ଏବ୍ରି 13:13 - New Testament in Pengo Parja Language

¹³ ଲାଗିଙ୍ଗ୍ ଆସେଙ୍ଗ୍ କୁଡ଼ିଆତାଙ୍ଗ୍ ବାର୍ତ ୱାଜି ତା ଲାଗାୟ୍ ହାନାସ୍ ଆରେ ତା ଲେକେ ନିନ୍ଦାତିଙ୍ଗ୍ ସମ୍ୱାଲିକିନି ଦର୍‌କାର୍।

ସତ୍‌ ବଚନ୍‌ ପୁନି ନିୟମ୍‌

¹³ ଲାଗିଂ, ୱାଡୁ, ଆସେଙ୍ଗ୍‌ ହେୱାନ୍‌ ଲାକେ ନିନ୍ଦା, ଅପ୍‌ମାନ୍‌ ହୁନ୍‌ଞ୍ଜି ଗାଡ଼୍‌ ବାର୍ତ ହେୱାନ୍ତି ଲାଗେ ହାନାସ୍ ।

ଏବ୍ରି 13:13 ပူးပေါင်းရင်းမြစ်များ

ମାତିଉ 16:24

ହେପାଦ୍ନା ଯୀଶୁ ତା ଚେଲାହିରିଙ୍ଗ୍ ୱେଚ୍‌ଚାନ୍, “ଇନେର୍ ପା ନା ପାଚେ ୱାଜି ଚେଲା ଆନାନ୍, ଲାଗିଙ୍ଗ୍ ହେୱାନ୍ ଜାର୍ ସୁକ୍ ପିସ୍ତି ଆରେ ଜାର୍ କୃଶ ଆସ୍ତି ନା ପାଚେ ୱାଡ।

ମାତିଉ 27:32

ତାପାଚେ ସେନାହିର୍ ଯୀଶୁଙ୍ଗ୍ ଅଜି ଦେସ୍ ବାର୍ତ ହାନିହିଙ୍ଗ୍ ଶିମୋନ ତର୍‍ଦାକାନ୍ ରକାନ୍ କୁରିଣିୟ ସହର୍‌ନି ମାନାୟ୍‌ତିଙ୍ଗ୍ ହୁଡ଼୍‌ଜି ଯୀଶୁ କୃଶକାଟ୍‌ତିଙ୍ଗ୍ ପିଣ୍‌ଜି ଅଦେଙ୍ଗ୍ ଜବର୍‌ଦସ୍ତି କିତାର୍।

ମାତିଉ 5:11

ଏପେଙ୍ଗ୍ ନା କାଜିଙ୍ଗ୍ ନିନ୍ଦା ଆରେ ଇନସ୍ତା ଆନାଦେର୍, ଆରେ ମିଚ୍‌ତାଙ୍ଗ୍ ମିଙ୍ଗେଙ୍ଗ୍ ବିରଦ୍, ଆରେ ୱିଜୁ ପ୍ରକାର୍ ବାନ୍ୟା ବେଣ୍ ଇଞ୍ଜ୍‌ନାର୍, ଲାଗିଙ୍ଗ୍ ଏପେଙ୍ଗ୍ ହାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:22

ଆନେଙ୍ଗ୍, ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ନା କାଜିଙ୍ଗ୍ ଇନାୱେଡ଼ାଙ୍ଗ୍ ମାନାୟାର୍ ମିଙ୍ଗେଙ୍ଗ୍ ଗିଣ୍ କିଦ୍‌ନାର୍। ଆରେ ମିହୁଦାଙ୍ଗ୍ ମେହାଆଦୁର୍‌, ମି ବିଷୟରେ ବାନ୍ଯା କାତା ୱେଚ୍‌ଚି ମିଙ୍ଗେଙ୍ଗ୍ ଇନସ୍ତା କିଦ୍‌ନାର୍, ଲାଗିଙ୍ଗ୍ ଏପେଙ୍ଗ୍ ଆଶ୍ରିବାଦ୍ ପାୟାଆନାଦେର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:23

ହେପାଦ୍ନା ଯୀଶୁ ୱିଜୁ ମାନାୟାରିଙ୍ଗ୍ ୱେଚ୍‌ଚାନ୍, “ଇନେର୍ ପା ନା ପାଚେ ୱାଜି ଚେଲାଆନାଦେର୍, ଲାଗିଙ୍ଗ୍ ହେୱାନ୍ ଜାର୍ ସୁକ୍ ପିସ୍ତି ଆରେ ଜାର୍ କୃଶ ଆସ୍ତି ୱିଜୁଦିନ୍ ନା ପାଚେ ୱାଡ।

ପକ୍ୟାତାକା 5:41

ବାଚିକିତି ଚେଲାହିର୍ ହେ ବିଚାର୍‌କିନି ମିଟିଙ୍ଗ୍ ଇଞ୍ଜାଙ୍ଗ୍ ୱାରିଆଜି ହାଚାର୍। ଇନେସ୍‌କି ଯୀଶୁ ତର୍‌ କାଜିଙ୍ଗ୍ ଦୁକ୍‌କଷ୍ଟ ପାୟାଆନି ଜଗ୍ଯ ଇଞ୍ଜି ହେୱାର୍ ପୁନ୍‌ଞ୍ଜି ମାଚାର୍।

୨ କରନ୍ତିୟ 12:10

ଆନେଙ୍ଗ୍ ପୁଚାଙ୍ଗ୍‌ନା ଯେ, ଇ ୱିଜୁ ଖ୍ରୀଷ୍ଟ କାଜିଙ୍ଗ୍ ଆନାତା, ଆନେଙ୍ଗ୍ ଦୁର୍‌ବଲ୍ ମାଚିସ୍ କି, ମାନାୟାର୍ ଇନସ୍ତା କିତ୍‌ତିସ୍ କି, ନାଙ୍ଗେଙ୍ଗ୍ କଷ୍ଟଆଜି ମାଚିସ୍ କି, ମାନାୟାର୍ ଦୁଃକ୍ କଷ୍ଟ ହିଜି ମାନ୍‌ଞ୍ଚିସ୍ କି ଆରେ ନାଙ୍ଗେଙ୍ଗ୍ ବିପତ୍ ୱାତିସ୍ ପା ଆନେଙ୍ଗ୍ ୱାରିତାଙ୍ଗ୍ ମାନାଙ୍ଗ୍। ଇନେସ୍‌କି ଏଚେପାଦ୍ନା ଆନେଙ୍ଗ୍ ଦୁର୍‌ବଲ୍ ମାନାଙ୍ଗା ହେପାଦ୍ନା ଆନେଙ୍ଗ୍ ଶାକ୍ତି ଆନାଙ୍ଗା।

ଏବ୍ରି 11:26

ଆରେ ହେୱାନ୍ ମିସର ଦେସ୍‌ନି ଦନ୍‌ସମ୍ଫତି ବାଦୁଲ୍ ଖ୍ରୀଷ୍ଟ କାଜିଙ୍ଗ୍ ନିନ୍ଦା ପାୟାଆନାକା ୱିଜୁତାଙ୍ଗ୍ ଗାଜା ଦନ୍ ଇଞ୍ଜି ବାବିକିତାନ୍। ଇନେସ୍‌କି ଈଶ୍ୱର ହେୱାନିଙ୍ଗ୍ ଗାଜା ପୁରଷ୍କାର୍ ହିଦ୍‌ନାନ୍ ଇଞ୍ଜି ହେୱାନ୍ କାସି ମାଚାନ୍।

ଏବ୍ରି 12:2

ଯୀଶୁତାକେ ମା ଟାର୍ଗେଟ୍‌ ଇଡ଼୍‌ଜି ଇଦାଙ୍ଗ୍ କିନି ଦର୍‌କାର୍, ଇନେସ୍‌କି ହେୱାନ୍ ମା ପାର୍ତିନି ପୁରାପୁରି ଟିକ୍ ନେତା। କୃଶକାଟ୍ ଜପି ଲାଜା ପାୟାଆଜି ହାଃଦେଙ୍ଗ୍ ଯୀଶୁ ଇଚା କିତାନ୍, ଇନେସ୍‌କି ହେୱାନ୍ ପୁନ୍‌ଞ୍ଜି ମାଚାନ୍ ଯେ ଇଦାଙ୍ଗ୍ ପାଚେ ୱାରି ମାନାତ୍। ଲାଗିଙ୍ଗ୍ ନଙ୍ଗୟ୍ ହେୱାନ୍ ଈଶ୍ୱର ତିନାକେଇନି ବେସି ଗୌରବ ପାୟାଆନି ବାହାତାକେ କୁଚ୍‌ଚାନ୍‌ନା।

ଏବ୍ରି 12:3

ଯୀଶୁ ବିଷୟରେ ଚିନ୍ତା କିଜି ହୁଡ଼ାଟ୍, ଏଚେପାଦ୍ନା ପାପି ମାନାୟାର୍ ହେୱାନିଙ୍ଗ୍ ବେସି କଷ୍ଟ ହିଜି ମାଚାର୍, ହେୱାନ୍ ସାହାସ୍ ଆସ୍ତି ମାଚାନ୍। ଲାଗିଙ୍ଗ୍ ଏପେଙ୍ଗ୍ ଇମ୍‌ଣି ବିଷୟରେ ଚିନ୍ତା କିୱାଦାଙ୍ଗ୍ ସାହାସ୍ ଆସ୍ତି ମାନାଟ୍।

ଏବ୍ରି 12:4

ଏପେଙ୍ଗ୍ ପାପ୍ ବିରଦ୍‌ତାକେ ଯୁଜ୍ କିଜି, ଏପେଙ୍ଗ୍ ହାଃନି ପାତେକ୍ ଯୁଜ୍ କିୱାତାଦେର୍‍ନା।

୧ ପିତର 4:4

ହେଦାଙ୍ଗ୍ କାଜିଙ୍ଗ୍ ମି ଆଗେନି ସାଙ୍ଗର୍ ମିଙ୍ଗେଙ୍ଗ୍ ହୁଡ଼୍‌ଜି କାବା ଆନାରା। ଆରେ ମି ବିଷୟରେ କରାପ୍ କାତା ଇନାରା ଇନେସ୍‌କି ଏପେଙ୍ଗ୍ ତା ହୁଦାଙ୍ଗ୍ ମାହାଆଜି କରାପ୍ କାମାୟ୍ କିଉଦେରା।