ଏବ୍ରି 13:17 - New Testament in Pengo Parja Language

¹⁷ ମି ଆତ୍ମିକ୍ ନେତାରିଙ୍ଗ୍ ମାନି କିୟାଟ୍ ଆରେ ହେୱାର୍ ଇନାକା ୱେଚ୍‌ଚାନାର୍ ହେଦାଙ୍ଗ୍ କିୟାଟ୍। ହେୱାର୍ କାମାୟ୍ ଆନାତା ମିଙ୍ଗେଙ୍ଗ୍ ଜାତୁନ୍ ଆନି କାଜିଙ୍ଗ୍ ଆରେ ହେୱାର୍ ଈଶ୍ୱର ଲାଗାୟ୍ ଇଲେକେ ହିଦେଙ୍ଗ୍ ଆନାତ୍ ଇଞ୍ଜି ହେୱାର୍ ପୁନାର୍। ହେୱାରିଙ୍ଗ୍ ଇଦାଙ୍ଗ୍ ୱାରିତାଙ୍ଗ୍ କିଦେଙ୍ଗ୍ ହିୟାଟ୍। ଇନେସ୍‌କି ହେୱାର୍ ଦୁକ୍‌ତାଙ୍ଗ୍ କିତାର୍, ମିଦାଙ୍ଗ୍ ଇନା ଲାବ୍ ଆଉତ୍।

ସତ୍‌ ବଚନ୍‌ ପୁନି ନିୟମ୍‌

¹⁷ ମି ନେତାର୍ତି ବଲ୍‌ ମାନିକିୟାଟ୍‌, ହେୱାର୍‌ତି ବଲ୍‌ ପାଲି କିୟାଟ୍‌ । ହେୱାର୍‌ ଜାଗ୍‌ୱାଡ଼ାର୍‌ ଲାକେ ମି ୱାସ୍କି ରାକ୍ୟା କାଜିଂ ଜମ୍‌ୱି ବାବ୍ରେ କାତ୍‌ନାରା, ଇନାକିଦେଂକି ହେୱାରିଂ ଇସ୍ୱର୍‌ ଲାଗାଂ ଜାର୍‌ କାମାୟ୍‌ନି ଇସାପ୍‌ ହିୟାନାତ୍‌ । ଏପେଙ୍ଗ୍‌ ଜଦି ହେୱାର୍‌ତି ବଲ୍‌ ମାନିକିୟାଟ୍‌, ଲାଗିଂ ହେୱାର୍‌ ୱାରି ମାନ୍ତାଙ୍ଗ୍‌ ଜାର୍‌ କାମାୟ୍‌ କିତାର୍‌, ମାତର୍‌ ଜଦି ହେଦାଂ କିୱିତିସ୍‌, ୱାଟିଙ୍ଗ୍‌ ହେୱାର୍‌ ମାନ୍‌ହିୱି ମାନ୍ତାଙ୍ଗ୍‌ ହେଦାଂ କିତାର୍‌ ଆରି ଇଦାଂ ମି ପାକ୍ୟାତ ହାର୍‌ ଆଉତ୍‌ ।

ଏବ୍ରି 13:17 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:2

ଦନି ମାନାୟ୍ ମୁନ୍‌ସିଙ୍ଗ୍ କୁକ୍‌ଚି ୱେଚ୍‌ଚାନ୍, ‘ଆନେଙ୍ଗ୍ ନି ବିରୁଦ୍‌ତାକେ କେତେକ୍ କାତା ୱେଚାଙ୍ଗ୍‌ନା। ଏନେଙ୍ଗ୍ ଇନାକା ୱିଜୁ କିତାଇନା, ତା ହିସାବ୍ ନାଙ୍ଗେଙ୍ଗ୍ ହିଦା। ନଙ୍ଗୟତାଙ୍ଗ୍ ଏନେଙ୍ଗ୍ ଆରେ ନା ମୁନ୍‌ସି ଆଦେଙ୍ଗ୍ ଆଡୁଇ।’

ପକ୍ୟାତାକା 20:28

ଏପେଙ୍ଗ୍ ଆରେ ପାର୍ତି କିନାକାଦେର୍ ଜାଗ୍ରତ୍ ଆଜି ମାନାଟ୍। ଇନେସ୍‌କି ପବିତ୍ର ଆତ୍ମା ଇ ମାନାୟାର୍ ବିତ୍ରେ ବିଶପ୍‌ କିଜି ଦାଇତ୍‌ପ ହିତ୍‌ତାନ୍‌ନା। ଆରେ ଈଶ୍ୱର ତା ମେହି ଯୀଶୁ ନେତେର୍‌ତାଙ୍ଗ୍ ଇମ୍‌ଣି ମଣ୍ଡ୍‌ଲିତିଙ୍ଗ୍ କଡ଼୍‌ତାନ୍‌ନା, ହେ ମଣ୍ଡ୍‌ଲିନି ଗଡ଼ିୟା ଆଜି ମାନାଟ୍।

ରୋମିୟ 14:12

ଆଁ ଆପେଙ୍ଗ୍ ୱିଜାକାପ୍ ଈଶ୍ୱର ଆଗେ ଜାର୍-ଜାର୍ ଇସାବ୍ ହିୟାଆନାତ୍।

୧ କରନ୍ତିୟ 16:16

ଲାଗିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଦ୍‌ନାଙ୍ଗା ଯେ, ହେୱାର୍ କିତିଲେକେ ଆରେ ହେୱାର୍ ହୁଦାଙ୍ଗ୍ ମାହାଆଜି ହେବା କିନି ମାନାୟାର୍ କିନିଲେକେ ଏପେଙ୍ଗ୍ କିୟାଟ୍।

ଏପିସିୟ 5:21

ଖ୍ରୀଷ୍ଟଙ୍ଗ୍ ସନ୍‌ମାନ୍ କିନି କାଜିଙ୍ଗ୍ ଜାର୍-ଜାର୍ ମାନା-ମାନି ଆଜି ମାନାଟ୍।

ପିଲିପିୟ 1:4

ଇନେସ୍‌କି ହାର୍ଦିକାବୁର୍ ୱେନ୍‌ଞ୍ଜି ପାର୍ତିକିନି ପାର୍ତୁମ୍ ଦିନ୍‌ତାଙ୍ଗ୍ ଏପେଙ୍ଗ୍ ନାଙ୍ଗେଙ୍ଗ୍ ଯୀଶୁ ଖ୍ରୀଷ୍ଟ ବିଷୟରେ ଶୁଣାୟ୍ କିଦେଙ୍ଗ୍ ହାଙ୍ଗ୍ ଆତ୍‌ତାଦେର୍‌ନା।

ପିଲିପିୟ 2:12

ହେଦାଙ୍ଗ୍ କାଜିଙ୍ଗ୍ ଏ ପାର୍ତିକିନି ଟଣ୍ଡାର୍‌କାଦେର୍, ଆନେଙ୍ଗ୍ ମାନିହିଙ୍ଗ୍ ଇନେସ୍ ୱିଜୁଦିନ୍ ଈଶ୍ୱର କାତାତିଙ୍ଗ୍ ମାନିକିଜି ମାଚାଦେର୍, ଲାଗିଙ୍ଗ୍ ଆନେଙ୍ଗ୍ ହିଲ୍‌ୱିହିଙ୍ଗ୍ ପା ଏପେଙ୍ଗ୍ ହେବେତାଙ୍ଗ୍ ଆଦିକ୍ ମାନି କିୟାଟ୍। ଈଶ୍ୱର ଇମ୍‌ଣାକାରିଙ୍ଗ୍ ଉଦାର୍ କିତାନ୍‌ନା ହେୱାର୍ କାଜିଙ୍ଗ୍ ଟିକ୍ ମାଚିଲେକେ କାମାୟ୍ ଏପେଙ୍ଗ୍ ପାଣ୍ଡ୍ରାଆଜି ତ୍ରିଗ୍‍ଜି କିନି ଦର୍‌କାର୍।

ପିଲିପିୟ 2:16

ଲାଗିଙ୍ଗ୍ ନା ଉପାୟ୍ କି କଷ୍ଟନି କାମାୟ୍ ବେକାରେ ହାଲ୍‌ୱାତାତ୍‌ନା ଇଞ୍ଜି ଆନେଙ୍ଗ୍ ପୁନାଙ୍ଗ୍, ଖ୍ରୀଷ୍ଟ ୱାନିଦିନ୍ ଆନେଙ୍ଗ୍ ବେସି ୱାରି ଆନାଙ୍ଗ୍।

ପିଲିପିୟ 2:29

ଲାଗିଙ୍ଗ୍ ହେୱାନିଙ୍ଗ୍ ୱାରିଆଜି ମାପୃ କାଜିଙ୍ଗ୍ ଆହାଟ୍, ଆରେ ହେଲେକେ ମାନାୟାରିଙ୍ଗ୍ ପା ସନ୍‌ମାନ୍ ହିୟାଟ୍।

ପିଲିପିୟ 3:18

ଇନେସ୍‌କି ଖ୍ରୀଷ୍ଟ କୃଶକାଟ୍‌ତାକେ ହାଃନି କାତାତିଙ୍ଗ୍ ଶତ୍ରୁ ଲେକେ ଆଜି ବିରଦ୍ କିନି ମାନାୟାର୍ ମି ବିତ୍ରେ କେତ୍‌ଜାଣ୍ ମାନାର୍। ଆନେଙ୍ଗ୍ ହେୱାର୍ ବ୍ଯବାହାର୍ ବିଷୟରେ ଆଗେ ୱେଚ୍‌ଚି ମାନ୍‌ଞ୍ଚାଙ୍ଗ୍ ଆରେ ନଙ୍ଗୟ୍ ପା ଆଡ଼୍‌ବି-ଆଡ଼୍‌ବି ୱେଚ୍‌ଚାନାଙ୍ଗା। ହେୱାର୍ ଖ୍ରୀଷ୍ଟତି କୃଶକାଟ୍‌ନି ଶତ୍ରୁ।

ପିଲିପିୟ 4:1

ଏ ନା ପାର୍ତିକିନି ଟଣ୍ଡାର୍‌କାଦେର୍, ଆନେଙ୍ଗ୍ ମିଙ୍ଗେଙ୍ଗ୍ ବେସି ଲାଡ୍ କିଦ୍‌ନାଙ୍ଗା। ଆରେ ଆନେଙ୍ଗ୍ ମିଙ୍ଗେଙ୍ଗ୍ ଗିଟାଆଦେଙ୍ଗ୍ ଇଚା କିନାଙ୍ଗା। ମି କାଜିଙ୍ଗ୍ ଆନେଙ୍ଗ୍ ୱାରି ଆତାଙ୍ଗ୍‌ନା ଆରେ ଏପେଙ୍ଗ୍ ନା କାମାୟ୍ କାଜିଙ୍ଗ୍ ନା ମୁକୁଟ୍‌ଲେକେ। ଇ ଲେକେ ମାପୃତାକେ ବେସି ପାର୍ତି କିଜି ମାନାଟ୍।

୨ ଥେସଲନୀକିୟ 3:14

ଆରେ ଇମ୍‌ଣି ମାନାୟ୍, ଆପେଙ୍ଗ୍ ଚିଟିତାକେ ଲେକିକିତି କାତାତିଙ୍ଗ୍ ମାନିକିଉନ୍, ଲାଗିଙ୍ଗ୍ ହେୱାନିଙ୍ଗ୍ ପୁନ୍‌ଞ୍ଜି ମାନାଟ୍। ହେୱାର୍‌ତାଙ୍ଗ୍ ଦେହା ମାନାଟ୍, ଲାଗିଙ୍ଗ୍ ହେୱାର୍ ଲାଜ୍ ପାୟାଆନାର୍‌।

୧ ତିମତି 5:17

ଇମ୍‌ଣି ପ୍ରାଚିନାର୍ ତା କାମାୟ୍ ହାର୍‌ଦାଙ୍ଗ୍ କିନାର୍, ଆରେ ହେୱାର୍ ବେସି କାମାୟ୍ କିଜି କାତା ଶୁଣାୟ୍ କିନି ମାନାୟ୍ ଆରେ ହିକ୍ଷାହିନି ମାନାୟ୍ ରି ଗୁଣ୍ ସନ୍‌ମାନ୍ ପାୟାଆନି ଜଗ୍ଯ ଆନି ଦର୍‌କାର୍।

ଏବ୍ରି 13:24

ହେବେ ମାନି ମି ୱିଜାକାର୍ ନେତା ଆରେ ପାର୍ତି କିନାକାରିଙ୍ଗ୍ ନା ଜୱାର୍ କିନାକା ୱେଚାଟ୍। ଇତାଲିଆ ଦେସ୍‌ତାଙ୍ଗ୍ ୱାଜିମାନି ପାର୍ତି କିନାକାର୍ ମିଙ୍ଗେଙ୍ଗ୍ ଜୱାର୍ କିଦ୍‌ନାରା।

ଏବ୍ରି 13:7

ଇମ୍‌ଣାକାର୍ ମିଙ୍ଗେଙ୍ଗ୍ ଈଶ୍ୱର କାତା ୱେଚ୍‌ଚି ମାନ୍‌ଞ୍ଚାର୍, ହେ ନେତାରିଙ୍ଗ୍ ମାନ୍ତ ଏତୁକିୟାଟ୍। ହେୱାର୍ ଜିବୁନ୍‌ତାକେ ମାନି ହାର୍ଦି ଗୁଣ୍ ବିଷୟରେ ଚିନ୍ତା କିୟାଟ୍ ଆରେ ହେୱାର୍ ୱେଚ୍‌ଚିତି ଲେକେ ମାପୃତାକେ ପାର୍ତିକିୟାଟ୍।

ଜାକ୍‌ବ 4:7

ଲାଗିଙ୍ଗ୍ ଏପେଙ୍ଗ୍ ଈଶ୍ୱରତିଙ୍ଗ୍ ମାନିକିଜି ମାନାଟ୍, ଆରେ ଶୟତାନତିଙ୍ଗ୍ ବିରଦ୍ କିୟାଟ୍। ଲାଗିଙ୍ଗ୍ ହେ ଶୟତାନ ମି ଲାଗାୟ୍‌ତାଙ୍ଗ୍ ହନ୍‍ଚି ହାନାତ୍।

୧ ପିତର 5:5

ହେଲେକେ ଏ ଦାଙ୍ଗ୍‌ଣା ହିମ୍‌ଣା କାଦେର୍, ଏପେଙ୍ଗ୍ ମଣ୍ଡ୍‌ଲିନି ପ୍ରାଚିନାର୍ କାତା ମାନିକିଜି ମାନାଟ୍। ଏପେଙ୍ଗ୍ ଦରମ୍‌ଆଜି ଜାର୍-ଜାର୍‌ତିଙ୍ଗ୍ ହେବା କିବା ଆଡ, ଇନେସ୍‌କି ସାସ୍ତର୍‌ତାକେ ଲେକାଆତାତ୍‌ନା, “ଈଶ୍ୱର ବାଟ୍‌ପାଣ୍ ଆନି ମାନାୟାରିଙ୍ଗ୍ ବିରଦ୍ କିନାନ୍, ମାତର୍ ଦରମ୍ ମାନାୟାରିଙ୍ଗ୍ ଈଶ୍ୱର ଦୟା କିନାନ୍।”