‌ନା, ଆରେ ହେ ପାର୍ମାଣ୍‌କିତି ବାହାତାକେ ହାଞ୍ଜେଙ୍ଗ୍ ଇନେସ୍ ମି ବିତ୍ରେତାଙ୍ଗ୍ ଇନେର୍ ବାକିଆଜି ମାନୁଦେର୍, ଇଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ପାଣ୍ଡ୍ରାଆଜି ଜାଗ୍ରତ୍ ଆଜି ମାନାସ୍।

ସତ୍‌ ବଚନ୍‌ ପୁନି ନିୟମ୍‌

¹ ମାଙ୍ଗେଙ୍ଗ୍‌ ଇମ୍‌ଣି ଜମ୍‌ନାକା ହିଦ୍‌ନାନ୍‌ ଇଞ୍ଜି ଇସ୍ୱର୍‌ ଇଞ୍ଜି ମାଚାନ୍‌, ହେଦାଂ ଆପେଂ ପାୟାନାପ୍‌ ଇଞ୍ଜି ଇସ୍ୱର୍‌ ପାର୍ମାଣ୍‌ କିତାନ୍‌ନା ଲାଗିଂ ଆସେଙ୍ଗ୍‌ ପାଣ୍ଡ୍ରୁ ଆନାସ୍‌, ଏଚେକାଡ଼୍‌ଦ ଇସ୍ୱର୍‌ ଜମ୍‌ନିତ ହଣ୍ଡେଙ୍ଗ୍‌ ପାର୍ମାଣ୍‌ ମାନି ବାହାତ ପା ମି ବିତ୍ରେ ଇନେର୍‌ ହେବେଣ୍ଡାଂ ଉଣା ଆତି ଲାକେ ଚଞ୍ଜ୍‌ୟାନାର୍‌ ।

ଏବ୍ରି 4:1 ပူးပေါင်းရင်းမြစ်များ

ମାତିଉ 24:48

ମାତର୍ ବାନ୍ୟା ହଲିଆ ଆଜି ମାନ୍‌ଗାନାନ୍ ମାପୃ ୱାନାକା ବିଲମ୍ ଆନାତ୍ ଇଞ୍ଜି ମାନେ-ମାନେ ଇନାନା।

ପକ୍ୟାତାକା 3:19

ଇଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ମି ପାପ୍ କାମାୟ୍ ପିସ୍ତି ମାପୃତାକେ ୱାତିସ୍, ଈଶ୍ୱର ମି ପାପ୍ ୱିଜୁ କେମା କିଦ୍‌ନାନ୍।

ରୋମିୟ 11:20

ହେୱାର୍ ଈଶ୍ୱରତିଙ୍ଗ୍ ପାର୍ତି କିୱିତି କାଜିଙ୍ଗ୍ ଈଶ୍ୱର ହେୱାରିଙ୍ଗ୍ ତାବେତାଙ୍ଗ୍ କାଦ୍‌ଦି ତୁହିହିତାନ୍। ଆରେ ଏପେଙ୍ଗ୍ ତାଙ୍ଗେଙ୍ଗ୍ ପାର୍ତିକିତି କାଜିଙ୍ଗ୍ ଏପେଙ୍ଗ୍ ହେୱାର୍ ବାହା ପାୟାଆତାଦେର୍, ଲାଗିଙ୍ଗ୍ ଏପେଙ୍ଗ୍ ଜାର୍‌ତିଙ୍ଗ୍ ଗାଜାକାଙ୍ଗ୍ ଇଞ୍ଜି ବାବିକିମାଟ୍, ମାତର୍ ଈଶ୍ୱରତିଙ୍ଗ୍ ପାଣ୍ଡ୍ରାଆଡ।

ରୋମିୟ 3:23

ଇନେସ୍‌କି ୱିଜାକାର୍ ପାପ୍ କିତାର୍‌ନା, ଆରେ ୱିଜାକାର୍ ଈଶ୍ୱରତି ଗୌରବତାଙ୍ଗ୍ ଦେହା ମାନାର୍।

୧ କରନ୍ତିୟ 10:12

ଲାଗିଙ୍ଗ୍ ଇମ୍‌ଣି ପାର୍ତିକିନି ଟଣ୍ଡେନ୍ ଈଶ୍ୱରତିଙ୍ଗ୍ ବେସି ପାର୍ତି ଆରେ ଇଲେକେ ପାପ୍ କାମାୟ୍ କିଉଙ୍ଗା ଇଞ୍ଜି ବାବିକିନାନା, ଲାଗିଙ୍ଗ୍ ହେୱାନ୍ ଜାଗ୍ରତ୍ ଆଜି ମାନି ଦର୍‌କାର୍।

୨ କରନ୍ତିୟ 6:1

ଆନେଙ୍ଗ୍ ଈଶ୍ୱର ହୁଦାଙ୍ଗ୍ ମାହାଆଜି କାମାୟ୍ କିନାଙ୍ଗା, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଜି ୱେଚ୍‌ଚାନାଙ୍ଗା ଯେ, ହେୱାନ୍ ମିଙ୍ଗେଙ୍ଗ୍ ଦୟାକିଜି ହିତ୍‌ତି ଚାନିଆଆନି ହାର୍ଦିକାବୁର୍‌ତିଙ୍ଗ୍ ଆହାଟ୍।

ଗାଲାତିୟ 5:4

ଇନେସ୍‌କି ଏପେଙ୍ଗ୍ ଯଦି ମୋଶା ଲେକିକିତି ନିୟମ୍‌ତିଙ୍ଗ୍ ମାନିକିତି କାଜିଙ୍ଗ୍ ଈଶ୍ୱର ଲାଗାୟ୍ ଦରମ୍ ମାନାୟ୍ ଇଞ୍ଜି ଗାଣାକିୟା ଆଦେଙ୍ଗ୍ ଇଚା କିନାଦେରା, ଲାଗିଙ୍ଗ୍ ଏପେଙ୍ଗ୍ ଖ୍ରୀଷ୍ଟତାଙ୍ଗ୍ ଜେକ ଆତାଦେର୍‌ନା ଆରେ ଏପେଙ୍ଗ୍ ଈଶ୍ୱର ଦୟାତିଙ୍ଗ୍ ଆହୁଦେରା।

୨ ତିମଥି 2:13

ଆସେଙ୍ଗ୍ ଖ୍ରୀଷ୍ଟତାକେ ବିଶ୍ୱସ୍ତ ଆୱିତିସ୍‌ପା, ହେୱାନ୍ ମା ଲାଗାୟ୍ ୱିଜୁଦିନ୍ ବିଶ୍ୱସ୍ତ ଆଜି ମାନ୍‌ଗାନାନ୍। ଇନେସ୍‌କି ହେୱାନ୍ ନିଜେ ମିଚ୍ ଇଞ୍ଜି ୱେଚୁନ୍।

ଏବ୍ରି 12:15

ଇନେସ୍ ଇନେର୍ ଈଶ୍ୱର ଦୟାତାଙ୍ଗ୍ ଜିୱାତାର୍‌ନା, ହେଦାଙ୍ଗ୍ କାଜିଙ୍ଗ୍ ଜାର୍-ଜାର୍ ସାଇଜ କିବା ଆଡ। ମି ବିତ୍ରେ ଇନେସ୍ ଇମ୍‌ଣି ଅବିସ୍‌ବାସ୍‌ନି କେନି ମାର୍‌ତି ଚିରାଙ୍ଗ୍ ଉବ୍‌ଜା ଆଉତ୍, ହେଦାଙ୍ଗ୍ କାଜିଙ୍ଗ୍ ଜାଗ୍ରତ୍ ଆଜି ମାନାଟ୍। ଇନେସ୍‌କି ଇଦାଙ୍ଗ୍ ଇନାୱେଡ଼ାଙ୍ଗ୍ ଉବ୍‌ଜା ଆନାତ୍, କେତେକ୍ ମାନାୟ୍ ଇ ବିଷୟତାଙ୍ଗ୍ କରାପ୍ ଆନାର୍।

ଏବ୍ରି 12:25

ଜାଗ୍ରତ୍ ଆଜି ମାନାଟ୍, ଇମ୍‌ଣି ଈଶ୍ୱର ମିହୁଦାଙ୍ଗ୍ ବେଣ୍ କିଦ୍‌ନାନା, ତା କାତା ଏପେଙ୍ଗ୍ ମାନି କିୟାଟ୍। ଇନେସ୍‌କି ଇ ପୁର୍ତିତାକେ ମୋଶା ଇସ୍ରାଏଲନି ମାନାୟାରିଙ୍ଗ୍ ଆଦେସ୍ ହିତାନ୍, ଆରେ ହେୱାର୍ ଅମାନ୍ୟା ଆତି କାଜିଙ୍ଗ୍ ଈଶ୍ୱର ହେୱାରିଙ୍ଗ୍ ଦଣ୍ଡ୍‌ହିଜି ମାଚାନ୍। ସରଗ୍‌ତାଙ୍ଗ୍ ୱେଚ୍‌ଚିନି ଈଶ୍ୱର ଆଦେସ୍‌ତିଙ୍ଗ୍ ଯଦି ଆସେଙ୍ଗ୍ ଅମାନ୍ୟା କିନାସ୍, ଲାଗିଙ୍ଗ୍ ସତ୍‌ରେ ଆସେଙ୍ଗ୍ ଆଦିକ୍ ଦଣ୍ଡ୍ ପାୟାଆନାସ୍।

ଏବ୍ରି 13:7

ଇମ୍‌ଣାକାର୍ ମିଙ୍ଗେଙ୍ଗ୍ ଈଶ୍ୱର କାତା ୱେଚ୍‌ଚି ମାନ୍‌ଞ୍ଚାର୍, ହେ ନେତାରିଙ୍ଗ୍ ମାନ୍ତ ଏତୁକିୟାଟ୍। ହେୱାର୍ ଜିବୁନ୍‌ତାକେ ମାନି ହାର୍ଦି ଗୁଣ୍ ବିଷୟରେ ଚିନ୍ତା କିୟାଟ୍ ଆରେ ହେୱାର୍ ୱେଚ୍‌ଚିତି ଲେକେ ମାପୃତାକେ ପାର୍ତିକିୟାଟ୍।

ଏବ୍ରି 3:11

ଲାଗିଙ୍ଗ୍ ଆନେଙ୍ଗ୍ ରିସାତାଙ୍ଗ୍ ପାର୍ମାଣ୍ କିଜି ୱେଚ୍‌ଚାଙ୍ଗ୍, ହେୱାର୍ ନା ଜମ୍‌ନି ବାହାତାକେ ହଣ୍ଡେଙ୍ଗ୍ ଆଡୁର୍।”

ଏବ୍ରି 4:11

ଇଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ହେ ଜମ୍‌ନି ବାହାତାକେ ହଣ୍ଡେଙ୍ଗ୍ ଉପାୟ୍ କିନି ଦର୍‌କାର୍, ଇନେସ୍‌କି ଇସ୍ରାଏଲନି ମାନାୟାର୍‌ଲେକେ ଇମ୍‌ଣି ମାନାୟ୍ ଈଶ୍ୱରତିଙ୍ଗ୍ ମାନିକିଉର୍, ହେୱାନ୍ ଜମ୍‌ନି ବାହାତାକେ ହାଞ୍ଜେଙ୍ଗ୍ ଆଡୁର୍।

ଏବ୍ରି 4:9

ଲାଗିଙ୍ଗ୍ ଈଶ୍ୱର ଇନେସ୍ ପୁର୍ତିନି ୱିଜୁ ବିଷୟ ରସ୍ତି ସାତ୍‌ଦିନ୍‌ତ ଜମ୍‌ତାନ୍, ହେଲେକେ ଈଶ୍ୱରନି ମାନାୟାର୍ ଜମ୍‌ଦେଙ୍ଗ୍ ର ବାହା ରହିଆତାତ୍‌ନା।